|
رد: تجمع حوامل ليبيا
شفتي فوق في شئ اسمه مركز التحميل خشي عليه ويجييك اختار ملف من الكمبيوتر اختاري وبعدين ديري تحميل الملفات
واختار المربع التاني متاع المنتديات انسخيه وتعالي انسخيه في رابط الصوره |
رد: تجمع حوامل ليبيا
السلام عليكم ورحمة الله
بجديات فرحتوني ما كنتش نحسابه شكلها حلو الحمدلله انسترت قدامكم ام روفيدة يا غاليه نبي الطريقه حلم حياتي نقرا في اكاديمية طبخ بس على قولتك ماعندناش هني وهما غادي اختلاط ممكن في ليبيا الجديدة يجيبولنا خبرات اجنبيه تفتح مراكز تتدريب واحتراف خاص بالنساء ( وحدة تحلم) المهم نبيها الطريقة يا ستي يا أم روفيدة شوفي عاليمين في نفس هالصفحه من فوق تلقي (مركز تحميل) اضغطي عليها وتكوني منزله صورك في فايل محدد عالكمبيوتر بمجرد ما تتحمل تعطيك روابط الاولى تحميل صورة فوتيه هذا يصلح للتواقيع والتاني رابط منتديات ديرله نسخ والصقيه في مشاركتك في التجمع وبمجرد انك تتضغطي على ( اضف الرد السريع) تتطلع الصورة ومركز التحميل كويس ويحمل حوالي 10 صور في مرة وحدة ميمونه...تفضلي معانا مازال منها في الثلاجه وطعمتها اليوم احلى من البارح سالي...كيف حالك وروحتي لحوشك ولا شنو؟ |
رد: تجمع حوامل ليبيا
ام نوزة ربي يفرج علي شيبانيك ويهدي سركم ياارب
|
رد: تجمع حوامل ليبيا
ميمونه...الدورة ما نزلتش بنصبر ليوم السبت الجاي وبنمشي للدكتورة انشوف السبب
السبب ولله الحمد اليوم حجزنا التذاكر لالمانيا وموعد السفر يوم 3/1/2012 على الخطوط التركية بنقعدوا يوم في تركيا ولما انروحوا من ألمانيا حتى هو بنقعدوا يوم في تركيا صح الجو صقع هلبه بس تغيير الجو مع راجلي وبنتي ولله الحمد بالدنيا كلها ادعولي ربي يسخرلي الحال وتكون رحله سعيدة مافيهاش مشاكل ولا ندم يارب أميييييييييييييييين |
رد: تجمع حوامل ليبيا
ربي يسهلك ياعيون والله فرحتلك تمشي وتروحي بالسلامه وماتغيبش علينا خشي طمنينا
|
رد: تجمع حوامل ليبيا
يسلمو ايديك ياعيون على الكيك الحلو
|
رد: تجمع حوامل ليبيا
السلام عليكم كيف حالكم يابنات..هذا ويت كملت قراية الصفحات اللي فاتوني؟؟..
لالا انا قاعدة فحوش ماما امبكري خطمت ع حوشي جبت شوية ملابس |
رد: تجمع حوامل ليبيا
ان شاءالله تمشي وتجي بالسلامة ياعيون وماتنسيش الهدايا
|
رد: تجمع حوامل ليبيا
السلام عليكم ورحمة الله وبركاته
ميمونة وعيون بارك الله فيكم على التوضيح وهادي التورتة اللي وجعتلكم روسكم بيها هههههههههههههه المقادير للكيكة الاسفنجية المعتمدة عندي 5 بيضات 200 جرام سكر 300جرام دقيق ملعقة كبيرة فايليا ملعقة كبيرة b.p نصف كوب زيت الحشوة درتها وحدة لكل الطبقات 4 ظروف كريم سبع ملاعق سكر بودر 3 ملاعق نوتيلا 150 جرام بندق محمص ومجروش الطريقة نضرب البيض مع السكر والفانيلا لمدة سبع دقائق حتى يرتفع مستوى البيض في الخلاط ويصبح مثل الكريمة [IMG]http://forum.hwaml.com/imgcache2/hwa...316378_735.jpg[/IMG]وبعدها نضيف الزيت ونخفق وبعدها انغربل الدقيق والبيكنج بودر مع بعض ونضيفهم بالتدريج للخليط بملعقة الطعام والخلاط يضرب وإنتي اضيفي الدقيق حتى يتجانس الخليط وبعدين اتصبيه في الطاجين ودخليه للفرن الساخن على درجة 150 يشتعل من فوق ومن تحت لمدة 35 دقيقة [IMG]http://forum.hwaml.com/imgcache2/hwa...316378_781.jpg[/IMG] وبعد ما اطيب خليها في الفرن لمدة عشر دقايق حتى لا تتعرض للهواء البارد وتهبط من الجوانب وتتكثل وبعد العشر دقايق طلعيها وقصيها على كم طبقة تبي اني قصيتها على اربع طبقات وسقيتها بعصير الجوافة لأن قوامه غليظ فتشربه الكيكة وما اتكونش مبلولة وبعد ما شربت الكيكة العصير حشيتها بالحشوة المدكورة وغلفتها بالكريمة من برا [IMG]http://forum.hwaml.com/imgcache2/hwa...316378_443.jpg[/IMG] وبعدين طرحت عجينة اللوز ورشيت السكر المرحي قبل ما نطرحها باش ما تلصقش في الطاولة ويسهل التعامل معاها [IMG]http://forum.hwaml.com/imgcache2/hwa...316378_665.jpg[/IMG]وهدا بعد ما غلفتها بعجينة اللوز [IMG]http://forum.hwaml.com/imgcache2/hwa...316378_876.jpg[/IMG] وبعدين خديت شوية من عجينة اللوز ولونتها بالصبغة الحمرا لكن ما كثرتش فطلع اللون زي المشماشي وطرحتها وقصيتها بالفورمة امتاع القلب (مش عارفة شن قصتنا اني وعيون مع القلوب هههههههههه) ولصقتهم على التورنة من الجنب [IMG]http://forum.hwaml.com/imgcache2/hwa...316378_715.jpg[/IMG] وبعدين خدين من عجينة اللوز الملونة وشكلت بيها الوردة وقبل ما انلصقها على الكيكة خدين شوية من ورق الزبدة ودرته على شكل بوق زي القرطاس اللي انحطوا فيه السمينسة كان تتفكروا فيه المهم الفتحة امتاعه اتكون صغيييييرة هلللللللللبة من الاسفل وسخنت شوية من شكلاتة النوتيلا او اي شكلاتة اتحبيها دوبيها وعبي بيها البوق وارسمي بيه فوق الكيكة وهدا اللي درته وبعدين لصقت الوردة في الوسط [IMG]http://forum.hwaml.com/imgcache2/hwa...316378_373.jpg[/IMG][IMG]http://forum.hwaml.com/imgcache2/hwa...316378_847.jpg[IMG][url=http://up.hwaml.com/uploads/13243139889.jpg][/IMG] |
رد: تجمع حوامل ليبيا
شن اخبارك ياميمونة
ويقونة حبيبتي استاحشتك انتي ونونو ليكم وحشة وكيف حالك يام وسونة وام ناريز واية وام اجنادين وام رفيدة وتمورة ورغودة وراية وميراس وهاجر وهاتو والاء ان شاء الله مانسيتش حد |
| الساعة الآن 05:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .