رد: حبيباتى سيدات ليبيا تفضلو لأعرف ما حالكم
 

مساء الأنوار شن صار مشيتي لموعدك
ان شاء الله خير

رد: حبيباتى سيدات ليبيا تفضلو لأعرف ما حالكم
 

وينك جيجي مسيتي وطلعتي؟

رد: حبيباتى سيدات ليبيا تفضلو لأعرف ما حالكم
 

ويييينكم ؟
ام نوزة مبارك الهدية يعيش ويجيبلك

رد: حبيباتى سيدات ليبيا تفضلو لأعرف ما حالكم
 

جنودة مبروك على اوخيك ان شاء الله تكون بنت حلال وتعامل امك زي امها
ديما نقول مش عارفة الكنة اللي معاملتها مش كويسة لام راجلها ليش ماتتخيلش امها في مكان عزوزتها ولو دقيقة هل ح تقبل انه مرت خوها تعامل امها نفس المعاملة اللي هيا تعامل فيها لأم راجلها؟
اكيد لو تحط الحاجة هذي في راسها مش حتعامل عزوزتها الا زي امها وأحسن

رد: حبيباتى سيدات ليبيا تفضلو لأعرف ما حالكم
 

تي وين غطستوا مرة وحدة
واني قاعدة نهدرز على روحي
سلام الظهر اذن وسما نفختلي راسي وبديت نتوتر من عياطها

رد: حبيباتى سيدات ليبيا تفضلو لأعرف ما حالكم
 

السلام عليكم ورحمة الله وبركاااته

اااااااه تميت البطاطا ودوووووشت بكل بنة القلي زوجي مايطيقهش لدرجة لاتوصف قريب كمل البخور علي هالقلي ههههههههه

خصيصا ان حواشينهم لوح وتعلق فيها البنه بسرعه



لكن لقيت سبري ديتول جو يمتص الروائح كويس خاطي ديتول البخ متاع الاسطــح



الحق استمتعت بدورتهااا وماتعبتنيش لكن البنه رغم وجود شفاط الغاااز وشفاط العادي


ولا شكلي قعدت زي ابو فراااس ههههههههه

رد: حبيباتى سيدات ليبيا تفضلو لأعرف ما حالكم
 

ام فرأس انا جايبه فاصوخ معاي
مره مره ندير فيه جايبه حتي كربون
هديه تقصدي هيا الفكره انه الفيزا تطلع بسرعه ًالتذاكر
يدفعهم الشخص بروحه
شموسه لو في مكانك نستني شوي حتي أهلي وأهل زوجي
ماندير وما شاء الله انتي مش مقصره في العيد جو عندك
وقبلها حتي هوااااا
بصراحه هكي مخاطره لحملك

رد: حبيباتى سيدات ليبيا تفضلو لأعرف ما حالكم
 

امولة سامحيني نسيت نجاوبك علي سؤالك بالنسبة للبيبي الجديد
اكيد فرحة خصوصا اول يوم تحسي بشعور غريب لما تروحي بالبيبي للحوش لكن في الايام الاولي صعب شوية بيتغير عليك الجو كنتوا بروحكم توا في من يشاركم بيآخد وقتك كله حتى الماكلة انظني معاش تلهي بيها لكن بالشوي بالشوي بعد شهر او شهرين تولي لحياتك الطبيعية وتستقري شوية وترجعي زي قبل ومعاش تخشي ولا تقولي كسااااااد كلمة كساد انسيها هههههههههه
اني زمان نين كرهت كلمة كساد لكن لما جبت نفرج بالساعه اللي نفضى فيها بيش نرقد ونعوض السهر وأحسن انك في غربة صدقيني لاخاش لاطالع امتى ماترقد بنتك تحصلي فرصة ترقدي معاها والايام الاولي قولي لراجلك ياخد اجازة يعاونك وبس
ان شاء الله ربي يفرحك عن قريب بشوفت فطومة يارب لكن في كلمة زمان يقولولي فيها ماكنتش نصدق فيها قالولي اليوم اللي تقعده بنتك في بطنك اريح ليك وليها سيورها طالعة وتقعدي تتمنى في يوم راحة وفعلا صح كلامهم

رد: حبيباتى سيدات ليبيا تفضلو لأعرف ما حالكم
 

اختي الغاليه على قلبي جدآ أمووووله خودي هالنصائح من اخت تخاف علــيك


اولا ماتسمعيش كلام الناااس في ان البكر تعطل .. او تجــي لية زي دورة او او او ..

رغم ان بعض الاحاديث صحيحه ..لكن المرأة تختلف طبيعة جسمها من مراه لاخري ..

اذا كانت المراه متعددة الولادات تسردلك قصص مختلفه وزي مايقولن جداتنا كل بطن وعجبــها ..



لاني مانبيكش تفكــري في انك ح تولدي قبل موعدك نفس ماصارلي ف لولي لين لقيت روحي فايته التاسع باسبوووع


وبالنسبه للالم طبيعي جدا جدا ف التاسع ..لان الجنين نزل ف الحوض وكبر ,,,
وفي دكتورة مرة قالتلي ان كل ماتزيدي تحملي الثاني والثالت يزيد معاك الثقل بعد حكيتلها ع ثقل الاء بدرري قالتلي توا تجربي ان شاء الله الحمل الثالت اكثر من هك ,,


نحكيلك قصتي في بكريا فروووسي طبعآ موعدي كان 17.3

وبم ان المصحة لي بنجيب فيها مش في اجدابيا ف بنغازي عديت عند هلي بدري تحسبآ لاي طارئ ووصلت عندهم يوم 10 ..

وكان جو رائع قدااامي لان خواتي وماما وخالتي باديات ف الموالح وبعض الاشياء لحفلة اسبوع فراس ..



لكن مجرد ما جاء الليل ورقدواااا .. وقبلها طبعا طلع بينا زوجي وخويا للسوق ومشيت واجد قريب اربع ساعات ف محلات مشي وتصباي .. تحضير لاخر التجهيزات لان ف حاجات ماما كانت تستني في ذوقي فيهن




خلاص روحت خشيت الحمام حشاااك لقيت دم مش بمعني دم هكي لونه قهوي ..

طبعا حسيت بخوف مش عادي حسيتها قربت خلآص........



عموما طلعت لماما وفرحت قالتلي خلاص مش ح تطولي


ونفس ماقالت شموسه كنت عارفه انها سدادة الرحــــم

عموما رقدت ساعتين


وساعه 3 نضت نفسيتي تعبااانه ومضايقه وقعدت نبرم ف حوش هــلي اخرتها خشيت المربوعه

وقعدت نمشي فيها بالطول والعرض ونبرم وخلاص ..

وكانت الليه وقتها زي دورة وتحتمل ..


خلاص ابو فراس جاني طول من الصبح شالني المستشفي وكشفوا عليا

وقالوا نص سم ومازال واجدhwaml9hwaml03 انفجعت



خلاص شالني ابوفراس ع اساس الدكتورة قالتلي امشي عدينا ومشيت ومشيت( والله ماطيحلي الا جهدي المشي في جيبة فراس وتعبت ف الولاده بسببه وسبب قلة الاكل )



وبعدها ف العشيه قوت الليه .. والباقي حاكيته من قــبل ,,,,,,,




يوم الولاده هو كان اصعب يوم بجد .. والرحم سكر راسه ع 1 سم وبسسس مدة 3ايام



ماما الله يحفظها .. تديرلي ف قرفه وحليب دافئ وزوجي جابلي زنجبيل محلى بالعسل زي شاي الكيس

يديرولي فيه ف الحليب وطبعا يشربوا ويشربوا فيا للتشجيــع لان الحق معش عندي قابليه لشـــئ بكل .. لامتقبله اكل لاشرب ..(وهذه غلطتــي)



لان وقت الولاده تبي جهد وطااااقه وماما نصحتني وااجد وكنت دوب ناكل لقمة او طشة تمر

تعصدلي فيه بزيت الزيتون يمكن هذا لي ساعدني ..







مع قراءة الاذكار وسور من القران الكريم خصيصا الزلزله ..
والحق نظمت تنفسي كويس والقابلات والدكتورة لي جني متمكنات ولله الحمد..

وطبعا ولدت قبل موعدي باربع ايام اوخمس
جبت يوم 13,3


مجرد ماطلع للدنيا فراااس .. شعور رائــــــــــــــــــع وفوق من الرائع يا أموله


ح تنسي كل شئ فات بسهوله ... وهنا هرمون السعاده يبدأ يشتغل في ثواني طبعآ ..




والمسهلات ننصحك ماتاخديهش الا اذا رحمك انفتــــــــح ..

والعشبه اعتقد انها عشبة مريم سامعه بها .. بس ماجربتهش



لي جربتهن ودارتهن ليا ماما هنا ( القرفه .. وحليب دافئ محلي بالعسل والزنجبيل.. وطبعآ التمر المعصد بزيت الزيتووون)


مع تمنياتي ليك بولادة ميسره وسهله يااارب ..






بالنسبه لدعوتك ليا للزوايه يشرفني عزيزتي ... يا ليت والله

خصيصا اني نحس فيك ديما كأنك من جيلي الثمانيانات كأنك مش التسعينات مع احترامي للتسعينات .. قصدي حسب اسلوب حكيك وتفكيرك وهكــي..

ومرحبتين بيك في الشرق الليبي ..ويا الف مرحبا



ويسعدني اني تعرفت عليك ..


توا بنقول لزوجي بيش نمشوا لاموله ف الزاويه بعد اوشـــي في شحات لاني حكيتله عليهم ..ههههههه

رد: حبيباتى سيدات ليبيا تفضلو لأعرف ما حالكم
 

نحن لي جبناه كمل الفاسوخ والبخور بس جتنا كمية كبيرة من ليبيا وصي عليها زوجي هله وبعثوها مع صاحبه .. بالنسبه للفحم الحجــري متوفر بكل هنا ..
وحتي البخورات العربيه قصدي الخليجيه والمغاربيه بس نفس بخور عرب اجدابيا الحق ماشميتش ههههه عندهم انواع انوع عرب اجدابيا والواحات جالو واوجله واجخره ..


وكان بتشروا من موقعebay فيه كل مايخطر ف باااالك


نحن ديما نشروا منه يومتها لقيت حتى عطوراتنا توينكل وجو هذا

رد: حبيباتى سيدات ليبيا تفضلو لأعرف ما حالكم
 

يابنات بالنسبه للمواقع الابحايه.. اخر فتره كاثرات بكل وطلعني مرتين بجد شئ يقهر نغمض عيوني طول وبربع عين نديرلها اكس


وشكاوي واجد في قسم الاداااااره من البنات والمشرفات من كل البلدان العربيه ع هالموضوع

لان المنتدي صاير فيه عطل

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

جنودة قصدي السوبر فيزا تبي دفع حتى منكم انتم مش من الشخص اللي بيجي بس وتو نزيد نستفسرلك راجلي مرات حتى اني مش فاهمة منا زين لما حكالي عليها نين تلخبطت الحق هههههه

رد: حبيباتى سيدات ليبيا تفضلو لأعرف ما حالكم
 

جنوده حتى قلت لزوجي انجلو اشويه الفكره العزومه بس قالي ضروري نبي نذبح عل اعتبه اواندير عشاء اويبي ايدير فيها ختمه "اثري شن حكمها الختمه في الحوش نحنا انقولولها القريا" مش امكلمه صبايا رجاله بس اوعمتي اوصبيتي "حماتي" اوزوجة بابا اوخواتي الاثنين
ان شالله من حنتعب نفسي حنجيب خواتي ايساعدني او هلي قالولي انديرولك البطاطا والبوريك هديه

رد: حبيباتى سيدات ليبيا تفضلو لأعرف ما حالكم
 

صباح النوررات والليرات قصدي مساء خخخخخ


اي فاهمة وجهة نظرك .. حتي زوجي اول ماقتله بنشترك ف المنتدي قعد يقولي وشن دراك ان فيه شباب مرات مخفين وهك وفنص فيا هههه


ونا كنت متصفحة قبل ايامات حملي بفراس ف ماسجلتش واكتفيت بالتصفح

بس ف الاء كان هو يقرا وبعد يرقد فروسي خصيصا نحس بكساد وقعد خاطري نشترك

فجبتله اللب توب وقتله تصفح معاي توا من الراجل لي بيخش منتدي حوامل ؟؟؟؟؟ وخاص بهن..

وقاعدات متوفرات لهم مواقع خاص ومختلطه ودردشات وشات شن بيجيبهم للحوامل ومشاكل النساء خخخخخخخخخ وبعدها اقتنع ومع ذلك مرات نحس فيه يقول نفس كلام بأول

ايام اشتركت ..ف معش خشيت وبعدها هو بروحه خشي ووسعي خاطرك تسلي وتنسي همومك .. بعد ما عرف ان منتدي نسائي فقط ..

وع فكرة صاحبة المنتدي اسمها ام عبدالله وسعودية الجنسيه ومتأكده انها مرأه
طبعا هي والمديرة سماسم والنائبة ام ارجوااان طبعا هذه صديقتي وعارفتها مراااه
للتوضيح فقط

رد: حبيباتى سيدات ليبيا تفضلو لأعرف ما حالكم
 

يامرحبا ببنت دكتوري العزيز .. بالله كيف حال الوالد شموووسه..؟؟ ان شاء الله بخير

ونوم العوافي للعيال وسامحيني ع العصيده سهفتك نسيت انك ف شهور ارولي


بس تقدري تقولي لهلك يديرولك بعد تقعد خاطرك ف حاجة مثلا وانتي تعبانه

رد: حبيباتى سيدات ليبيا تفضلو لأعرف ما حالكم
 

امولة مش شرط البكرة تجيب قبل او بعد موعدها حتى اني زمان خوفوني من الحاجة هذي من لما خشيت التاسع قعدت نوسوس حتى لية خفيفة نقول خلاص هذا هو وانوض ندير تشطيبات وندوش وعلى اساس واتية خلاص منمشي نجيب هههههههه وحيلي انهد من كتر المشي وفي الآخر جبت في موعدي بالضبط سبحان الله اني موعدي 22جبت يوم 21في الليل بعد الساعه 12يعني تسجلت بتاريج22شوفي سبحان الله ونصيحة ماتغكريش في الجياب لين يجي وفته وربي يسهلك

رد: حبيباتى سيدات ليبيا تفضلو لأعرف ما حالكم
 

ان شاء الله تكون عتبة خير شمووسه وتعدي العزومه ع خير

بجد فيها جو حلوووو عزومة الحوش الجديد ,,, ونحس فيها لازم الذبح صح هكي العرف والمتعارف ف بلادنا ..

وعندك خوات متزوجات او انتي بس

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

شعري مبلول وملفوف بمنشف لف الشعر وم الاخير متنبله نجففه هههههه

رد: حبيباتى سيدات ليبيا تفضلو لأعرف ما حالكم
 

هدية وجنودة كم الساعه عندكن توا..

نحن 10 الا 5


طبعآ غيروا التوقيت .. من يوم 26


هكي كل عام يعرفوها بروحهم مش نحن يديروا قصه ع تغيرة الوقت هههههه


واليوم نايضه م ال 6

وخديت قيلوله مع العيال ليا شهور ماقيلت خخخخ

رد: حبيباتى سيدات ليبيا تفضلو لأعرف ما حالكم
 

شموسة ربي يعاونك ويسهل عليك وربي يبارلكم في الحوش ان شاء الله عتبة خير عليكم ان شاء الله تخشوله بالصحة وطالما اهلك جايين اكيد يعاونوك او استنيهم يجوا ويديروا هما وانتي ساعديهم عالخفيف

رد: حبيباتى سيدات ليبيا تفضلو لأعرف ما حالكم
 

اكويس الحمد لله الدكتور ياروحي كل يوم يتصل بيا ويطمن عليا لين انتحشم منا "احراج"
هيا ضروري منها العزومه اوبذات الذبيحه قالي عل اقل الوحد ايترح وايحط باله عل جنب
لا عندي اخ موليد 85 خريج معهد كمبوتر اوفي الثوره التحق بلجيش ربي يحفظه
اوعندي اختين وحده 94 في الجامعه قاريونس قسم انجليزي "مولوده في ايرلنده"اومخطوبه بس مازال الفرح اووحده 97 ثانيه ثانوي علمي "ان شالله طموحها طب اسنان

رد: حبيباتى سيدات ليبيا تفضلو لأعرف ما حالكم
 

فروسة عندنا توا الساعه 3في القايلة وحتى احني التوقيت يغيروا فيه بروحهم سبحان الله تنوضي الصبح تنصدمي الوقت شي والجو شي ثاني

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

ههههه زي وخيتك نكره في الدوش علشان تجفيف الشعر راجلي ديما يضحك عليا قلتله انت شن واصلك تطلع من الدوش تلقاه جاف اصلا ماتستحقش هههههه

رد: حبيباتى سيدات ليبيا تفضلو لأعرف ما حالكم
 

ربي يحفظلك الوالد وخوتك شموووسه

حتي نا عندي اختي خريجة انجليزي مواليد 91 فرحها هي واختي لي اكبر منها بعد نروح طول ان شاء الله
واخدينهم خوووت .. محامي ومهندس


وسبحان الله حتي نا عندي اختي مواليد 98 توا ثانية ثانوي وطموحها طـــب اسنان ان شاء الله

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

هههههههههههه لقيت حد نفسي واخيرا هههههههه

خصيصا ان شعري يطيح بشكل لا يووصف تلقيه طرطش ف حوض والحمام وف كل مكان

بكل معقدني ويقولوا من الرضاعه خصيصا ان الولي ربي يحفظها طبيعي فقط

رد: حبيباتى سيدات ليبيا تفضلو لأعرف ما حالكم
 

لا الجو عندنا قعد يظلم بدررري وتشرق متأخر ع 8 صبح هكي


سبحان الله ..




وتوا نستأذن بندير عشا بس خفيف توست محمص وجبنة وعصير طبيعي
وبريوش يهبل طازج جابه ابوفراس من محل فطائر فرنسيه ..

وطبعا قبل مانرقدوا بشوي حليب وتمر

تصبحن على الف خــير

رد: حبيباتى سيدات ليبيا تفضلو لأعرف ما حالكم
 

ايه فروسة مع الرضاعة يولي دمار الشعر سبحان الله في الحمل والله مانلقى في ولا شعرة طايحة قالوا من الفيتامينات والفوليك اسيد يقووا في الشعر وفي اللي يقولوا الهرمونات في الحمل تتغير طبيعيا وخصوصا الحامل ببنت كل شي يتحسن في جسمها وقت الحمل لكن بعدين الجياب والرضاعة يهلكوا

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

صحة مقدما فروسة تصبحي على الف خير
جنودة وامولة خاطري نجي لامريكا قالوا الاسواق عندهم رخبيييصة صاحب راجلي مصري قال لراجلي شن رايك نعدوا نديروا تدهويرة في امريكا ونبضعوا قال في حاجات اهني بمية ومية وخمسين غادي تلقيهم بخمسبن ستين لكن خسارة راجلي مشغووووول هلبة هالايام مانشوفش فيه من الصبح لليل والله ماعنده فرصة يآخد اجازة بكل قاللي لما نكمل حاضر قبل مانروحوا نديروا دورة غادي وناخدوا الهدايا من غادي ارخص

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

تسلمي شموسه باهي طمنتيني وصار مرعبه القصه ههههه يستر الله ان شاء الله ربي يخليلك شموسه الحلوة وبارك الله فيك نبهتيني للعشبه لانه فعلا يقولو لازم يكون الرحم مفتوح قاريتها ونسيتها وان شاء الله ندهن بزيت الزيتون ونركز ع اكل التمر
تعرفي والله لبكري امي كانت تقولي استمتعي بالنوم والراحه لانها بتنقص لما تجي بنتك تبدي معاش تفضي لكن اني مستعجله خااااااطري نشوفها والحمد لله طمنتيني معناها بنلهى وننسى الغربه شويا بااااارك الله فيك هدوشه وربي يخليلك سوما ان شاء الله

رد: حبيباتى سيدات ليبيا تفضلو لأعرف ما حالكم
 

الساعه حاليا 4الا عشره
حتي انا زيكم مانحب الدوش علشان تجفيف الشعر
بس توا أفضل بعد ماقصيت شعري
ونفكر نزيد نقصه
معادش فاضيه حتي لشعري
بنسالكم هنايا الاستشوار والفير والمملس رخيصات
ممكن 20 او 30 دولار هل يعني انهم مش كويسات
او احني يبيعولنا فيه غالي
ياريت تكتبولي اسماء شامبوات كويسات وكريمات للوجه
او واقي شمس او كريم لازاله السواد من الركبه او غيره
وياريت لو بالصور افضل نبي نهتم شويه بما انه هنايا الكريمات
رخيصه

رد: حبيباتى سيدات ليبيا تفضلو لأعرف ما حالكم
 

شموسة حتى احني في فانكوفر