المشاركة الأصلية كتبت بواسطة هدية الخالق (المشاركة 3477058)

الله يسلمك فروسه كويسه سوما وكان منحكيلك علي عمايلها باك تولي في كلامك وماتاخديهاش لفروسه ههههههه
والله مهبلتني بسلامتها تمرد وتصبي وتمشي مع الحاجة وطول اليوم واني جري في جرتها رياضة اجباريه هههه والله حقه لين ضعفت في جرتها شافتني وحده صاحبتي أردنية قاتلي نحفانة كتييييير قلتلها مش مني قلة نوم وتعب وجري من الصبح لليل
وحشاك مهبلتني بالنتش أني وبوها قريب تقتعلنا صوابعنا وتعلمت حاجة جديده معدش تبي العربة لما نطلعوا تديرلنا في مناحه أمس لما مشيت للعيادة شديتها في الشنطه اللي تنحط عالاكتاف امتاع الأطفال اكيد عرفتيها لكن والله طيحتلي جهدي سلامتها
اااخ دهشت ها تبي نزيد نحكي والله خلاص ههههه مازال راهو ماحكيتش حتي النص من عمايلها hwaml9

المشاركة الأصلية كتبت بواسطة sosolibya (المشاركة 3477448)

الله غالب يافروسة المشكلة صارت وفقدنا ناس غالية

المشاركة الأصلية كتبت بواسطة هدية الخالق (المشاركة 3477095)

حتي راجلي زي راجلك فروسه ميحبش حاجة اسمها فيس أبدا قال دوة فاضيه وحتي أني ماندورش فيه رغم إنه دارلي صفحة أول ماجينا علشان خالي عنده فيس وندردش معاه مرات لكن والله كان تشوفيها صفحتي فاضيه تضحك ما كاتبه فيها حتي كلمة هكي معنديش جو ليه ومره ندردش مع خالي مشي راجلي بالصدفة شاف واحد بعتلي طلب صداقة قالي كان تسكريها الصفحة وتفكينا منها مش خير ههههه رغم إنه دايرلي اسمي حرفين بالنجليزي ومش معروف اسم ولد ولا بنت ومواليدي دايرني في السبعينات ههههه
وفي صفحة عالفيس اسمها المطبخ الليبي في كندا مراااات نخش عليها ونشوف في اكلات ودايرتلها لايك علي أساس تنزلي الأكلات الجديده علي صفحتي وهذا هو الباقي الصفحة ناصعة البياض كان تذكرت وخشيت عليها مره في الشهر كثر خيري

المشاركة الأصلية كتبت بواسطة sosolibya (المشاركة 3477230)

مساء الخير..

بالله عليك قوليلي كيف خاطري فيها يعني يجي كابتشينو ملح زي متع القهاوي...

http://forum.hwaml.com/imgcache2/hwa...120716_233.jpg




اها ياسوسو كابتشينو برغوتهاااا نفس المقاهي واحلي طبعا لانك حتديرها بمعايريك انتي..
وكيف ماتحبي ..وهي الحليب نظام بخار مع الهوا ادتيري به الرغوه بعد يتخلط مع الكافي

متعوده عليها عند هلي الوالد جايبها من اليونان زمااااان .. يعني استايل قديم لي عند هلي بس ماشاء الله عايشه لتوا وتأدي في الغرض..

طبعا كنت عابيه نطلعها معايا ف فرحي بس كيف ماحكيت قبل ابوفراس قالي ماتجيبيش شي لان حنجيبوه كله من بريطانيا هذا على اساس كنا روحنا نحسابو بنطلعو بعد الزواج طول نفس ماحكيت قبل ...


وننصحك بيها ..اذ كنتي مغرمة بالات المطبخ نفسي وتحبي الكابتشينو الصح,,,

والماركه الافضل هي ديلونقـــــي
http://forum.hwaml.com/imgcache2/hwa...120715_437.jpg



ايي صار كلكم جيتو ضدي

أنا يللي بنحرج توا....

وعارفة ممكن انت تضايقتي لما علقت على حفلتك صح ..



أبدا ماضايقتش وربي مايجيب لينا ضيقة البااااال اجمعين..

وعليش الحرج بس ياحلوة ...
كيف ماوضحت قلت ان وجهة نظرك في الحكم علينا مش بالضرورة تكون صــح,,

انتي قلتي فيها نوع طفيف من التبذير ... وربي مايجعلنا من المبذرين واخوان الشياطين ..


هي حفله وعدت حلوة وبجوها .. وضيافتها بالنسبه لينا عادي نفس ماشرحت من قبل

لان اغلب اقاربنا واصحابنا اغلبهم يديروا هكي وف ناس اكثر في مناسبتهم ..ونحضروا ديما

وبم اني اول حد يزوج عند هلي والناس لي جت واجد فضروري ماياخدوا قدرهم وضيافتهم

حسب طريقتنا اقل شئ ..


وع فكرة هو يوم الحنه الصغيره مايجيش شئ يلا ثاني يوم بعده حفله الصاله خخخخخخخ

ولي من بنغازي عارفه ..


بعد الناس تاخد ضيافتها وتاكل او تشيل معاها حتي بعض الاشياء عن نفسي مانحسش تبدير

التبذير لما تقعد الحاجه مطوووحه ف كل مكان ,,, خصيصا النعمة حرام يعني


حاضرة فرح دكتورة معايا .. حتي الخبز الفرنسي والجبنه الفرنسيه حاطتهم ع طاوله الفرح

والحلويات تقريبا 8 والكنافه انواع وتورته فوق هذا كله ..وجميع انواع الفاكه تقريبا

و8 انواع موالح خاطي التحف لي فيهن المكسرات والشوكولاته وباقي الاشياء لي ع الطاوله


وهي وحده من مجموعه بناااات ..لي افراحهم هكي نقصد من كليتي ..

لما توصل الحاجه لهكي نقعد نقول ما اعتقدش ان الفلوس لي انحط بالدرجه هذه متعوب عليهن .. حرام يعني وهضا التبذير حسب وجهة نظري






وابدآ ماحكمت عليك من هالموقف .. بس من مواقف سابقه ومعي شخصيآ

خصيصا ايامات قتيلي ولا حرجانه او زعلانه وقعدت نسأل فيك بدلاله ( عليش زعلت)

ثلات مراااات .. وانتي ماجاوبتيش وبعد نسيت الموضوع قلتي جمله وقلتي راكي تمسكي فيهااااصورة مثلآ ..

عادي جدآ اختي هي توضحلك صورتها فقط للموضوع وكيف ماهي مقتنعه او عارفته صح
مش معناها انحرجت او زعلت او أضأيقت .. والتعابير تختلف وتخوننا أحيانآ,,, فقط لاغير

ههههههههه يعني كنتي فاطنه لكلامي ومطنشه ... من يومها بس يمكن خديت الفكرة عليك
عزيزتي بسس وعادي جدآ .. بعد تبقي تعطي في رأيك من منظورك انتي اذا كان في الحياة الواقعيه وناس تفهم فينا غلط فما بالك من خلف شاشات الكمبيوتر .. والشبكات العنكبوتيه

بس اللي ترد وتوضح وجهة نظرها او توضحلك


لا يافروسة أنا مانردش على الشباب

بس مرات في كل فترة تطلعلك صفحة لشخص أنت مش ضايفاتها أصلا وحاط كلام

كصفحة عامة أو شىء

من طبعك وكلامك بالمنتدي عارفه انك ماترديش ع شبااب
وهكــي ,, والشئ هذا واضح جدآ اختي ..
بس حبيت نعلق يعني بنشوفك مثلآ شن تكون ردة فعلك لو حكم عليك شخص ما غلطآ ع نت هههههه اختبار يعني



وبصراحة الكلام وجعني وماقدرتش مانردش..

واكيد شفتي ردة فعلك بعد واحد يفهمك غلط مثلآ

وردات الفعل تختلف من شخص لاخر


ماشاء الله صار كبرت العزومة

ايه كبرت حاتم الطائي زوجي قريب يخش ع القروب hwaml02hwaml9كله
هههههههه مع العلم ان يقولولي ماتكثريش عشان ماتتعبيش واجد والحق مايقصرش يساعد فيا نوعا ما مش ف مطبخ هههه بس في مسك العيال او تجهيز المربوعه وهكي

ربي يعاونك متعبة والله وخصوصا انك بتقسمي ألأعمال وكل يوم تعب لغاية يوم العزمة

ان شاء الله تسلمي يا احبيبه..تي مش كنت نحساب اليوم هو الخميس دايخه ونايضه بدري زوجي ناض بيعيد الجامعه قالي اربعاء اليوم قديش فرحت هههه .. وقالي ماتديري شئ عند مانجي قتله بندير المبطن بس اليوم قالي لالا انجي وديريها بيش فروسي يريحك ونقعد مع لولي ..
وبكرة ف ليل نجهز العصبااان


عشان الوجبه والسلطات يقعدن للجمعه لانه عزومه غدا بعد صلاة الجمعه طول يعني ,,, ويادوب يسدني الوقت

بس سهفتييييني لما قلتي بتجي العروس وهكي

نعشق الجو هذا ونحب الناس

بس أحيانا زيكم تفهموني غلط؟....

اذا كنتي تحبي الناس واللمه كيف بنفهموك غلط هههه

بالعكس احلى جووو ..

وحتى لو فهمك حد غلط اعتبريها ان حتي انتي مرات تفهمي فينا غلط خخخخخخ ..
عن نفسي بعد معاشرة الناس وملاحظة اطباعهم وتصرفاتهم
نظرتي الثاقبه من خلال المواااقف تحكم وبفضل الله تكون صائبة.. لكن في النت يمكن تكون ويمكن لا ..
لان عالم غير العالم


مع العلم ان عندي صديقة مقربه جدآ من عالم النت وتحولت لعالم الحقيقه..

وربي اراد انها تزوج بنفس مدينيتي حتى ..



الله غالب

ربي يعاونك فروسة

وهذ1ا علاش انا قلتلك فروسة بما انك بديري حاجات حارة ديري رز بلاو أحسن من المبوخ..

ايه فاهمة فكرتك بس الطبع يغلب مانقدرش ندير وجبه بس ههههه واهو حولت نوع حار وخليت بطاطا وعصباااان بس
وقبل بندير تشيز كيك فراوله لكن لغيته حتى هووو

المشاركة الأصلية كتبت بواسطة رغوده2006 (المشاركة 3477853)

المشاركة الأصلية كتبت بواسطة ليبياقلبي (المشاركة 3477606)

https://fbcdn-sphotos-c-a.akamaihd.n...09788494_n.jpg
هدايا زوجي بمناسبة ولادة حمودي ربي يخلهولي

المشاركة الأصلية كتبت بواسطة رغوده2006 (المشاركة 3477857)

ام فراس اكيد بتسألي شن صار معايا
والله اوخيتك حايسه حوسه باااااااااااااهيه ماعرفت كيف انخش فيها الحمد لله على كل حال وزي ماقلت انا وزوجي جتنا سنه والصغار سته شهور بس وبالنسبه للسفر حتى احنا كان نبوا سافرنا طوووووووول لكن انا اجلت شويه عندي الحق ظروف لازم انصفيها قبل مانمشي وبالله قولي لزوجك بخصوص التجديد نقدروا انجددوا والا لا
ونبي نسألك انت زوجك يشتغل في شركه نفطيه ؟

المشاركة الأصلية كتبت بواسطة *ام فراس* (المشاركة 3477866)

زوجي قال بالنسبه للتأشيره نفس ماحكيتلك قبل مفروض زوجك اختار نوعها للاطفال
نفس نوعك انتي اي للدراسه وهك ح يقعدوا سنة حسب مدة الدراسه لي انبعت ف الورقه من الشركه واسمها التأشيره هذه تاير فور
ماهو مش زوجي هلي يختار الشركه هي اللي تفاهمت مع الجهه في بريطانيا وقالوا احنا نعطوا الدعوه سته شهور بس وقالوا تقدروا اتمددوا لكن انا مش مستريحه لكلامه نخاف نوصل غادي ويقلونا دبروا


ونفس ماحكيتلك ان لازم ترجعوا وتجددوها ,,
نرجعوا بعد سته شهور مستحيل بالنسبه ليا انا لاني بنكون ياجايبه يا قريب عمليتي ويروح ويخلينا مستحيل


وسالت حتى صديقة من الخمس هنا وكانت اجابتها هكي
لاه عليها قوليلها غير زيدي قصقصي بالك فيه هههههههههه وحده تحلم مسكينه


ايوة زوجــي تبع شركة نفطيه ... وبالتحديد ( شركة الواحـــــة للنفط)

لي مقرها في طرابـــلس
صار زملاء في النفط حتى انا وزوجي نشتغلوا في شركة نفطيه


وان شاء الله ربي يسهلكم سفركم وتنتهي ظروفكـ ع خــير..
يااارب ويبارك فيك ويحفظك ويخليك


بس نحن القرايه بدت وجو ع 3دفعات حسب حجز الشركه

المشاركة الأصلية كتبت بواسطة *ام فراس* (المشاركة 3477917)

حتي زوجي مفروض من 2010..


ورغودة معناها الغلط لي قدم من الشركه
الغلط مش من الشركه من الجهه قالت مستحيل نعطي للصغار دعوه اكثر من سته شهور والتأشيره اتجي بناء على مدة الدعوه وهذا عيب الجهه الحق


مفروض دار نوع التأشيره غير
زوجي اتصل بيهم قبل لا انقدموا في التأشيره اللي هم السغاره وقالوا مدة التأشيره نفس ماجاي في الدعوه



هي صح اجراءات التأشيره تلخبط اشوي

تلخبط هلللللللللللللللللللللللللللبه مش شويه حشاك دراه كبد مع الناس كل يوم تسألك عشرين الف مره شن صار اتقولي هم هلي بيسافروا مش انت هههههههه
بس نحن عبوا الطلبات بروحهن والشركه تدفع حق التأشيرات نحن 2500 سعر تأشيرات كانن
حتى احنا هكي احنا عبينه النماذج عالقريب عشره اوراق وكله قصقصه في قصقصه وزوجي ماشي مرتين متعود عليه البرنامج
وبحد تعباية الابليكشن تدوووووووووخ واخد الموعد والجو هذا بجد زوجي تعب واجد ايامها
كان اتشوفي احنا طلعنا قرن قرن انا وزوجي عالقريب انبطل منها اتقولي بنقعدوا السنين غادي على سنه العفو


خصيصا بيش يقرب مواعيد المقابلات بينا في السفاره بعد عاود التقديماااات بعد عرف ان لخبط ف نوع التأشيره



مش حصلي موعد قريب معاه لعند ماحصي ساعه 12 وكان موعده هو 11


واحد لغي موعده في اخر لحظات



وكنا مترقبين ع النت ع موقع السفاره والحجز ف موعد تقديم نا وهو وصاحبه حتى مترقبين ونديروا في تحديث وخلاص لموعد نفس اليوم





بجد سفرتنا حتي نحن واجهتها عرااااقيل وااااجد بس ربي يسرها في الاخير ومشت ع خير والحمدلله




لعند يوم الرحله لي تأجلت بسب العجاج القوي من مطار بنغازي لطرابلس يوم 6 .1 هههه


وقتها قلت شكلها يستر الله من اولها بدت هكي




لكن لحظة ونركبوا ع دروج البريتش اير ويز خلاص وقتها عرفت ان صارت خلاص



وانتهن عراقيل السفرة مدة سنتين متواصلتين اي من يوم مازوجت

المشاركة الأصلية كتبت بواسطة *ام فراس* (المشاركة 3477920)

رغودة انتي من وين ..؟ والقرايه لزوجك او انتم ال 2
وكم عمر اعيالك؟؟؟ بدت الاسئله هههههه
انا من صبراته ومتزوجه واحد من الجبل ونسكن في الزاويه مقر عملنا
والقرايه لي انا ياسمحه مرشحتني الشركه
عمر صغاري بنتين ولد طبعا عندي اعمارهم البنتين 7-5 والولد سنتين وثلاثة اشهر والرابع في الطريق بأذن الله
واسألي ياحبيبه ماعندكش مشكلهhwaml5

خصيصا اني مش متعرفه عليك يلا هاتي بطاقتك الشخصيه وعرفينا
وصلاتك اكيد بطاقة التعريف ومش ناقصه شئ وكان نقصت حاجه قوليلي ولا يهمك

طبعآ كان كنتي حابه تجاوبي عزيزتي ...

المشاركة الأصلية كتبت بواسطة رغوده2006 (المشاركة 3477945)

وعلاش مانجاوبش انت تؤمري امر اصلا شعار التجمع انتم تقصقصن ونحن نجاوبhwaml5

المشاركة الأصلية كتبت بواسطة رغوده2006 (المشاركة 3477956)

المشاركة الأصلية كتبت بواسطة *ام فراس* (المشاركة 3477981)

هههههههههه يا محلى جوك يارغوده عسل والله هههههههههه
مش احلى من جوك ياقمر ياسكرhwaml02

والله شن بندير اصلا مرات نطرح سؤال عادي جدا ومايلقش رد رغم مرات نكرره مرتين

فقعدت نقول لاي سؤال قصقصه ولو حابه تجاوبي بس ...
بالنسبه لي انا خوذي راحتك اي شئ تبي تقصقصي عليه وانا انجاوب يا غاليهhwaml5




وضحكتيني ع كلام النااااس ههههههههههه

نفس لي صار معاي بالضبط ديما يسألو مش عندكم طلعه

وانتي مش عندك ايفاد


وايوة زي ماقلتي تقول هم لي بيسافرووووو خخخخخخخخ
وحق ربي عالقريب ننجلط لدرجه اني اعتزلت الطلوع وهم في قولت نحسابوك سفرتي قتلهم تحسابوني انقهرت مش سافرت حرام عليكم خلوني في حالي




وماشاء الله ربي يحفظ اعيالك ويفرحك بشوفة البيبي الجديد يااااارب


بأتم صحة وعافيه

المشاركة الأصلية كتبت بواسطة *ام فراس* (المشاركة 3477985)

قصدك انتي طحلوبهhwaml9hwaml9hwaml9hwaml9 وااااه صدمتاه ههههههههه


للاسف نحن مش طحالب نحن اللي اطلقوا عليهم المصطلح الشين هذكا هههههههه

المشاركة الأصلية كتبت بواسطة رغوده2006 (المشاركة 3478011)

والله قبل مش طحلوبه كنت من اشد العارضات الحق وياما داروا فينا الكتائب وانا حامل بولدي في الشهر التاسع وجيت فيا مذكرة اعتقال لولا قدرة الله وكان الاعتقال يوم الاحد والثوار دخلوا الزاويه يوم السبت فاشوفي ربك سبحان الله ناويلي الستر لكان هدا اصبحت في خبر كان والحمد لله ربي العالمين ونزيدك حاجه تانيه انا من ضمن الاسماء هلي سماها حمزه التهامي كان تعرفيه وهددنا
ولكن توه من اللي انشوف فيه تبي الحق اطحلبت من نهب وسطو وخطف وقلة امان تبي الحق في لطف ربي

المشاركة الأصلية كتبت بواسطة *ام فراس* (المشاركة 3478017)

لاحول ولاقوة الا بالله العلي العظيم
هو مش تطحلب معناها .. قهر وحزن من لي صااااير في البلاد
عليك نور لكن انا مرات انقول فيها من الغيظ والحرقه والله لما انشوف وضع البلاد وشبابنا هلى زي الورد مات وضاع انقول كان قعد بوشفشوفه وقعدوا اولادنا خير



كان تسمعي بلي صاير في بنغازي اخر حاجة فجروا قاعة افرااااح سمعت

خاطي تصفيه الضباط الكويسين بجد حال يقهر


حتي بعد اتجي هنا يقعد فكرك وبالك في ليبيا اكثر من قبل ...

المشاركة الأصلية كتبت بواسطة *ام فراس* (المشاركة 3478057)

https://fbcdn-sphotos-a-a.akamaihd.n...57302670_n.jpg



ههههههههههههههههههههههههههههههه

شتاوة معبره الحق

المشاركة الأصلية كتبت بواسطة *ام فراس* (المشاركة 3476783)

ماشاء الله ع دكتورتك ... انتي حاكية من قبل انها مسلمه نذكر .. وجدا عجبتني وقتها لانها ف رمضان وحست بيك ..
ايه هي مسلمة لكن توا بس لبست الحجاب وكانت في الحج

مش نفس دكتورة انجليزيه متاع جارتي تبعت كلامها وفطرت رمضان كله رغم ان صحتها كانت تسمح .. بس دكتورتها قالت كيف ماتشربيش مية .. واقتنعت هي قتلها نا ماعندكش مسالك وتنوضي ساعه 3 كويس للصيام لك عادي بس هي بكريه وكانت خايفه ..
ايه تعرفي اني مع اني تأكدت انها مسلمه وقالولي صحباتي نشوفو فيها تجي للجامع تصلي ومع ذلك قعدت خايفه من قصة الافطار بس نذكر قبل قالتلي علشان وزن البيبي لازم يزيد باش مايجيش ناقص نمو وتوا لما لقيت وزن البيبي شويا تأكدت انه كلامها صح لانه لو صمت وخاصة مانقدرش ناكل من الفطور كويس تراهو بنتي جت طشه



ونصيحتي ياعزيزتي انك هالايام تريحي وماتعبيش روحك عشان تلقي جهد للولاده


وننصحك بالتمـــر ثم التمــر ثم التمـــر فهو اكبر مغدي لعضلة الرحم ومانبيش نزيد نشرح

انتي قارية طب وعاااارفه حبيبتي

الحق ماناكلش فيه هلبا نادرا جدا بس نحاول نركز عليه

وان شاء الله ربي يسهل عليك ..

واللله ياريتك قريبه منا كان هذا جيتك لكن للاسف امريكا تبي فيزا وجووووو

تسلمي بااااااااااااااارك الله فيك حبيبتي ام فراس والله غير كلامك هذا ساد عارفاتك بنت اصول وماتقصري ربي يحفظك انتي وعويلتك ويهنيك يارب وان شاء الله نروحو سالمين لارض الوطن ونلقو بلادنا متهنيه ونتلاقو فيها وتشرفينا بطلتك الحلوة في الزاويه واحني نمشولك في الشرق الحبيب يارب
وصدقيني بم انك مغتربه ربي ح يسهلها عليك ان شاء الله



ننصحك بقراءة سورة الزلزله و دعاء سيدنا يونس في لحظات الولادة الاخيره