منتديات حوامل النسائية - تجمع حوامل الأشهر الأخيره(السابع,الثامن,التاسع)

الله يسلمكم يالغوالي
بدايه القصة يوم الخميس سهارنه مع خواتي ووناسه وضحك وكل ماحد شافني قالي يافيله لاني لسه مافيني اي بوادار ولادة
جلست لين اذن الفجر صليت والكل نام الى انا قلت اقرا قران احسن وجلست لين الساعه 7 الصبح ونمت
الساعه عشرة بالضبط صباح يوم الجمعه قيمني وجع محترم مو اي وجع وجع يقولك قومي ياحلوة من نومك
قلت بسيط وبيروح !!!! الا كان يمسكني كل ربع ساعه ومتقطع لكن كان متواصل وماخلاني انااام جلست لين الساعه 10 باليل ومن هنا بدا ينتظم معي
الالم كل هالوقت وانا اتصبر وادعي جت الساعه 3 باليل بدوون نوم والالم حقيقة لايوصف
اخذت ملعقة صغيرة زيت خروع بعصير برتقال والحمد لله ارتحت عليها لكن الطلق بدا يقرب اكثر وااكثر صار كل خمس دقايق
الصبح يوم السبت الساعه 8 خلااص اشوف الوااااان الطيف تعبت لاني اطلق من يوم كااامل قررت اروح المستشفى الحمد لله رحت قالو لي مفتوح
3سانتي وااح من الفحص خصوصا لو جاك الطلق وهي تفحص احس قلبي يتقطع لكن الحمد لله ع كل حال
خلاص حولوني لغرفة الولادة طلعت للغرف وماسكه يد امي مسكينه وربي تعبت معي وهي عندها ضغط خفت عليها والله
ربي يحفظها ويطول لي بعمرها حقيقة حسيت الان اكثر من اول بقيمت امي وشولون عانت وتحملت
دخلت الغرفة ومن هنا خلااص صرت برحمت رب العالمين دخلت واخذت الحقنه الشرجيه لكن نا اصلا ارتحت من زيت الخروع
وماخذت وقت كثير وشوي لبستني الفلبينه ولحسن حظي ولله حمد طحت ع يد نيرس بلسم تنحط ع الجرح يبرى
وحدة تانيه سورية كبيرة وتدعي لي وتقرا علي وتمسح فوقي والله ادعيلهم كل تانية
الله يسدد خطاهم وين ماراحو عموما وهنا بدو يقلقون الاجهزة ع يديني وانا خلااص وربي من الالم ولارهاق وقلت النووم
نصيحه نامو زين ياحوامل لان بينتظركم سهر وقلت نوووم عوضوا ونامو زين
وياله حطولي مخدر ريحني كثير لكن الطلق يزيد ويزيد ويوم قالو 8 سانتي الى امي تشوف الدكتورة حقي تجري لغرفه الولادة وهي
رومانية مسلمة ربي يجزاهاخير ساعدتني كثير ولله الحمد وياله ع دفي دفي خلاااااااص ماحسيت الا بخروجه بسرعه شفت
بس الدكتورة ماسكته ودخلت بعالم تاني وماحسيت بنفسي الا وانا بغرفتي وامي حولي وخواتي وابوي للاسف زوجي
ماحظر هالحظة لظرووف شغله وكان الحليوة جنبي يوسف ماشاء الله تبارك الله شفت حلم عمري قدامي
والله لا اخفيكم الى الان كاني عايشه بحلم 7 سنوات انتظرت واحتسبت وربي عوضني كل خير الحمد لله حمد ا كثيرا
طبعا كان دعائي ربي يرزق كل منتظرة يارب ولاتحرم هالشعور لانثى ياااااارب
بس الى خوفني ان حالي شوي تدهور بسبب تسارع نبضات قلبي وكل شوي يدخلو يقيسو النبض والصبح يوم الاحد لقيت اثنين دكاترة
وع اسئله عندك مشاكل صحيه و و و ؟؟! وبالاخير اخذوا تحاليل دم وكمان تخطيط قلب
وقالو كل شي تمام بس يوم الاحد الجاي عندي مراجعه والله يكتب لي الخير كمان نسيت تحليل دم لولدي لاني اعاني من الغدة الدرقية
فخافو ان الولد معاه الغدة لكن قالو الحمد لله سليم
دعواتكم يالغوالي ربي يسعدكم ويسهل ع كل حامل ويرزق كل منتظرة ويبلغني بولدي ويحفظه ويجعله من حفظت كتاب الله
الخياااط وما الخياااااط
طبعا الخياااااااط شي خيالي وع فكرة سوت لي خياط تجميلي بدون ما اسال دخلت ع النيه
وعطتني مرهم والى الان تعبانه وقالت ياخذ وقت شهر او شهرين هنا صعقت لكن الحمد لله
الخيرة فيما اختارة الله
والان مع الم الرضاعه والثدي ولادة جديدة تعتبر بنظري لان وجعها وجع ااااااااح يارب خفف علي
مادري كل العالم زي ولا انا زيااااادة؟؟؟؟!!!
موفقااات يالغوالي
اختكم ام يوسف واخيرا