|
رد: تجمع حوامل سوريا-دردشة ورود سوريا-دردشة الغاليات
نجمة السمر
حبيبتي الله يكتبلك الحمل بولد سليم وبخلقة تامة يارب ويخليلك البنات يارب لساتك كتير زغيري لابئى تحكي هيك ولسا ئدامك ١٥ سنة بتجيبي فيهن ولاد كتير انشاءالله واهم شي انو الحمدلله عندك البنات بخلقة تامة وبكرى بتجيبولن اخوة انشاء لاتستعجلي بس ادعي رب العالمين وكل تأخيرة فيها خيرة |
رد: تجمع حوامل سوريا-دردشة ورود سوريا-دردشة الغاليات
صبايا بدي اسئلكن وكتير ضروري تجاوبوني
يوم التلاتا الي مضى يعني مبارح رحت عالدكتورة وئالتلي التوسع عندي تلاتة وولادتي ئبل الموعد يللي حاسبتلي اياه وانو بس رحت عالمشفى وكان التوسع اربعة مابئى بخلوني ارجع لاني بكون رح اولد بئى ياريت تئولولي شو يعني تلاتة واربعة وازا هيك يعني ايمت بتتوقعو ولادتي بهالاسبوع ؟ مشان الله جاوبوني كتير ضروري هديل -رغد-ام حمودة-نجمة السمر-انتو اكيد بتعرفو طمنوني حبيباتي مشان احسب حسابي |
رد: تجمع حوامل سوريا-دردشة ورود سوريا-دردشة الغاليات
صباح الخير صبايا
منار لاتخافي ولاشي قصدها الرحم مفتوح عندك تلاتة سم ولحتى يصير ولادة لازم يكون عشرة سم وازا متل ماقالتلك انو بس يصير الرحم مفتوح اربعة معناها بتضلي بالمشفى عم تطلقي لحتى يصير عشرة بعدين بتفوتي على غرفة المخاض وبتولدي.. انتي دوري بالنت وشوفي كيف بيكون وضع الرحم بهي الحالة وفي كتير صور مرسومة بشكل توضيحي وبيفهم الواحد شو صاير معو بالعكس فرحي اصلا الشهر التاسع كلو ملل ومابتسدق الوحدة فينا ايمت تولد وترتاح وعندك فترة طويلة لتولدي وتدخلي غرفة المخاض يعني بتتهيئي نفسيا مودغري وانتي بس تلاقي حالك نزل منك مي هي بيكون نزل السائل لامينويوسي او نزل منك دم بتكون سدادة الرحم نزلت وكمان ازا حسيتي بمغص من ضهرك لبطنك وحسيتي بألم لا يحتمل فورا بتكوني مجهزة شنتاية المشفى فيها مستلزماتك ومستلزمات البيبي من ملابس إلك وإلو ومابعرف كمان ازا نظام المشفى عندك بيلبسو البيبي من عندون وازا بدك تفصيلات على غراض الشنتا على عيني وبوشك عالمشفى بيكون اجا الجد وماعاد في لعب وعلى فكرة هاللحظات احلى اللحظات وان شالله بتقومي بالسلامة يارب ولاتنسي ماتطمنينا عندك |
رد: تجمع حوامل سوريا-دردشة ورود سوريا-دردشة الغاليات
شذا والله خفت عليكي ازا بتحسني تطلعي من مطرح مو ساكنة وتروحي لمكان آمن لاتقصري الشغلة مافيها لعب وحتى لو مابتخافي هي الروح غالية وبلا ماتنأزي والله يحميكي انتي وكل السوريين ويفرجا علينا يارب
ام ندوشة انشالله قريبا رح افطم نايا وانتي خبرينا عم اترضعي سيدرا منك او من البيبرونة وليش حددولك ولادة قيصرية ماقلتيلنا ام جوجو بدي اسألك وين عملتي مراجعاتك وعند مين ولدتي وبأيا مشفى وشوكانت جنسية دكتورتك وشورأيك بالتخصصي منيحة او مونصيحة والله يبارك فيكون منار وام ندوشة والله يوم عن يوم عم حس انو لسا الدنيا بخير وفي ناس بتحب الخير متلكون ومتل كل الصبايا هون |
رد: تجمع حوامل سوريا-دردشة ورود سوريا-دردشة الغاليات
صباح الخير ياحلوييين
انشالله جمعة مباركة بس بددون راجمة صواريخ ....:) كيف الجميع واين انتم غاطين ؟ |
رد: تجمع حوامل سوريا-دردشة ورود سوريا-دردشة الغاليات
اقتباس:
من يوم رحت لعند الدكتورة ولهلئ عم ئول اليوم بولد وماعم يجيني طلق بس عم يصير معي مغص خفيف وضهري عم يجعني كتير وكمان مبارح شافتني امها لسلفتي وئالتلي بطنك نازل معناها ئربت ولادتك وانا كتير حابي اولد الله وكيلك رح موت من التعب والتقل بس اتسطحت بصير كل منطقة الورك والفخاد بيوجعوني وجع فظيع ما عم بئدر نام طول الليل بس هدولة بدي اسألك يعني في بوادر للولادة ئبل بيوم او اكتر ولا هيك فجأة بصير مغص وطلق بنفس اليوم وعلى رأيك يعني تلاتة سنتم بعد كام يوم ممكن اولد لاني خايفي يفتح الرحم اكتر ومايجيني طلق ويعملولي طلق صناعي بئرا عالنت انو صعب وبتعرفي قررت أتوكل عاالله وآخد ابرة الابيدورال لان دكتورتي نصحتني فيها وئالتلي هي آخدتا وسلفتي آخدتا تلات مرات وبنت حمايي دكتورة وآخدتا بكل ولادها والدكتورة ئالتلي كتير آمنة انشاءالله انتي شو رأيك؟ ومشان شنتة المشفى سألت الدكتورة ئالتلي بس جيبي لحالك روب نوم وللبيبي بدل خارجي بئى ياريت انتي كمان تنوريني حبيبتي صحيح كمان بدي اتشكرك لانك ئلتيلي عالبانيوم تبع البيبي اول شي استغربت وماكان يخطرلي بنوب انو فيه هيك شي لما دورت تاري السوئ مليان اشكال الوان عنجد يسلمو ومرة تانية الف مليون مبروك الحمل الله يباركلك فحملك وفزوجك وفبنتك نايا انشاءالله وديري بالك عحالك حبيبتي وشو اخدتي موعد عند الدكتورة؟ |
رد: تجمع حوامل سوريا-دردشة ورود سوريا-دردشة الغاليات
صبآح الخير ل بنآت سوريآ ،،
انآ فلسطينية بس حبيت ادخل عندكم وأدعي الكم ولسوريآ الله يكون معكم ويحميكم يآرب |
رد: تجمع حوامل سوريا-دردشة ورود سوريا-دردشة الغاليات
مرحبا صبايا
منار الولادة أمر إلاهي يعني مابيعرف الواحد ايمت هالنفس بدها تنزل عالارض انا وقت نايا على اساس اولد اول شهر ضليت تلت اسابيع من الشهر التاسع وأجمالا البكريات بيضلو لآخر شهرون وكمان مو قاعدة متل ماقلتلك أمر إلاهي وإيمت ربنا رايد ماحدا بيعرف بس انتي جهزي حالك واتهيئي .... الطلق للبكريات بيستمر اجمالا 12 ساعة من لما بتكون مسكرة الرحم لحتى تصير 10 سم وانتي فاتح تلاتة عندك مرتاحة من كم ساعة ههههههههه بس لازم يكون الطلق منتظم يعني بتجي الطلقة وبعد ساعة بتجي وحدة تانية وهكزا لحتى يصيرو قراب من بعض والفترة بين الطلقة والتانية خمس دقايق بعدين بتصير دقيقتين ازا ماانتظم الطلق ونزل السائل الامينيوسي احتمال يعطوكي طلق صناعي او نزلت سدادة الرحم بس في احيان بيجي الطلق ومابينزل السائل الدكتورة بتنزلك ياه وكل ولادة وحالة خاصة بزاتا يعني بوادر الولادة لماتجي وبعد ساعات بتكوني ولدانة وبالنسبة للابرة بماانك حاسمة امرك ورح تجربيها خلص جربيها واتكلي على الله وان شالله بتولدي متل رمشة العين ومابتحسي بشي والشنتة خلص متل ماقاتلك دكتورتك روب إلك وشي تلبسيه برجلك ومشطك وكريمات الترطيب تبعك ازا بتحطي وفوط نسائية و بشكير صغير وللبيبي شي بطانية صغيرة تلفي فيها لما بدك اتطالعي من المشفى وافرول خارجي ومابعرف ازا بيحطولو من عندون حفاضات ومستلزماتك الشخصية ان شالله ماكون نسيت شي ولسا مااخدت موعد عم استنى للاسبوع السابع او التامن بفرد مرة بسمع نبض الجنين ووصفت لحالي فوليك اسيد وكالسيوم وبلشت فيهون وبدي اسأل اكتر على دكتورة شاطرة بالرياض بركي بتساعدني ام جوجو لان ماعندي حدا اسألو |
رد: تجمع حوامل سوريا-دردشة ورود سوريا-دردشة الغاليات
مسالخييير كيفكن ياحلوين تسلميلي هدولة الله يسلمك بس والله كل المطارح عنا نفس الشي الله وكيلك الصواريخ متل زخ المطر ستي شو بدنا نعمل الحمدلله كيفك انتي ؟؟وكيف بائي البنات ؟؟
|
رد: تجمع حوامل سوريا-دردشة ورود سوريا-دردشة الغاليات
يسعد ايامكم ولياليكم
كيف الحلوات اليوم كيفك هدولة حبيبتي وكيفها نايا ربي يحميها حاولي تفطميها قبل رمضان لانه جاي الصيف وحرام تفطميها بالصيف شوب عليها وبتحتاج سوائل كتير وعوضيها حليب ضروري وكمان برمضان مع الصيام صعبة الرضاعة وحمل رح تتعبي كتير لازم تقرري بسرعة بهالموضوع الرضاعة بتأثر عليك بس اما نايا والجنين عمياخدوا حقهم تمام وانت لازم ماتضعف قوتك ومن شان كلسك وعضامك واسنانك وشعرك الله يقويك ياروحي ويتمم لك شهورك ويفرح قلبك باحلى اخ لنايا يارب كويس بلشتي بالفوليك فيه العافية يارب بس بلا الكالسيوم لبعد الشهر التالت بتوقفي الفوليك بتشربي الكالسيوم حتى الفيتامينات لبعد الشهر التالت اشربي حليب او لبن بعوض عن الكالسيوم هلا والبيض والاكل المغذي افضل من كل الفتامينات منار الله يرزقك ساعة سهلة ميسرة وتقومي بالسلامة يارب حبيبتي حاولي تتنفسي بعمق وقت بتحسي باول الطلق بيفتح الرحم بسرعة ومابتتعذبي بطول ساعات الطلق بالعكس بتخلصي بسرعة وبتشوفي ابنك قدامك يارب يهونها عليك يارب التنفس كتير مفيد وحاولي تاكلي رطب او بلح كمان بساعد بالولادة كتير وبسهلها كيفك شذى وشو اخبارك الله يحفظكم ويسلمك هو خير حافظ وهو ارحم الراحمين |
رد: تجمع حوامل سوريا-دردشة ورود سوريا-دردشة الغاليات
http://2.bp.blogspot.com/-KMnZ8Icldr...216SH9l123.jpg
معـــــــــــــــــــــاً لحـــــــــفــــــظ كتــــــــــــاب الـــــــــ ـلـ ـــــه http://forum.hwaml.com/t250728.html |
رد: تجمع حوامل سوريا-دردشة ورود سوريا-دردشة الغاليات
صباح الخير
كيفكن ............... |
رد: تجمع حوامل سوريا-دردشة ورود سوريا-دردشة الغاليات
السلام عليكم كيفكن صبايا
|
رد: تجمع حوامل سوريا-دردشة ورود سوريا-دردشة الغاليات
بسبوسة حبيبتي لازم تكوني مجهزة حالك بجوز بايا لحظة يجيكي الطلق وتولدي لهيك جهزي شنتة المشفى وكل شي بتحتاجيه خذي معك اواعي داخلية للبيبي وافرولين وحرامو وطاقية وحفوضات ولاتنسي قميصين نوم الك واواعي داخلية وشحاطة و وفوط نسائية انتي اكبر قدر معلش من كل شفلة خدي تنتين احسن ما بتعرفي شو بيصير بركي نمتي بالمشفى واتوسخوو تيابك او تياب البيبي
|
رد: تجمع حوامل سوريا-دردشة ورود سوريا-دردشة الغاليات
السلام عليكم كيفك ام ندوشة ؟؟شو اخبارك ام ناياكيف حالك وام جوجو كيفو حمودة الصغير الله يحمي يارب بسبوسة الله ييسرلك وسهل عليكي ياااارب بااقي البنات طمنوني عنكن ..... لك سؤاااال انا رح اخلص الاسبوع التاسع وفوت بالعاشر بعد يومين انا بأي شهر؟؟؟؟؟جاوببوني الله يجزيكن الخير واذا رحت عند الدكتورة الاسبوع الجاية يعني باخر العاشر بئدر اسمع نبض الجنين ع الجهاز ؟
|
رد: تجمع حوامل سوريا-دردشة ورود سوريا-دردشة الغاليات
كيفكون صبايا شو اخباركن بعرف طولت الغيبه بس عندي البتوب منزوع ومابحب فوت عالنت من الموبايل حبيت اطمن عليكون وطمنكن عالبيبيه الحمد لله لهلء وضعي منيح وصايره عم اكل مشان البيبيه حركت البيبيبيه اويانه حتى مبارحه مسكت ايدها مدري رجلا وبكره عندي سونار يارب تكون كبرانه
|
رد: تجمع حوامل سوريا-دردشة ورود سوريا-دردشة الغاليات
صباحك خير سيريا كيفك حبيبتي الحمد الله ان الحركة تحسنت
الله يفرح قلبك وتشوفيها بصحة وعافية بين ايديك يالله هانت شهر بتعبيلك البيت فرح ان شاء الله |
رد: تجمع حوامل سوريا-دردشة ورود سوريا-دردشة الغاليات
حبيبتي شذى انت هلا ماشي بالتالت ولاخر اسبوع التالت عشر بتخلصي التالت بتبلشي بالرابع الله يقويك
اكيد ان شاء الله ببين نبض الجنين بهالعمر وبتشوفيه اذا في سونار عند الدكتورة الله يفرح قلبك احلى شعور والله الله لايحرم حدى منه |
رد: تجمع حوامل سوريا-دردشة ورود سوريا-دردشة الغاليات
لك اهليييين بنجمة وسيريا كيفكن شو اخباركن ؟؟
|
رد: تجمع حوامل سوريا-دردشة ورود سوريا-دردشة الغاليات
ياربييييييي ايمتل رح يجي يوم وتئلولي جهزي شنتة المشفى يمكن يجيكي طلق باي لحظة ياسلاااام
يي لسا 7 شهور الا شوي طبعا ههههههه تسلمولي شو حبيتكن كلللللللياتكن ... |
رد: تجمع حوامل سوريا-دردشة ورود سوريا-دردشة الغاليات
مسالورد ياحلوين كيفكن
طمنوني شو اخباركن ؟؟ |
رد: تجمع حوامل سوريا-دردشة ورود سوريا-دردشة الغاليات
كيفكم صبايا انا عم ادخل كل يوم وعم اقراء التعليقات بس المشكلة اني نسيت رقم السري يالي مشتركة فية بالمنتدى عشان هيك ماعم علق قهر والله
بس بالجوال مدخلتو من زمان ولساتو محفوظ قلت بفوت بطمنكم على حالي وبطمن عليكم حبيبتي هديل انا كنت متابعة بمركز الوطن مخرج 14دكتورة سوريا وهي بتقربلي روحي لعندها وانا بوصيها فيكي هههههه وولدت بمشفى عبيد التخصصي والدكتورة باكستانيا صح هي بعمر ستي بس بصراحة روعة بس المشكلة انو ما بتولد الا قيصري وهي قصة حياتي واي سؤال انا جاهزة من عيوني |
رد: تجمع حوامل سوريا-دردشة ورود سوريا-دردشة الغاليات
صصصصصباحح الخيرات ,,
ششخباركم ., ان شاء الله بخخير .. بنات سسويت موضوع أتمني تشاركوني فيهه ., , تعالي قولي لنا ايش شريتي |
رد: تجمع حوامل سوريا-دردشة ورود سوريا-دردشة الغاليات
السلااام عليكم كيفكن صبايا , كيفك شذى انشالله بخير , بنصحك بموقع اسمو بيبي سنتر , روعة انا كتير بستفيد منو , سجلي حساب عليه وبيبعتولك عالايميل رسالة كل اسبووع بيحكولك عن تطوات الجنين ووبايا اسبوع انتي ووشو لازم تاكلي , نسيت عرفك عن حالي انا رغد عمري 21 سنة شامية من الصالحية وعندي ندى عمرا سنتين واربع شهور, وسيدرا عمرا بعد كم يوم ح يصيرشهر , مقيمة بمصر من وقت مااتزوجت الي سنتين ما انزلت عالشاااام اخخخ رح طق قلبي ,
|
رد: تجمع حوامل سوريا-دردشة ورود سوريا-دردشة الغاليات
كيفك ام نايا وطمنيني على الحمل معك ونايا انشالله فطمتيا لما لسا ورحتي عالدكتور اطمنتي عالجنين ,الله يتمملك على خيرر ويبعتلا لنايا اخت او اخ حلووين متلااااا ,
|
رد: تجمع حوامل سوريا-دردشة ورود سوريا-دردشة الغاليات
ام حمودة كيفك انتي والببو الامور وكيفا جوجو خانم انشالله مالا غيرانة منووو , اجو بيت حماكي لعندك لما لساا ,
|
رد: تجمع حوامل سوريا-دردشة ورود سوريا-دردشة الغاليات
سلامات صبايا
رغد يسلمو حبيبتي كيفها الحلوة سيدرا ماشاءالله صار عمرها شهر الله يخليلك ياها يارب وتربى بعزكن ودلالكن صحيح انتي ليش ولدتي قيصري ؟وندوشة كمان ولدتيها قيصري؟ انا جهزت شنطة البيبي وحطيت فيها كل الغراض يللي ئلتولو عليهن انتي وهديل يسلمو حبيباتي كنت متل الاطرش بالزفة مو عارفي شو آخد وهلئ بعد شوي رح ئلكن اخباريhwaml13 |
رد: تجمع حوامل سوريا-دردشة ورود سوريا-دردشة الغاليات
هديل
كيفك حبيبتي طمنيني كيف وحامك وعلى شو عم تتوحمي؟وئديش الك ماشاءالله حامل وبدي اسئلك حبيبتي نايا لما ولدتيها مسكت صدرك مباشرة ؟وكمان هالسؤال لرغد ولأم حمودة وكمان بدي اسئلك لما اجاكي الطلق كيف بلش معك ؟ صحيح اتزكرت انو كمان حبيبتي خدي زيت سمك كتير مهم لزكاء الطفل انا الدكتورة وصفتلي اياه من اول زيارة ولهلئ عم آخدو |
رد: تجمع حوامل سوريا-دردشة ورود سوريا-دردشة الغاليات
شذى كيفك وكيف حملك؟
الله يحميكن ويحمي كل اهل سوريا من بطش بشار الكلب والله ئلبي عاهلي دائما متل النار كل شبر بسوريا عم يقصفو هالكلب وانشاءالله اول دعوة رح ادعيها انا وعم اولد رح تكون عليه وبتسمعي نبض الجنين بزيارتك لعند الدكتورة انشاءالله ومشان حماتك سايريها معليش مشان زوجك ومشان البيبي واهم شي الحمدلله زوجك واهلك جنبك انا بتمنى كون ئريبة عاهلي وانتي مالحئتي مشاكلي مع حماتي البنات الئديمات كلن بيعرفو مأساتي معها والله يخليهن كانو دائما يواسوني وينصحوني والحمدلله فعلا هلئ انا واياها كتير مناح ومابئى عم يزعجني شي المهم يكون زوجي جنبي واهلي بخير وابني طبعا وانتي هيك اعملي كتير بترتاحي لان الوضع بسوريا بئطع الئلب ومالنا غير بعض نتحمل بعضنا ونساعد بعضنا عم اتفلسف كتير بعرف بس لاني مجربي ومعاناتي كتيري مع حماتي |
رد: تجمع حوامل سوريا-دردشة ورود سوريا-دردشة الغاليات
هلئ رح ئلكن اخباري
مبارح رحت عالدكتورة وئالتلي الرحم فاتح اربعة ونص سنتم وئالتلي غريب لهلئ انتي حامل وماولدتي وانا موعد ولادتي يوم التلاتا الجاي وئالت ازا صار التلاتا ومااجاني طلق رح تعطيني دوا الصبح بيعملي طلق وبولد المسا انشاءالله ولما رجعت عالبيت صار العفو منكن يطلع مني مع الافراز دم خفيف ورحت عالمشفى وئالولي عادي من الكشف وتركوني بالمشفى اكتر من ساعتين راقبو وضعي ونبض البيبي والحمدلله كان كل شي تمام |
رد: تجمع حوامل سوريا-دردشة ورود سوريا-دردشة الغاليات
[quote=بسبوسة زوجها;3147417]هديل
كيفك حبيبتي طمنيني كيف وحامك وعلى شو عم تتوحمي؟وئديش الك ماشاءالله حامل وبدي اسئلك حبيبتي نايا لما ولدتيها مسكت صدرك مباشرة ؟وكمان هالسؤال لرغد ولأم حمودة وكمان بدي اسئلك لما اجاكي الطلق كيف بلش معك ؟ صحيح اتزكرت انو كمان حبيبتي خدي زيت سمك كتير مهم لزكاء الطفل انا الدكتورة وصفتلي اياه من اول زيارة ولهلئ عم آخدو[/quote فكرتك ولدتي والله , يلا التلاتا هانت وان شالله بتقومي بالسلامة يارب نايا بقيت شي اسبوع لرضعت اول تلت ايام صار يطلع مني سائل اصفر بيقلولو الصمغة وكتير مفيد للطفل طبعا انا رضعا منو وبعد تلت ايام اجت درة الحليب نظامي بس نايا لان حلمتي صغيرة اتعزبت شوي بالرضاعة بعدين اتعلمت كنت عطيها بهل اسبوع لصارت ترضع منيح بالبيبرون ميه تمر مغلي وبابونج بس مو مع بعض كلشي برضعة لحال والطلق اجاني فيئني من النوم كانت بتزكر شي تلاتة بالليل نزل السائل الامنيوسي بعدين نزل مني دم كتير انتي أكبر قدر وجع قوي وعرفت بوقتا انو هادا هو الطلق الحقيقي لاني من آخر التامن كان يجيني طلق بس خفيف وروح عالدكتورة تقلي هادا طلق بس مو طلق ولادة لان لسا ماانتظم وصارو الطلقات اقراب من بعض ومشان زيت السمك من سنة ماوقفتو باخدو من وقت ماكنت رضع نايا ولهلأ |
رد: تجمع حوامل سوريا-دردشة ورود سوريا-دردشة الغاليات
مرحبا صبايا
ويسلمو ام جوجو على معلومات الدكتورة بس لسا مارحت مالي كتير متحمسة على روحة الدكتورة وانا ولادتي مية بالمية قيسرية واصلا لو في احتمال واحد بالمية اني اولد طبيعي انا مابدي صار معي مشكلة بولادة نايا قالتلي الدكتورة يلي عملت عندا العملية كل مليون حالة لتجي حالة متل حالتك والحمد لله عملت العملية وصحيت وطبت والله لا يمتحنا بصحتنا يارب والحمد لله على كل حال وكمان بلش معي الوحام والله عم دوخ وراسي تئلان وعم حس بلعية نفس بس اخف من وقت وحامي بنايا بس كمان بحس حالي مالي طبيعية والله يمرء هالكم شهر على خير ونايا فطمتا وخافة قابليتا عالاكل بس الحمد لله دغري اتعودت علبيبرونة مع انو كانت ماتعرف ترضع متل العالم |
رد: تجمع حوامل سوريا-دردشة ورود سوريا-دردشة الغاليات
ياصباح الورد
اهليييين رغد كيفك الله يخليلك هالامورتين ويرجعك ع البلد بالسلامة والنصر يارب ... بسبوسة حبيبت ئلبي تسلميلي اي والله حاسة امي يلي عم تحاكيني نفس كلامك هههههه ..والله معك حق بدنا نتحمل بعض ... الله ييسر عليكي ولادتك ياااااارب وتجيبي الخلئة الكاملة والصالحة ياااااااااااااااااااارب ...باقي الحلوين كيف حالكن؟؟؟ ياستي اما انا فمبارح رحت عند الدكتورة وشفت البيبي ماشاء الله ...وئالتلي انا هلأ ماشية بالتالت وكل15 شهر بفوت شهر جديد امااااانة دعووولي لاني معي شقيقةووحام ودراس العئل عم تطلع وصاير معي تحسسس ربيعي اكيد سمعانين في لان بترفوا هلأ وئت الزهر والفول وفي حساسية بتطلع الله وكيلكن رح تطلع روحي من الوجع مبارح ..ستي الحمدلله المهم الببو بخير وطمنت عليه ....... |
رد: تجمع حوامل سوريا-دردشة ورود سوريا-دردشة الغاليات
كيفك شذا الله يتمملك على خير سابقتيني بشي شهرين يمكن انا حسبت هون علحاسبة تبع المنتدى طلع اني بولد ب 18 كانون الاول انتي ايمت موعد ولادتك
|
رد: تجمع حوامل سوريا-دردشة ورود سوريا-دردشة الغاليات
كيفكون صبايا شو اخباركن اخباري رحت من يومين عالمشفى وحسب لسونار ماشاء الله صايره البيبيه 2300غ الحمد لله وعطوني موعيد لتخطيط النبض يوم اي يوم لء والله شي بملل طبعن بعد تلت ايام بدخل بالتاسع هانت الحمد لله كل يوم عم احلم بالبنوته طبعن هلء عم شوف شو بئي لازما للبيبيه مشان اجبلا اليوم غسلتا راضا بتعرفي بيجو مغبرين
بئيلي التجهيزات الاخيره شوي للبيت وشوي ئلي وانا بعرف مبرده ئلبي hwaml5انا عم اجل كلشي ميشان اساوين بالتاسع ويمرء الوئئت بسرعه وبلش الجد ازم شمر عن زنودي انزل عساحه المعركهhwaml17 |
رد: تجمع حوامل سوريا-دردشة ورود سوريا-دردشة الغاليات
|
رد: تجمع حوامل سوريا-دردشة ورود سوريا-دردشة الغاليات
اهلييييين بأم نايا ...الله يتمملك بخير انتي كمان يااااارب
ياستي انا رحت عند الدكتوة وعطتني موعد الولادة طلع 15/تشرين التاني لسا مطوووولة قال هاد اخر حد بفوت بشهري ب15 تشرين اول بئى لنشوف سيريا كيفك الله يهون عليكي وتئومي بالسلااامة ......... |
رد: تجمع حوامل سوريا-دردشة ورود سوريا-دردشة الغاليات
بسبوسة حبيبتي الله يقومك بالسلامة انتي والببو , لا تاكلي هم الرضاعة اول ما بينزل الببو من بطن امو بيكون بيعرف يرضع ويمسك صدر امو سبحاان الله بالفطرة حتى هوو وبطن امو بيرضع اصابيعوو,
|
رد: تجمع حوامل سوريا-دردشة ورود سوريا-دردشة الغاليات
انا ولدت ندى قيصرية , نزلت عالشام لاولد وانا باول التاسع وصابني رشح قووي المهم ررحت عالدكتورة لاكشف قالتلي كلشي تمام ومطولة ولادتك وصفتلي ادوية لطيب من الكريب, بعد كم يوم صارت تنزل مني مي كل ما عطس او اضحك انا فكرتا التهابات نسائية او العفوو انو الببيةضاغطة عالمثانة , ما خطرلي انو مية الراس , ضلت الميشي تلت ايام تنقط مني, اخر شي صار بطني يوجعني وحجر والببية ماعد حسيت على حركتااا ابداا رحت لعند الدكتورة قالتلي اوف شو جابك لسا من اسبوع كشفت عليكي قلتلا هيك هيك صاير معي حطت هالايكو على بطني وشافت انوالببية اعدة بلا مي ببطني ونبض قلبا كل مالو عم يقل وكانت عم تنازع يالطيف يا رب استر,وركضت فيني عالمشفى بسرعة والله قامت ومااعدت المشفى يومها, ولدت واعدت يومين تحت المراقبة انا وندى,والحمد لله الله يحميلي ياها,اما سيدرا خانم ولدتا قيصرية لانو خافت الدكتورة عالجرح والطلق ما بيواتي يلي ولدانةقيصرية مشان هيك قررتلي قيصرية
|
رد: تجمع حوامل سوريا-دردشة ورود سوريا-دردشة الغاليات
صباح الخير صبايا وجمعة مباركة بالصلاة على النبي اللهم صل على سيدنا محمد
معناها شذى بتولدي قبلي بشهرين الله يتتمملنا على خير ونولد بستر وسلامة والحمد لله على سلامتك وسلامة البيبية سيريا ام ندوشة كيفك وكيفا سدورة والله يقويكي اصعب شي اول تلت شهور |
| الساعة الآن 09:44 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .