منتديات حوامل النسائية - تجمع الكروشات اللي موعد ولادتهم شهر * رمضآآن * 1432

زوجي كلمني قال انا بجي هو طبعا بالشرقيه وانا بمكه
المهم لما كلمني حول الساعه 10 الصبح وكان بالطريق
انا كنت توني جايه من دكتور الاسنان علشان ضرسي
ومت خوف وش يجي وانا جسمي كله شعر والبيت كنه بيت عوزبيه رجال مو بنت
ووش البس ووش اطبخ ووش احط ومكتومه وضرسي ومالي خلق اي شي
المهم وش اسوي وش اسوي مدري
سالت امي وكلمت خالتي قالت خذي شقه مفروشه طبعا عجبتني الفكره مووت ليه لانه من زمان مسافر ومايشوف حوسه البيت بس قلت بدال مااخذ شقه اخذ غرفه لان على حسابي باخذها؛؛< بخيله
المهم قلت دبرولي فندق قالت والله ماعرف بس فيه وفيه طيب ابي الارقام ماعندها ولا رقم
كلمت 905 الاستعلامات عطوني فنادق بجده وانا ابي بمكه قلت الله يخلي قوقل اول مافتحت الجهاز لقيت تشيز كيك متصله سالتها تعرف قالت لا قلت اسال قوقل لقيت فندق وحجزت غرفه
هالكلام متى الظهر
قالت خالتي زيتي شعرك وتروشي واستشوريه وشيلي شعر جسمك وطلعي لك قميص نوم حلو وقصير انواع الانحراف خالتي نصايحها << هذي الي تهاوشت معها قبل امس لاني احسها صديقتي مو خالتي واقرب لي من امي اصلا امي الي مربيتها < كني طلعت من الموضوع
المهم بعدين قلت لها بجيب وحده تسوي لي دلكه وحلاوه ووحده مكياج دقيت لقيت الكل محجوزين لان اليوم كان اربعاء
قالت خالتي الله يبارك بالنير دبري عمرك < بس انا عجازه
قلت بدبر عمري بالفندق قبل لايجي زوجي اتسبح واشيل بالنير اللهم بس زيت شعري
رحت ادور لبس وقمصان نوم
بس المصيبه انا قمصان نومي ضاعت نسيت وين حطيتها لان من زمان عن الانحراف نفضت الدولاب نفض يالله يالله لقيت قمصان كنت ابي ارميها ماشي حالها بس مع الكرشه مرره تفشل ولقيت بيجامات قصيره كنت برميها مشقوقه بس عاد شسوي مضطره خالتي قالت البسي عاري وقصير
دقت علي قبل العصر بكم دقيقه قالت لقيتي شي قلت ايه شي مشقوق وشي طقمه ناقص قالت والله لو فيني حيل كان نزلت السوق شريت لك قمصان بس ماعاد فيه وقت ولا يمدي زوجك كلها 3 ساعات ويكون وصل وانا دايخه مسكينه كانت مرره تعبانه غايبيه صدق اسبوع عن المدرسه
المهم مشيت حالي بالي لقيته
كلمت السواق يجي بعد العصر على طول بس مرره تاخر ماجا الا قبل المغرب
كنت ناويه انزل امي ببيت خالتي بعدين اروح الشقه بس بما انه ماعاد فيه وقت وزوجي وصل الطايف قلت نروح مرره وحده الفندق
لما وصلت وقلت ابي الحجز الي باسمي تخيلو وش صار قالي ابي لازم معك محرم قلت له زوجي جاي بالطريق اجرني اياها ولاجا بيكون محرم قال لا ماينفع قلت ياربي شسوي كلمت خالتي قلت لها خلي واحد من العيال يجي يستاجر الشقه باسمه وهو محرم لاامي وانا مع امي الين بس يجي زوجي وناخذها شبت فيني خالتي
قالت قلت لك خلي احد ياخذ الشقه ركبتي راسك الا باسمك يالله شوفي لك صرفه قلت لها خاله تكفين مو وقتك شوفي لي اي احد يقرب لنا ياخذها قالت مافي ولا احد الكل طالع
قلت يالله شسوي
الا ويتصل زوجي يقول انا وصلت مكه وين الاشقه الي حجزتيها قلت مارضو يقولون محرم وانا ماسويت شي قال مسويه عازمتك وزومنسيه وليله حلوه وبالاخير ماسويتي شي لنفسك مو عاد الشقه قلت البيت زين ركبتي راسك المهم قهرني هو يهاوش وامي تهاوش وخالتي تهاوش
كان اقوله تبي تجي تشوف حل تعال ماتبي بسلامتك افف كرهت نففسي والله وسكرت الخط
واروح للاستقبال وانا العبره خانقتني قلت له والله زوجي بيجي وانا ماتروشت عطني الشقه قال خليه يجي ومعه كرت العايله تاخذينها
ياربي شسوي مت قهر المشكله لاشلت شعر جسمس ولاتروشت وشعري كله زيت ولا حطيت مكياج ولا لبست وميته جوع فوق هذا كله ولا اعرف كيف شكل الغرفه
المهم دقت خالتي لان بيتها قريب من الفندق قالت تعالو عندي قلت وش اجي قالت مدري تعالي ونشوف حل نشبت وقتها امي ايه نروح بيت خالتك وش يجلسنا بالاستقبال
ويتصل زوجي يقول وصل الفندق وانا ميته خووف لاني نافخت وانا اكلمه وسكرت الخط قلت بيجي بيسحبني للبيت وبيبصفقني لا والبيت زباله حووووووووووووووووووسه وانتم بكرامه
ماتجرات اروح له اول مادخل انا شفته بس هو ماشافني راح طبعا على طول على الاستقبال واخذ الغرفه الي انا حجزتها واشر له الرجال الي بالاستقبال علينا وربي صرت انتفض من الخوف لساني ياطوله وريحتي عرق وجسمي شعر وبشعري زيت لامحاله مذبوحه الليله
لما جا سلم على امي وطنشني وقال يلله امشو انا رحت انا سويت نفسي مااشوفه وجيت اطلع من الفندق راح قال هييييييييييييه انت يابو الشباب بصووت عالي وقفت وناظرت وراي ورحت له قال اخذت الغرفه امشي حاسبك هناك لا ولاكن معك رجال مانيب مالي عيونك تتطلعين
عرفت انها الليله خربانه خربانه وقعدت ادعي واتوسل وحنا ماشين للمصعد وفي المصعد
لما وصلنا الغرفه الا وهي صغيره مرره ومافيها صاله الا اللهم فيها حمام بنفس الغرفه
قال انا بروح اصلي المغرب واجي والغرفه مرره صغيره باخذ شقه غرفتين اووك وطلع
قلت فرصه مو شرط اشيل الشعر الي بجسمي على الاقل اتسبح تروح ريحه العرق ولاهو لازم مكياج المهم جسمي نظيف
واول ماطلعت من الحمام هو جاي من الصلاه كان نروح الشقه الي اخذها وقعد يسولف مع امي وقلت لها يمه تكفين عندنا غرفتين اجلسي معنا
امي عاد جابت العيد قالت والله تستاهل تذبحها الليله على طول لسانها والي سوته معك قلت افاااا يمه قال بلاك ماتردين انها تبيك تجلسين الليله لانها خايفه مني والشرهه مو عليها على الي يجي علشانها اصلا انقهرت ساعتها مووت وحسيت اني اشوي وابكي وطلعت من الغرفه
وجلست بالغرفه الثانيه لحالي
كان اشوي على اذان العشا يجي سواق خالتي وياخذ امي ويروح زوجي المسجد يصلي العشا
رحت انا لبست قميص نوم بس شعري طبعا شعر عبده < اهملته 7 شهور ولا حطيت ميك اب ولا اي شي وصليت المغرب والعشا وقعدت ادعي ان الله يعدي هالليله على خير الين جا
لما جا جاب معه عشا وتعشينا وقعد يسولف وينكت ولاكنه صاير شي ويحكي وش صار له بالشرقيه
وبعدين لما رحنا على السرير قال تصدقين ريما اشتقت لـ السكسوكه الي بوجهك < لان وجهي فيه شعر ماشلته لاهو ولاجسمي
طبعا انا انحرجت لان مو بس وجهي الا جسمي كله شعر
المهم وقعد يسولف ويستهبل الين نمنا
لما قمنا الصبح الحمدالله ميزه الشقه والفندق ان الاكل كله من برى لاطبخ ولانفخ ولاغسيل ولا تظيف يعني كني عروس
قعد يتريق علي يقول شوفيني اسم الله علي رشيق اهبل مو مثلك
ويجي عند بطني يقول كجاكجا نونو
الله يعينك يابابا وش هالشحوم الي فيك ياريما لو تطحين مدري ماتذكر كلمته زين
بس بالاخير قال تحملي يابابا المؤمن مبتلى ويضحك
وعلى هالحال مرت اليومين الثانيه وبس