|
رد: تجمع اللي بيولدوا في شهر ربيع الثاني 1434
الف الف الف مليون مبروووووك يالموره ع المولود يتربى بعزك وبعز ابوه يارب
وانتظر احلى اكشن ياقلبي وحمدالله ع سلامتك حبيبتي |
رد: تجمع اللي بيولدوا في شهر ربيع الثاني 1434
ياقرردي للحين مادخلت التاااسسسسسسع
ااااااااوف ياطول الثااااامن يعل القلب بنااات حاسه بحممممممماس مو طبيعي ودي اولد اليوم قبل بكرى ابي اشوف اللي بطني الله يتمم علينا فرحتنا يارب ويرززق كل محرووووومه يارب ياكريم |
رد: تجمع اللي بيولدوا في شهر ربيع الثاني 1434
ووينكن يووووم جيت هرررربتن
|
رد: تجمع اللي بيولدوا في شهر ربيع الثاني 1434
يأرب يهووووون على كل الكروشات
وييسر لكن ولادتكن إلى خير يوم الخميس كان عندي سهرة حريم تعبت في التقديم والضيافة وسويت الحلا والمعجنات في البيت وراحوا الحريم من عندي ع الساعه 12بالليل كنت مرة تعبانه من الالم والشد اللي تحت مدري هي من الوقفه ولا من الشغل والقومه كل شؤي المهم نضفت البيت بعد السهرة ونمت ع الساعه 1بالليل وقمت ع الساعه 3الفجر تعبانه ومن قمت من السرير وحسيت مويه دافئة نزلت علي لدرجه فكرته انه بول وانتن بكرامه بس غسلت واخذت دوش ساخن على ظهري قلت بيخف الوجع والتحجر وفعلا ريحني كثير ونمت على طول ويوم الجمعه صحيت ع الظهر سويت الغداء وبديت احس بألم بظهري بس قلت من شغل امس وبعد مارتحت في النومه وعادي شربت حليب بحلبة وجلست للعصر وانا جالسة بالصاله ادرس بناتي وبعدها حسيت بغثيان مو طبيعي كل شوي يجي وشربت عصير برتقال علية ملعقتين زيت خروع وعادي ماحسيت بشي بس طعمه مش ولابد وجى العشاء طلعت انا وزوجي نمشي وتعبت من المشي مريت محل عطارة وشريت شويه اغراض ومنها حبة سوداء ورجعت ع الساعه 10بالليل عشيت بناتي وناموا فضى علي الجو نظفت حالي وجهزت اغراضي لان اصلا عندي موعد يوم السبت في العسكري وقال لي الدكتور من اسبوع تنويم عشان سكر الحمل المهم رحت سويت لي مويه تمر بحلبة وشربت كوبين ونقعت حبة سوداء بزيت زيتون وخليتها للفجر عشان اخذها معي ونمت تقريبا ع الساعه 2الفجر بعد ماتنقعت بمويه حارة صحيت الصبح على الم موطبيعي وكل شوي ع الحمام وانتم بكرامه وخليت زوجي يدهن ظهري بزيت الزيتون اللي سويته واخذت دش حار مرة بعدة بنص ساعه ورحت موعدي عادي وانا بالسيارة الالم يجي ويروح وانا كان لي يوم بالتاسع دخلت ع الدكتور قال لي كل شئ تمام بس نبي نطمن على نبض الجنين لان وزنه كبير شوي وانتي ببدايه التاسع وكان وزنه 3900 المهم جلست عندهم لساعه4العصر وبعدها حولوني تنويم لان التخطيط ماخلص والعيادات قفلت وفعلا اتنومت عندهم 4ساعات بس وجاب الدكتور سونار وكشف على وضعية الجنين وقال مقعدي مع ان الرحم عندك مفتوح 3سم وبصراحة استغربت مفتوح من ايش المهم قال خلاص باكتبلك خروج الحين وتعالي بكرة الصبح الساعه 8صايمة عشان التحليل وارتاحي قد ماتقدري ونامي على الجهه اليسار عشان تحسي بحركة الجنين رحت من هنا وطلعت على الممشى ع طول وكان معي مويه التمر بالحلبة وشربت منها لين ماخلصت العلبة ورجعت البيت ع العشاء تقريبا ومو حاسة بشئ الا نغزات بين فترة والثانية والم بظهري مستمر سويت عشاء وتعشيت وبديت اجهز اغراضي واغراض النونو واخذت دش وانا بالحمام نزل من دم بس مو كثير قلت يمكن لاني جالسة وفجاة قمت طلعت ودهنت ظهري بزيت الزيتون اللي ناقعته من بدري وانسدحت بالصاله وغفيت وع الساعه 3الفجر الا الالم مو راضي يخف تبخرت بميرميه من تحت لان الرحم عندي فاتح ولبست وصحيت زوجي عشان يوديني المستشفى وانا بالطريق احس دفع من تحت مو طبيعي والالم وصوت يطلع من بطني كاني جوعانه وحسيت بطقة من تحت وبيتي بعيد شوي عن العسكري وشوي الا المويه تنكب علي وصارت ملابسي الداخلية غرقانه دخلت الطوارئ ع طول وقالوا ولادة طلعت فوق حطوا علي الاجهزة والمغذي وجت الدكتورة المناوبه تكشف علي قالت مفتوح 9سم ولادة وقامت تهزئني ليش ماجيتي بدري قلت لها امس كنت عندكم وكان 3سم بس والدكتور كتب لي خروج المهم حطوا التخطيط وقمت ادفع وادفع وشوي قالت الدكتورة انتظري شوي قلب الجنين مو تحت مانحس له نبظ نبض خفيف قلت يمكن تغير مكانه وراحت جابت السونار ولقت الجنين راسه فوق وقالت لا لازم عملية وانتي قبل عملية والنبض خفيف قلت سبحان الله من الاول كنت ابي عملية اريح لي ولما فتح الرحم عندي صار الجنين مقعدي وطلع بعملية وطلعت قبل أذان الفجر وودوني الغرفة ونمت وصحيت ع الساعه9الصبح من يوم الاحد وولدي جنبي نايم بسم الله علية وفعلا كان منفخ من السكر نسيت لاقول لكم معلومه غريبة انا طول حملي كل ماكشف يقووولون بنت بس كنت دوم اقول لا حملي هاذا غير ببناتي وسبحان الله جبت ولد لينظم الى اخوه خالد وهذا اكشن قصتي القميلة والفال لكم ولبيروتي اللي هي معي بنفس الشهر عاد بروح ارضع ولدي وبستقبل ازعاجه من اللحين الحمدالله ع كل شئ وبدخل كل مافضى من فترة لثانيه اشوف من بعدي الله ييسر لكم اجمعين ويفرج همومكن اختكم لمورة |
رد: تجمع اللي بيولدوا في شهر ربيع الثاني 1434
لمووووره الله يعينك ياقلبي ذقتي الاثنين
طيب حبيبتي كيف طريقه الحليب بالحلبه ؟ |
رد: تجمع اللي بيولدوا في شهر ربيع الثاني 1434
ماشاء الله تبارك الله
الحممدلله على قومتك بالسلااامه انتي والبيبي يارب عجل بالاياااااام وخل يجي اليوم اللي اكتب فيه اكشني |
رد: تجمع اللي بيولدوا في شهر ربيع الثاني 1434
الحمد لله على سلامتك لموور
يتربى بعزكم المولود |
رد: تجمع اللي بيولدوا في شهر ربيع الثاني 1434
الله يسلمكم
جميعا وييسر لكم الحليب بالحلبة عادي اغسل الحلبة واغليها مع حليب نيدوا وبعدها اشربها بس اذا قصدك الحلبة بالتمر اغلي التمر مع شويه مويه تقريبا كوبين وبعدها اضيف الحلبة للتمر وخليها تغلي شوي واصفيها واحطها بعلبة مويه صحة واشربها اذا دفيت وبس الله ييسر لكن |
رد: تجمع اللي بيولدوا في شهر ربيع الثاني 1434
طبعا الدكتورة رفضت تسوي لي خياطة من تجت تقول اصلا احنى ماسوينا لك توسيع عشان نخيط
بس اذا تبين خياطه تجميلية قلت بعدين مو فاضية اللحين خياطة من فوق ومن تحت الله ييسر يالله عاد استأذن جو عندي زوار هلت البشاير |
رد: تجمع اللي بيولدوا في شهر ربيع الثاني 1434
الله معاكي ياقلبي واهتمي بنفسك
|
رد: تجمع اللي بيولدوا في شهر ربيع الثاني 1434
الحمدلله على سلامتك لمورة وسلامة ولدك
بصراحة مفاجأه لك لما قالوا ولد الله يصلحه ويهديه ويخليه لك مع اخوانه انا مفتوح واحد شكلي بسوي حركتك بالحلبة وبتوكل على الله |
رد: تجمع اللي بيولدوا في شهر ربيع الثاني 1434
الف الف الف الف الف الف الف مبروك لمورررره
يتربئ بعزكم ان شاء الله وحمد لله ع سلامتك والله فرحت لما قلتي انه ولد والدكتوره مأكده لك بنت حسيت انه لي الولد الله يرزقني بالولد ويخب ظن الدكاتره والله يفرحني ويفرح زوجي بالولد الصالح قولوا امين |
رد: تجمع اللي بيولدوا في شهر ربيع الثاني 1434
الف الف الف مبروووك لمار
يتربى بعزك انشاء الله مشاء الله عليك مافي شي الا سويته بس الحمدالله انت والبيبي بخير والحمدالله ع السﻻمه |
رد: تجمع اللي بيولدوا في شهر ربيع الثاني 1434
الفال لنا يارب يسهل علينا تعبت من التحجر والمشي توكلت على الحي القيوم وافوض امري الى الله والله يقومنابالسلامة اللهم اميييييييييييييييييييين وتقرعيونا بشوفة عيالنا بصحة وعافية
|
رد: تجمع اللي بيولدوا في شهر ربيع الثاني 1434
يارب هون الطلق وحسن الخلق
ربي يقر عيننا بشوفة اطفالنا باتم صحه وعافيه كفاني عذاب الله يشفيلك ولدك يارب طمنينا عنه الحين انشاء الله احسن.. |
رد: تجمع اللي بيولدوا في شهر ربيع الثاني 1434
زوجه السهلي الرحم فاتح معك ولا لا
|
رد: تجمع اللي بيولدوا في شهر ربيع الثاني 1434
اي فاتح 2 من اكثر من اسبوع
|
رد: تجمع اللي بيولدوا في شهر ربيع الثاني 1434
بس والله وانتم بكرامة البول ماقدر ابول احسه ضاغط علي من تحت مدري من وين
|
رد: تجمع اللي بيولدوا في شهر ربيع الثاني 1434
يجي الم ويروح وتحجر يالممم بالحيييل
واحس كاني محصوره بس مو حصرانه ولا يندرى هو طلق ولا كالعاده تعبت اهيء لمتى |
رد: تجمع اللي بيولدوا في شهر ربيع الثاني 1434
زوجه طيب مافكرتي تسوين تحريض او تاخذين محفزات ؟
/ ام جنننو الطلق مميز اليوم عرفته من بدا وهو خفيف سبحان الله |
رد: تجمع اللي بيولدوا في شهر ربيع الثاني 1434
يامهون الطلقات تهونها علينا وتقومنابالسلامة وتفرحنا بشوفة عيالنا بصحة وسلامة ونربيهم احسن تربية باذن الحي القيوم
|
رد: تجمع اللي بيولدوا في شهر ربيع الثاني 1434
امممممممين يارب العالممممين الله يسمع منك
|
رد: تجمع اللي بيولدوا في شهر ربيع الثاني 1434
قطعه باقي ٤ ايام وتدخلين التاسع
واخيييييرا وين البنات اختفوا ؟ |
رد: تجمع اللي بيولدوا في شهر ربيع الثاني 1434
يارب تسهل وتهون علينا ياكريم
هدى بشري عن الطلق معاك هل مستمر والا وقف ؟؟ هل تشربين شي من المحفزات والا مشي فقط؟؟ الله يسهل عليك ويهون طلقك ويسهل علينا يارب |
رد: تجمع اللي بيولدوا في شهر ربيع الثاني 1434
انا هنااااا
|
رد: تجمع اللي بيولدوا في شهر ربيع الثاني 1434
ام جنو الاموره ، انا فتح الرحم وجاني الطلق من الخروع ، وكان مره حار الطلق بس سبحان الله وقف الساعه ١٢ الظهر
والحين ابد على زيت الزيتون وحبه البركه ، والتمر بالحلبه وزيت الزيتون ، والمشي امي حلفت ماشرب خروع :( ، والا ودي بعد كم يوم اشربلي لو ملعقه احس من جد جاب مفعول ومشيت اليوم نص ساعه مشي محترم ، وبمشي بعد شوي بالسطح ب اذن الله واتنقع بمويه نار / بنات لاحظن شي ، انا دايم اسوي توسعه داخليه بزيت الزيتون ، وعادي الامور طيبه الا الحين المنطقه تإإلمني وفيه شي ضاغط !! معقوله راس البنوته ؟ تخييييلوا فحصتني داخلي مرتين عشان تتاكد ان عنق الرحم بس ١ سم ومسكت عنق الرحم يارب جنتك بس |
رد: تجمع اللي بيولدوا في شهر ربيع الثاني 1434
نامي مع زوجك وباذن الله يفتح زيادة
|
رد: تجمع اللي بيولدوا في شهر ربيع الثاني 1434
اليانسون هو يجيب نتيجة والا بس يمشي البطن ويشيل الغازات
|
رد: تجمع اللي بيولدوا في شهر ربيع الثاني 1434
زوجه السهلي ههههههه زوجي داخله هوا بالفقرات ولا يقدر يحرك ظهره خخ
.. ام جنننو والله ماجربته ، بس تو تدهنت بزيت زيتون وحبه البركه والله حسيت الطلق رجع سبحان الله اهم شي تركزين على منطقه العانه والظهر تسوين مساج لهن |
رد: تجمع اللي بيولدوا في شهر ربيع الثاني 1434
على بركة الله هدى بسوي الزيت زيتون ان شاء الله
ولابأس على زوجك شدي حيلك وعالجية |
رد: تجمع اللي بيولدوا في شهر ربيع الثاني 1434
مايشوف شر ان شاء الله بسوي مثلك بسخن زيت زيتون مع حبة سوداء بس انا الزيت مقري فيه من الشيخ عادي والا
|
رد: تجمع اللي بيولدوا في شهر ربيع الثاني 1434
ادهن من تحت صح ومنطقة الظهر الله يسهلها علينا
|
رد: تجمع اللي بيولدوا في شهر ربيع الثاني 1434
احسن المقري بعد .. انا قريت عليه سوره الزلزله
طحنت الحبه السودا وحطيت زيت زيتون وسخنته ع الدفايه لين صار حار .. وخليته لين يدفي شوي وسويت للمنطقه مساج |
رد: تجمع اللي بيولدوا في شهر ربيع الثاني 1434
ام جننو يارب يفيدك ..
والله تعبت وانا اسويله مسساج لظهره ، هو مشكلته الثلاث فقرات الاخيره طاح زمان وانفكن عن بعض يعني وضعه مره شين الله يعينه .. ربي يشفيه ويخليه لي ولعيالي يارب |
رد: تجمع اللي بيولدوا في شهر ربيع الثاني 1434
مساء الخييير
ما شا الله في ولادات hwaml03 مبرووووووك ابتسامه و لماار يتربون في عزكم ان شا الله و عقبالنا يا رب و بيورتي مبرووك التقدم hwaml7 الله يسهل علييج و يفرجها قرييب بناات انا للحين ماشتريت اغراض الصيدلية ولا سويت مفرش النفاس hwaml5 اففففف احس خلاص مافي وقت و زوجي صار له فتره مشغوول وايد و ماقدرت اطلع و اكمل اغراضي hwaml15 ان شا الله بكرره اروح و اخلص كل اغراضي بس قولولي شو آخذ من الصيدلية ؟؟ عطوني اللسته .. |
رد: تجمع اللي بيولدوا في شهر ربيع الثاني 1434
ماعندي حبة البركه
ماعندي ولا شي من الاعشاب |
رد: تجمع اللي بيولدوا في شهر ربيع الثاني 1434
اهلين نقوطه ، وينك زمانات عنك ؟
ناسيه اغراض الصيدليه لسسا مارحت ولا اشتريت .. وانا العاده اخلي زوجي يجيبهم لما اولد على خير طيب جمعتلك من النت // ) صابون سائل لغسل زجاجات الرضاعة Bottle nipple & vegetable- Pigeon 2) مياه معقمة – Babywater 3) ينسون 4) كحول لتنظيف سرة البيبي في الأيام الأولى (الصيدلية). 5) دهانات للإلتهابات 6) بامبرز. 7) شامبو/ صابون/ شور جل/ كريم/ كلونيا/ Baby oil/ قطن أذن/ قطن مدور كبير لتنظيف البيبي/ مناديل رطبة للتغيير Babywipes/ بودرة ثلج. 8) حليب البيبي _ سؤال الدكتور عنه. // قائمة اغراض الصيدلية للبيبي والأم .. السلام عليكم ورحمة الله وبركاته.. كيفكم ياحوامل وياامهات :0108:.. حبيت أننا نستفيد من تجارب بعض خاصة البكريات زي واللي ماعندهم خبرة :t8:.. هذي قائمة بالأغراض الي نحتاجها من الصيدلية وطبعا كل وحده تضيف اللي ناقص والله يجزاها خير:ق0:.. أغراض البيبي:ق7: .. ( حفايض . شامبو . بودرة . سائل استحمام . اسفنجة . كرسي الأستحمام . شاش . مسحات طبية . بودرة السر . مناديل جونسون . كريم سودو للتسلخات . فازلين . أكياس الحفايض المعطره . ديتول . رضاعتين ويفضل زجاج مو بلاستيك وحده للموية ووحده للأعشاب . مقص اظافر . قصاصة اظافر . فرشة شعر ) أغراض الأم :047:.. ( مطهر بيتادين . فوط وفي نوع مخصص للولادة . شامبو . بلسم . صابون أو شاور جل . غطاء الثدي . ملابس داخلية لأستخدام مرة وحده . كريم مرطب ) // |
رد: تجمع اللي بيولدوا في شهر ربيع الثاني 1434
ام جننو طيب جيبي من اهلك او جيرانك عادي ترا
|
رد: تجمع اللي بيولدوا في شهر ربيع الثاني 1434
لا انا الحمدالله شقتي مليانه من الحبة السوداء والحلبة وعندي عصفر حق الصفار والرشاد
|
رد: تجمع اللي بيولدوا في شهر ربيع الثاني 1434
الحلتيته عادي اتبخر فيها والا
|
| الساعة الآن 09:59 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .