|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله
ماشاءالله ....يـــقــــونه....شكلك خير مني بتجيبي في شهرك شدي الهمه وماتعيطيش هلبه خلي جهدك للدحم ويارب ماتحتاجي صناعي بأذن الله ولو اضطريتي توكلي وماتخافي ويارب يسهلها اعليك وتشوفي عياد بين ايديك يارب وتنوضي انتي وهو بالسلامه يادلوعه ياعياطه خخخخخخخخخخخخخ أم اجنادين...كيف حالك وحال صيامك باعتبارك كيف قلتي يارب خخخخخ ويارب يرزقك انتي وام ورد وام وسونه بيلي يفرح قلوبكم يارب للسؤال الاول: انا من ايام عرسي الاولى قلت باي باي يا حلوة الحق حاره جدا جدا ومانقدرش عليها وبشرتي حساسه وتفرفط منها حاله واستعملت الليدوكين كمخدر ومانفعش معاي الله غالب عندي ماكينه ماشيه 100% معاي وفي الحمل مزيل او موس حلاقه جاف يؤذي المهمه خخخخخخخخخخخخ واموري زي العسل ماتخافيش للسؤال التاني أدللي: انا قاعد منها طروف رح انصورهملك ولو درتها تاني رح انصورها بالخطوة لعيونك الغاليات لطبقه القاعده: بسكويت شاهي عادي حطيه في ست البيت لين ينطحن وبعدها اعجنيه بالزبدة لين تولي عجينه رمليه زي رملة البحر حطيها في طاجين تشيز كيك المتحرك واضغطي بيدك رصي زين ودخليه الفريز الطبقه التانيه: باكو جبنه عاديه زي فرومي او ابوالولد والافضل منهم فيلادلفيا العلبه بس الجود من الموجود حطيها في الصونيه مع نص كوب سكر مرحي واخلطيهم واخفقي كريم شانتي بروحه ولنفسي استعمل كريم الخفق السايل يلي يشبه باكو الحليب وخودي جيلاتين فراوله وذوبيه في نص كوب ساخن وبعدها اخفقي كل المكونات مع بعض مع رشه مكسرات ورشه فانيليا سائله وحطيهم في الطاجين على طبقه القاعده وخليهم في الثلاجه كل ما تقعد في الثلاجه تجيك احلى واقل مده 5 ساعات وصحه ولما اطلعيها زيني الوجه بالتشوكلت او المكسرات او الجيلي او الكريم اي شئ وصحه سوسو يعطيك السلامه ذكرتيني في الذي مضى محلاهم من ايام السفر حلو حلو الله يفكرك في الشهاده على قولة العزايز وزوزي مهندس نفط يا حلوة وانا صيدلانيه بس حاليا ربة بيت أثري أم ورد أم وسونه أم معاد أم سعد كيف حالكم وصحه شريبتكم وشن درتوا فطور يلي اتخش تكتب فطورها شنو بالك تخطر علينا فكرة ونستفيدوا من بعض |
رد: دردشة بنات ليبيا , دردشة حوامل ليبيا , تجمع بنات ليبيا
انا اليوم عليا الدور طبعا ومن أمس مقررة أندير حاجه غليطة لان الكبار يحبوا هكي
درت رشدة كسكاس وسلاطة بطاطا وسلاطة عربيه ومسير وزيتون درته العصر بملح الليم ومعاهم طعميه فقط وجتني قنينه ولله الحمد والحلو: كنافة نابلسيه كنافه بالجبن |
رد: دردشة بنات ليبيا , دردشة حوامل ليبيا , تجمع بنات ليبيا
انا من قبل رمضان شريت للصغار زوز لبسات لكل واحد منهم وشريت لروحي بلوزة وقونه
وبوهم وصى صاحبه في النمسا جاب للصغار لبستين تانيات وتوا ناقصني احذيه فقط ومكياج ليا اني لاني حصلت ريح شانيل من النمسا حصتي طبعا والطلوع للمحلات في رمضان ممنوع رغبه مني مش مرغمه خخخخ بس للاحذيه رح نطلع في النهار فقط نسيت زوزي مازال ماشراش خخخخخخخخخ حتى هو ريحه بس ويبي لبسه عربيه للعيد وممكن ياخذها من محلات الحشان او عراده لانهم هلبه جنب بعض ومش بعاد علينا هلبه |
رد: دردشة بنات ليبيا , دردشة حوامل ليبيا , تجمع بنات ليبيا
انا هنا انفنص نستنى في الفجر ونستنى في ولادة يقين بالسلامه يارب
انا مستاحشه: زهرة شمس الزمان ميرنا ام روفيده ام قصي حبل الوصل ميمونه ام رتال ام محمد وكل البنات الغايبات خشوا باركولنا رمضان |
رد: دردشة بنات ليبيا , دردشة حوامل ليبيا , تجمع بنات ليبيا
غدوة بنفطر عند اهلي وقررت نرفع معاي بوريك النشا ياللحم المفروم ومش عارفه شن تاني؟؟
والحلو ممكن حجيبات اللوز المعسله...... |
رد: دردشة بنات ليبيا , دردشة حوامل ليبيا , تجمع بنات ليبيا
الفجر اذن في مصر توا يارب تكون يقونه جاااااااااابت بالسلامة
|
رد: دردشة بنات ليبيا , دردشة حوامل ليبيا , تجمع بنات ليبيا
يارب فرجها على خوتنا في سوريا يارب نرقد وانوض عالنشرة وندعي عالزارفه بشار
|
رد: دردشة بنات ليبيا , دردشة حوامل ليبيا , تجمع بنات ليبيا
تصبحوا على ألف خير توا الساعه 4 نمشي نجهز روحي للفجر بالسلامه
ان شاءالله يقونه جابت وارتاحت..... |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم
شن صار شن صار فى يقين |
رد: دردشة بنات ليبيا , دردشة حوامل ليبيا , تجمع بنات ليبيا
أخرج الترمذي عن أنس رضي الله عنه عن النبي صلى الله عليه وسلم أنه قال: (من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كآجر حجة وعمرة تامة تامة تامة )رواه الترمذي وقال حديث حسن .
|
| الساعة الآن 06:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .