|
رد: ديوانية البحرين - دردشة حوامل البحرين - البحرينيات
3 مرفق
مثل ماقلت لكم هذي التوزيعات الي سويتهم حق بنتي ربي يحفظها سويت من الستاند الفخار عشرين حبة مع السلة مالته بس ماصورتها وسويت كب كيك 30 حبة وسويت اشكال من الرونق ووديتهم حق محل يضيف عليهم جوكليت 48 حبة بس ان شاء الله تطلع الصور لان مادري شسالفتهم
وجوفوا شيخة مسكينة شمسوي ابوها فيها |
رد: ديوانية البحرين - دردشة حوامل البحرين - البحرينيات
هلا بنت الأياويد حطي الصور بسرعة لا يجي زوجي وياخذ الكمبيوتر لان داشة من كمبيوتر البيت مو الاب توب بعد اشوي بيجي وبيقومي واني اليوم خايبه افتح الاب توب
بقول ليكم بناااااااات اكشن صادني امس بالليل اجازتنا ما طلعنا فيها ولا اي برامج سوينا بس مستشفى والبيت قلت امس المغرب لزوجي خلنا نطلع اشوي نلف ولو بالسيارة لاني لو ولدت أعرف أني بنحسب بالبيت وطلعنا بالسيارة وقبل لانرجع البيت وقفنا صوب برادات الساتر (بني جمرة )نزل زوجي يشترى روتي سلايس واني مع اولادي ظلينا بالسيارة بعد دقايق ما اشوف الا واحد ملثم حامل اغرش تطلع منهم نار جاي صوب السيارة وقاعد يرمي على قوات مكافحة الشغب ويلحقه كم واحد معاه بعد رمي اول غرشة على ما استوعبت الأمر الا اقول اليه ليش جدي عااااااااااد احنا في السيارة ولا كانه يسمعني ويرمي الثانية واني خفت حدي جاني الطلق على الم اريولي وبطني وراسي والا زاد الطين اني ما كنت حامله تلفوني علشان اتصل لزوجي المهم رمو اغراشهم وتوقعت ان القوات ترمي مسيلات الدموع صوب السيارة وخصوصا انهم الشباب لاصق في السيارة بس والحمد لله ان زوجي طلع بسرعة ومشينا حتى ولدي المريض الا يون من المرض بقق اعيونه كانه في حلم |
رد: ديوانية البحرين - دردشة حوامل البحرين - البحرينيات
حلوين التوزيعات وشيوووووخ القمر ربي يهنيكم وتتربي في عزكم وتشوفونها عروس
|
رد: ديوانية البحرين - دردشة حوامل البحرين - البحرينيات
اقتباس:
يا لبيه عليك فديتك من قال الله اعلم .. فقد افتى وبيتي وضيآفتي وبوسآتي كلها لك والله اني احب كل البنات البحرنيات احس شي جديد علي كل الناس اللي اصاحبهم سعوديات ونا احب اكتسب خبرات من غيري ولي شرف تعتبروني ختكم انتم اذا بغيتو شي انا ارسله لكم واا اذا احتجت شي من ديرتكم طلبته منكم مثل الخوات واي شي تامرين فيه من عيوني وبنسبه لتبيض انا احب زياده الخير خيرين انا بيضاء الحمد الله بس ماني قطعه وحده في البياض يعني عندي شوي مناطق اخف من بياضي مثلا ابي ركبتي تصير مع رجلي قطعه وحده بياض فاهمه علي احب الزينhwaml03 وتسلمي يا الغاليه والله يسهل عليك ويسعدك يارب ودي لك |
رد: ديوانية البحرين - دردشة حوامل البحرين - البحرينيات
تسلمين شموسة وربي يبلغج في اولادج وبنتج ان شاء الله ، يمممممه كل ذي صار يمكم hwaml03لو منج يغمى علي الله لايقول ان شاء الله وانحط في نفس هالموقف لاني ماقط شفت جذي وحدي خوافة hwaml16
|
رد: ديوانية البحرين - دردشة حوامل البحرين - البحرينيات
السلام عليكم
بنت الاياويد تقولين شوفي شيوخه مسكينه الا مستانسه حدها وصادت لها عشره وخلتها في ايدها هههههههه من الحين تحب لفلوس بنتش ... عساها يارب تتربى في عزكم وتشبع خير شموسه اني صادني موقف مثل هذا كنا يايين من سوق واقف وكانت مواجهه ملتوفات يقطونها الشباب من بني جمره صوب الساتر الى القوات والقوات بدورهم يقطون مسيل تخيلي واحنا في الوسط في الشارع ونطالع فووووووووووووق اقواس من المسيل والملتوف واللي تمشي حضرتها وقفت واللي قدامها هندي في سكسويل واقف قلت ضربي له هرن هرنت جبده خله يمشي لا يصيدنه شي وضربت له الهرن وتحرك الاهبل ومشينا والله سلمنا كادي يسلمو حبيبتي وكلش خير وبركه واني امزح وياش وبالنسبه للزيارات ترا طلعاتي ثقيله ماحب اطلع بسهوله عندي صديقه سعوديه ميته على زياره مني وعجزااااااااااانه مني كل مره اوعدها وماني عارفه متى اروح خخخخخخ والاغراض مال بيبياتكم روعه حدها ومتشابهه لكن اعتقد الاشياء كلها نفس الشي ماتقولون من وين جان تسهلون الامر علينا ؟؟ |
رد: ديوانية البحرين - دردشة حوامل البحرين - البحرينيات
هلا والله طف طف اي جفتي شلون شكلها كانت تغفلنا وبتبوق العشرة ههههههههههههههههههه يالله معلي حلال عليها بس شكلها بتغربلنا تحب الفلوس بنتي
|
رد: ديوانية البحرين - دردشة حوامل البحرين - البحرينيات
قريت في الجريدة من جم يوم ان سنتر بوينت مسويين تخفيض 50% ، اغلبية الثياب من مذركير لان شارية حق بنتي انا نفسهم
|
رد: ديوانية البحرين - دردشة حوامل البحرين - البحرينيات
السلااااااااااااام بنوتات
|
رد: ديوانية البحرين - دردشة حوامل البحرين - البحرينيات
فديتها شويخ مرت ولدي هههههههههههههه ... بنت الاياويد الف ومليون الحمدلله على السلامة ومبروك ... حطيت لج تهنئه من يومين شفتيها؟
|
رد: ديوانية البحرين - دردشة حوامل البحرين - البحرينيات
هلا حبيبتي آيه عليج صج صج وحشتيني ، لاوالله ماجفتها ، شفتي جنتج هههههههههههههههه ،شخباره ولدنا كبر؟
الله يسلمج فديتج ، شلون امورج كلها؟ |
رد: ديوانية البحرين - دردشة حوامل البحرين - البحرينيات
اي بنت الاياويد شكل الاغراض من مكان واحد
حتى لو في تخفيظات اروح ويى من حضرته امتحانات هالايام يقول خلي كل شي للاجازه بصبر وامري لله ام حماني شخبار؟ |
رد: ديوانية البحرين - دردشة حوامل البحرين - البحرينيات
روز
تسلمين حبيبتي اي لاحظت بعض القطع الي عندي عندش مثلهم بس اني شريتهم قبلش hwaml02 بنت الاياويد تسلمين حبيبتي عيونش الحلوهhwaml03 عالفستان الله يلسمش سالفته سالفه كنا طالعين رايحين مجمع المالكيه وياخواتي ومن شفته ماقدرت اهده ههههههههههههه وخواتي عرفو انه فيني بنيه بسبة هالفستان .وحماتي عرفة بعد بسبة هالفستان فاضحني هههههههه كاني قلت قصة حياتي المهم شريته من مجع المالكيه الي يصير في المالكيه مادر يتعرفينه ولا لا في محل داخل يبيع ثياب بيبات واجد حليو بس اسعاره شوي غلوي في بعض القطع بس يستاهلون واجد حليون للبنات والصبيان وتوزيعات واجد كيوت يجننون هههههههههههههههههههههه اما لقطة شواخة الي موجودة العشره خطيررررره ضحكتني من قلب شكلها بتطلع مسرفه الله يعينكم برزو اجياسكم طفلي اني ثياب بتي معظمهم من مذركيرhwaml5 ام حمني هلا وغلا وينش وحشتينا ؟شخبارش ويش اخبار حمني؟hwaml7 |
رد: ديوانية البحرين - دردشة حوامل البحرين - البحرينيات
نطري طف طف لي الاجازة وعلى قولة المثل كل تأخيره فيها خيره انا كله مستعيله اتذكر ويوم بنشتري سرير كان زوجي بيروح ويا ربعه الكويت وانا اقوله مابي انطر لين تسافر لان بياخذون السرير كان سعره في الستين وقلت له مذركير اسرتهم زينين ومابنحصل بهالسعر مافتكر فيني وسافر ويوم رد طلع ان ماخذين السرير وحصلنا سرير احلى منه ب48 يعني شوفي شلون الله كاتب لنا ان نصبر وبنحصل شي احسن الحمدلله على كل حال،
حبيبة حسوني بوه صج سالفته سالفة هالفستان هههههههههههههه انفضحتي على يده ن شواخة شكلها من الحين مسرفه اشوة ماعندنا بيبي غيرها خل تصرف على كيفها مخابينا بارزة لها ههههههههههه / اول مرة اسمع بهالمجمع واصلا المالكية مادل في وين تصير تدرين ههههههههه ، ام حماني مابغينا نصيدج بعد اختفيتي شغداكم اليوم ، انا اليوم مسوويين لي معكرونة تونة لان امس كلوا على العشى وذقت شوي ووايد كانت لذيذة عاد قلت لهم اليوم يسوون لي وخبرج يزعم الي في النفاس ماتاكل الا اشياء معينة على قولة امي ، وامس زوجي فليل يقولي باييج باجر بنطلع وسمعتني امي زفتني تقولي ماعندنا بنات يطلعون في النفاس ومسكين زوجي كاسر خاطري وفي نفس الوقت وحشني انتظر بس اخلص النفاس برجع شقتي وايد معور قلبي صاير عزوبي خخخخ بس يالله الي يبي اعيال يتحمل كل شي |
رد: ديوانية البحرين - دردشة حوامل البحرين - البحرينيات
اخذتينه من ماذركير سريرها عفر الحين فهمت يوم رحتين للي خاطرش فيه لقيتينه انباع وشريتين هذا احلى وارخص
يارب اتوفق في تجهيزات فرحتي |
رد: ديوانية البحرين - دردشة حوامل البحرين - البحرينيات
من مذركير الي في السقية يم بيوت الخشب سابقا تدلينه؟ جيكي يمكن مسويين عرض عليهم ماشاءالله كبير ويكفي شيخة يمكن لي عمرها 5 سنوات والمترس بعد خذيته منهم سعره 16 دينار اما الفراش خذته من السعودية طقم كامل من الدمام بعشره مادري تسعه وخذيت الحديدة الي تنحط على فوق ويصير نفس المظلة لان مذركير غاليين اما السعودية بخمسة دينار الحديدة
|
رد: ديوانية البحرين - دردشة حوامل البحرين - البحرينيات
الحديده تيي مع قطعه القماش لو بس حديده؟
انزين اذا بس حديده من وين اييب اللي يخلونه فوقها؟ يابعد عمري فرحتي بتنام في سرير |
رد: ديوانية البحرين - دردشة حوامل البحرين - البحرينيات
لا والله اني مادل مكان اصلا
بس يبغي لي صبر على ريلي بسرعه يتملل وياخوفي يطفشني في وقت التشري |
رد: ديوانية البحرين - دردشة حوامل البحرين - البحرينيات
الحين قعدتو من ارقادكم
ما شاء الله هالايام يوم الصور العالمي حلوين كلهم حبيبة .. هههه انا لحين ما عرضت صوري هههه شلون شفتيهم؟؟!! وتوزيعاتج بنت الاياويد حلوين يهبلون وشيوخ طلعت تحب الفلوس عيل هههه الله يستر بعدين شخباركم كلكم؟؟ انا في بيت ابوي من امس..راسي مفتر من الرقاد ارقد شوي وارد اقعد ههه..حتى ويهي مخفس .. مب راضي يعتدل شهالحالة..مادري شفيني |
رد: ديوانية البحرين - دردشة حوامل البحرين - البحرينيات
انا برب بتغدى وعقب الغدى باجوفكم مو تشردون
|
رد: ديوانية البحرين - دردشة حوامل البحرين - البحرينيات
مساء الخير والأنوار ،دخلت على السريع ماقدر ماأشوفكم قبل لاأحط الغذى
مشكوريين حبيباتي على دعواتكم الحلوة لي بالسنه الجديدة ربي يفرح قلوبنه بكل غالي ويبعد عنه كل شر وضر آه منكم أمس كل حين أطلطل على الديوانيه مافي أحد وبس غفلت البارحة واليوم إلا الصفحات تتهاوش أولا لا شو هالتجهيزااات الروعه كل وحدة تقول الزود ليي بس صدق عجايبب ربي يتمم ليكم وتولدون بالسلامة وملبوسات الهنا يارب للكتاكيت الحلويين ياربي رووعه ثياب البناااااات ولاعاد الفساتين إنشاء الله أني بعد أشتري وأحط تجهيزات ولدي الكتكوت لو بنتي الكتكوته تصدقوون أبو العيال مو راضي أسوي سونار رباعي نفسي أطمن وأعرف بنت لو ولد وسونارات الحكومي مولهناك ولا يعلمون شمس الصبااح إسم الله عليش من فلم الرعب لو أني مكاني جان أستين ويرتفع الضغط شر عني حصلت لش مكان تتمشين فيه غير ممشى الساحل حديقة البديع النباتية اليوم رحناها أول مرة عليها رسوم الدخول 300 فلس للي أكبر من 10 سنوات والباقي فري ،رووعه هادئه والأشجار كبيرة ومضللة وإستراحه وكراسي موزعه وكفتيريا وحمامات رجال ونساء والبحيييييييرة وفي أشجار واايد أول مرة أشوفها بس إتصدقيين تعبت حديي وصادني ضيق تنفس وألم تحت بطني يروح ويجي وشد كل حيين وأني يدوب أمشي شوي وأرد أبنجر على الكرسي وزوجي يقول إنتي مو مالة طلعه ههههههه تالي مساكيين اليهال هربوا يدورون بروحهم وأني مخيمه مكاني على الكرسي بس رووعه روحيها وخذي لش 10 لفات في أجواء الحديقة والطبيعه بس مو بروحش الهنود المراقبين موزعيين وأذاني للحيين مبنجرة والألم يزوجر من المشي <<<كلها خطوتين باقوم أتغذى أشوفكم على خير الحديقة صوب مركز الشرطة البديع مو تدخلين للشرطة تالي يحبسونش ههههههههههههههه |
رد: ديوانية البحرين - دردشة حوامل البحرين - البحرينيات
بنت الاياويد تحمليني شوي
ابغي اعرف المحلات اللي في السعوديه اللي تاخذون منهم الاغراض كلكم ذكرتون محلات انتي قلتي الحديده خذتيها وفراش من هناك ممكن اعرف المحلات عشان اسوي لي لسته ومادري من قالت خذت عطور لتوزيعات من هناك وكانت رخيصه وروعه باخذ لي بعد روزاتي شحوالش وردتنا ... زين زين نامي كثر ماتبغين بعدين وردتش ما بتخليش تنامين خخخخخ |
رد: ديوانية البحرين - دردشة حوامل البحرين - البحرينيات
طف طف مذركير صوب بيتزاهت الي جنج بتروحين السلمانيه بس اللفة الي قبلها صوب جولسرين مال السكري تروحين سيدة ويصير على اليمين ، الحديدة نفس الشي الطويل حسافة انها في شقتي جان براويج اياها اهيه الحديدة بروحها بس مذركير يبيعونها في الثلاثينات اعتقد تتثبت على السرير وعقب تعلقين القماش من فوق ماعرف شلون اشرح لج بالضبط اذا شفت صورة بحطها لج
|
رد: ديوانية البحرين - دردشة حوامل البحرين - البحرينيات
اهلالالالالالالا احلام ام حيى الله الطيبه الاجوديه
اني خاطري ي هالحديقه وقولي اذكر اذا رحت بيت ابوي كله ناسيه وبس يعني مرات ولاد اختي متمللين ويبغون مكان يروحون واني خاطري اشوفها لكن هالمره بروح لازم مدخلها قبل مدخل الشرطه؟؟ |
رد: ديوانية البحرين - دردشة حوامل البحرين - البحرينيات
افا عليج آمري تدللي اذا اعرف مابقصر عنج ، المفرش والحديدة من الدمام في محل صفة كاملة كله اغراض حق البيبي اعتقد مجابل محل اسمه خطوة بخطوة مال جواتي بس مشكلتي اني مادل السعودية عدل بسألج زوجي لين يه بقولج
انا المسك مال اطفال شفته في محل الحزر في سوق واقف تقول الغرشه الصغيره بدينار |
رد: ديوانية البحرين - دردشة حوامل البحرين - البحرينيات
اعرف الحديده بنت الاياويد اللي تقصدينها تصير مثل الغطاء ع السرير لكن اقصد سعرها 5 دينار مع القماش اللي يخلونه عليها؟؟ لو بس حديده ومن وين اخذ القماش اللي يخلونه فوقها
وماقلتي المحلات شسمهم في السعوديه عشان ادبر روحي |
رد: ديوانية البحرين - دردشة حوامل البحرين - البحرينيات
ههههههه توني شفت الرد عن المحلات ماتبهت من شوي لو هنا فلونه اكلتني من التعليقات
|
رد: ديوانية البحرين - دردشة حوامل البحرين - البحرينيات
روز وينش؟
راحت تتغدا وشكلها نامت يادافع البلا قلنا نامي عاد مو لهالدرجه |
رد: ديوانية البحرين - دردشة حوامل البحرين - البحرينيات
لا الحديدة بروحها خمسة لان بروحها في مذركير غالية ، ماعرف اسم المحل بس سألي عن المحلات الي يبيعون ثياب اطفال اهمه في شارع واحد
|
رد: ديوانية البحرين - دردشة حوامل البحرين - البحرينيات
باك
كاني كاني ههههه طف طف لا مارقدت اصلا راسي افتر من الرقاد |
رد: ديوانية البحرين - دردشة حوامل البحرين - البحرينيات
عيل انا لين رحت شقتي اليوم براويكم اغراض بنوتي ههه شجعتوني
واحتمال وارد احط لكم المفرش والشنطة والسلة الطقم اللي سويته خخخ ومكتوب فيها اسمها ما بنسميها جود :p |
رد: ديوانية البحرين - دردشة حوامل البحرين - البحرينيات
اعترفي وش بتسمينها؟؟
شوفي الغيره تخلي الواحد يتنازل عن اشياء وايد هههههههههههههههههههههه |
رد: ديوانية البحرين - دردشة حوامل البحرين - البحرينيات
هههههههههههههههههههههه اي والله
فضحني هالفتسان بس يسوى يجنن يلا عن اذنكم بروح اريح شوي وبحط لي كريم مال الالتهاب ادعو ليي يخف عطوني كريم داخلي للمهبل حق يخف الالتهاب واني من برا يحرقني ازيد ادعوليي يخف لاني تعبت وهلكت |
رد: ديوانية البحرين - دردشة حوامل البحرين - البحرينيات
حبيبة اني عطوني لكريم لداخل وهو من برا الالتهاب عادي يعني
|
رد: ديوانية البحرين - دردشة حوامل البحرين - البحرينيات
اقتباس:
هلا والله بريحة ديرتي ،إذا أشوفكم إنتين وأم خليل وشمس الصباح أحس روحي بين أهلي ،إللي يسمعني يقول مغتربه وهي كلها كم قرية تبعدنه إنتين بعد طيبة وأجودية خيووو إيه روحيها هالحديقة من زمان خاطري أروحها واليوم زوجي يقول بودي اليهال الساحل وأني معترضة hwaml4ماأمبى أروح الساحل تمللت من كثر ماأروح وتالي خطرت على بالي فكرة شيطانية أقوله في حديقة نباتية ماشفناها وهو توه يدري عنها على طريقنه وطول الطريق يقول بتخربين عاليهال وإنتين ما فيش شدة حوامه hwaml15عصبت وقلت بتشوف من إللي مافيه شدة وتالي بنجرت من خطوتين بس صدق روووعه أشجار غريبة توش تشوفينها وكأنش تمشيين في بستان أشجار كبيرة وضخمه وكراسي موزعه وحمامات وكفتيريا وبحييييرة على إبدش ماتطلعيين وتنسدحيين تحت الأشجار نفسي مرة ثانية نحمل الغذى بس يمكن مايرضوون أحسست بإسترخاء تحت البحيرة وشجرة التين البنغالي الأحمرصدق عجيبة هالشجرة ولاأشوف إلا حمود يجرجر دفتي كومي ماما كلهم راحوا عنه وأني أمشي مفوشحة من وجع البطن ماضنيت وصلت السيارة مدخلها قبل مدخل الشرطة بأمتار وفيها باركات داخل باقوم إنجان أنااام شوي الله يهدي حمود ويخليني كل حين يضربونه ويي يشتكي hwaml7hwaml7hwaml7 |
رد: ديوانية البحرين - دردشة حوامل البحرين - البحرينيات
ههههههههه
طف طف انا شاء الله براويكم المفرش وبجوفون اسمها مكتوب عليه وعلى الشنطة .. حبيبة ..الله يشافيج بعد جبدي ان شاء الله هالاتهابات تروح عنج |
رد: ديوانية البحرين - دردشة حوامل البحرين - البحرينيات
تصدقين احلام شجعتيني ع الروحه ان شاء الله بروح
يلا روزاتي خلي لصور |
رد: ديوانية البحرين - دردشة حوامل البحرين - البحرينيات
طفطف..مو المشكلة انا في بيت ابوي .. لين رحت شقتي بحطهم لكم افا عليكم بس
:p |
رد: ديوانية البحرين - دردشة حوامل البحرين - البحرينيات
زين ننتظر اذا اشتريت اغراض فرحتي بنزلهم
اني ابغي اروح السعوديه بيت صديقتي مسكينه ميته علي تبغيني اروح لكن شلوووووووون صعبه شوي |
رد: ديوانية البحرين - دردشة حوامل البحرين - البحرينيات
انا اقول روحي..كل ما حسيتي عندج فرصة اطلعين تتشرين .. طلعي .. لين تكملين اغراض زنوب
|
| الساعة الآن 01:05 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .