|
رد: دردشة حوامل أهل القصيم - دردشة بنات القصيم - تجمع حوامل القصيم
هلابك اختي سكر زماني
أنا دخله التاسع من أسبوعين والله يسهل علي وعليك لسى ما قررت وين أولد بس الأغلب في مستشفى الولادة والأطفال لأنه احتمال عملية وما ابي أغامر مع أن زوجي مصر على مستشفى الوفاء أو الحبيب بس أنا مو مطمنه للخاص لوكانت ولادتي طبيعية كنت ابي اختار الوفاء كثير من البنات مدحوه لكن قدر الله وماشاء فعل لاتنسيني من دعواتك |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم ورحمة الله اسعد الله مسآآكم ومبارك عليكم الشهر بنات القصصيم
انا عندي صديقه ومن القصيم وحول الولادهـ ومحتاره في أي مستشفى تولد عندكم هي تقول القصيم الوطني كثير يمدحونه وخدمات حلووهـ فوشرايكم الله يجزيكم خيرر ؟ هل تنصحونها فيه انتظر الردود |
رد: دردشة حوامل أهل القصيم - دردشة بنات القصيم - تجمع حوامل القصيم
الله يسهل عليها يالغلا
والولادة تساهيل من رب العالمين الله يسهل عليها أعرف وحدة ولدت زوجة أخوها بالقصيم الوطني وتمدحه مشكلة القصيم الوطني تحسي مابه أحد هو مستشفى كبير لكن الكادر الطبي قليل ولاحظت المراجعين موب كثيرين والحبيب حلو وفيه زحمه عليه بس كثير ما مدحوه لي الوفاء بعنيزة كثير مدحوه خليها تستخير ووتوكل على الله وربي راح يكتب لها الخير |
رد: دردشة حوامل أهل القصيم - دردشة بنات القصيم - تجمع حوامل القصيم
هلابك محبةالجنان..امـــين الله يسهل علينا..
انــا ابولد بالوفـــا ان شــاء الله..لاني والده عندهــم ولادتي الاولى بس كانت قبل 5 سنوات بس محتاره خايفه انه تغيرت معاملتهم لاني اراجع عندهــم وربي زحــمه مــاتتوقعينه ... مستشفى الولاده شين مــره كثير ما يمدحــونه طيب ليش انتي مقررين لك عمليه؟ |
رد: دردشة حوامل أهل القصيم - دردشة بنات القصيم - تجمع حوامل القصيم
يابنات القصيم محتاجة وقفتكم
سؤال للحوامل في الشهر الأول: هل نبض السرة يدل على عدم وجود الحمل وعدم النبض يدل على الحمل لأني أنا استخدمت كلوميد لمدة 3 أشهر وبالشهر الثلاث استخدمت ابرتين تفجيرة قوتها 5000 ونبض السرة عندي قوي وقريت بالنت نبض السرة يدل ع عدم وجود حمل هل هذا صحيح تكفون ريحووووووووني,, وهل صحيح ابرتين التفجير تنزل أكثر من بويضة؟؟ لأن الدكتورة ماحكت عن عدد البويضات أبد وأكتفت بكلمة حلو كل شي تمااام وانا كمان ماسألتها؟؟ ريحوووووووووني أنتظر ردكم ع أحر من الجمر. |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
الوفاء كثير مدحوه واذكر وحدة والده فيه من كم شهر تمدحه توكلي على الله والله يسهل عليك الولادة مستشفى الولادة أدري أنه شين ومايمدحونه لكن أخاف من الخاص لوكانت عملية لاسمح الله فالحكومي أضمن أنا الجنين عندى مقعدي راسه لسى فوق وعندى موعد الأسبوع الجاي بالمستشفى ربي يسهل الدكتورة اللي بالخاص قالت لو ماتعدل ونزل راسه لتحت لازم عملية وأملي في الله كبير دعواتك |
رد: دردشة حوامل أهل القصيم - دردشة بنات القصيم - تجمع حوامل القصيم
الله يسهــل عليك يامحبه الجنان ويارب ينزل رأسه وتولدين طبيعي..
الوفا فيه دكتوره حوريه باكستانيه تعامله حــلو مره هي الي ولدتني قبل مع اني تعســرت ولادتي وجلست يومين عندهم الحمدلله على كل حـال ..طيب ليش ماتروحين عند ه وتسألينها اذا تحتاجين عمليه واتوقـع انه تسوي عمليات احــسن لك من ناحيه النظافه والمعامله..وانتي استخيري قبل كل شي وربي ييسر لك ولي.. |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
ويقر عينك بشوفته والله ماعندى خبر لكن أظن تحليل الدم هو أسرع شيء يأكد لك الحمل الله يرزقك يارب ويرزق كل محرومة |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
على الدعوة والله أفكر اروح للوفاء وأشوف بس فيه وحده خوفتني من عملياتهم سوت عملية عندهم وصار معاها نزيف ويالله قدروا يسيطرون عليه طيب يالغلا ماتدرين عندهم بنك دم أولا يعني للضرورة لاسمح الله لو احتاجت المريضة لدم لاقدر الله |
رد: دردشة حوامل أهل القصيم - دردشة بنات القصيم - تجمع حوامل القصيم
والله مــا ادري اذا عندهــم بنك دم ...بس اذا تبين رقمــهم تتصلين عليهم وتسألينهم ؟
وان شــاءالله ما تحتاجين بنك دم ولا عمليه .....تسهل.ونولد طبيعي بأذن الله |
| الساعة الآن 01:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .