|
رد: دردشة بنات فلسطين* دردشة حوامل فلسطين* تجمع بنات فلسطين
تسلمولي حبيباتي ع ردودكم
بتعرفو صار يجي ببالي اروح انا وزوجي مركز علاج عقم ، بقولو في مركز اسمه مركز هيا ببيت لحم ، كتير منيح ، وما بطول العلاج ، بس خايفه يبدولي علاج من اول وجديد بعد سنة العلاج اللي مريت فيها !! شو بتنصحوني ؟؟؟ |
رد: دردشة بنات فلسطين* دردشة حوامل فلسطين* تجمع بنات فلسطين
لولو
انا اللي بقلك عليه بيعمل حساسية لاكتر من حدا بعرفهم هو تبع بالمرز شكله مشهور عالفاااااضي بجد ،موستيلا فيو عدة مكونات هو طبي وفي منه انواع شي لقبل ظهور الخطوط اللي هو بيمنع ظهورها وهو هاد اللي بستعمله وفي للخطوط بعد ما تظهر ازا ما لحقتيها ، نصييييحة استعمليه ، انا بستعمله مرتين باليوم مو بس عالبطن الدكتورة قالتلي عالخصر والارداف من ورا وللصدر كمان اسالي عنه هو ماركة فرنسية حيفا مش عارفة بس لو رحتي عالمركز يمكن يبلشوا معك من اول وحديد وتتعبي وتتعب نفسيتك اكتر ، صلي استخارة وتشاوري مع زوجك وشوفي مرتاحة للموضوع او لا ، الله يكتبلك الي فيه الخير ياااارب |
رد: دردشة بنات فلسطين* دردشة حوامل فلسطين* تجمع بنات فلسطين
حيفا و الله ما عندي علم بهاي الشغلات
بس انا برأيي تريحي جسمك حوالي تلات شهور من العلاجات و الادوية و ان شاء الله بتحملي طبيعي و ما بتحتاجي اي شي يا رب * الله كريم و ما في اكرم منه و لو لا سمح الله ما صار حمل بتفكري بالاشياء يلي دكرتيها و ربنا يجيبلك يلي فيه الخير و يرزقك بالذرية الصالحة عاجلا غير اجلا ياااااا رب |
رد: دردشة بنات فلسطين* دردشة حوامل فلسطين* تجمع بنات فلسطين
زوجي ما رح يقبل اريح حالي ، مع انه من رابع شهر زواج لليوم ، كلر شهر تنشيط وادوية وعلاجات ، يعني صارلي 9 شهور بتعالج بدون انقطاع
ياربي والله بكتبلكم وانا ببكي تعبت :( ياربي هونها علي يارب |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
اقعدي احكي مع زوجك قوليله انه الاستمرار بالعلاج مش كويس وبيعمل مضاعفات لا سمح الله لانه بجد انا قريت هالحكي قبل هيك لازم الجسم كل 3 شهور علاج يرتاح شهر او تنين بعدهم بعدين قوليله انه الله لو كاتبلي احمل بعلاج او بدون بحمل ولو مش كاتبلي العلاج مستحيل يغير ارادة ربنا بجد لازم جسمك يرتاح ونفسيتك ترتاح عشان يصير حمل بعدين والله حرام من اول الزواج وانتي على هالهرمونات انا قعدت سنة ونص بدون حمل وما جربت علاج فيهم الا شهرين فقط لاغير ومن شهرين نفسيتي صارت بالارض فما بالك من سنة بجد لازم تحكيلو هيك حتى انتي لما توكلي امورك لربنا وتنسي شوي بتحسي حالك مرتاحة وخفيفة الله يكتبلك الحمل على اهون سبب يااااااارب ويهدي زوجك |
رد: دردشة بنات فلسطين* دردشة حوامل فلسطين* تجمع بنات فلسطين
والله تعبت انا نفسيتي وجسمي اللي تنفخ ويمكن طلعت 10 كيلو بعد الزواج ، زوجي الله يهديه مستعجل ومخليني زيه مستعجله ، امبارح بقلي اذا ما بتحملي هالشهر بنجلط !!! ضاغطني وضاغط حاله ، ياربي تهونها علينا ولا تطولها
انا بستشير دكتورتي وان شاء الله خير ! |
رد: دردشة بنات فلسطين* دردشة حوامل فلسطين* تجمع بنات فلسطين
استشيري دكتورتك مش غلط
وضلك ادعي لزوجك لما تصلي انه الله يهدي ويريح باله وصلي استخارة كمان وشوفي بترتاحي او لا الله يريح بالك ويعطيكي يارب حبيبتي هونيها ، اللي كاتبه ربنا بدو يصير |
رد: دردشة بنات فلسطين* دردشة حوامل فلسطين* تجمع بنات فلسطين
يا ستي بعين الله
غتيت بالكم بهالحكي هههههه ، بس والله مالي حدا اسأله ، ماعندي خوات وامي ما بحكي معاها في هيك موضوع ، حتى دكتورتي اليوم اجازة !! ، بتعرفي احلا شي بالدنيا يكونلك اخت ، لانه بتهيألي اختك ممكن تحكيلها كل شي وما يكون في بينكم حواجز ، لهيك انا نفسي لما ربنا يكرمني بالحمل يكونو بنتين مع بعض ههههههه ، احلام واوهام يارب تتحقق |
رد: دردشة بنات فلسطين* دردشة حوامل فلسطين* تجمع بنات فلسطين
حيفا ما تقولي هيك
احنا خوات انا كمان والله ما عندي خوات وامك ما بتقدري تحكيلها اشيا ممكن تزعل معك او عليكي وتتدايق بجد احنا هون خوات والكل ماشاء الله ما بيبخل بالاجابة ع حدا الله يبعتلك توأم ياااااااارب يغلبوكي وينورولك حياتك |
رد: دردشة بنات فلسطين* دردشة حوامل فلسطين* تجمع بنات فلسطين
والله احلى خواااات بالدنيا الله لا يحرمني منكم :)
اي بس يجو التوأم ويغلبو متل ما بدهم احلى من العسل والله :) |
| الساعة الآن 05:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .