|
رد: دردشة حوامل من الشهر السابع للتاسع
اجوان
يااارب يحفظلك مافي بطنك ويجيبه سليم معافى .. ويأجرك باللي راحو يااارب مره قليل 600 ... اميره عبدي انا الحين صرت الاحظ الجنين يرتفع شوي .. ويرجع ينزل .. والام خف .. وصارت ترافس وتلعب اذا ضغطت ع بطني من كذا جهه العب معها هههههههه الله يعينها من التفغص هتوف + يالله رضاك .. اخيراً شفناكم .. لكم وحشه سكر + ام القمر حرام والله شهرين ماتعطونه احضان انا مايخليني هههههههه واصلاً هالشي يعجل ولادتك ويسهلها في وضعيات كثير تسمح واكيد انتو عارفينها بس تخيلي ينحرم شهرين وبعدين +40 يوم ... مررره عذاااب بس في حريم فعلاً مالهم نفس هالشي.. بالشهور الاخيره وبعضهم طول فتره حملهم كذا لكن لو تشوفون مواضيع الشكاوي بالنت .. انا من الطفش ابحث بقوقل واقرأ شكاوي الرجاجيل عن حريمهم وعن الحمل والنفاس والحرمان العاطفي .. والحمدلله عدلت حياتي للافضل بكثير |
رد: دردشة حوامل من الشهر السابع للتاسع
حلا من يقوله باقي لي شهرين
باقي لي اسبوعين ع الولادة بإذن الله ههههههههههه انا الحين بالشهر التاسع والحمدلله ربي يشهد ماحرمته طول فترة حملي وهو ياعمري عليه اللي يقول لي روحي ارتاحي يخاف تجيني الولادة وهو بدوامه ولا انا ماودي اروح.الحين عشان لا تطول المدة .. بس هو خايف لأن ولادتي اللي قبل ماكان موجود وبيت اهلي بعيد واضطريت ادق ع اهله يجون ياخذوني |
رد: دردشة حوامل من الشهر السابع للتاسع
مساكم الله بالخير
هلا حلا حبيبتى ههههههه لا والله انا زوجى هو اللى مايحب منظر الحامل ..يجيه نفور!!!! بنات انا اليوم اول الاسبوع الاربعييييين الله يهونها علينا جميعا" وطبعا الم الرجول يعذب |
رد: دردشة حوامل من الشهر السابع للتاسع
اله يعينك ام فيصل
ربي يسهل عليك .. تصدقي زوجي مايجيه نفور عادي لو تفسخت قدامه ههههههههههههههه بس يخاف لا يسوي شي ويأذي الجنين بالجماع حتى الدكتورة قالت لنا كثرو.جماع قال تستهبلين انتي عشان اضرك واضر البيبي |
رد: دردشة حوامل من الشهر السابع للتاسع
هلا بنات
متى نبتدي المشي والجماع وشنو الاشيا الي تسهل الولاده من اي اسبوع نبتدي |
رد: دردشة حوامل من الشهر السابع للتاسع
هلا سكر
ماشاء الله عليكى..ههههه أنا اتفشل من شكلى وابد ما اخليه يدخل على وانا ابدل ملابسى..استحى مس حبيبتى...الله يقةيكى عالمشى...حلو من اول التاسع يهيئ الحوض ومفاصله««««ما مشت ولا مرة هههههه والجماع بأخر اسبوع يحتى يصادف االطلق ويزيده |
رد: دردشة حوامل من الشهر السابع للتاسع
هلا مس ديور
المشي اول التاسع وانتي اظن سويتي ربط يعني لو فيك تمشي من نص التاسع لان الرحم ممكن يكون لين ع الأقل ادخلي اسبوعين من التاسع بعدها امشي بس لاتجهدي نفسك عشان يكون عندك طاقة للزفر وقت الولادة ربي يسهل للجميع |
رد: دردشة حوامل من الشهر السابع للتاسع
اقتباس:
اهلييييين منوره الله يسهل عليك |
رد: دردشة حوامل من الشهر السابع للتاسع
بنات وش رايكم كل وحده تكتب محتويات شنطة المستشفى لها وللبيبي!!
عشان نذكر بعض!!! وتقول بمستشفى خاص او عام!! واللي بالاربعين تقولنا اللي استفادت منه واللي ماستفادة منه!!! وكيف عنايتها!!! |
رد: دردشة حوامل من الشهر السابع للتاسع
اميرة الجمال انتي علمينا وش تاخذين بالعاده
لأن انا صح ولدت قبل بس ما كنت مجهزة شي والحين حطيت بالشنطة لبسين داخلي للبيبي افرولين مع طواقيهم .. كوفلتين وحده قطن ثقيل والثانية ثقيلة نفس البطانية بودرة اطفال حفايظ اطفال للإحتياط وبالنسبة لي روبين قطن وبجامة و روب رضاعه للإستقبال مع طرحته شبشب للحمام الله يكرمكم ملابس داخلية 4 << كلوتات فوط للإحتياط و ستيانة الرضاعة عباية كمان للإحتياط منشفة وصابون للإغتسال بودرة كحل حواجب ومسكرة وكريم جسم ودهن عود << اخاف يجي ابو زوجي ويشوف وجهي مفقع ههههههههههه وبالنسبة للمستشفى مستشفى خاص مع الدكتورة اللي اراجع عندها رجلي ع رجلها هع اذا تحسو اغراضي ناقصه علموني |
رد: دردشة حوامل من الشهر السابع للتاسع
اقتباس:
اتوقع مو ناقصك شي دام بخاص |
رد: دردشة حوامل من الشهر السابع للتاسع
سكر
الله يخليه لك .. وان شالله هالمره هو يوديك احسن لك واريح نفسياً انا كان قصدي ام القمر وفيصل خخخخخخ .. يارب يهون عليك وعلى الباقيات الولاده يااارب ام القمر وفيصل ههههههه دامها منه اجل .. خلاص معذووره يابعد قلبي جربتي تشربين ملين او مسهل؟ عشان تجيك ولاده سكر غريبه ماخذتي شرابات او سروال لان الوالد بعد ولادتها تبرررد مررره وتبي شي يدفيها انا ولدت بحكومي بس جابو لي حفايظ انا والبيبي بس الداخليه جبتهم معي وافكر هالمره اخذ ملابس داخليه يوميه من الصيدليه اللي تنرمي .. مافكرتي تاخذين حبوب تسكين الالم عشان الم الطلق اللي يجي بعد الولاده او مرهم للخياطه عشان ماتوجعك مكان لخياطه.. بس اغراضك كامله انا اشوف .. ^.^ يمكن باقي لك شاحن جوال عشان تصورين البيبي هع |
رد: دردشة حوامل من الشهر السابع للتاسع
اهلين حلا
اخذت بناطيل قطنية نسيت ما اكتبهم والمسكن الممرضات كل شوي يعطون مسكنات ما راح احتاجهم بإذن الله في المستشفى والمرهم جبت لي ميبو بس ع اساس ماراح استخدمه الا في البيت لأني ان شاءالله ماراح اجلس بالمستشفى إذا ولدت طبيعي بإذن الله كله يوم وبطلع .. كئيب جو المستشفيات ممممرة ما احبه ولا احب اجلس لحالي وعيبي .. المكان اللي اول مرة انام فيه اقعد فترة على ما أولف المكان .. يارب بصحة وعافية اميرة الجمال توي شقرت حواجبي من قريب .. وناوية اشقرها الاسبوع الجاي كمان ههاع وبشيل الشعر من جسمي لي زمان بس بالمكينة من الكسل * |
رد: دردشة حوامل من الشهر السابع للتاسع
سلام ياحلوات
اللهم أمين .. ربي يتمم لنا على خير إن شاء الله سكر ﻻتنسين كسرة مرة حطيها في نايلو عشان بعد الولاده إن شاء الله تحطيها في قارورة صحه وتشمينها وتشربي منها حتى البيبي شمميه مره ضروري عن الشمم لا تعفي خيوطك وتتعبيين من غير شر أنا أول شيء حطيته بالشنطه المرة والحتيته وقارورة الصحه وشماغ عشان أربط بطني إن شاء الله والباقي مثل ما ذكرتي لاكن بدون كحل وروج ودهن عود وبولد في مستشفى حكومي إن شاء الله |
رد: دردشة حوامل من الشهر السابع للتاسع
صادقه اجوان
اهم شي المر انا اخذت بالشنطه بعلبه عشان اذا ولدت احطه بعلبة ماء يكون طازج ولاتنسوى تمر لتحنيك البيبي >>ولامره سويتها لعيالي بس بسويها هالمره لان يقولون انها سنه عن الرسول صلى الله عليه وسلم بالنسبه لشماغ خليته بالبيت كلها يوم بالمستشفى وبطلع بربط بالبيت لان بكون مهدود حيلي مو رايقه لربط وميبو كمان خليته بالبيت لان بالمستشفى بيعطونك كريم الخياطه حلا ااااهم شي الشاحن اكييييييييييد صح عليك ذكرتيني بالنسبه لكلوت الدوره اشوووفه ضروووري جداً لانك ترميه وتفتكي منه انا لقيته في بيبي شوب وتنقيت المقاس على راحتي ولا تنسوا فوط الرضاعه استخدام واحد لان الحليب بيملى ملابسك |
رد: دردشة حوامل من الشهر السابع للتاسع
انا اللحين جهزت بعض اغراض النفاس
وحطيتهم بالفريز التمره(تمر+رشاد+سمن) التحاميل (مر+ملح+محلب+قرض+عسل) وطحنت عشبة عباءة السيده بعلبة اممممممم وقسمت اغراض النفاس باكياس عشان ماحوس بيت اهلي وحطيت ملابسي وحجاباتي والداخليات والفوط وكل شي بستخدمه بالنفاس بشنطه لحاله وخليت شنطه لكل اغراض البيبي لحالها وشنطه لملابسي اللي بحتاجه قبل الولادة وبعد الاربعين وشنطه لملابس اولادي احس وضعي مرتب بس اخاف انسى شي |
رد: دردشة حوامل من الشهر السابع للتاسع
وش بتستخدمون لبشراتكم !!
خاصه اللي بترضع طبيعي!! |
رد: دردشة حوامل من الشهر السابع للتاسع
السلام إليكم.بنات
اخباركم؟ من ضمن محتويات الشنطة..اخذت مشد عريض مطاط وكريم الترهلات وانصحكم بكيس نايلون الله يجعلنى انتظم عليه والف بطنى من قبل ما اطلع من المستشفى وطبعا فى البيت نقلت اغراضى الخاصة وكريمات الترطيب لغرفة الاولاد حتى اخلى غرفة نومى ريحتها ماتتخربط بأدوية النفاس وجهزت قهوة وشاى الاعشاب وكريمات العناية للأربعين...وملابس جديدة بعد الاربعين ماشاء الله مقاسات صغيرة حتى انحف عليها حلا حبيبتى الملين انا طوال حمل ماشية عليه وطبعا قبل الولادة باستعمله اخاف اتفشل مع الطلق والحزق ..خخخخخخخخ وتدرين مع الخياطة ما يصلح الامساك لاكن ما يجينى من الملين اى طلوووق بالعكس تنزل على ماء البيبى...وبالمستشفى تحاميل طلق صناعى الله يقوينا وييسر ويهون علينا الصعب قولو اميييين |
رد: دردشة حوامل من الشهر السابع للتاسع
ام القمر فيصل
ليش كم يوم بتجلسي بالمستشفى حبيبتي!!؟ وش نوع كريم الشد اللي بتستخدمينه!! وممكن نعرف اعشابك اللي بتستخدميها وكريماتك!! اتوقع هذي ولادتك الثانيه صح!!؟ حلووه فكرتك تشتري مقاسات صغيره هههههههههههه تعطيك حافز للضعف>>بسوي مثلك بنات وش رايكم في لوشن نيفيا قود باي سوليليت عليه مددددح مو طبيعي!؟ نفسي اجربه وشعري خلطة خروع لشرب مع دابر املا واحس شعري مرتاح عليها |
رد: دردشة حوامل من الشهر السابع للتاسع
صباح الخيرات
|
رد: دردشة حوامل من الشهر السابع للتاسع
ماشاء الله ربي يقومنا بالسلامة جميييعآ
انا في الثامن ولا اشتريت شي بس كم قطعة للبيبي وان شاء الله الاسبوع الجي يبدأ الجد والنشاط واخلص كل شي باذن الله ’’ دمتم بوود ’’() |
رد: دردشة حوامل من الشهر السابع للتاسع
اقتباس:
..حبيبتى هذه ولادتى الثالثة بمشيئة الله والولادتين اللى فاتو اهتميت بحالى وكان جسمى ووزنى يرجع بفضل الله مثل قبل الحمل..لانى بزيد ياساتر ثلاثين كيلو !!! وبالمستشفى ربنا ييسرها يوم ولادة والخروج ثانى يوم بأذن الله ووالكريمات باخذ انواع كثيرة وزيوت وامزجهم سوا حتى ادهن مرة واحدة ..ما احتاج افتح واسكر كل نوع واتعب مثل زبدة الشيا..زيت اللوز ..الزيتون..حبة البركة ..ألخ |
رد: دردشة حوامل من الشهر السابع للتاسع
اه والاعشاب بجهز سفوف ولهوم نظام فيافى...مرة مرتب
قمرات حابة اسألكم..كرسى المواليد اللى يتأرجح الكترونى بالريموت...فين احصله بالرس؟؟؟؟ |
رد: دردشة حوامل من الشهر السابع للتاسع
اليوم عرفت ان فيني سكر حمل وضاق صدري بعدين
قلت الحمدلله اني عرفت في السابع عشان اتداركه والحمدلله على كل حال |
رد: دردشة حوامل من الشهر السابع للتاسع
معلش نون ان شاء الله بيروح بعد الولادة وانتي خذي بالك من اكلك يعني كلي المفيد بس سلطات ولحوم واسماك وفاكهة وقللي الرز والمعجنات على قد ما تقدري وربنا يتمم حملك وحملنا على خير
|
رد: دردشة حوامل من الشهر السابع للتاسع
اليوم عندي موعد ان شاء الله باشوف الاستاذ عدل وضعه ولا لسة راسه لفوق الله يهديه يارب والله انا راضية بكتبة ربي سواء ولادة طبيعي ولا قيصري بس عشان احضر نفسي نفسيا مش اكتر والله يكتب لنا اللي فيه الخير
|
رد: دردشة حوامل من الشهر السابع للتاسع
نوووووون ياقلبي انتي
الله يعطيك العافية حبيبتي بس ان شاءالله بيروح مع الولاده اهتمي باكلك ومراجعتك بالمستشفى وقدامك العافيه يارب ام مريم ورحمة اعملي بالاسباب والله يكتب اللي فيه الخير ترا يمكن ينزل راسه بوقت الطلق والولاده هل قد سويتي عمليه قبل!؟ ام القمر فيصل احس مره كثير نظام فيافي اخذت منه التحاميل لانها فادتني في ولادتي الاولى وحلت مشاكل الالتهابات طبعاً انا مغيره بطريقة التحاميل شوي اممممم طبعاً بالباقي اسمع نصايح الدكتور جابر القحطاني لاني مقدر اكل لهوم ابداااً بس يمكن اخلط ماش+فلفل ابيض=اضيفها للحليب>>باقي ماقررت في العشرين يوم الاخيره بشرب عشبة عباءة السيده ثلاث كاسات باليوم اهم شي التمره بالرشاد والسمن تنزل اللي بالبطن تنظظظف وانا مثلك هذي ولادتي الثالثه الله يسهل علينا |
رد: دردشة حوامل من الشهر السابع للتاسع
ام القمر فيصل
اذا بترضعين طبيعي بيرجع جسمك مثل اول باذن الله مثلي خلطت لوشنات مرطبه سوا عشان ادهن من علبه وحده (فازلين الوردي+زبدة الكاكاو بالمرز+زيت لوز مر+زيت جلسرين+جلسوليد+فازلين+لوشن نيفيا بالسوس) طبعاً طلعت كثير وبديت استخدمها من اللحين لان بشرتي نشفت مع هالبرد والحمل بس مانتظمت يااارب انتظم ليش ثلاثين كيلو😳ماءشالله !! شكلك فيك مويات وكذا!؟ باي شهر انتي!؟ الاميره شهرزاد يلاه حبيبتي شدي حيلك مايصير تتاخري لانوا يمكن تثقلي ومعاد تقدرين على لفة السوق انا مجهزه من نص السادسه وخلصت بالسابع كلللل شي انا اللحين بنص الثامن وانتي!! |
رد: دردشة حوامل من الشهر السابع للتاسع
واهم شي عندنا ومن عاداتنا
القشر والقرفه ااااهم شي عندنا لنفاس |
رد: دردشة حوامل من الشهر السابع للتاسع
اميرة انا اخر ولادة لي قيصري بس قبل 6 سنوات والدكتورة قالت عادي ممكن طبيعي لانها ولادة وحيدة قيصري واللي قبل كانوا طبيعي ولان ست سنوات ان شاء الله كافية يلتئم الرحم كويس وانا مثلك مخلصة تجهيز من نص السادس والشنطة حضرتها من نص السابع والحمد لله وانا الان في اخر الثامن يوم 2\مارس ادخل شهري باذن الله
|
رد: دردشة حوامل من الشهر السابع للتاسع
اقتباس:
تعجبني اللي تخلص بدري انا فيني قلق انسى شي >>اعرف حريم ابد مايجهزون ولما تولد تقول لزوجها جيب وجيب انا اكرررره الاهممممل لان الرجال وش عرفهم بهالامور الله يسهل عليك وتولدي طبيعي بسلامتك وسلامة النونو تقريباً بيننا اسبوع انا في تسعة مارس ادخل شهري الاخير يممممممممه ررعب |
رد: دردشة حوامل من الشهر السابع للتاسع
ام مريم الله ييسر لكى الخير
ااميرة يارب عفوك انا ثلاث ايام واخلص التاسع ورنى المثالى 65 لاكن وقت حملت كنت74 ، والحين95كيلو!!! |
رد: دردشة حوامل من الشهر السابع للتاسع
الله يسلمكم حبيباتي اميرة وام القمر فيصل الحمد لله رجعت من موعدي وطمنتني الدكتورة ان البيبي لف راسه ولله الحمد حبيت اطمنكم وجزاكم الله كل خير على دعواتكم والله يقومنا جميعا بالسلامة ويقر عيوننا بشوفتهم سالمين يااااارب
|
رد: دردشة حوامل من الشهر السابع للتاسع
بسم الله ماشاء الله
الله يهون إليكى وعلينا |
رد: دردشة حوامل من الشهر السابع للتاسع
بسم الله ماشاء الله
الله يهونها عليكى وعلينا hwaml7 |
رد: دردشة حوامل من الشهر السابع للتاسع
اقتباس:
ان شاءالله تولدي هاليومين وترتاحي ياقلبي وتبشرينا بسلامتك انتي والنونو ماءشالله تعب وثقل عليك الله يعينك انا وزني اللحين 75 بس انتي ليش وزنك كبير كذا مويات اتوقع انك مثل اختي !! |
رد: دردشة حوامل من الشهر السابع للتاسع
اقتباس:
والله فرحت لك كثيييييير الله يقومك بالسلامه |
رد: دردشة حوامل من الشهر السابع للتاسع
صباح الخير كروشااات..
|
رد: دردشة حوامل من الشهر السابع للتاسع
السلام عليكم كروشات اليوم دخلت السابع بفضل الله فله الحمد والشكر وعقبال ما اعدي بقية الاشهر عاد حبيت استفيد منك ياللي سبقتونا |
رد: دردشة حوامل من الشهر السابع للتاسع
ام القمر
يمكن لو دبلتي الجرعه يجيك طلق انا دبلت الجرعه وجاني اسهال بدون الم .. وبعدين بدت الطلوق واعرف كم وحده كذا من قريباتي...يقوم مقام الخروع وفعلا يريحك ..لما عطوني هناك حقنه شرجيه ماطلع مني شي خخخخخخخخ بنات جربو اشترو ..الارطاء ..عشبه مطحونه تحطين قبضه منها بمويه صحه وكل مارحتي الحمام رشي وانتي جالسه عالايام العشرين الاخيره تضييييييييق مره ..{وووعه رووعه بس استخدمها اخر الدوره والنفاس... والملح الفارسي ينظف تنظيف اخر الايام .. مره مرتين ... يطلع مويات واوصاخ ويطهرك بسرعه انا اخذ كسره صغيره وادخلها.. وانسدح ع طول بس اول ايامي مره منقعه بمويه وملح خشن .. بكل ولادتي ببنتي وولدي جربتهم بس يطيحون الخياطه بسرعه وهالمره ابي اجرب تجميلي وقالولي مايصلح مع التجميلي عشان ماتطيح بسرعه فقلت بخليها بعد اسبوع |
| الساعة الآن 07:08 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .