|
رد: حبيباتى سيدات ليبيا تفضلو لأعرف ما حالكم
سوسو ماشاء الله ربي يعطيك الصحة ... وكسكسي الاعراس قصدك اللي بالبصلة ؟صح
|
رد: حبيباتى سيدات ليبيا تفضلو لأعرف ما حالكم
كيف حالك ام فراس
انا قاعده اندير في فطور راجلي وعزوزتي قاعده ممشيتش لحوش سلفتي اصلا معتقدش ايجيها حد اليوم غدوه ان شاء الله اعتقد زحمه خواتها مروحين اليوم من بره واكيده حيجوها غدوه درت رشده كسكاس من بعد الظهر وسلاطه وفاكهه بعتها لحوش سلفي وخليت منها لعزوزتي وراجلي وتوه درت كيمه بوريك الجبده بالسبانخ والجبنه وكيمه للسمبوسه بالعجينه المنتفخه طلعت العجينتين وبنوض انلفهم و بيتزا بالخضرا بس ولله الحمد وكان جئ حد بنمشي ونعول عليها والا بنمشي انشوف الوليد شوي ونروح ,,,,,,, |
رد: حبيباتى سيدات ليبيا تفضلو لأعرف ما حالكم
حالي الحمدلله تمام ...
وربي يعطيك الصحة ولك الاجر بأذن الله تعالي ... وصحة غداك وفطوركم |
رد: حبيباتى سيدات ليبيا تفضلو لأعرف ما حالكم
اقتباس:
ماشاء الله حلو.. وتلبسيه بالعافية ان شاء الله وصحة ايدياتك ع حلويات العيد... وان شاء الله كل عام بيتك معمور بهاااا وبالنسبه لسلفتك حسيت ان موضوعها موضوع غيرة وااااااااضح بم انك تعزمي في عيت عمك وهي لا ومقدرتيهم ... النوعية هذي ربي يصبرك عليها وخلاص شن بنقول....... |
رد: حبيباتى سيدات ليبيا تفضلو لأعرف ما حالكم
اقتباس:
سوسو والله حبيتك في الله انتي وكل البنات بس انا علي عكسك تماما مش اجتماعية بس مع اصحابي والناس اللي نحبهم هدرازة هلبة |
رد: حبيباتى سيدات ليبيا تفضلو لأعرف ما حالكم
اقتباس:
انتي عذرك كبير وهوا صلة القرابة بس انا مفيش ولا صلة بالاضافة اني مانتكلمش وسطهم ولا نعلق يعني ساكته فليش ناخد في ذنب السلام والتواجد وسطهم وانا اصلا مش اجتماعية بس زوجي يبي لمة خوته بنجي بنقول منبيش نسلم وخلي يطلعوا لما انا انجي يعني هيا هيا |
رد: حبيباتى سيدات ليبيا تفضلو لأعرف ما حالكم
حتي انا عندي الطرحه الدائرية
يقولوا الملاية متاع الصلاة كلهم جايبينها من العمرة اكثر من مرة نلبس فيها حسيت براحه مش عادية |
رد: حبيباتى سيدات ليبيا تفضلو لأعرف ما حالكم
مرحبتين بااوشي الحبيبة
حتي انا لاول مرة نسمع بيك وباثري عندكم بنوتات متوفيات ربي يجعل مثواهم الجنه |
رد: حبيباتى سيدات ليبيا تفضلو لأعرف ما حالكم
حتي انا اوشي حاليا زياراتي مقصورة في دائرة معينة
عماتي خالاتي عمامي وخوالي في المناسبات والظروف وعمام زوجي وخواله وخالاته وعماته في كل شي ومنبيش نفوت الدائرة هذه بس ديمة في محاولات من اهل زوجي اني نمشي لغيرهم رغم انهم عارفين طبعي هما يحاولوا بس مايضغطوش عليا ويوقولوا علي راحتك بس ديمة عندي احساس يتمنوا اني نطلع اكثر بس والله مانقدر عمتي اتجيها مرات في الاسبوع تطلع ثلاث ايام وراء بعض وانا مانقدرش رغم اني نواصل في عمات زوجي وخالاته اكثر من عماتي ونشوف فيهم اكثر مانشوف في حناي اللي مربيتني قصدي هما مش صلة رحم ليا زي حناي خالاتي عماتي مش هكي ولا انا غالطة نبي رايك اثري في هالموضوع بالذات وطبعا الفترة الاخيرة بديت نمشي حتي في المناسبات اقارب زوجي نعول معاهم |
رد: حبيباتى سيدات ليبيا تفضلو لأعرف ما حالكم
حتي انا حنيت زيك اوشي
وفكرت في الاعراس اللي جاية انجيب حناية بس قلت ليش خسارة 45 دينار والحمد لله النقشات والشريط متوفر واغلي واحد ب 7 وانا اتجيني صابغة وقنينة غير صرف فلوس زايد |
| الساعة الآن 12:32 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .