|
رد: غير مسجل شاركينا بتجربتك متى علمتي بحملك؟؟؟ وكيف علمتي ؟؟
مساء الخير يشرفني اني ارد علي الاسئله والله يتمم لي ولكل الكروشات حملنا علي خير ياااارب
متى علمتي بحملك ؟؟؟ بصراحه انا مشكلتي مشكله كانت انتبهو كانت مو لازالت هههههه المهم انا عندي تكيس خفيف وضعف في البويضه واستخدمت ادويه ل6شهور بعد كذا قالت الدكتوره اني راح استخدم ابر التفجير لكن قبل كذا طلبت مني اسوي بعد ما اخلص الدوره وانتو بكرامه اشعه صبغيه عشان تشوف وضع الانابيب وانا جلست انتظر الدوره تجي عشان اسوي الاشعه فات عليها 10 ايام بعد كذا امي طلبت مني اسوي تحليل بول والجميع بكرامه وانا دورتي مو منتظمه سويت بس عشان اريح عمي وزوجي جلس فتره يقول لي صدرك كبران يا ام عمار وانا اقول عادي رجعت كم مره ومع هذا ما توقعت الحمل والحمد لله يوم حللت انبسطت طلع معاي حمل رحت المستشفي العصر وقالت لي الدكتوره الف مبروك لي شهر ونص وانتي حامل سبحانك ياربي استخدمت ادويه ومرضت والدكتوره ماكانت تقول لي صار تحسن ومع هذا كله ربي رزقني بالحمل الله يتمم ربي علي خير واشوف عمار او يارا باتم صحه وعافيه انا وهما |
رد: غير مسجل شاركينا بتجربتك متى علمتي بحملك؟؟؟ وكيف علمتي ؟؟
انا الصراحه رحت القصيم وماكنت ادري اني حامل معن الدوره كانت متأخره 12 يوم قلت عادي زي كل شهر تتأخر وترجع تنزل وانا خارجه من البيت الي رحتله في القصيم طحت مع الدرج ودوني على طول المستشفى وسولولي تحلييل حمل وطلعت حامل والحمد الله وهذا كله صار يوم 13 \2
|
رد: نسيم الطفوله شاركينا بتجربتك متى علمتي بحملك؟؟؟ وكيف علمتي ؟؟
مرحبا كروشاتنات
عجبني الموضوع يا قطرات كتير تسلمي عليه ويعطيك العافيه قصتي ويا الحمل سالفه انا بكريه وبعد سبوع من زواجي كنا في شهر العسل نزلت الدوره كلعاده 5 ايام وبعد مانزلنا البلد بسبوع نزل عليي دم خفيف فأنا خفت ع حالي لان مرات اصيبني اهبال لمن اتجمع مع بنات عمي وخالاتي الي في سني نتجمع ونستهبل في الحركات بعد ماشفت الدم خفت وقلت لزوجي ابغى اروح اتأكد عن سبب الدم ؟؟ رحنا ع المستشفى عملي الدكتور تحليل دم قالي ماطلع في حمل بس لازم تعدي عندش موعد الدوره لان باقي عليها سبوعين في البدايه مايبان بس سبب الدم ماقدر اعطيش اجابه عن سبب الدم لان مانقدر نعمل كشف لان يمكن تكوني حامل فرجعت انتظر لين موعد دورتي وهي منتظمه بس كنت احس في السبوعين ماقبل الدوره ان تلوع كبدي من بعض الاشياء بس كنت اطلع من خلال تصفحي في المنتديات عن طرق كشف الحمل منزلي بفوران الكرورس فصابني فضول ان اجرب جربت وحصل فوران بس ماعطيت اهميه للموضوع لان ماكنت ادري ان الفوران الي صدر الحين ان في حمل ويوم جا موعد دورتي حسيت بآلامها قويه مره بس مانزل شي وكنت وقتها مخربطه بالتاريخ كنت مفكرتنها لسه ع الدوره فتفاجئت ان موعد دورتي جا ومانزل مني دم بس الالام تعذيب حسيت بتغير >> انتفاخ اسفل البطن وصاير خشن تحت بطني ولاحضت تغير مشيتي كانت قبل قايله الى زوجي يجيب لي من الصيدليه حق تحليل الحمل بس قلت مابجربها الا لمن يعدي اسبوع من الدوره بس كنت واثقه اني حامل لان احس حاجه غريبه في داخلي ماكان زوجي مصدق اني حامل كان كل يقول الي تبيني اصدق سوي التحليل قدامي قلت له بعد سبوع وحنا تونا يومين بس اني حامل قال طيب جربي خلاني اسويه قدامه مو مصدقني لان قبل يوم نروح للدكتور وقال مافي حمل تعقد من اول مره وعملته وطلعت النتيجه خطين قلت له صدقت طار من الفرحه ورحت ع الدكتور نفسه بعد شهر صرت اتابع عنده والحين في الشهر السادس الله يتمم لي في حملي خير وشوف احلى مهدي يلعب حوالي دعواتكم خواتي الله يسهل ولادتي |
رد: غير مسجل شاركينا بتجربتك متى علمتي بحملك؟؟؟ وكيف علمتي ؟؟
انــــا باقي ماحمــلت يوم احمــل اقولك :)
|
رد: غير مسجل شاركينا بتجربتك متى علمتي بحملك؟؟؟ وكيف علمتي ؟؟
انا تزوجت وعلى طول حملت يعني اخر دورة جاتني قبل ماتزوج شهر 7 وعلى طول بعد الدورة كان زواجي انصدمت انو الشهر الثاني ما جاتني الدورة وطلعت حامل
|
رد: غير مسجل شاركينا بتجربتك متى علمتي بحملك؟؟؟ وكيف علمتي ؟؟
اهلين كيفكم مع البرد والحمل
*متى علمتي بحملك ؟؟؟ 10/18 بعد تاخر الدورة بكم يوم ؟؟؟ بعد اربعه ايام متى حللتي ؟؟؟ وما نوع التحليل؟؟ بول منزلي ام بالمشفى ام دم ؟؟ حللت الصباح نوع التحليل بول منزلي وطلع موجب ماذا كانت اعراضك ؟؟؟ ماحسيت باي شي الابعد اسبوعين هل حللتي حمل منزلي وطلع لك سالب ؟؟؟ ماحللت بالمنزل ومتى حللتي مرة اخرى ؟؟؟ وماذا كان نوع التحليل ؟؟؟ لا نعم حللت بالمنزل حللت يوم رحت لم ادكتوره وكان دم واي اسئله ان حاضره |
رد: بسومه الحزينه شاركينا بتجربتك متى علمتي بحملك؟؟؟ وكيف علمتي ؟؟
السلام عليكم ورحمة الله وبركاته .....تجربتي الاول كنت بعد الدوره باسبوع اعراضه لاتوجد بس طوال فتره الحمل مشاكل ماحسيت فيه زي كل البنات التهابات والالم اثناء الجماع حتى زوجي ماحس بي دائم شتائم سب بعد كل موعد عند الدكتوره
لحد ماخلصت التاسع ليه ماتمشين لحد ماجا الولد فرحت عمري .............اما حملي الثاني بعد اسبوعين من الدوره الكل رفض الحمل لانه زوجي طلقني حتى محدقالي مبروك لومن باب المجامله حالتي النفسيه جدا جدا سئ لحد الشهر الخامس مات الجنين ....اه اه قلبي مثل النار محد hwaml78حاس بي ابدا........والله مني عارفه اش اقوال في كلام كثير ابغى افضفض اتمنى احد يسمعني.... |
رد: جنة حبيبي شاركينا بتجربتك متى علمتي بحملك؟؟؟ وكيف علمتي ؟؟
بعد ماتاخرت الدوره عشر ايام ماكنت متوقعه انه يكون حمل بتاتا لأني كنت أعاني من هرمون الحليب شهور كنت لما تنزل الدوره اتعب واتضايق لأني كنت حاطه الحمل ببالي الا الشهر كنت ناويه أعالج الهرمون سبحان الله مع الاستغفار والصدقه بنية الحمل لهم تأثير سويت تحليل منزلي وطلع خطين ماصدقت من الصباح رحت المستشفى وسويت تحليل دم والحمداالله طلعت حامل يااااااااارب. لك الحمد........
|
رد: ناردين شاركينا بتجربتك متى علمتي بحملك؟؟؟ وكيف علمتي ؟؟
اقتباس:
اهي دي كل الحكاية هههههههههه بدأت الأعراض من يوم التلقيح تخيلي ! كان يوم التبويض وحصلت علاقه نمت وصحيت وسافرت مسافه طويلة وصلت وانا احس بإجهاد وحرارة بجسمي واحساس ببداية مرض نمت وصحيت جنبي يوجعني زي الم الدورة قبل ماتجي بكم يوم واستمر الاحساس مع افرازات والم في الصدر والحلمات ويوم ورا يوم صرت ادخل الحمام يمكن كل 10 دقايق ووالله ماابالغ بعدها صابني حرقان قالت لي قريبتي احلف لك انه حمل قلت لها مستحيل انا قبل السفر اخذت موعد عشان ابدأ اتعالج من لخبطة الهرمونات وتكيس المبايض اللي جاني قبل الزواج قالت تراهني ؟ أنا كل حملي كذا يبدأ بحرارة بالجسم وقرف والتهاب مسالك بولية << تتكلم عن نفسها قلت يااارب المهم رحت المستشفى واعطوني مضادات قويه مره ماتنفع في حال الحمل قال لابد تحليل قلت مالي بعد الدورة الا 17 يوم بس فقال الدكتور ولا جهاز بالعالم رح يبين لو كنتي حامل ب4 ايام :) فتوكلي على الله وخذي المضادات وفعلا المهم استمريت 9 ايام ع الدوا ورجعت من السفر باليوم التاسع قمت من النوم فجأه استفرغ وجلست ابكي من الدوخه ووجع راسي ومعدتي كلمتني قريبتي وهزأتني قالت طيب جربي التحليل المنزلي اللي بالكلوركس لأني مارضيت اطلب من زوجي تحليل حمل ويطلع مافي شي فيتعشم ع الفاضي المهم قلت لها الحين اسويه هههههههههه وقمت من الحماس عملته وصار النتيجه زي ماوصفت لي لو في حمل ههههههههه انهبلت ! دقيت ع زوجي قلت ابغى تحليل حمل كذا بدون مقدمات هههههه جابه وعملته وغمضت عيوني وجالسه اقول يارب يارب يارب وفتحت على خطين :) << كأنه شبه خفيف بس واضح فكيت باب الحمام وسجدت لله شكرا بعدين بكيت كثير زي الهبلا فرح على مرض على دهشة مدري كيف احساس غريب وكان هالكلام بعد يوم التبويض ب13 يوم وقبل موعد الدورة بيومين ورحت ثاني يوم عملت تحليل دم وكان ايجابي وبرضو مو مصدقة في الطريق مريت ع الصيدلية وجبت تحليل ثاني هههههههههههه وجلست احلل لحد ماشفته بالسونار في الاسبوع السادس وصدقت :) الله يفرح كل متمنية ويرزقها ويقر عيون الحوامل بشوفة ذرياتهم سليمين معافين وييسر لهم حملهم ووضعهم يااااارب |
رد: غير مسجل شاركينا بتجربتك متى علمتي بحملك؟؟؟ وكيف علمتي ؟؟
السلام عليكم يا حلوين راح ابدا معكم القصه طويله شويه بس اتحملوا ارجع ورا قبل عشره سنين جبت ولد خلصت العاشر وماجاني طلق تخاصمت مع زوجي لاني ماراجعت بعد التاسع المهم رحت المستشفى لا سوت الدكتوره فحص ولا شئ بمجرد حسبت الموعد الا وحواجبها طارت وقالت الحين تنويم المفروض والده من 3اسابيع وقالت قيصري المهم طلعوني لغرفة الولاده وهدا كله في الصباح وبعدها ياحلوين جاءت دكتوره ثانيه ملقوفه وقالت نعطيك طلق صناعي واجاءتني الام قلت راح اموت من الصراخ الى المغرب والالام ماوقفت صدفه مارين دكاتره وكانت من بينهم الدكتوره الي شفتها في الصباح من وقت ما لمحتني الحمد لله عرفتني ونادت الممرضات وقالت هده انا كتبت لها قيصريه من اعطاها صناعي بسرعه على العمليات جنينها نبضه ضعيف وهدا على صلالة المغرب وما حسيت الا وانا صاحيه من التخدير الساعه 12 ليلا واول ما فكيت عيني تحسست بطني وبكيت وصوتي انبح من كثر الصياح بس بعدها حلفت اني ما عاد احمل بعدها
|
| الساعة الآن 10:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .