|
رد: تجمع حوامل ليبيا
ام اجنادين هادا يا حنه اني اندير في الهريسه العربيه بالثوم والكرويه بس اعطوني طريقه احلي منها
|
رد: تجمع حوامل ليبيا
شكلكم مشغولين
|
رد: تجمع حوامل ليبيا
مفهمتهاش طريقة الثوم والكروية كيف هذه
|
رد: تجمع حوامل ليبيا
المهم طرقيتي حطي شوية زيت وعليه بصل مقطع صغير
خليه يذبل وبعدين حطي الطماطم المعجون ولعندك طماطم اخضر حتي هوا حطيه قطعيه صغير او اضربيه في الخلاط وحطي شوية ملح وبهارات وبزار لو تبي ... لعند مايطيب طماطمك خودي الفلفل الأحمر حولي البذور متاعه لو ماتبيش الهريسه تكون حارة واضربيه في الخلاط مع الثومه وبعدين ضيفيه للسابق وخليه شوية ولو تبي تعطيها طعمة احلي طيبي شويه بصلة " بصل مجفف عرفتيه " وضيفيها للمقادير السابقة |
رد: تجمع حوامل ليبيا
هادي الهريسه العربيه نرحي في الفلفل الاحمر مع الثوم ورشه كرويه وملح بس ما نديرش معاه في قرعه ومش عارف شني فنبيك تعطيني طريقه غير اللي ندير فيها اني يعني فيها حاجات تانيه
|
رد: تجمع حوامل ليبيا
طريقتك مختلفه تماما عن اللي نديروا فيها طبعا اللي كتبتها طريقتي الخاصه اما اماليا فيديروا فيها تهببببببببببببل بنسالهم ونسيت
|
رد: تجمع حوامل ليبيا
ام اجنادين نستاذنك فطرت فروتي خلي بنديرلها رضعه وبنرقدها غصبا عنهااااااااااااااااااا وبنلود علي حوشي ونولي
|
رد: تجمع حوامل ليبيا
انتي تقصدي الهريسة يعني المعجونه يقولولها لونها احمر زي الواتيه متاع الحكاك
|
رد: تجمع حوامل ليبيا
يقونة حبيبتي الهريسة ماما ادير فيها ووالله مانعرف كيف تندار دبايرها بالضبط ... آني كنت نعاون في ماما في رحي الفلفل ... ههه
|
رد: تجمع حوامل ليبيا
عجنت عجينة الخبيزة وخليتها تخمر ... ودرت كيكة الكريم كراميل وتوا تبي ساعة في الكوشة علي بين ماطيب بعدين اندير خبيزة التن وانطيبها ... توا بنقعد معاكم شوية وبنوض ننشر حويجاتي وبندير الحمام ... وبعدين نطيب الفاصوليا
|
| الساعة الآن 12:22 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .