|
رد: تجمع حوامل ليبيا
السلام عليكم ورحمه الله وبركاته
اهلييييييييييييييييين بناااااااااااااات |
رد: تجمع حوامل ليبيا
شنو الجو؟ انخش من الكساد لان مافيش حد يسئل عليا
|
رد: تجمع حوامل ليبيا
خيرات كيف حالكم اليوم...hwaml7
|
رد: تجمع حوامل ليبيا
اقتباس:
|
رد: تجمع حوامل ليبيا
السلام عليكم ورحمة الله
قبل الكل حبيت اسلم واباركلكم بشهر رمضان كل سنه وانتم سالمات وعام داير كلكم بصغار جدد او حوامل يارب حتى انا مستعده انعاودها بس بشرط الراجل يبدا يبني الحوش الجديد باش انجيب فيه قولوا امين لان راجلي قبل ما يتزوجني بني حوش جنب اهله صغير فيه دارين وصاله وكوجينه وحمام ما يسدش عيله كبيرة واحنا ولله الحمد عندنا قطعة ارض كويسه نتمنى ربي يرزقنا ونبنوا حوش كبير ادعولي بالله اعليكم |
رد: تجمع حوامل ليبيا
حاجه تانيه حبيت اطمنكم انا ادعيلكم وخصوصا في صلاة الفجر اقول يارب ارزق ميرنا وبنساوين المنتدى المحرومات بالذرية الصالحه استغل في فترة سفري لان دعاء المسافر مستحب وخاصة في هالايام المباركة
|
رد: تجمع حوامل ليبيا
سموحه السموحات انتي اكثر وحدة تسئلي اعليا وانا كنت مشغولة اشويه بس وعد مني لو حملتي وجبتي رح انواصلك ونجيك الحوش ونجيبلك البدلات ال3 انشاءالله
|
رد: تجمع حوامل ليبيا
ميرنا...الحمدلله على سلامتك وعقبال الوحم وتعبه وليبيا منورة بوجودك
حبل الوصل.. ادعي ليل نهار وكثري استغفار واسعي في العلاج وبري لطرابلس وانشاءالله تجيك القدام ام اسيل...ربي يخليلك اسيل وخوها والسي الضابط وعاودي امشي للعيادة مش تبطلي وترفعي الرايه البيضا هندية..الحمدلله على سلامتك نولرتي التجمع كيف حال شيبانيك وحمواتك معاك وحال الامورة الصغنتوته لولي..زميلتي في الغربة انا قريت سؤالك متاخر عن ماركة افنت انا ما دورتهاش بس اول ما نطلع رح اسئل عنها لاني استعمل في مراضع افنت لبنتي والشفاطة ماركة تشيكو ومعقم المراضع حتى هو تشيكو بس ممتازات جدا حتى عربه بنتي شريتها من ليبيا تشيكو ب170 دينار هنا في المانيا نفسها ب 250يورو شوفي الفرق ساجدة..ربي يحفظلك الامورات الزوز بنسئلك قداش عمرها بنتك الاولى وشن اسمها وربي يرزقك باخ ليهم يارب ام لقمان..وصابرة انا لليوم ما تلاقيتش مع وحدة منكم وحابه اتعرف اعليكم اكثر ام روفيدة..ربي يسهل اعليك امانه بشرينا احنا قبل كل الناس هاتو..موعد ولادتك قبلي باسبوعين تقريبا بس انتي مشفرة وما نلقاش فيك باش انديروا تجمع خاص بينا ميمونه...فوتي رمضان بلا حبوب وريحي روحك بوكثري دعاء لان الله هو الطبيب والشافي وبعد رمضان استئنفي العلاج اميسر...وينك يا حبيبتنا انتي وراجية وين سافرتوا احكولنا سامحوني لو نسيت وحدة منكم لان النسيان حاله هالايام ورمضانكم مبارك وينعاد اعليكم بالصحه والسلامه يارب |
رد: تجمع حوامل ليبيا
حبيت اسئلكم اقدر اكل التمر توا في الثامن ولا لا
انا عارفه انه يسهل الولادة مع المشي بس انا انحبه لين اخلاص وحارمه روحي منه حملي كله وتوا امي ربي يحفظهالي بعتثلي من ليبيا تمر ايهبل طعمته ناكل ولا لا |
رد: تجمع حوامل ليبيا
السلام عليكم ورحمة الله وبركاته كيف حالكم سامحوني كنت مشغولة اليومين اللي فاتوا نطلع نشري في حاجات البيبي وزوجي كان يومين إجازة هو اللي يقعمز قدام الكمبيوتر وما عنديش فرصة انخش ونطمن عليكم ربي يسهل عليكم كلكم وربي يسهل لكل من تتمنى الحمل في القريب العاجل اللهم امين ودعواتكم ليا بالله نولد في موعدي وما نفوتاش خلاص مفروض موعدي يوم التلاتاء القادم لكن ما فيش أي حاجة مرات انحس بألم زي الم الدورة لكن أقوى شوية المهم ادعولي بالله عليكم
|
| الساعة الآن 06:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .