|
رد: حبيباتى سيدات ليبيا تفضلو لأعرف ما حالكم
اقتباس:
|
رد: حبيباتى سيدات ليبيا تفضلو لأعرف ما حالكم
اي والله ام ورد خصيصا انك حمل تقدي مش طاايقه العزايم
/ عمومااا انا بننتقم يومين السبت والاحد مانيش حاطة طنجرة ع نار هههههههه خصيصا انهن عطلة عندنا واكيد ح نطلعوااا .. او ندير حوت او حاجة بحريات لكن حاجة فيهاhwaml02 كوليستروول عالي لا خخخخخ من تخريط المصارين اليوم وتنظيفهن .. وخضرة العصبان وتقريضهاا لان اصحاب زوجي شرطوه عليه مساكين خاطرهم فيه والحمدلله نا اصلا عابيه بنديره بس زدناااا الكميه اكثــــــــــــــــــــــــر |
رد: حبيباتى سيدات ليبيا تفضلو لأعرف ما حالكم
ماشاء الله الصور حلوه ام فروسي خليتينا نعيشوا لا
جو الرحله معاك فعلا مناظر تجننننن الله كم نموت في الطبيعه والخضار ربي يحفظلك زوجك ويطول في عمره وكل مره يرفعكم لمكان احلي من الثاني ههههههه سامحوني نكتب واشباح تمر من جنبي اموله حسب ما قالوا البنات شكلك مش مطوله ان شاء الله علي خير وشوفي دكتورتك هههههههههههههههههههههههههههههههه ههههههههههههههههههههههههههههههههههههه عن جد شي يضحك |
رد: حبيباتى سيدات ليبيا تفضلو لأعرف ما حالكم
هههههههههههههههههههه زي حالاتي ديما بعد العزومة اندير اضراب ونمد الأربعة خخخخخخخخخخخخخخخخ
لكن أحلى حاجة لما اتجبك السفرة فاضية وكلمة بارك الله فيك من زوجك تهون التعب |
رد: حبيباتى سيدات ليبيا تفضلو لأعرف ما حالكم
تسلمي جنودة كلك ذووق
وحتي انتم ماتحرموش نفسكم من الدهوورة .. خصيصا ان امريكا اسعارها انسب من بريطانيا واجمل شئ تقعدلكم ذكري حلووووة .................... جنودة نحن 9 وربع توا وتي روحك كنك تسكني ف حوش نفسنا للاطفال يبوووhwaml9 حلوي او قطع معدنيه فلوسhwaml02 يدقوا ع الباب متنكرين من اول ماتبدا الدنيا بتظلم يكثروااااااااا ههههههه انتم مازاااال اليوم عندكمـ ... |
رد: حبيباتى سيدات ليبيا تفضلو لأعرف ما حالكم
اقتباس:
هههههههههههههههه حلوة منك ام ورد تمدي الاربعه... فعلآ اجمل شئ ثناء زوجك عليك بعد العزومه ذكرتيني بعزومه ال 11 راجل ايامات حملي بالاء .. كنت ف السادس هذكي بجد شفت التعب والويل فيها بس الحق عليا كثرت حاجاااات واجد والله غالب هلي بعاد عليا ويومها كان عندهم عزاء فجأه قبل بيجوووني.. عمومآ .. توا الحمدلله بديت نرتب ف اموري اكثر بس مشكلتي ان العزايم اغلبهن جمعه ووتنقعد نجري جري بيش نلحق لعند وقت الظهر ..hwaml9 |
رد: حبيباتى سيدات ليبيا تفضلو لأعرف ما حالكم
جيرانا علقوووا واحد هكي توا في الحديقه
http://forum.hwaml.com/imgcache2/hwa...254484_961.jpg http://forum.hwaml.com/imgcache2/hwa...254484_775.jpg |
رد: حبيباتى سيدات ليبيا تفضلو لأعرف ما حالكم
اقتباس:
صح حتى أني ما نفضلش الحمعة اتحسي الوقت قصير ولازم اتوتي قبلها |
رد: حبيباتى سيدات ليبيا تفضلو لأعرف ما حالكم
مأساة النت اليوم مأساة
|
رد: حبيباتى سيدات ليبيا تفضلو لأعرف ما حالكم
خوخة وين امشيتي
|
رد: حبيباتى سيدات ليبيا تفضلو لأعرف ما حالكم
أوشي غياب ان شاؤ الله خير
|
رد: حبيباتى سيدات ليبيا تفضلو لأعرف ما حالكم
السلام علبكم ورحمة الله وبركاته
شن أخباركم اليوم أمولة كيف الحاال قربتي ماشاء الله ربي يسهلك ويهون عليك ديري احتياطاتك احتمال تجيبي في هاليومين اني زمان لما نزل عليا الدم راجلي اتصل بالمستشفى والممرضات قالوله اذا هي بكرة مرات تقعد حتى اسبوع ثاني لكن جبت ثاني يوم فروسة شن الأخبار ربي يعاونك عالعزومة ويعطيك صحتك وماشااااء الله ن خيال اكيد استمتعتوا ربي يخليلك زوجك ويعيش ويدهوركم وبالنسبة لسؤال الهالوين سامحيني والله في بالي منرد امس لكن نسيييييت واندهبت شيرتي حشاك عقلي خلاص عليه هذا أول عيل هكي مازاللي تسعة على حسبة راجلي ههههههه لانه هو طالب عشرة عموما والله جو الهالوين زي عندكم تحضيرات قداش ليهم القرعة المعرمة في الاسواق وملابس الرعب لكن والله اليوم ماطلعت الجو مانقدرش نوصفه مطر وضباااااب لدرجة مانشبحش في المباني المقابلات والجو في عز القايلة كأنه مغرب والا صبح بكري لكن احني عندنا حيط كله مرش مقعمزة حداه ونتفرج عالناس الماشية والجاية وكل واحد بشكل ولون لكن والله مانكذب عليك خايفة يخبطوا عليا هههههه السنة اللي فاتت علقولنا ورقة عالباب لو تبي تفتحيلهم خليها كان ماتبيش حوليها الورقةوالسنة اللي فاتت كنت بروحي والدنيا ليل حولت الورقة خفت كلا السنة هادي مش حاطين ورقة شكله بيجوا اجباري ههههههه امبكري قلت لراجلي مرات سوما تخاف كان جو قاللي انظني ام سوما هي اللي بتخاف ههههههه لا وزيادة امبارح متفرجة عاى فيلم رعب اليوم صابحة منموت من الخوف كل مانسمع ابسط صوت ننخلع ههههه جنودة ماشاء الله عايشة الأجواء برا صوري ووريهلنا جيجي ان شاء الله على خير يارب وقريبا تونسك الحبوبة جمان استقريتي عالاسم هذا خلاص؟ شموسة الحمد لله إنك اطمنتي عالبيبي فرحتيني عقبال ماتتمي حملك كله على خير باقي البنات الحلوات ام معاذ وام ورد وسوسو وام نوزة واثري شن اخبارك كلكم ان شاء الله تكونوا بألف خير سلامي للجميع |
رد: حبيباتى سيدات ليبيا تفضلو لأعرف ما حالكم
ان شاء الله كل الأمور تكون تمام في عزومتك ان فروسي
وانتي قدها وزياده لاتنسي تصوير السفيرة الحلوه سالتكم علي منتجات تجميل واستشوار ومملمس ماجاوبتوا |
رد: حبيباتى سيدات ليبيا تفضلو لأعرف ما حالكم
السلام عليكم
أكيد راقدين ام فراس. او اموله متعاملين مع مواقع بيع اون لاين زي ايباي وامازون ألقيت مملس شعر وشامبوا في امازون نبي نفهم ألطريقه أكيد ندفع بالبطاقة ويوصلوني للحوش وهل فيه زياده من اجل التوصيل |
رد: حبيباتى سيدات ليبيا تفضلو لأعرف ما حالكم
صباح الخير.....
اليوم العالمي في النوضان بكري شن جووووووووووووووكم وكيف أموركم اقتباس:
ربي يحفظلك أمك الغالية وسؤال أمتى أعطتهالك؟؟ قصدي امتى زرتي ليبيا ولا تقصدي مشيتي حامل.. المهم نسمع بيها وشفت ناس يديرو فيها بس شخصيا لم أجربها ولا أستطيع أن أفيدك.. |
رد: حبيباتى سيدات ليبيا تفضلو لأعرف ما حالكم
تعالي جنودة نهدرز عليك
أنا نايضة بكري.. ههه |
رد: حبيباتى سيدات ليبيا تفضلو لأعرف ما حالكم
جنودة الله يبارك لخوك وتحضري العرس بإذن الله وكم عمره خوك ياحلوة وعمر خطيبته (قصقصة)
وانت شفتيها خطيبته ولا ماشفتيهاش بكل ويارب تطلع إنسانة كويسة شموووووسة إن شاء الله الخميس تكلمينا من داخل صالة حوشك يارب.. |
رد: حبيباتى سيدات ليبيا تفضلو لأعرف ما حالكم
منو جي ولاقاعدة بروحي ياترى..
أنا نقرأ في صفحات فايتيني.. فروووووسة بيك وحشة اليوم العزومة صح إن شاء الله تتيسر ألأمور ياااارب |
رد: حبيباتى سيدات ليبيا تفضلو لأعرف ما حالكم
هههههههههههه حتى أنا نكره الحمام عشان الشعر هههه نكره عشان شعري شن بينشفه وراجلي تعقد مني ههههههه بس توا بديت نحاول معاش نعدل
ممكن فعلا بالشتاء أصعب.. |
رد: حبيباتى سيدات ليبيا تفضلو لأعرف ما حالكم
اقتباس:
واااااااااو حلو جدا موافقة وطبعا نخليلك موضوع تنسيق الصفحة ديريها وبعدين توا نعاود انسقها خخخخخخخخخ نستنى فيك ياحلوة وإقتراح حلو جدا وموفق.. بإذن الله.. |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
حتى انا اليوم نايضه بدري من ساعه 8 انفكر في الحوش وتنقيل الدبش نبي انتغدا في حوش هل داري وفي العشيه نبي نختاروا اديار نوم
|
رد: حبيباتى سيدات ليبيا تفضلو لأعرف ما حالكم
فكره حلوه فكره القروب الخاص
|
رد: حبيباتى سيدات ليبيا تفضلو لأعرف ما حالكم
اليوم حتى زوجي ناض 9اونص درنا سفره فطوره درت فطيره اوعسل اوقشطه اودحي مطبوخ اوطماطم اوجبنه فيلالفيا اوكيري اوقهوه اوحليب باكو اوطبعا "مق حليب اوشاهي"فطرت لعيال او فطرنا اوقعدنا انخطوو لحوش
|
رد: حبيباتى سيدات ليبيا تفضلو لأعرف ما حالكم
فروسه اكيده غاااااااااااااااااااطسه في العزومه
ربي يسترك امعاهم ان شالله |
رد: حبيباتى سيدات ليبيا تفضلو لأعرف ما حالكم
جيجي ربي اينوضك ابخير اوسلامه اواتشوفي احلا بنووووووووووته في العالم
|
رد: حبيباتى سيدات ليبيا تفضلو لأعرف ما حالكم
دودو
ربي يحفظلك سما ايخليها لكي من توه بده فيك الازهايمر ماشالله صار مازالك 9 |
رد: حبيباتى سيدات ليبيا تفضلو لأعرف ما حالكم
اموله ان شالله اتخشي واتطمنينا واتقولينا شرفت احلى بنوته
|
رد: حبيباتى سيدات ليبيا تفضلو لأعرف ما حالكم
اوشي اكيد اليوم يكمل الفرح ان شالله ربي ايكملا عل خير
جيبيلي حصتي في البنبنيره ههههههه |
رد: حبيباتى سيدات ليبيا تفضلو لأعرف ما حالكم
اثري تقريبا حتى هيا عندها فرح اليوم ربي ايكمل بلخير وان شالله ديما افراح
حوش الهل انجو طرابه... وان شالله مايسكر بابا... انحس فيها ماشيه امعاكي بدات قتلي اتديروا في الافراح في حوش بوكي الله يرحمه اويغفرله |
رد: حبيباتى سيدات ليبيا تفضلو لأعرف ما حالكم
رغوووده ربي ايسهلك وايسرلك في سفرتك
|
رد: حبيباتى سيدات ليبيا تفضلو لأعرف ما حالكم
توه سلامات نمشي اندوش لصغار اوانحضر روحي اونقره سوره الكهف
|
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم اخواتي ان شاء الله تكونو بالف خير قاعد الامن مستتب وماصار شئ مشيت امس درت كشف وبعد ماوجعتني قريب ضربتها وبدين نعيط مسكينه لين اتعقدت والله اتكلم فيا والعبرة خانقتها قتلي ماساعدتينيش ووجعتي روحك المهم قتلي فاتح نص سانتي بس ؟؟ معناها مزال هلبا والاه؟ الحمد لله ع كل حال لكن قلت ظهري يوجع فيا هلبا هلبا ومعاش عندي نية في شئ هل عادي نشرب قرفه و خلطات والا لا؟لانه زوجي مايبيني ناخد شئ خاطي مية زمزم \\\بارك الله فيكم ع ردودكم ونصايحكم ودعواتكم ياغاليات ربي يحفظكم جميعا وسامحوني لو ماعلقتش لاني نكتب وقاااالقه |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم ياحلوات جنودة بالنسبة للشراء من اونلاين احني ديما من الأمازون تدفعي بالبطاقة وتوصلك حاجتك عالبريد وسعر التوصيل مش هلبة اعتقد على حسب الحاجة اني خديت المدة اللي فاتت تونيك للشعر من بريطانيا هوا سعره 25دولارالشيشة فيها 400مل وسعر التوصيل اعتقد 5دولار بس انتي منين بتاخديهم المملس والشامبو؟ |
رد: حبيباتى سيدات ليبيا تفضلو لأعرف ما حالكم
سوسو شن الجو عاش من شاف خطك منورة اليوم من الصبح
فروسة وينك شن أخبار عزومتك ان شاء الله الامور مشت تمام مانحبش عزايم الغدي نحس في روحي مش حنلحق وخصوصا في مراة جاية معاش تعرفي تسايري والا تجري وتوتي شموسة شن الجو الله يعاون ربي يسهل اموركم وتسكنوا حوشكم على خير امولة ياغالية ربي يسهل عليك ويجعل ولادتك ميسرة باذن الله ومادام الرحم انفتح نص سانتي حاولي تتمشي هلبة باش يزيد ينفتح انتي قداش ليك يوم في شهرك ؟ جيجي شن أخبارك مازال مافي شي؟ نكرهه السؤال هذا هههههههه لماكنت حامل كرهوني في عيشتي حتى من الرجالة أصحاب راجلي يسألوا فيه امتى وشني مازال مافي شي ام نوزة وين غاطسة شن الأخبار صدقيني ياحلوة رسالتك عالخاص ماوصلتني قلبت صندوق الوارد كله آخر رسالة فيها الاقتباس امتاع ردي بس مافيش ردك انتي اثري واوشي هايمات في الأعراس ربي يكمل على خير وان شاء الله ديما أفراح تعرفوا ليلة امبارح كانت حاااافلة ونجمة الحفل هيا سوما هههههه في الأول رقدت الساعه 8في الليل اني والله مانبيها ترقد بكري لاني عارفتها ح تنوض لما نخشوا منرقدوا احني لكن بوها قاللي لالا عادي حتى بتنوض تآخد شيشتها وتولي قلتله خلاص مادابيا اني تعشينا في هدوء وتفرجنا على فيلم والجو تمام مع الساعه 11ونص حسيت روحي خلااااص نعست قلت منخش نرقد ونرتاخ طالما سوما في سابع حلمة وفعلا رقدت مع الساعه 12ونص ناضت الآنسة نين جيت مقعمزة من عيطتها وعاد اني على نياتي مشيت درتلها شيشة نحسابها بترضع وتولي امشي الفالحة تاريتها شبعانة نوم وتبي تلعب طلعتها وفتحتلها التلفزيون وغيرتلها الحفاظ وعلى ماحاولت نرضعها مابتش شوية وقلقت قعدت تعيط مشي قعدنا بالدور اني وبوها كل مرة واحد يشدها ويلف بيها للساعه 2ونص كان دور بوها قاللي منطلع بيها في الممر نلف بيها بالك ترقد واني قلت خلاص اكيد مية في المية حترقد المرة هذي مشيت رقدت معاش نعلم بشي للساعه4سمعتها تعيط نضت لقيتها في الصالة حاصل فيها اوبيها مسكين قاللي قاعدة مارقدتش من بكري hwaml9 وهو حاصل فيها مسكين ومانوضنيش والله نين بكيت وجعني قتله خيرك مانوضتنيش قاللي لقيتك راقدة قلت خليها ترتاح هي طول اليوم تاعبة في جرتها ولقيته دايرلها شبشة رضعتها ورقدت وهو مسكين الصبح ناض متآخر وعيان من السهر قلبي وجعني عليه ومأنبني ضميري قتله خلااص وعد مني معاش تمسها في الليل تو اني نسهر معاها قاللي لاعادي بنتي وعلى قلبي زي العسل وبعدين ليش مكتوب عالأم بس هي الي تحصل حتى الاب لازم يشارك هادي بنتهم الزوز قوالله ماشاا الله عليه عنده وسعة بال اكثر مني ويتحمل فيها اكثر مني ربي يخليه ليا |
رد: حبيباتى سيدات ليبيا تفضلو لأعرف ما حالكم
فروسة منسألك عادي ننسحب من الإشراف والله قداش ليا معاد خشيت على قسمي ولانعلم بيه نحس في روحي معاش عندي وقت ولاوسعة بال يادوب انخش عالتجمع شوية ونطلع
حرام قاعدين عابيين عليا واني مش قايمة بواجبي وقليييل مانخش |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
| الساعة الآن 01:08 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .