منتديات حوامل النسائية - حبيباتى سيدات ليبيا تفضلو لأعرف ما حالكم

منتديات حوامل النسائية (https://naqatube.com/index.php)

- ملتقى عضوات حوامل (https://naqatube.com/forumdisplay.php?f=69)

- - حبيباتى سيدات ليبيا تفضلو لأعرف ما حالكم (https://naqatube.com/showthread.php?t=262918)

رد: حبيباتى سيدات ليبيا تفضلو لأعرف ما حالكم

والله ياشموسة حاليا متحمس يروح وعادي ماعنداش مشكلة لكن مش مضمون لو روح ولقي الوضع بالهون مرات يرجع لكن بوه دبما يقوله ارجعوا زيارة بس بعدين ولي اشتغل غادي وامه بالعكس مسكينة ديما تسأل عالمرواح قالت نحلم بيه يوم مرواحك حلم زمان لما روح راجلي للزواج قالوا ماعجباش الجو يلود ويقول قالق كساد مش عارفين وين نمشي امه قعدت تبكي قالت شكله خدي عالجو غادي ومعاش بيروح قلتلها لا ولايهمك منكرهلك غصبا عنا ههههههه

رد: حبيباتى سيدات ليبيا تفضلو لأعرف ما حالكم

اقتباس:

المشاركة الأصلية كتبت بواسطة *ام فراس* (المشاركة 3478923)

اختي الغاليه على قلبي جدآ أمووووله خودي هالنصائح من اخت تخاف علــيك

اولا ماتسمعيش كلام الناااس في ان البكر تعطل .. او تجــي لية زي دورة او او او ..

رغم ان بعض الاحاديث صحيحه ..لكن المرأة تختلف طبيعة جسمها من مراه لاخري ..

اذا كانت المراه متعددة الولادات تسردلك قصص مختلفه وزي مايقولن جداتنا كل بطن وعجبــها ..

لاني مانبيكش تفكــري في انك ح تولدي قبل موعدك نفس ماصارلي ف لولي لين لقيت روحي فايته التاسع باسبوووع

وبالنسبه للالم طبيعي جدا جدا ف التاسع ..لان الجنين نزل ف الحوض وكبر ,,,
وفي دكتورة مرة قالتلي ان كل ماتزيدي تحملي الثاني والثالت يزيد معاك الثقل بعد حكيتلها ع ثقل الاء بدرري قالتلي توا تجربي ان شاء الله الحمل الثالت اكثر من هك ,,

نحكيلك قصتي في بكريا فروووسي طبعآ موعدي كان 17.3

وبم ان المصحة لي بنجيب فيها مش في اجدابيا ف بنغازي عديت عند هلي بدري تحسبآ لاي طارئ ووصلت عندهم يوم 10 ..

وكان جو رائع قدااامي لان خواتي وماما وخالتي باديات ف الموالح وبعض الاشياء لحفلة اسبوع فراس ..

لكن مجرد ما جاء الليل ورقدواااا .. وقبلها طبعا طلع بينا زوجي وخويا للسوق ومشيت واجد قريب اربع ساعات ف محلات مشي وتصباي .. تحضير لاخر التجهيزات لان ف حاجات ماما كانت تستني في ذوقي فيهن

خلاص روحت خشيت الحمام حشاااك لقيت دم مش بمعني دم هكي لونه قهوي ..

طبعا حسيت بخوف مش عادي حسيتها قربت خلآص........

عموما طلعت لماما وفرحت قالتلي خلاص مش ح تطولي

ونفس ماقالت شموسه كنت عارفه انها سدادة الرحــــم

عموما رقدت ساعتين

وساعه 3 نضت نفسيتي تعبااانه ومضايقه وقعدت نبرم ف حوش هــلي اخرتها خشيت المربوعه

وقعدت نمشي فيها بالطول والعرض ونبرم وخلاص ..

وكانت الليه وقتها زي دورة وتحتمل ..

خلاص ابو فراس جاني طول من الصبح شالني المستشفي وكشفوا عليا

وقالوا نص سم ومازال واجدhwaml9hwaml03 انفجعت

خلاص شالني ابوفراس ع اساس الدكتورة قالتلي امشي عدينا ومشيت ومشيت( والله ماطيحلي الا جهدي المشي في جيبة فراس وتعبت ف الولاده بسببه وسبب قلة الاكل )

وبعدها ف العشيه قوت الليه .. والباقي حاكيته من قــبل ,,,,,,,

يوم الولاده هو كان اصعب يوم بجد .. والرحم سكر راسه ع 1 سم وبسسس مدة 3ايام

ماما الله يحفظها .. تديرلي ف قرفه وحليب دافئ وزوجي جابلي زنجبيل محلى بالعسل زي شاي الكيس

يديرولي فيه ف الحليب وطبعا يشربوا ويشربوا فيا للتشجيــع لان الحق معش عندي قابليه لشـــئ بكل .. لامتقبله اكل لاشرب ..(وهذه غلطتــي)

لان وقت الولاده تبي جهد وطااااقه وماما نصحتني وااجد وكنت دوب ناكل لقمة او طشة تمر

تعصدلي فيه بزيت الزيتون يمكن هذا لي ساعدني ..

مع قراءة الاذكار وسور من القران الكريم خصيصا الزلزله ..
والحق نظمت تنفسي كويس والقابلات والدكتورة لي جني متمكنات ولله الحمد..

وطبعا ولدت قبل موعدي باربع ايام اوخمس
جبت يوم 13,3

مجرد ماطلع للدنيا فراااس .. شعور رائــــــــــــــــــع وفوق من الرائع يا أموله

ح تنسي كل شئ فات بسهوله ... وهنا هرمون السعاده يبدأ يشتغل في ثواني طبعآ ..

والمسهلات ننصحك ماتاخديهش الا اذا رحمك انفتــــــــح ..

والعشبه اعتقد انها عشبة مريم سامعه بها .. بس ماجربتهش

لي جربتهن ودارتهن ليا ماما هنا ( القرفه .. وحليب دافئ محلي بالعسل والزنجبيل.. وطبعآ التمر المعصد بزيت الزيتووون)

مع تمنياتي ليك بولادة ميسره وسهله يااارب ..
بارك الله فيك اوخيتي الغاليه ام فروسه والله نصائحك استفدت منها هلباوان شاء الله نعمل بيها وماشاء الله صار فروسه تعبك هلبا بسلامته مابعدك والله ان شاء الله كل تعبك بأجره يارب وربي يخليلك اميمتك الحنونه وزوجك الغالي والله وقفتهم بجنبك في وقت الألم بالدنيا ان شاء الله ربي يسعدك ويحفظلك احبابك ويهنيك

بالنسبه لدعوتك ليا للزوايه يشرفني عزيزتي ... يا ليت والله

خصيصا اني نحس فيك ديما كأنك من جيلي الثمانيانات كأنك مش التسعينات مع احترامي للتسعينات .. قصدي حسب اسلوب حكيك وتفكيرك وهكــي..

ومرحبتين بيك في الشرق الليبي ..ويا الف مرحبا

ويسعدني اني تعرفت عليك ..

توا بنقول لزوجي بيش نمشوا لاموله ف الزاويه بعد اوشـــي في شحات لاني حكيتله عليهم ..ههههههه
هههههههه خلاص قوليله والله تشرفي وتنوري الزاويه وحتي اني بنقول لزوجي واخيرا بنمشي للشرق لانه خاطري في رحله غادي ومانعرف حد

والله الشرف لياوتسلمي كلماتك وشهادتك فيا تهمني لانك عسسسسسل وذوق ربي يحفظك ان شاء الله نرجعو بالسلامه لارض الوطن و نزورو بعضنا في الافراح يارب

اقتباس:

المشاركة الأصلية كتبت بواسطة *ام فراس* (المشاركة 3478923)

ممممممممممممممممم

رد: حبيباتى سيدات ليبيا تفضلو لأعرف ما حالكم

اقتباس:

المشاركة الأصلية كتبت بواسطة هدية الخالق (المشاركة 3478956)

امولة مش شرط البكرة تجيب قبل او بعد موعدها حتى اني زمان خوفوني من الحاجة هذي من لما خشيت التاسع قعدت نوسوس حتى لية خفيفة نقول خلاص هذا هو وانوض ندير تشطيبات وندوش وعلى اساس واتية خلاص منمشي نجيب هههههههه وحيلي انهد من كتر المشي وفي الآخر جبت في موعدي بالضبط سبحان الله اني موعدي 22جبت يوم 21في الليل بعد الساعه 12يعني تسجلت بتاريج22شوفي سبحان الله ونصيحة ماتغكريش في الجياب لين يجي وفته وربي يسهلك

ان شاء الله ياحلوة لكن تلقي روحك لا اراديا تفكري

وياريت تجي تأنسينا في امريكا ونحطوك في عيوننا عاد جيران احني وفعلا البضاعه تقريبا مقارنة بكندا ارخص هلبا وخاصة عند التخفيضات انتي غير تعالي وادللي

رد: حبيباتى سيدات ليبيا تفضلو لأعرف ما حالكم

جنودة مبااااارك ع خوك وان شاء الله بطول عمره وعقبال ماتشوفيه عريس وان شاء الله تجيكم بنت حلال زي ماتحبو واحسن

بالنسبه للدعوة طبعا عندك الاحقيه تبعتي دعوة لبوك وامك وبو زوجك وامه فقط لكن اجرائاتنا مش زي كندا لانه هما التأشيره سهل الحصول عليها مقارنة بينا يعني التأشيره الي بيديرها الشخص الي بيجيك بتاخد تقريبا نفس الوقت لاجرئات الشخص العادي مثلا طالب وزي ماعارفه تأشيرة امريكا بدت زي الحلم ماتحصليها لين اعصابك خلاص وهذا الي مخلي معظم اليبين يخاف من الزيارة لي ليبيا لانه صعب يحصلها تاني

رد: حبيباتى سيدات ليبيا تفضلو لأعرف ما حالكم

شموسه ردي بالك ع روحك اكيد جايك تعب في حوسة العزومه والحوش وان شاء الله ربي يخليلك اهلك والله فعلا مستحيل حد يحبك ويخدمك بنية كيفهم وماشاء الله محلاها خشت الحوش الجديد ومع قدوم الشتاء نبه الجو هذا ان شاء الله عتبة خير عليكم

رد: حبيباتى سيدات ليبيا تفضلو لأعرف ما حالكم

سوسو ياحلوة وينك

رد: حبيباتى سيدات ليبيا تفضلو لأعرف ما حالكم

سوسو وشموسه وجنودة شن رايكم نديرو قروب مغلق لينا احنى بس ع الفيس نهدرزو مرة مرة طبعا اي وحدة عندها فيس وحابه نظيفوها مرحبتين بيها في انتظار ردكم

رد: حبيباتى سيدات ليبيا تفضلو لأعرف ما حالكم

شن اخباركم امولة اوشي واتري وهدية وام معاد وام ورد جنودة سوسو وام فروسي
شموسة وجيجي طمنوني عليكم

رد: حبيباتى سيدات ليبيا تفضلو لأعرف ما حالكم

السلام عليكم ورحمة الله وبركاااته

صباحو نسمة هوا بااارده .. ع فنجان قهوة دافي بالحليب ...

رد: حبيباتى سيدات ليبيا تفضلو لأعرف ما حالكم

جنووودة مبارك علي خيــك ..
وان شاء الله تطلع كيف ماتمنوا واكثر ,,

رد: حبيباتى سيدات ليبيا تفضلو لأعرف ما حالكم

الله يا اموله قعدت نتخيــل ان نترافقوا للجــبل وبالمرة انزوروا اوشــي هههههههه

اصلآ أصحــاب زوجــي مايحبوش الســفر وتغيرات الجو واجد ف ديما خاطري نترافق مع عيله ..

مرة اتفقت مع صاحبتي لي قلت عرفتها م نت لكن للاسف عربها (هل زوجها) قالوا بنمشوا معك فتعقدت بكــل

لان قالت ديما يمشوا معانا ف كل الرحلات فلغتها ف لحظة الاخيره

وعدينا بروحنا هذا كان عيد الاضحى قبل لي فاااات

رد: حبيباتى سيدات ليبيا تفضلو لأعرف ما حالكم

ام نوزه نا بخير ولله الحمــد ..

شن اخبارك انتي واخبار حمود ونوزه

رد: حبيباتى سيدات ليبيا تفضلو لأعرف ما حالكم

عارفه ا جنوووده من لي صاير ف بلادنا ,, واصلا بطبع البلاد من قبل

ديما نقوول عليش نزيد نقرا ونحرق اعصابي ف قرايه ..

وبعد انروووح يعني بيقدروني؟؟ اكيد لآ .. بس العلم كويس وفيه نفع للاخرين حتي لو الدوله ماقدرتأأش

قعدت نقتنع ان وقتي ياخدوه عيالي بتربيتهم تربيه صالحه .. وقضاء اجمل الاوقات معهم افضلي..

بعد وصلنا هنا كنت جايبه ايفادي بالانجلش واوراقي جاهزات للدراسه ماجستير مدة سنه

بس بصراحه فكرت ان يومي كله برااا نروح 6 بعد زوجي وعيالي بيقعدوا مع بيبي ستر .؟؟؟ عليش ؟؟

شن دراني انها تعاملهم كويس .. وبعدين حرااام ينحرموا من امهم وهم بفترة طفوله حسااسه ..

ولو كان زوجي مايقرش كانت اسهــل ..

يعني لازم واحد يضحـــي .. وهو اللي جاي بالاساس يقرا ..

ونا نقعد مع العيال وهو يقرا ..

وبعدها بنروحوا وبنردوا اخري نتغربوا سنتين او اكثر حسيته واجد هههه

هذا ليش فكرت في مصر وزوجي شجعني وقال قريبه وع حسابنا الخاااص

وامتي ما ظروفك تسمحلكـ ..

هذه سبب تفضيلتي مصر

رد: حبيباتى سيدات ليبيا تفضلو لأعرف ما حالكم

صورة من الشارع الملكي بادنبره .. فيها باص السوااااح لي يلف ع مدينه وفيها ..كابين التيلفونات الاستايل البريطاني القديمـ
وهو الشارع اغلبه تاريخي ومحلاته تبيع ف الملابس الاسكتلنديه (الكاروهات) والصوف ,, الشمير الاسكتلندي وشريت منهن 2

http://forum.hwaml.com/imgcache2/hwa...211441_386.jpg

رد: حبيباتى سيدات ليبيا تفضلو لأعرف ما حالكم

هذوما يتفرجوا ع عرض كان

http://forum.hwaml.com/imgcache2/hwa...211649_228.jpg

رد: حبيباتى سيدات ليبيا تفضلو لأعرف ما حالكم

قعلة ادنبرة بكاميرا زوجي بعد كنا فيها ونزلنا ع الشارعي الملكي ومشينا واجد وتغدينا ف مطعم حلال روعه اسمه زنوبيا لقيناه بعد جهد جهيد انتقلنا مشي لشارع الاميراااات ومها جلنا ف مكان بانت علينا هالقلعة ببعد تجولنا الصبح فيها بالكامل

طبعا رسوم الدخول فيها للنفر تقريبا 60 دينار ليبي

http://forum.hwaml.com/imgcache2/hwa...212080_303.jpg

رد: حبيباتى سيدات ليبيا تفضلو لأعرف ما حالكم

من اجمل المناظر الطبيعيه طبعا مصبين ع جسر وفيه تيليكوب تحط فيه قطعة معدنية 1باوند يخدم ويقعد يشرحلك
وتشوفي المناظر عن قرب وحيوان الزيبرا (حمار الوحش)

هذه ف حديقة الحيوانات ادنبره .... فوق سفااااري حمار الوحش
http://forum.hwaml.com/imgcache2/hwa...212382_413.jpg

رد: حبيباتى سيدات ليبيا تفضلو لأعرف ما حالكم

طلعت مقلوبه ههههههه

رد: حبيباتى سيدات ليبيا تفضلو لأعرف ما حالكم

وهذا المنظر من تحت الجسر

http://forum.hwaml.com/imgcache2/hwa...212795_271.jpg

محمية كبيره لحمار الوحش

رد: حبيباتى سيدات ليبيا تفضلو لأعرف ما حالكم

طبعا جودة الصورة عاليه ... كاميرا زوجي خخخخخخخخ
http://forum.hwaml.com/imgcache2/hwa...212902_744.jpg

رد: حبيباتى سيدات ليبيا تفضلو لأعرف ما حالكم

البطاريق وبحيرتهن الروووووووووووعه ..

جدا استمتعنا جنبهن .. وفي بطريق نابش فروسي نقبله كويشه بعد قمعزنااه ع حافه من فوق هههههههه

http://forum.hwaml.com/imgcache2/hwa...213036_641.jpg

رد: حبيباتى سيدات ليبيا تفضلو لأعرف ما حالكم

دب الباندااا..

طبعا مطلو الهدووووء والولي قلبتها عياط جوا حرجتنا خخخخخخخ ويخشوا كل مرة 15 نفر

طبعا كله معلومات وجو جتي النبته لي يحبها زرعينها له ع الجنب ف محمية بروحهااا

ومن خلف الزجاج شفناه نفس اغلب الحيوانات ..

وكل واحد دايرلنه جوه ومعلومات عليه بطريقه حلوة وجميله وتجدبك انك تقراها

نحن لقيناه راااقد السيد باندا

http://forum.hwaml.com/imgcache2/hwa...213589_884.jpg

رد: حبيباتى سيدات ليبيا تفضلو لأعرف ما حالكم

الكوالا .. من زمان وخاطري نشوفه ع طبيعه نحس فيه طيوووب هكي

ودايرلنه حتي و جهه خاصه به

ومعلومات زي العاب الخشبيه ترفع لوحه تطلعل معلومه من اجمل المعلومات لي عجبتني عليه ان لديه بصماااات اصابع مثل الانسااان

وطبعا ممنوع تناشبه لانه حساااااااااااس جدآ ..

ووجعني ان ف كندا يقتلن بواسطة حوادث السيارات واكل الكلاب لهن

وجدا جميلة محميتهن

http://forum.hwaml.com/imgcache2/hwa...213766_528.jpg

http://forum.hwaml.com/imgcache2/hwa...213765_898.jpg

رد: حبيباتى سيدات ليبيا تفضلو لأعرف ما حالكم

شريخاااان ههههههه

التايقر لي جادب اكبر نسبه حضور للنا س

ومحميته كبيره لدرجة دايرلنه حتي مكان عالي يتسلق ويمشي فوق والاطفالبس يتبعوا فيه وين مشا وجا ...

http://forum.hwaml.com/imgcache2/hwa...213874_385.jpg

رد: حبيباتى سيدات ليبيا تفضلو لأعرف ما حالكم

الفـــهد

وحتي هو محمية بروحه

http://forum.hwaml.com/imgcache2/hwa...213971_740.jpg

رد: حبيباتى سيدات ليبيا تفضلو لأعرف ما حالكم

http://forum.hwaml.com/imgcache2/hwa...214381_939.jpg

وحيد القرن محميته كبيره دورناه مالقينش براااا

تاريته كارس وخاش ف الميه جوا هههههههههه

رد: حبيباتى سيدات ليبيا تفضلو لأعرف ما حالكم

هذا الفندق لي قعدنا فيه واسمه مـــاريوت وهو واحد من سلسه فنادق عالميه ..للماريوت

وقريت كتاب كاتبه صاحب الفندق بالغرفه يحكي فيها قصة نجاح فنادقه ع مستوي العالم وهو امريكي وابتدا بهن ف امريكااا

http://forum.hwaml.com/imgcache2/hwa...214502_110.jpg

رد: حبيباتى سيدات ليبيا تفضلو لأعرف ما حالكم

خدماتهم روعه طلبنا سرير لفراس ..
جانا سرير طول وجلاس العاب ل الولي وفراش تغير الحفاااظ ومع مستلزمات كامله من جونسون
شامبو وكريم وغسول وزيت ولوشن وعلاج التهاب الحفاظ وفرشاه جسم ..

http://forum.hwaml.com/imgcache2/hwa...214936_982.jpg

http://forum.hwaml.com/imgcache2/hwa...214935_887.jpg

http://forum.hwaml.com/imgcache2/hwa...214935_767.jpg

رد: حبيباتى سيدات ليبيا تفضلو لأعرف ما حالكم

والصور واجد مازال مابنش يكملن ههههه

وللصور بقيه.... انتمني تكونوا عشتوا الرحله معانا

سلامز توا

رد: حبيباتى سيدات ليبيا تفضلو لأعرف ما حالكم

انسيت تيموووون هههhttp://forum.hwaml.com/imgcache2/hwa...215064_767.jpgهههه

رد: حبيباتى سيدات ليبيا تفضلو لأعرف ما حالكم

تبارك الرحمن على الرحله يا ام فروسه ان شاءالله اتعاوديها وربي يحفظ زوجك هلى دهورك وماخلى شئ في بالك ويحفظ صغارك اللي هم نور عيونك والصور حلوات ويسلم ايدين هلي صورهم بس انا انقلب دماغي في جرتهم للصور المقلوبات نقعد نلوي في رقبتي لين انكفخت زميلتي معاي في المكتب قتلي خيرك العفو شنو جاك قتلها انشوف في صور قتلي اللي بيشوف الصور هكي يقلب راسه العفو كلنا انشوفوا في صور لكن مش هكي ههههههههههههههههه

رد: حبيباتى سيدات ليبيا تفضلو لأعرف ما حالكم

ام فروسه تعالي جاي نبي انزيد انقصقصك انا عارفه اني كثرت عليك لكن الله غالب اللي تحصل فيه دبرله
المهم نبي نسأل الجهه هلي يقرا فيها زوجك لما دارولكم الدعوه داروا حتى للصغار والا ليك انت وزوجك بس ؟ باللله عليك وضحيلي
والسؤال التاني قداش ليكم مسافرين؟ وكم بتقعدوا ؟وامته مروحين ان شاءالله؟