|
رد: تجمع حوامل ليبيا
اقتباس:
|
رد: تجمع حوامل ليبيا
ام ورفيدة ..ربى يقومك بالسلامة ويسهلك الولادة امين يارب العالمين ..
لولى ..ريتهم هالقطريات قداش واقفات لروحهم وفى كل شى والله نعرف وحدات من النت اهتمام مش عادى بنفسهم وميزانيتهم خيالية للماكياج والعطور ,,, سمــــــــــــاح انتى ولدتى طبيعى من قبل وتو تاخذى فى تنشيط عشان التؤام والا كيف ؟؟ربى ينولك اللى فى بالك يارب |
رد: تجمع حوامل ليبيا
اهلا هندية كيف حالك؟
اني جبت طبيعلاج بس الانالمرة اللي فاتت عملت حقن مجهري وحملت بس اجهضت والشهر هذا نبي انديرها ان شاء الله تاني |
رد: تجمع حوامل ليبيا
السلام عليكم بنات ..كل عام وانتم بألف خير بمناسبة قرب اطلالة الشهر الفضيل
أنا والله ليا تقريبا اسبوع غايبة عالتجمع بسب الضروف .. جدتي أم أمي توفت بعد عملية جراحية للقلب الله يحفظكم أجمعين ويرحمها برحمته .. والله تأثرت هلبة هلبة لأنها كانت قريبة مني بشكل كبير .. و أغلب صور عرسي موجودة فيهم الله يرحمها وحتى الفيديو متاع العرس اليم فتحته شفتها وهي تعجنلي في الحنة وتغنيلي بالطويل وعيونها ايدمعو .. بكيت بكيت لييييييييييييين قلبي وجعني hwaml80hwaml93hwaml93... الله يرحمها ويرحم كل موتى المسلمين .... |
رد: تجمع حوامل ليبيا
طبعا بالنسبة لأخباري الأخرى .. انا يوم 9-8-2010 عندي موعد مع الدكتورة بتشوفلي وضع البيبي لو قاعد فارسي على طول تحددلي موعد العملية وطبعا أنا عارفة انه مازال فارسي لأني حاسة بالراس يتكور فوق (سبحان الله) وتعبانة بشكل غير طبيعي من تيبس البطن اللي تصير زي الحجر أكثر من عشر مرات في اليوم وعندي ضيق تنفس مش طايقاته (الشكوى لله) والحمد لله على كل حال .. ومازال 4 أيام ونخش للتاسع (انشاالله على خير)
|
رد: تجمع حوامل ليبيا
حبل الوصل انشاالله ربي يسمعنا عنك أخبار طيبة عن قريب وما يمشيش تعبك عافاضي وكثري من الدعا لأنك مسافرة وربي يتقبل منك
أم أسيل .. أنا عارفة انك موزعة صغارك عند أمك ولاهية بالراجل الخميس والجمعة hwaml02 انشاالله الفايدة تبان عن قريب وتحطي صغارك عند أمك مش على خاطر الراجل بس لكن على خاطر التواما متعبينك ومسهرينك ..آآآآآآآميييييييييين ميرنا الحبوبة ... انشاالله الأيام الجاية تعرفنا على بعض أكثر لأن ما فيش حد في التجمع مش مستفيد من خبرتك .. والله صرتي احسن من الدكاترة مشاالله كل شي تعرفيه .. يادكتورة التجمع أم رفيدة ........ خلاص والله هاااانت واللي صبر الكثير ما يصعبش عليه القليل .. ربي يهون عليك ساعة الولادة ويجعلها خفيفة وما تحسي إلا والبيبي بين ايديك انشاالله .. لكن نبوك تبشرينا بقصة ولادتك عل طول .. مش تقولي مش فاضية hwaml7 سمحة يا سموحة .. شكرا شكرا شكرا لأنك الوحيدة اللي فقدتيني .. انشاالله ما تفقدي غالي .. وزي ما يقولو العزايز (انشاالله ربي يعمر شلامتك عن قريب) واني نقول آآآآآآآآآآآآآآآآآآآآآآآآآآآآآآآميييييييييييييييييي يييييييييييييييييييييين ببركة هالأيام الفاضلة انتي وكل متمنية ومحرومة هاتو ... تقريبا انتي في نفس فترة حملي .. قوليلي أمتى موعدك .. أنا موعدي في 29-8-2010 لو طبيعي وإذا قيصري ممكن في نص شهر 8 يعني في بداية رمضانhwaml15 |
رد: تجمع حوامل ليبيا
سورنيام ( ان لله وان اليه راجعون ) عظم الله اجرك يخيتى وعقبتلكم طولت العمر وان شالله جرتها خضرة عليكم وجعل الله مثواها الجنة فى هذا الشهر الكريم
|
رد: تجمع حوامل ليبيا
ام روفيدة اختى الغالية ربى يسهل ولادتك ويفرحك باالنونو وعقبال ما اتحطينا صورته فى التجمع *
|
رد: تجمع حوامل ليبيا
عيون راجالها والله سهفتينى بالجو المطر ياريت لى ترشرش عليكم اترشرش علين لان نحن الجو حمو حاجة خيلية موش عارف فى رمضان كيف نبو انديرو وانا لى 8 سنوات انصيم مع الشياب عند اهل راجلى ومعى سالفاتى ونحن امقسمين الطبخ بينا وحدة عليها الشربة والبراك وحدة عليها الطبيخة والحساء وانا وخذا المقلى من بطاط المبطنة والباذنجان و الكرنب والفلفل المحشى بدحى وبعداء الفطور صبياتى شورهن العوايز يغسلنهن ويديرن الحلو هذا النظام من اول ما اجوزت خاطرى انصيم ابروحى لكن الراجل قالى كل حاجة ديريها الا رمضان مع خواتى الله غالب قانون مقدس قتله مغير على لو كان تاخذ وحدة اخرة تو انشوفك وانت تفطر على الكرنيش
|
رد: تجمع حوامل ليبيا
ام روفيدة سورة البقرة الاية رقم 155 ,156,157 .هذين عندما نقرهن فى كل مرة نبكى نين انموت من البكاء ولكن بعد ما اكمل قراة السورةانكمل يومى سعيدة منيش عارف ياخيتى قيسها جاية على خاطرى
|
| الساعة الآن 09:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .