منتديات حوامل النسائية

منتديات حوامل النسائية (https://naqatube.com/index.php)
-   إستفسارات حوامل من الشهر السابع إلى الشهر التاسع (https://naqatube.com/forumdisplay.php?f=92)
-   -   دردشة بنات ليبيا , دردشة حوامل ليبيا , تجمع بنات ليبيا (https://naqatube.com/showthread.php?t=89436)

sosolibya 06-27-2012 09:41 AM

رد: دردشة بنات ليبيا , دردشة حوامل ليبيا , تجمع بنات ليبيا
 
توا بنمشى للجامعة وبنروح الظهر نبيكم تعطونى افكار لقصات شعر يلى فى القوقل ماعجبونيش
لانى بنكمل امتحاناتى وبندير طرحة مليحة

أم ورد 06-27-2012 12:52 PM

رد: دردشة بنات ليبيا , دردشة حوامل ليبيا , تجمع بنات ليبيا
 
السلام عليكم ورحمة الله وبركاته
كيف حالكم اليوم
سوسو كيف حالك وعاش من شافك وربي ايفوقك في امتحاناتك يارب
بنت مصراتة مرحبتين بيك بينا ونورتي التجمع

شمس الزمان 06-27-2012 02:12 PM

رد: دردشة بنات ليبيا , دردشة حوامل ليبيا , تجمع بنات ليبيا
 
سوسو انا روحت قاعده في بنغازي في شهر5 خو زوجي توفى الله يرحمه زوجي سكر شغله اوجينا

عيون زوجي 06-27-2012 03:38 PM

رد: دردشة بنات ليبيا , دردشة حوامل ليبيا , تجمع بنات ليبيا
 
السلام عليكم

كيف حالكم كلكم وشن اخر اخباركم
سوسو موفقه ولاباس لى وليدك

بنت مصراته هلا بيك

سوما لاباس اعليك

ام معاد وام ورد شن الجو

شمووووووسه كملتي قضيتك للبيبي والشقه ولامازال

أم ورد 06-27-2012 03:46 PM

رد: دردشة بنات ليبيا , دردشة حوامل ليبيا , تجمع بنات ليبيا
 
وعليكم السلام عيون كيف حالك وكيف حال عويلتك وكيف كانت مشيت البحر

عيون زوجي 06-27-2012 03:55 PM

رد: دردشة بنات ليبيا , دردشة حوامل ليبيا , تجمع بنات ليبيا
 
رح نحكيلكم على مشية امس ,,,كان الجو حلووووووو وروعه والمكان ايجنن

طلعنا من الحوش الساعه 11.45 الصبح ووصلنا 12.30

المكان: مصيف الانير بين طرابلس وتاجوراء بعد الجزيرة التانيه بعد قاعده معتيقه

http://forum.hwaml.com/imgcache2/hwa...801727_199.jpg





الناس مش زحمة لانه موسم امتحانات اولا ولان رسوم الدخول تعتبر غاليه شوي على العايلات الكبيرة والبسيطة الدخول ب 40دينار يشمل خيمة وطاوله و4 كراسي ومكان نظييييييف والعاب للصغار نطاطات ودراجيح وسلحيبات وفيه محل مواد غذائيه ومطعم وجبات للبورديم وحمامات نظيفه تواليت ودوش اعزكم الله


الليله يلي قبلها شمرت على يدياتي ووتيت حوايج الصغار وتبلت فخاذ دجاج ووتيت كباب ودرت كيكة طبقات القرفه

http://forum.hwaml.com/imgcache2/hwa...801727_988.jpg




والصبح عجنت فطيرة وحشيت مجموعه بنيوتيلا وفستق والتانيه هريسه وجبنه موزاريللا وجبنه شيدر وزعتر والباقيات خليتهم بلا حشوة للشاهي

http://forum.hwaml.com/imgcache2/hwa...801727_969.jpg

((( كل شي تمام هذا من غير السله يلي فيها الماعيين وحافظات الحلو والدجاج ))


رفعت بن قهوة عربيه ونسافيه وحليب وشاهي كيس ومشروب

للمزمزة جاب شنبيري فستق ولوز وعنب وعوينه
والاحلى جاب معاه كراوسون (بريوش) من محل كريسبي يلي في الحشان محل خاص بالكراوسون فقط بجميع انواعه بالزبدة والجبنه والفستق واللوز والنيوتيلا هش خفيف روعه جربوه نصيحه


وماننساش رفعنا عواله سلاطة مشويه تعبت فيها عالفاضي ماكلاها حد شبعنا من الشواء والخبزة والفطيره روحنا بيهم زي ما هما

رغووووووودة ياناري محبوسه بوليدك انا عمت مرتين بعبايتي وحجابي البحر كان نايض شوي وموجته كبيره وخشيت بصغاري الاولى بعد الفطور والتانيه العشيه بعد ال 6 والجو ايجنن


نخليكم مع الصور لاني وعدتكم بيهم

http://forum.hwaml.com/imgcache2/hwa...801727_297.jpg

http://forum.hwaml.com/imgcache2/hwa...801727_550.jpg


استنوني مازال فيه صور تانيه.....


عيون زوجي 06-27-2012 03:57 PM

رد: دردشة بنات ليبيا , دردشة حوامل ليبيا , تجمع بنات ليبيا
 
كيف حالك يا **** ام ورد **** وكيف حال الشيخ وحال اوخيتك وصغارها وجتكم يوم الاحد بكري ولا فاتتكم خخخخخخ

عيون زوجي 06-27-2012 03:59 PM

رد: دردشة بنات ليبيا , دردشة حوامل ليبيا , تجمع بنات ليبيا
 
هادي صورة تانيه لكيكة طبقات القرفه مدايرتها من مده طويييييييييييييله سابقه خخخخخخخ

http://forum.hwaml.com/imgcache2/hwa...801992_940.jpg

عيون زوجي 06-27-2012 04:01 PM

رد: دردشة بنات ليبيا , دردشة حوامل ليبيا , تجمع بنات ليبيا
 
ام ورد وين مشيتي بنسئلك شن طيبتي اليووووووم ولا زي امس حداد


رغووووودة روحتي من غير ماتخشي تسلمي باهي باهي

أم ورد 06-27-2012 04:08 PM

رد: دردشة بنات ليبيا , دردشة حوامل ليبيا , تجمع بنات ليبيا
 
اقتباس:

المشاركة الأصلية كتبت بواسطة عيون زوجي (المشاركة 2367264)
كيف حالك يا **** ام ورد **** وكيف حال الشيخ وحال اوخيتك وصغارها وجتكم يوم الاحد بكري ولا فاتتكم خخخخخخ

الله إيسلمك في خير ونعمة
وأم معاذ ما جيتش يوم الأحد لأن زوجها كان امحصل بردة


الساعة الآن 02:33 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .