|
|
رد: تجمع حوامــــــــل مصر (ام الدنيا )
انا ماقولتش تجيبى تموين البيت بس على الاقل شوية جبنة وحلاوة ولا مربى اى حاجة من اللى بتبقى فى ثلاجاتنا كلنا وفرخة ولحمة ورز وخلاص اى حاجة تمشيكى اليومين اللى غايب فيهم ولا الحوجة لاهله وماتسيبيش نفسك جعانة اتغاتتى عليهم زى ماهم بيعملوا وانزلى لو هتجيبى حاجات خفيفة للتلاجة مفيهاش قلق شيلهم
احنا برده بننزل نجيب حاجة الشهر على بعضها ورجلى على رجله انقى الانواع اللى مجرباها وعارفاها صحيح بتعب يومها من اللف بس بخلص بجيب كل حاجة ومش بشيل هم الشهر وبقالى مدة بنجيب حاجة الشهرين مرة واحدة ولو كده ابقى انزلى معاه شوفى اللى محتاجاه ونفسك فيه وماتشيليش حاجة |
رد: تجمع حوامــــــــل مصر (ام الدنيا )
ايه قلة الذوق دى مانتى حامل فى ابن اخوها اعوذ بالله منها
وانتى ماتعتذريش هو انتى كلتى خروف دى جبنة وطماطم انا نفسى نبقى جامدين كده ونعرف نرد والله انا خايفة لما انزل ابقى خيبة كده ويحصلى الحاجات دى ربنا يستر |
رد: تجمع حوامــــــــل مصر (ام الدنيا )
عارفة يا لولو شكله هوه ده اللي هيحصل .. بالنسبة للجبنة انا عندي جبنة رومي وعادية بس العادية لازم جنبها فلفل او طماطم او خيار عشان اعرف اكلها مبعرفش ابلعها كده بتقف في زوري والرومي مبعرفش اكلها غير في فينو ومش عندي وبعدين عشان كترت فيها اول ثلاث شهور جتلي قرفة رهيبة منها وعند فطاير مسكرة جايبهالي في الفريزر وبرضه جايالي قرفة منها
|
رد: تجمع حوامــــــــل مصر (ام الدنيا )
انا لو منك تكلمى جوزك الصبح وتقوليله ياحبيبى انا عايزة انزل اشترى شوية خضار خفيفة كده وفينو وكرواسونات كله مش هيجى 2 كيلو وماتقلقش من الوزن انا هخاف على نفسى كويس وخلاص كده وربنا يرجعه بالسلامة وانا عارفة انه اكيد مش حارمك من حاجة باين من كلامك عليه
|
رد: تجمع حوامــــــــل مصر (ام الدنيا )
والله يا بنتي ساعة بحس ان انا غريبة عنهم زي ما اكون متجوزة حد مش قريبهم واللي في بطني دي متقربلهمش حاجة .. اللي بيخليني اعتذر اني بتكسف جدا اني ابقى تقيلة على حد ..
بصي يا لولو هقولك كلمة صحبتي قالتهالي وفعلا طلعت صح محدش هيشيل همك ادك يعني انتي اعملي حسابك اما تنزلي مصر ولا كانهم موجودين متستنييش منهم حاجة انا عارفة ان الواحد بيبقى عشمان فيهم لانه مغلطش في حقهم بس صدقيني ساعة اما هتبقي تعبانة محدش هيعبرك غير نفسك وزوجك |
رد: تجمع حوامــــــــل مصر (ام الدنيا )
عارفة يا لولو هوه اللي خلاه كمان ميعملش حساب السفرية دي انه قايلي ان اروح لماما من اول يوم سفره فبالتالي كان فاكرني اني مش هاكون هنا وانا خلاص بكرة ان شاء الله هاروح لهم ادعيلي بس الجو يبقى كويس عشان اعرف اروح لهم
|
رد: تجمع حوامــــــــل مصر (ام الدنيا )
كلامك صح ياسمية اكيد محدش بيشيل هم الواحدة غير جوزها وامها واخواتها ربنا يخليهم ليا والله انا حتى من دلوقتى لما حمايا وحماتى او اخواته بيسألوا عليا وعلى صحتى مش عارفة ليه مش بحس بسؤالهم انه طالع من قلبهم مهما عملوا مش عارفة هو احساسى كده
|
رد: تجمع حوامــــــــل مصر (ام الدنيا )
ان شاء الله الجو يبقى احسن ولو هتروحى لمامتك خدى بالك ماتسيبش اكل بره علشان مايعفنش او يتلم عليه نمل لو عندك وقفلى الشبابيك والبلكونات كويس علشان التراب وخدى هدوم كفاية علشان ماتحتاجيش ترجعى فى النص وانتى كمان بتقوليلى ان مامتك مش قريبة منك
|
رد: تجمع حوامــــــــل مصر (ام الدنيا )
|
رد: تجمع حوامــــــــل مصر (ام الدنيا )
عارفة يا لولو انا بقيت كده من ساعة العملية اللي فاتت حاسة فعلا انه انا غريبة عنهم مع اني والله يا بنتي ما بقصر معاهم في حاجة وبعد الحمل بقى الموضوع زاد شايلالهم في قلبي كمية مواقف عمري ما شلت ادها من حد قبل كده
|
| الساعة الآن 11:50 PM. |
|
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .