المشاركة الأصلية كتبت بواسطة malak ahmed (المشاركة 1330804)

الحمد لله يا لولو .. تسلميلي يا حبيبه قلبي علي سؤالك ومعلش انا امبارح روحت انام لاني فقدت الامل ان حد ييجي

المهم يا ستي الدكتور قالي ان الراس لسه منزلتش الحوض واداني تعليمات ما قبل الولاده اللي هي :

* دهان الثديين مرتين في اليوم + المساج ليهم

* تمارين قالهالي كده للرجلين + تمارين للنفس

* قالي اهم حاجه بردو المشي

وقالي علي 3 حاجات لو حصلولي اروحلو فوراااا وهم :

1. لو قلت حركه النونه عن المعتاد

2. لو نزل عليا ميه او دم

3. لو جالي مغص كل 5 دقايق

ههههههههههههه انا حاسه اني كتبت موضوع تعبير بس يلا بقي استحمليني شويه انتي اللي سالتي الدكتور قالي ايه hwaml7

انتي اخبارك ايه انتي ومحمد .. يارب تكونو بخير

المشاركة الأصلية كتبت بواسطة dr.princess (المشاركة 1330471)

شكلك خرجتى

المهم ياريت اعرف رأيكم كلكم

قلتلكم قبل كده ان ليا جارتى فى الشقة اللى جنبى مكنتش مرتاحة معاها الحمدلله هى نزلت مصر من شهر تقريبا وجوزها النهاردة نقل من الشقة خلاص يعنى الشقة فضت
ليا جارتى اللى كانت بتحفظنى قران انا بحبها جدا ساكنة تحتى وشقتها وحشة جداااااااا لانها ارضى ورطوبة ونمل وحالتها حالة فقلتلها من مدة ان الشقة هتفضى وتعالى انقلى جنبى احسن جوزها مش موافق كلمتها تانى النهاردة لما لقيت العمال بينقلوا عفش جارنا وقالتلى هتكلمه تاانى
دلوقتى فى بنت على فتكات عرفتها من تجمع عاملينه لبنات المدينة بتدور بقالها مدة على شقة فكرت انى اقولها على الشقة دى لو جارتى منقلتش فيها اناا قابلت معظم بنات التجمع ده فى الحرم بس هى ماقبلتاش وخايفة تطلع مش تمام وتتعبنى زى اللى قبلها وخصوصا ان الباب فى الباب يعنى هيبقى لا مفر منها
بس والله بفكر من ناحية من فرج عن مؤمن كربة من كرب الدنيا فرج الله عنه كربة من كرب يوم القيامة
بس برده احقاقا للحق هى على النت معاملتها كويسة جدا وسألتها على كذا حاجة قبل كده مش بتتأخر ابدا

انا بنسبة كبيرة ناوية اقولها انتم رأيكم ايه ؟؟؟؟[/QUOTE


بصى يالولو الموضوع ده عامل زى البطيخه ممكن تكون قرعه وممكن تكون حلوه لانك ممكن تقللها وتيجى تسكن جمبك وتكون كويسه وتونسك وتبقوا اصحاب وممكن تكون مش كويسه او يعنى انتى تدايقى من جيرتها لاى سبب ف الحل الوحيد انك تعملى استخاره وتشوفى قلبك موديكى لفين وكمان لازم تكونى عارفاها كويس مش اتكلمتى معاها مرتين تلاته لان الى يتوسط لحد فحاجه زى دى لازم يبقى عارفه كويس لانك هتجبيها تسكن قدامك الباب ف الباب
بصى يالولو من الاخر علشان ابقى قلت الكلمتين الى جوايا بدام انتى مش عارفاها كويس بلاش