|
رد: تجمع الغاليات بنات العراااااق**التجمع الجديد**
هههه علايه الله يعينج يارب تجيبين وتخلصين حبي البطن بالسادس شويه تبدي تبين لتخافين هسه تصيرين فيل بخلال شهر وعلايه لتخافين اني جنت استخدم شيره بطول فترة حملي
ام تيم مساء الانوار سيلا حياتي الله يعينا صدك بالهوا سوا بالنسبه لحمودي اجه بيوم25 _3 والمانع ممستخدمه بعد لان قبل اسبوعين يلا راحت اوساخ النفاس بس الدوره مجتني لحد هسه مداعرف شنو ااسبب وانتي استخدمتي لو لا واجتج الدوره لو هم بعدج |
رد: تجمع الغاليات بنات العراااااق**التجمع الجديد**
اي والله علوشه دا اطلع الفرق من جنت حامل ابد ما اكل حلاه يله الله يعين
ام تيم شلونج وحمودي شلونه يارب بخير ياسه شلونه حملج خما تعبانه ( سؤال تافه هههههههههههههههه اكيد تعبانه ) اها يعني فرق بينهم 3 اسابيع تقريبا العمر كوله ان شاء الله شو محجيتيلنا الاكشن مالتج لا والله كوله برااا برااا وزوجي مدا يقبل اسوي مانع وماعرف شسوي اهئ اهئ خايفه يصير حمل واني ممستعده ابددددددد الدوره مجايتني لهسه لان ارضع طبيعي ووياه صناعي مرتين باليوم ايكولون اللي ترضع طبيعي تتاخر دورتها :/ |
رد: تجمع الغاليات بنات العراااااق**التجمع الجديد**
اي والله سيلا العمر كله يارب والله حبي زوجي مثل زوجج ميقبل مانع واني صدك تعبت مابيه حيل كله كوم والولادة والتربيه كوم ثاني عبالهم سهلع واحنه نموت المهم اني هم جنت ارضع طبيعي بس بصراحه ضجت لان حموجي تعلم على صدري لازم مكابلته وماعده ميقبل فخليته صناعي شسوي وحتى الدوره ما تتاخر لان لحد هسه ماكو دوره وخايفه وبالنسبه لاكشن الولاده فيا عمري قبل ما جيب بسبوع جانت عندي عزيمه بحيث مخليت شي مسويته وتنظيف بالرغم زوجي ممخليني انظف بالحمل مع ذلك نظقت وكملت العزيمه بيومها حسيت ظهري يوجعني حيل خابرت امي وعمتي كالو ارتاخي خاف ولاده واني مطمنه كلت لا لتفولولي ماكو ولاده و قبل يوم من داجيب او بليلتهاجنت ضايجه كلت خلي انظف ونظفت وغسلت هدوم وبطني كامت توجعني وجع قوي خابرتني ام زوجي دتسال عني كتلها بطني دتوجعني كالت خاف رح اجيبين كتلها لا يمعوده بعده وطبعا مجان يوم ولادتي المهم صار العصر كتله لزوجي طلعني ضايجه طلعنه وامشينه وبوكتها اذكر مرتين صعدت دراج من هذا الطويل والثقيل بصعدته رجعت للبيت شو اختفه الالم كلت لا عادي وطةلت يمكن لل5 ونص اني كاعده توني غفيت جان يطك مي الراس طبعا نزل عليه مي دافي وهوايه بوكتها عبالي مسويه شي حتى من خوفتني كعدت من نومي واني متصلبه واول ما صحت زوجي اجان يطفر كال ها شبيج كتله شو مي داحس كال هاي شنو اني غركانه بالمي طبعا مجنهمتحضرين بحيث هو يركض واني جفلانه اندك على اهلي ميجاوبون نايمين ندك على اهله هم ميجاوبون هم نايمين بحيث اني ابجي اكوله اريد امي وهو يركض مثل الافلام ويكمز فوك القريوله ميعرف شيسوي ههههه جان منظر مضحك ومؤلم طبعا فوك الساعه اني كاعده والالم يزيد ويزيد والدمايه تالي باخر لحظات امي شالت التلفون كتلهم لحكولي داجيب امي كامت تبجي وخايفه اني وزوجي مرتبك وراها زوجي اذني للمستشفى وخابرو اهله واجوي ورانه ةصلت للمستشفى كالو ليش تاخرتي الطفل رح يتعب اشو مدري شطوني كالو لازم نزيد التوسع مالتج واطوني ادويه هم واني ابجي كتلهم ماتحمل الالم سوولي عمليه وكعدت اتوسل بيهم حتى بالفراشه توسلت والطبيبه معانده متقبل اسوي عمليه وزوجي هم مقبل تالي سال زوجي الاطباء كللهم عليها خطوره كللوله لا كال لعد جتفوها وجيبوها ةاني كلعت اتوسل بزوجي وامي وام زوجي اكوللهم خلوني اجيب عمليه رح اموت ويكولولي لا تالي تموتين بالعمليه وموزينه عبالهم يخوفوني وطبعا حطوني بصالة الولاده ومحد ويايه وممنوع احد يدخلي بحيث اصرخ بوحدي ومتت من اللم وكلساع فاحصيني تااي كتلهم حتى لو اكو موت او خطوره الي فعادي اقبل خلي اموت بس سوولي عمليه وميقبلون والطفل هم تعب يعني جانت ولاده صعبه كلش وردت اروح بيها ومحد يقبل يسمعني تااي واخيرا جبت العصر حمودي بعد ما ادمرت وسسواي فتح طويل وماكو اي بنج واخر شي يعد ما كملت حطولي وجبت احلى حمودي بس خطيه طلع تعبان لان تاخرت ولادتي ووتعسرت واطوني ادويه ماعرف شنو هيه واول ماطلع اخذوه وظل عدهم فتره وهاي مرات مرضه من مرضه لان مهتمو بيه وهسه الحمدلله ادعوله الله يعافيه ويحميه والكم بالمثل
هاي قصتي اكشن قوي ها صدك طبعا جانت الدنيا حاره ومن خبصتي لبست شتوي وطلعت لان كلشي ممتحضره عااااا ههههه |
رد: تجمع الغاليات بنات العراااااق**التجمع الجديد**
مساء الخير
شلونكم خواتي مشتاقتلكم كلللللللللللللللللش ا اعذروني غبت عنكم بس التهيت ومن شغلة لشغلة الله يعين احبكم |
رد: تجمع الغاليات بنات العراااااق**التجمع الجديد**
ام همام الله يساعدج ومحلوله انشاء الله منوره حبيبتي
|
رد: تجمع الغاليات بنات العراااااق**التجمع الجديد**
الحمدالله ع سلامتج حبي
اووووي هي هذي الولادة الطبيعية تمووووووووووووت |
رد: تجمع الغاليات بنات العراااااق**التجمع الجديد**
سويتولي واهس اسولفلكم اكشن ولادتي
|
رد: تجمع الغاليات بنات العراااااق**التجمع الجديد**
حنوشه اني هم مثلج جان ايسوي بيه بس بالممه يهدي لان حليبي قليل حبيبي ميشبع والحمد لله هسه ممه بس من اطلع و بليل انطي واحيانا خلال النهار
يله الدوره اول وتالي تجي شسويلها والاكشن مالج مثل مالتي هم صعب يله الله ياجرنا ان شاء الله ع التعب وطبعا طول اليوم ملتهيه وياه ومدا الحك احك راسي ام همام يله ان شاء الله المانع خير يارب |
رد: تجمع الغاليات بنات العراااااق**التجمع الجديد**
يله ام تيم سووووولفي
|
رد: تجمع الغاليات بنات العراااااق**التجمع الجديد**
نبدأ
اني طبعا مثل متعرفون اني اخر فترة كلها تقلصات واكوللكم ادعولي ضليت بين المستشفى وطبيبتي اراجع لحد ماااا فتت يومين بالتاسع.. وتقلصات مكطعتني تروح وتجي وتروح وتجي بس جانت تنحمل.. بس بيوم كتله لزوجي ترة اني باجر اجيب كلي شتجيبين كتله حمودي غير ههههههههههه ف نفس اليوم ساعة 2 باليل تقلصات بدت تشد بحيث كعدت من النوم اتألم بس اخاف اكعد زوجي لأن اذا كعد وماكو ولادة يكرع رااااسي كلش يحب نومته العزيزة ههههههه ضلييييييييييت اتألم متحملت خابرت ع امه بأمريكا فجانت عدهم ضهر ضليت اسولف وياها لل4 الصبح كتلها بعد مااااتحمل كالت كعدي خلي يوديج كعدته هو فززز كلي هااا صدك يله بدلي واني ابجججججي لأن توني فايته بشهري المهم خابرت امي كتلها ترة عندي ولادة بدلي نروح للمستشفى .. هذا الحجي امي متفقه وية اختي الثانية عدها عملية قيصرية دتجيب عاااااا امي احتااارت زخطية طلعت واجتي وياية رحنا للمستشفى فحصتني الطبيبة كالت ماكو توسع اخذي ابرة اذا عندج ولادة تسوي توسيع واذا لا تهدئ رحمج المهم ضربتها ورجعت لبيت اهلي ورزوجي راح للدوام صارت ساعة 7 الصبح والالم يززززززيد ويزييييييييييييد وخبلت خواتي الممتزوجات من الالم المهم اخوية كلي ابقي من تتألمين كولششششش اني اوديج .. واختي جابها زوجها واخذت امي وراحت دتجيب واني الالم صاااااااار فضييع ساعة ب 10 الصبح كتله وديني بعد مااااااااااكدر رحت وبالطريق اعيييييييييييييييط واعيييييييييييييييييط ويكولي صبري كولي ياالله اكولهم ماكدررررررررررررر المهم فحصتني الصبيبة كالت عندج 3 اصيع فوتي صالة ولادة .. اني كييفت كلت رح اخلللللللللللص وطكو مي الراس وجيكو الطفل واني عاااااااااااااااااااا اتألم تالي سمعن صوت امي وصت الطبيبة عليه ودزتلي ممرضة تحرضني عالولادة كلتلي الممرضة تريدين تجيبين وتخلصين لو تظلين هنا كتلها لالالالالا وديني اريد اجيب اخذتني وشفت امي واكفة بوستني ودعتلي وضلت تنتظرني واني ااااااااااااااه واااااااااااااااااه وجان يطلع حمودي ب 1 الا 10 الظهر طلع تعبان ومخنوووووك ومبجى حبيبي شبعوه بسط جان يكوم يبجي واخذوه خدج وامي تبجي عليه وطلعوني ارتااحيتوب7 العصر كلت لزوجي وديني لبيتي تعبببببببببت ورجعت للبيت شبعت بجي اريد ابني وثاني يوم الصبح رحت عليه وشفته والطبيبه كالت اخذي ابنج كلش زين رجعت للبيت للمغرب وابني بس نااايم خابرت اخوية طبيب كلي سويله تحليل ابوصفار وطلع بي ابو صفار وميرضععععععععع ابد ونمت بي مستشفىطلع هابط سكره بسبب ابو صفار وراها الحمدلله طلع وصار مثل الورد لحد ما صار عمره 38 يوم صار بي ذات الرئه ووراها الحمدالله طاب عالعلاج بالبيت اسأل الله تعالى العفو والعافية النا والكم وشكرا لأصغائكم هذي قصتي |
رد: تجمع الغاليات بنات العراااااق**التجمع الجديد**
اهم شي كومتي انتي و حمودي بالسلامه وقصصنا وحجه اصعب من الثانيه بس ان شاء الله ربي يهون الطلق والولاده ع علايه وياسه ♥♥♥♥
|
رد: تجمع الغاليات بنات العراااااق**التجمع الجديد**
شنو هاي افلام رعب مو اكشن. ..طلع التجمع فال خير بالحبالة بس مو خوش بالولادة. ..خوفتونيييييييي اهئ اهئ
بس احلى شئ جبتو بالنهار انا اخاف من الليل بالولادة مادري ليش. ... طبعا ضحكت على شغلتين زوج حنوشة ابو جتفوها وجيبوها. ..وزوج نبراس ابو نومة العزيزة. .. الله يستر من زوجي ...المهم خلصت على خير. .وعلى كولة امهاتنا ياطلكة المنسية ردي علية.. انا اذا جبت طبيعي اطلع من الصالة اركص واكمز واكول لقد فعلتهاااااااا ههههههه. ..لان اجبن وحدة بالدنيا |
رد: تجمع الغاليات بنات العراااااق**التجمع الجديد**
منورة سراوي انشاء الله خير ونشوفج اكثر ..بوساتي لابو الهمة
|
رد: تجمع الغاليات بنات العراااااق**التجمع الجديد**
بنات سؤال شعجب ماطلبتو ابرة ظهر لو تخدير جزئي ...مامعقولة ماموجودة يمكم. ....
|
رد: تجمع الغاليات بنات العراااااق**التجمع الجديد**
اني اخذت اوكسجين بس ابره الظهر اخاف منها علمود الشلل اسم الله اذا واحد يتحرك واني من النوع حركه
ومثل مكتبت بالقصه من جنت 8 سنتي رادو ينطونيها وبعدين زوجي مقبل ماعرف اذا قريتيها لو لا |
رد: تجمع الغاليات بنات العراااااق**التجمع الجديد**
علوشه اذا انتي حامل ببنيه ف ولادت البنيه سهله ايكولون البنيه تتزحلك مو مثل الولد عااااااااصي
|
رد: تجمع الغاليات بنات العراااااق**التجمع الجديد**
ام تيم الله يساعدج ويساعدنا المهم انتو سلامات الله يحميكم هاي كل وحده منه قصتها شكل
ههههه علايه ضخكتيني مال فعلتها ادري اذا اتتي رح دكوليها زوجج شرح يكول يلا صدك ااساعه المنسيه ولو مو عندي هلشي عاااا لخد هسه اذكرها0 يارب اجيبين بالسلامه سيلا حياتي اني هسه قطعت الطبيعي صارلي بس شهر ونص انتي كم مره ترضعيه من صدرج وكل شكد ولمدة شكد علميني عفيه حتى استفاد من خبرتج حبي |
رد: تجمع الغاليات بنات العراااااق**التجمع الجديد**
والله حنوشه صح الممه مريحه بس مو بكل وقت يعني مثلا نص الليل اتعاجز اسويله ممه وبالنهار نن يلج يله اسويله يعني الطبيعي احسن من ناحيه جاهز و باي وقت موجود مو مثل الصناعي اني انطي بالنهار بس يلج ويريد يبقى يمص اسوي ممه واخترصها ومن يجون عندي خطار و من اطلع مكان ومرتاحه ع هذا النظام يعني بليل اني وقت نومته ب 11 انطي ممه يوكعد ةرا كم ساعه ايكون عندي حليب انطي صدر و ينام ورا كم ساعه انطي الثاني
والصناعه اذا بس هو يسويله امساك او اسهال اسم الله ع جهالنه بصراحه من صدر ماكو مده محدده حسب اذا يرضع اهواي لو شويه بس تقريبا ساعه ونص بس بالممه اسويها كل 3 ساعات لان حليب اﻻام خفيف وبسرعه ينهضم مو مثل الممه حليبها يطول يله ينهضم انتي كم ملي تنطي حليب ؟؟؟ |
رد: تجمع الغاليات بنات العراااااق**التجمع الجديد**
اي والله يا بنات كل وحدة قصة شكل بس كلنا عشنا نفس المعاناة بالطلك والولادة الله يعين ويكبها بميزان حسناتنا
علاية كلنا جبانات وداعتج واني اولهم بس من تجي ساعة الطلك بعد هاهية مو بكيفج وينه الي يخلصججججججج ويطلع الطفل والمهم سلامة الطفل ثم انتي (هاية نظريتي اكول اني جبيرة اتحمل بس نونو شيتحجمل اكول يا ربي اذا اكو شي خلي بية مو بأبني) ان شاءالله ساعة سهلة حبايب وياااارب يتم الحمل بالسلامة |
رد: تجمع الغاليات بنات العراااااق**التجمع الجديد**
سيلا حياتي اني صدري بطلت منه لان على كولة يلج وميشبع منه فجان يبقه عليه ساعه كامله وهو مماخذ شي بس شويه ويلوج بيه ويعلس بس اشيله يبجي ارجعه عليه سواء النهار او بليل فشفتها مو مال هيج تعب عليه وهو غده عصفور لان ميشبعه فحولت ممه كلها واطيه 60 سيسي كل 3 ساعات بس عو ميرضع يريد بس تبقه الممه بحلكه ومرات حسب من يبجي يرضع
انتي شكد تطيه بالممه وقصدي اذا ترضعيه من صدرج شكد تحطيه عليه ساعه لو ربع ساعه لة شكد وكم مره تطيه ممه وكم مره تطيه صدر يجوز اني غلط داسوي لان مدينام بليل بس يبجي لو ينام بالنهار ويكعد بليل انتي شلوندينام كم ساعه وشوكت تنيميه معلمتيه لو لا اني جاعلمه بس يعاند يلا وحده تنصح الخ حتى نستفاد ام تيم اي والله الكل عانت الله يحفظلنياهم ويوم لياسه وعلايه وكل الحبيبات |
رد: تجمع الغاليات بنات العراااااق**التجمع الجديد**
مشكورات حبايبي. ..الله يحفظ حمودياتكم. ...
سيلا قريت قصتج كلها جان سؤالي لحنوشة و نبراس لان بالعراق ..انا خواتي اخذو مخدر بالاوكسجين يكولون بس تحملي الطلوك لمن يكمل التوسع وراها الولادة تخدير جزئي ...ولا تكولين الولد عااااصي حبوبة كولي يتزحلك هههه. .. على العموم الله يعدي علينا اشهر الحمل بالسلامة وانشاء الله الولادة تسهيل من رب العالمين. .. نيبو بالنسبة الوضعي يسمو حمل عزيز. .فيهتمون بسلامة الطفل اكثر من نوعية الولادة. .حتة خالتي دكتورة ولادة تكلي تحضري للعملية لان ماريدج تعبين الطفل. ..بس بعد تبقى يم رب العالمين شنو كاتب النا نشوفة |
رد: تجمع الغاليات بنات العراااااق**التجمع الجديد**
بالنسبة للرضاعة انصحكم بالطبيعي. ..صح متعبة بس حليب الام ماكو مثلة. ..وتكدرين تساعدين بممة بس حاولو الاعتماد الاساسي عالصدر احسن الكم ولاطفالكم. .لان وحدة من خواتي طلع عد ابنها طيف بسيط من التوحد وسوت بلاردن تحاليل وحتة بفرنسا دزو تحليلة. .طلع السبب حليب البقر. .القوطية. .والمضادات الحيوية لان عندة التهاب مزمن باللوزتين وانطو ابر. ..
وطبعا اخصائين تغذية واطفال كولش يفتهمون ..نصحوها بالطبيعي وبعد متنطي حليب قوطية. . هسة خطية عمرة اربع سنوات ومنعو عنة الحليب وهو يموت عالحليب. ..وانطو مكملات غذائية وبدائل عنة ماريد اخوفكم بس هاي واقع تجربة وحجي اخصائين. ..الله يبعد عن اطفالكم كل شر. . |
رد: تجمع الغاليات بنات العراااااق**التجمع الجديد**
اني جنت ناويه من قبل مااولد انطي اثنينهم يعني حرامات تفطي من صدر انتي صار كم يوم ممرضعته ؟؟
اني انطي مرتين باليوم ومره العصر من يجي ابوه ومره بليل وذا اطلع انطي طول ما اني برا وصدري ماكو وقت محدد شوكت مينحس انطي صدري بس مو ازيد من عشر دقايق بس اني هم يريد يمص طول الوقت لذلك جبتله لهايه وريحت نتفسي لو ما الهايه جان منتحره من زمان هههههههههههههههه وبليل موعد ب 10 ينام معلمته و يكعد مرتين بليل واحيانا 3 وب 8 الصبح يكعد ابدل حفاضته ويلعب فد ساعتين ويرجع ينام هيج مسويه نظامه ويارب يستمر عليه من يكعد نص الليل ارضعه عشر دقايق وانطي اللهايه وينام |
رد: تجمع الغاليات بنات العراااااق**التجمع الجديد**
الله يكومج بالسلامه علوشه
|
رد: تجمع الغاليات بنات العراااااق**التجمع الجديد**
علايه خةفتيني والله صارلي شهر كاطعه عنه صدري حتى الدوره هم مدتنزل ماعرف شسوي احس صدري مابيه حليب مو ثقيل شلون ميرجع بيش تنصحوني هسه
حبي عاايه اني مطوني تخدير ابد بس بعد ما كملو خياط يلا اطوني شي بسيط وبس سيلا حبي خوش نظام اني نظام ابني ينام بال وحده ااظهر هذا ليله ويعني ااايل كله كاعد لل وحده او ال12 الظهر حسب مزاجه عفيه شلون غيرتي نومته لو من الاول هيج الله يحفظه |
رد: تجمع الغاليات بنات العراااااق**التجمع الجديد**
والله اكشن ولاداتكم حلوووة
الله يحفظ اطفالكم بس علوش خوفتيني من الحليب شنو نوع الحليب اللي جانت تستخدمة اختج لان اني فطمت همام صح هو ميشرب الحليب ابدااااااااااا بس اخلي وية السيرلاك ووية البسكت |
رد: تجمع الغاليات بنات العراااااق**التجمع الجديد**
هلو سراوي منورة ...مو قصدي اخوفكم والله. .بس خطية مقهورة على ابن اختي الحمد لله هو ماعندة من النوع القوي فد شئ بسيط يروح بالحمية يعني كسل بعمل خلايا الدماغ بسبب نوع التغذية والابر ..اهم شئ لاتنطون اطفالكم ادوية هواية وقوية لان تاثر علة تطور خلايا الدماغ. ..حاولو بالمسكنات والكمادات. ..
اختي جانت تنطي حليب فرنسي ماتذكر اسمة بس اتذكرة اكتبة جانت تشتري من الصيدلية وجان من النوع الغالي ... بس موشرط كل طفل يتاثر ... اكو هواي عوامل ...بس اسم الله الرحمن كلش منتشر هالايام. .وانوب ماكو مراكز علاج بس بالاردن وغاااااالي حيل فوق ماتتصورون ... والطبيب وصاها بالرضاعة الطبيعية احسن وائمن. .. سراوي اهم شئ ابنج يتفاعل وي الناس لان التوحد هو نقص بالتواصل الاجتماعي وتاخر بالنطق وهواي شغلات الله يبعدة عنا وعنكم يااارب. . |
رد: تجمع الغاليات بنات العراااااق**التجمع الجديد**
لا حنوشه علمي ينام وياكم ويكعد وياكم لتنيمي اهواي بالنهار سويله بس نومت ظهر طويله يعني تغيير حفاظه وكماط وممه حتى ينام اهواي اني نومت الظهر مالته ساعه خمسه من يجي ابوه حتى نتغدا اني و ابوه براحتنا وباقي النهار خلي بلا كماط و اذا شفتي طول بنومته قبل الساعه 8 كعدي نزعي حفاظته وفتحي الضوه هسه يكعد
لا مو وحده اتعلم اني بس جان صغير جانت بس اتصير ساعه 9 بليل اخذه وافوت الغرفه واطفي الضوه واسويله اجواء نوم صح عذبني بس هسه عرف الليل بالنهار هسه اطول نومه عنده بالنهار ساعه انتي حاولي اتعلمي الليل من النهار هو رح يستوعب اجا الليل والكل نام بالنهار اذا ماعندج احد يسوي هوسه مثل حالتي فتحي التلفزيون وخلي صوته عالي ان شاء الله الله يهدي ويتعلم ينام بليل |
رد: تجمع الغاليات بنات العراااااق**التجمع الجديد**
علوشه مابي غير العافيه ابن اختج ويارب يشافيه ويعافيه
والله يحفظ اطفالنا واطفال العالم كولها اميييين يارب |
رد: تجمع الغاليات بنات العراااااق**التجمع الجديد**
الله يشافيه ويعافية علوشة ويحفظ اطفالنا واطفالكم من كل ياااااااااارب امين
|
رد: تجمع الغاليات بنات العراااااق**التجمع الجديد**
علايه حبيبتي مكوني تخدير اني هيج بس مسكنات عجاها مامو بالظهر
سيلا حياتي شكد حاولت ميقبل ابد زين كويلي جدولج من اول ميكعد ااصبح لي ثاني يوم ساعه بيش تكعجيه وساعه بيش تنيمه وشوكت تغسليله بس جسمه لو راسه هم وكم مره باليوم علميني على كلشي بلكت اعرف ويتعلم يصيبج اجر كلش ديعذبنه حتى ابوه رح ينطرد من الشغل من كثرة السهر والروحه متاخر |
رد: تجمع الغاليات بنات العراااااق**التجمع الجديد**
هلو حبيباتي عذروني طولت عليكم الغيبة النت جمو زين ابيت اهلي
سيلا اتفاجئت مسمية ابنج يوسق صدقة لااه فدوة لهل الحلق الصغيرون يخبل ماشاء الله...شوكت غيرتي الاسم جان ريان على مااذكر حنوشة الاكشن مرعب مال ولادتج ههههههه اني اذكر اخر شي كتبتي تردين اتسوين شيرة وعندج موعد وية الطبيبة..يعني كم يوم بالتاسع وجبتي بالسلامة؟؟؟ الله يخلي لحمودي وتفرحين بي ياربي نبروسة الاكشن مالتج هم صعب والله يساعدج وياربي الصحة لحمودوي والج على طول ..يعني انتي واختج نفس اليوم ولادة الله يساعد الوالدة زين وين رحاي ببيت اهلج لو بيقتي يم زوجج بعد الولادة؟؟؟ ام همام تسلمين حبي على الدعوة الحلوة ربي يخليلج همام وتفرحين بيه علاية حبي ياربي يخليلج ابنج وينطيج الصحة وتشوفي احلى عريس...بالمناسبة كثرت العوامل المشتركة بيني وبينج اني هم ابن اختي عندة طيف من التوحد بس كالولها سببة واحد من اللقحات بي نسبة من مادة عالية اثرت على الدماغ والله يشافي ويشافي ابن اختج ياربي اني الحمد لله زينة..بنات اني كل شهرين مغيرة الطبيبة لان مدااثبت على وحدة ..وهسة لازم اقرر حتى ان شاء الله هية اتجيبني نبراس وحنوشة شتنصحوني وبيبا مستشفى زينة...دااااايخة...اني ولادتي راح اتكون ببيت اهلي صارلي شهرين هنا والشهرين الجاية هم بتقية..الحمد لله اهلي كلش مريحيني بس مشتاقة لزوجي هواية...ياربي يهونها الايام علينا ونجيب بالسلامة ويخلي نونوات الكل احبكم يااحلى بنات ...ياربي يديم لمتنا |
رد: تجمع الغاليات بنات العراااااق**التجمع الجديد**
اهلين حنوشه اسفه تاخرت بالرد لان صارت هوسه عندي صارلي اسبوع عند بيت عيالي لان بيتي المطبخ مالته صار بي رطوبه وتصليحه يطول شهر اقل شي فملتهيه اهنا ويه يويو ووياهم
يوسف يكعد ب 11 الصبح عادي ارضعه من صدري فد 15 دقيقه واشيله اغيره الحفاظه واخلي يلعب شويه بدونها وبعدين البسه واطلع ع الهول اخليله فراش يم التلفزيون وافتححله كارتون بين مااتريك اذا جان يبجي اخليله لهايه واذا ميبجي اعوفه بعدين ينام ع 1 تقريبا اشويه ويكعد وهم يرضع من صدري وينام ع 3 شوي ويكعد اخر شي انطي ممه ب 5:30 واكمطه وينام طبعا نومت الظهر هاي بين ما يجي ابوه ونتغدا ونشوف تلفزيون شوي هو ساعه ويكعد تقريبا و ب7 او 8 ينام شوي بعدها اكعده اطول فتره ممكن لحد ميتعب هم اسويله ممه ع 10:30 وكماط ونومت الليل واذا منام اقراله قران واطبطبله وينام طبعا بالاستعانه باللهايه طول اليوم ويكعد ع 3 او 4 الصبح يرضع وراها ع 6 وورها ع 8 خلص يريد يلعب نلعب لل 9:39 وانام اني وياه ونكعد ع 11 وغشنا عيشه سعيده والحمام كل يومين اسبحه اني وزوجي هو يلزمه واني اسبحه وركبته بس اشوفه وسخه امسحه ياسه شلونج حبي ابن اختج مابي غير العافيه وربي ايشافي والله غيرنا لان اهنا صعب يلفظو ويوسف مداول بكل الدول ف اتغير الاسم ان شاء الله تولدين بالسلامه وترجعين لزوجج وبيتج حبي |
رد: تجمع الغاليات بنات العراااااق**التجمع الجديد**
عاشت ايدج سيلا خوش برنامج هسه اسوي مثله اني اغسله مثلج يلزملي واني اغسل بس اني يوميه اغسله لان ركبته مليانه خطيه ابيض من الحليب علمود هلشي عبالك مصلوخه انتي هم هيج لو شنو وتستخدمين باودر مال اطفال لو شوكت ناويه تستخدميه
ياسه مبروك دخولج ااستبع يارب بالتمام هانت ما بقه شي والله حسب كلمن وقناعته بالمستشفى اكو الراهبات كلش زينه والطبيبات تره مو ثابتات اني طبيبتي بيوم ولادتي جانت مسافره فاضطريت وحده اخرى تجيبني |
رد: تجمع الغاليات بنات العراااااق**التجمع الجديد**
اني هم ركبته مرات تصير هيج بس امسحها بمي دافيه وانشفها وسالت الدكتور عليها ع جوه ابطه كلي هذا جلد زايد امسحي بمي دافيه ونشفي زين واني اخليله بودرت جونسون اخليله شويه وره ما انظف ركبته وامسح لان اذامتمسحيها ايصير احمر حتى جوه ابطه بس لزمه وامسحلهيا ييصير يبجيييييي بس كلي عادي مسحيها حيل لان هذا جلد زايد
ان شاء الله الله يهدي لابنج ويصير ينام بليل |
رد: تجمع الغاليات بنات العراااااق**التجمع الجديد**
تسلمين حبي امين .. يعني انتي سالتي الدكتور عادي نحطلهم بودرة لان يكولون يسوي تحسس ماعرف صدك هلشي
|
رد: تجمع الغاليات بنات العراااااق**التجمع الجديد**
لا والله مسلته بس اني اخلي بودره والحمد لله ابني مابي شي حتى استعمل بودره معطره اللي هي جونسون والحمد لله كولشي تمام بس سالت الدكتور ع البياض اللي جوه الابط والرقبه وكال عادي هذا جلد زايد
|
رد: تجمع الغاليات بنات العراااااق**التجمع الجديد**
هلو سيلا حلو البرنامج مالتج ماشاء الله
الله يخلي يويو وتفرحين بي ياربي حنوشة انتي جبتي بالراهبات؟؟؟ سمعت اكو مستشفى جنين هم زينة بالكرادة بعد ماادري حاااااااااايرة |
رد: تجمع الغاليات بنات العراااااق**التجمع الجديد**
هلو ياسة شلونج
مبروك ع البنوتة الله يجيبها بسلامة |
رد: تجمع الغاليات بنات العراااااق**التجمع الجديد**
شلونكم حبايب دااطول بالغيبة عليكم مشغوووولة كولش وهم حتا تشتاقولي اشتاقيتلكم هوووووواية وباركولي طهرت علاوي واخيرا وشبعت بجي من سمعته يعيط ويبجي بس انطيته ادوية ومهدات والحمد للله عدة اليوم علا خير باجر باذن الله ميحتاج بي المضادات الحيوية علاية مشتاقتلج كومة وين وصلتي بالحمل انتي وياسة ارو الج وحشة وين ايام الدوام جنة نسولف نن الصبح يبببو اذكرت الدوام ماريد الاجازة تخلص لماوي شوكت نفرح بيها يارب قريب ان شاالله ام همام شلونج عيوني شخبارج وحنوشة وسيلا بوساتي الكم ولنونواتكم
|
| الساعة الآن 11:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .