|
رد: تجمع الكروشات اللي ولادتهم في ربيع الاول 1434ه
كمان هذي عندها مهادات مهادات
أمريكية الي بالشمع ورخيصة قطعتين بـ 130ريال انا شريت حبة من ماماز بـ 125 ريال مهادات واطقم مواليد وعلب اكياس الحفاظات التسخة - منتديات شبكة الاقلاع ® وتوصل للرياض حق التوصيل 30 ريال - زينتها الدفع مع الاستلام مو تحويل بالبنك وشحن وخرابيط موفقات حبيباتي حبيت افيدكم لا تنسوني من دعوة ˘̩̩⌣˘̩̩ ♡ |
رد: تجمع الكروشات اللي ولادتهم في ربيع الاول 1434ه
السلام عليكم
وفقني يارب الحقي على تخفيضات دذا بدي شوب تراها اخر شي اليوم تخفيض على كل المحل لمده ثلاث ايام اليوم الجمعه اخر شي اما زهور الريف لا اشياء بسيطه عليها تخفيض شويات بس واخر شي اليوم اتوقع وبالنسبه للتعب والمشاوير لاتخافين كل شي حولك طبعا انا بالرياض رحت للعثيم مول اللي بالربوه فيه اكثر الماركات عندهم ذا بدي شوب ونكتار وزهور الريف وكمان مذر كير وh&m ودبنهامز ورتاغ سنتربويت وستي ماكس وفيه بعد محلات وبس مالحقت عليهم بحاول انزل الصور اذا عرفت مع الاسعار ؟؟ |
رد: تجمع الكروشات اللي ولادتهم في ربيع الاول 1434ه
ياقلبي انا بمكه مو بالرياض هذي المشكله وياليت تعطيني الاسعار ولو تنصجيني وش اخذ وانا ماقضيت شي والجين تخفيضات لان انتي الوحيده بتجمع الربيعين اقتصاديه كلنا ماشاء الله علينا لارحنا جبنا السوق وجينا احس الكل الحين بيسون حزب ضدي ويطردوني هههههههههههههههههههههههههههههههههههه
|
رد: تجمع الكروشات اللي ولادتهم في ربيع الاول 1434ه
انا اول مره اقضي لبيبي وماادري صح علي كذا او لا
للحين انا اليوم اول مره اشتري اخذت 12 بربتوزات كلهم بس .. وطقم واحد اللي من مذر كير يصلح للاستقبال بطقم معه مهاد ولفه توني باقي اغراض كثيره ... وبشتري كذا بربتوز من محلات عاديه بخليها للبيت وودي اخذ بجامات عجبنن مره بمذركير و دبنهامز بس بعضهم يقولون لي لا البربتوزات احسن عشان السر .............. وودي انصحك والله بس اخاف اوهقك لاني انا بكريه واخذت اللي يعجبن انا بالنسبه للعدد والشكل واللون والمقاس وبالنسبه للاسعار الملابس اللي برى عادي اخذ غالي يعني الطقم اللي من مذر كير ب180 بعد التخفيض وبروح اخذ منهم طقم ثاني لانه عجبني بس عنده برتوزات جوى الملابس جدا عاديه حتى قماشها عادي و90 مااخذتها قلت اخذ من سنتر بوينت ارخص وكذا وحده من اي محل وكمان فوط لاستحمام من سنتر بوينت لان مذر كير بعد فوطه عاديه وغاليه الشنطه عادي اخذها غاليه بس مالقيت لون زين اما المهادات لاباخذ 2 ماركات بس حلوات يكون سعرهم 60-80 وباخذ 3 من اي محل رخيص واللفات اللي فوق المهاد باخذ 2 كمان ماركات حلوات للاستقبال و2 باخذهم من اي محل اما باقي الاغراض مثل الشراب السدارات القبعات باخذهم من اي محل بحاول اخذ من الماراكات لون استفيد منه كثير زي الابيض يدخل باي شي او سماوي او اصفر ((اما المفارش للحين ماادري بالضبط وش اخذ ومنين اخذ )) للحييييين هذا اللي شفته وفكرت فيه وانتي وورايك |
رد: تجمع الكروشات اللي ولادتهم في ربيع الاول 1434ه
لالالا ياقلبي البربتوزات 12 مره كثير ليه ؟
فعلا البيجامات تطول معك خذيها مني نصيحه لاطاح سر البيبي جدا ممتازه بس البربتوز الكامل بسرعه يكبر عليه الببيبي ماراح يستفيد منه الا شهر او شهر ونص بالكثير انا اشوف تاخذين 4 او 5 عاجبتك اشكالهم بس انا تكثرينهم ابد ابد ماانصحك والله انا اقول هالكلام من واقع تجربه طيب ياقلبي الطقم الي من مذركير كم قطعه وعطر البيبي بكم؟ وماقلتي لي كم كلفتك اغراض البيبي كلها..؟ |
رد: تجمع الكروشات اللي ولادتهم في ربيع الاول 1434ه
انا عندي الحين بطانيه وعندي بربتوزين نيو بون اخذتهم من سنتر بوينبت ايام التخفيض الي قبل مع طقم بدون مهاد0-3 افكر اخذ بعد طقمين نيوبون وتقريبا 3 من 0-3 وتقريبا زياده 4بيجامات وبس
ومهاد الي تقول عنه مسافر بالشمع ماعرف شكله كيف بس تقول مرتب افكر اشتري واحد وتقريبا2 زياده وخلاص |
رد: تجمع الكروشات اللي ولادتهم في ربيع الاول 1434ه
ماادري والله اذا كثيره او لا احس البزر يبيله كل شوي تغيير ان شاء الله ماراح اضيق بهم
والبجامات خلاص راح اخذ بشورك واشري تقريبا 4 ماركات و 6 عاديه قلت لك من مذر كير اخذت الطقم ب180 مكون من بربتوز وبيجامه قطعتين وبرتوزتين وحده كم طويل ووحده كم قصير وقبعه ومريله وشراب يدين والبربتوزات اللي تجي 3 حبات مع بعض ب150 واخذت بربتوز ب90 هذا اللي من مذر كير بسسسس ودي انزل الصور بس مااعرف العطر من ذا بدي شوب ب70 ومن زهور الريف ب40 من ريتاغ بربتوز العدد 2 ب58 ومن دبنهامز 3 بربتوز مثل اللي عند مذر كير ب105 ومن h&m 3 بربتوز ب118 وبس هذي اللي اذكره كان معي زوجي وهو اللي يحاسب ماادري بالضبط كم كلفن لاني اخذت بعد اشياء ثانيه مثل زيوت فواحه ودهن عود وكريم جسم من بدي شوب وقميص استقبال وشال بس اللي يهمك الملابس صح؟؟ |
رد: تجمع الكروشات اللي ولادتهم في ربيع الاول 1434ه
مدري ياقلبي انا تغقدت ببنتي مووت شريت اغراض مرره كصيره من الشهر الثاني وانا اقضي للتاسع وبالاخير مالبست الا شي قليل جدا جدا جدا والباقي كله مثل ماهو بكيسته عطيته الشغاله وبعد الاربعين اضطريت اقضي لها اشوي اغراض وانا كنت مطفره ماجهزت نفسي ولا باي شي الا بعد شهرين ونفسيتي كانت عدم الحين افكر اشتري للبيبي بس مره مرره ماكثر واجهز كل قصرت فيه على نفسي وبعد الاربعين اشوف وش بيجيها هدايا ووش ناقصها واكملها اما اهمل نفسي واكملها وهي باللفه محد يدري عنها والله اكبر غلطه دفعت ثمنهاغالي
|
رد: تجمع الكروشات اللي ولادتهم في ربيع الاول 1434ه
والله ياقلبي تهمني العطور اكثر من الملابس بس بسالك بعد وش لقيتي احلى زهور الريف ولا بودي شوب في العروض والتخفيضات والاسعار؟
|
رد: تجمع الكروشات اللي ولادتهم في ربيع الاول 1434ه
يمكن عشان البيبي الاول ماعندي خبره وزوجي مبسوط انه ولد كل شوي خوذي هذا وهذا حلو
بس خلاص بوقف باخذ للبيت وكمان بجمات وخلاص وبعدين يالله مدام عطيتيهم الشغاله على اجر ان شاء الله بس المره الجايه اذا اخذتي شي غالي وكبر ولدك عليهم وشفتيهم جدد لان اغلب الماركات عمرها طويل وماتبين انه ملبوسه خبيهم في شنطه للمولود الثاني حتى لو تلبسينهم بالبيت مافيها شي وبالنسبه للعطور روحي لذا بدي شوب كل اللي عنده تخفيض اما زهور الريف لا ماعنده مجموعات وكذا بس شويت عطورات وكريمات عاديه جدا بس عجبني العطر لانه فواكه وشفته ب40 اخذته بس مايصلح للاطفال انصحك ببدي شوب |
| الساعة الآن 05:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .