|
رد: تجمع حوامل سوريا-دردشة ورود سوريا-دردشة الغاليات
مسالخير كيفكن ؟؟جمعة مباركة
|
رد: تجمع حوامل سوريا-دردشة ورود سوريا-دردشة الغاليات
مرحبا صبايا كيفكون
شذى الله يقويكي عالوحام شكلو بلش عندك بس فترة وبتمر اول الشهر الرابع بترجعي طبيعية ان شالله ام ندوشة الحمد لله اتحسنتي وشو سميتيها للصغيرة ماقلتيلنا زهرة اشتئنالك ومبروك انك شفتيها بنوتة كتير حلو يلي بكرها بنت حتى في حديث عن الرسول صل الله عليه وسلم من بركة المرأة تبكيرها بالانثى نجمة والله ماعندي فكرة عن الابرة التفجيرية وان شالله الله يبعتلك صبي صالح وتام الخلقة بس انتي حطي ببالك واقتنعي انتي ولايهمك غيرك ..انو الله سبحان وتعالى على طول بيختار الخير لعبادو وين الخير ماحدا بيعرف ولاتنزعج نفسيتك من كلام الناس ولاشي خليها آخر همك حكي الناس وانشالله بتطلعي هالشهر حامل بصبي يارب وماشالله عندك همة وعمرك مناسب للانجاب مالك كبيرة ولاشي وان شالله بتجيبي توم صبيان مو بس صبي واحد والله يحميلك بناتك وتفرحي فيهون وباقي الصبايا وينكون طمنونا عنكون انا الحمد لله بخير وبدعي بسلامة الجميع |
رد: تجمع حوامل سوريا-دردشة ورود سوريا-دردشة الغاليات
كيفكن صبايا حبيبات قلبي انا بخير والحمد لله, ام نايا تسلميلي يا رب سميت الببية سيدرا وهيي كتير نعومةوامورة كيفا نايا وانشالله عم تاكل منيح لانو الولد بها السن بيعزب بالاكل كانت ندى تعزبني باكلا لحتى صار عمرا سنة ونص لركز اكلا وصارت تاكل منيح و طمنيني نايا بلشت توقف على اطراف الكنبايات واديش صار عمرااا الله يسلما يا رب
|
رد: تجمع حوامل سوريا-دردشة ورود سوريا-دردشة الغاليات
بتعرفو شو حابة فشلكن خلئي والله العظيم يا صبايا طول نهار بضل معصبة وعم عيط على ندوشة على كتر ماعم تعزبني مدري شو صايرلا من وقت ماولدت واجت اختا وهيي صارت ورشة وتصرفاتا متل الصبيان بشقاوتن وبتضلا تكركب البيت وتنكتوو مقلوبة مية وتمانين درجة , هيي حابة اختا كتير وبتضل عم تبوسا وبتخاف عليها بس حاسستا متجاكرة مني انا ومو طايقتني عم تعمل كل هالشغلات لحتى تقلي انا موجودة هوون مو بس تهتمي باختي وتنسيني , اخخخخ عنجد عم تعزبني كتير شو اعممممممممممممل قلولي مع العلم انو انا وابوا عم ندللا اكتر من الاول
|
رد: تجمع حوامل سوريا-دردشة ورود سوريا-دردشة الغاليات
كيفكونن ياحلوات لساتكن متزكريني شو اخباركن انا صرلي زمان غاطه والله ظروف
وصرلي يومين مكسلة مابعرف شبني مبارحة باليل صار يجيني وجع بضهري ويشد لبطني يمكن طلء بحكم اني مو مجربة من ئبل بس الحمد لله مضيت الليلة على خير بائي اسبوعين وبفوت بالتاسع رح اريح حالي هلء وبعدها عادي اذا ولدت حابة اولد بسرعة مشان اخلص من هالبطن مع انو حجم بطني مو كبير كتير وكل النسوان اللي شافوتي مايسدئو اني بالتامن يس ئرفت من حالي وحركتي بطيئة ووزن زايد الله بيعين |
رد: تجمع حوامل سوريا-دردشة ورود سوريا-دردشة الغاليات
صحيح صبايا يلي ولدو من جديد ويلي ولدو من قبل
سؤال صريح كم كيلو نزلتي بعد الولادة مباشرة وكم كان وزن البيبي في كتير ناس ئالولي نزلو عشرة كيلو مباشرة بس انا حاطة لحالي انزل بس 3 كيلو مشان اذا مانزل وزني ما انصدم hwaml03 |
رد: تجمع حوامل سوريا-دردشة ورود سوريا-دردشة الغاليات
كيفكم يا صبايا الله يبارك فيك جميع وان شاء الله كل وحدة الله يرزقها يالي بتتمناه
انا الحمد لله احسن من الاول بس الجرح عم يوجعني مع الحركة وخايفة يكون ملتهب بس يالي متعبني اكتر تشققات الحلمة والله عم حس روحي عم تطلع كل ما بيرضع حمودة رغم انو بعد كل رضعة بدهن فازلين بس ما استفدت شي يالله الحمد لله على كل شي |
رد: تجمع حوامل سوريا-دردشة ورود سوريا-دردشة الغاليات
ام جوجو الحمد لله عئيامك بالسلامة وان شاء الله بيربى بعزك ودلالك
وعقبال كل الحوامل يارب يقومو بالسلامةhwaml9 |
رد: تجمع حوامل سوريا-دردشة ورود سوريا-دردشة الغاليات
|
رد: تجمع حوامل سوريا-دردشة ورود سوريا-دردشة الغاليات
مرحبا صبايا
ام ندوشة كتير حلو اسم سيدرا ان شالله بتشوفيهون عروسات وبتفرحي فيهون والله بالأكل تؤبرني نايا مابتعزبني والحمدلله عم تمشي عالكنرات وبمسكلها ايدها بتمشي معي خطوتين وبعدين بتقعد بتتعب بس بتنئ بتحبني على طول جنبا ومشان ندوشة بدك تطولي بالك عليها بس اول فترة هيك بتعمل بعدين بتتعود علوضع واتركيها تنكت البيت وتلعب والمسا وقت تنام ضبيه ولاتعصبي ولاتوتري حالك انا نايا بتركا تنكت وتكركب لتشبع والمسا وقت تنام بضب البيت ليش لحتى احرق اعصابي ولد وبدو يلعب ويكبر المهم ماتكون عم تلعب بشغلات بتأزي ام جوجو زعلتيني عليكي وعلى تشئئات الحلمة يمكن كان لازم حدا ينبهك انو من الشهر السابع وقت كنتي حامل لازم تبلشي دهن وترطيب بس هلأ منيح الفازلين خليكي عم تدهني او جيبي غلسرين طبي وادهني كمان كتير منيح وان شالله اجر وعافية ومشان جرحك لسا ماحلك اتطيبي طولي بالك وروحي راجعي عالجرح مشان تطمني سيريا مانسيناكي شلون بدنا ننساكي ولاتاكلي هم الوزن انسي وزنك هلأ كلو عالرضاعة بيروح انا صار معي انسمام حملي واحتباس سوائل وليكني ارجعت البس من فساتين عرسي واتصوري بهل فترة بكرة بترجعي نحيفة وبتشوفي حالك شلون كنتي ومابتصور حدا نزل عشرة كيلو مباشرة بعد الولادة لان مثلا الطفل بيكون شي تلاتة ونص وزنو وعندك المي والمشيمة يعني خمسة كيلو عالأكتر إلا ازا كانو جايبين ولادون وزنون كتير خمسة كيلو مثلا والله انا ماانتبهت وقتا للرقم مزبوط بس متل ماعم قلك انسي الوزن وبكرة بترجعي عروس ولايهمك اليوم عملت اسكالوب ايطالي عالغدا كتير طيبة هالأكلة وان شالله بدي اكتبها لمنار |
رد: تجمع حوامل سوريا-دردشة ورود سوريا-دردشة الغاليات
مسالخير كيفكن
انا اليوم محبطة ويأسانة كنا عم نعزي ام شهيد عنا بالحارة والله ئلوبنا احترئت على هالشباب يلي عم تروح متل الورد أملنا بالله ككبير بس تعبنا والله العظيم تعبنا ومشاكل الحمل عم تزيد يوم بعد يوم ومااااالي طايئة بيت حمايي وحماتي عندي ليل نهار وانا عروس لاتئرفوا لك ااااه وحتى زوجي مابعرف شو صايرلي من ناحو لك مالي طايئة منو شي ماااااااااااااااااااااالة بدي استشهد دعولي ..............يااااااااارب ترزقني الشهادة في سبيلك ........ |
رد: تجمع حوامل سوريا-دردشة ورود سوريا-دردشة الغاليات
سلامات ياحلوات الله يسعد اوقاتكم يارب
سلامتك شذى حبيبتي لا تفكري هيك وقوي قلبك الزعل مو كويس من شانك هرمونات الحمل مأثرة عليك كتير والوحام اله تاثيرات عالنفسية والله نحن هون وبعيدين وقلوبنا عمتتقطع عالشباب يلي عمتموت كل يوم وهالعالم عميتفرج علينا غير انو اهلينا عندكم وقلوبنا عليهم ومنخاف نسمع اخبار مو منيحة ومالنا غير الدعاء انت بمرحلة حساسة والوحام بيزيد عليك اذا كنت مدايقة \كبي ورا ظهرك الخلافات الصغيرة وحماتك عامليها متل امك بتكسيبها وحاولي ترضي زوجك لازم نتحمل بعض بهالايام الصعبة يلي عمتعدي علينا مو حل ان واحد يموت كانوا كل الميتين ارتاحوا ورا الموت في حساب لا تزعلي مني عيني انت متل اختي والله ان اختي بالدمام بالسعودية وبيت حماها عندها وكل مرة بتحكي معي بصبرها كمان عروسة وكانت حامل وتعبت وهي بتركض فيهون ولا جزاء ولا شكورا بس المعاملة مع الله مو مع البشر الله يقويك ياروحي كلها كم يوم وبيخلص الوحام وبتحسي بتحسن كبير وخصوصا لما بيتحرك البيبي احلى شعور الله يتم عليك وتجيبي احلى بيبي يارب والله يفرجها عسوريا ونرجع نضوي ليليها بالفرح والهنا وترجع الضحكة لقلوبنا امين يارب |
رد: تجمع حوامل سوريا-دردشة ورود سوريا-دردشة الغاليات
شكرا حبيبتي هدولة عالدعوة والتشجيع يلي الله كاتبه رح يصير ومن رضي فله الرضا
وعلى الهمة مو بكيفو الواحد ايام الزمن بيجبر الواحد على اشياء مابدو ياها ويمكن هي اخر مرة بفكر فيها بالحمل(الله يثبتني على هالكلام لان عنجد الواحد مو بكيفوا) من هيك اكلة هم ومتوترة لانه اخر مرة اما كلام الناس اخر همي لانه مابينفع ولا بيضر وان شا الله الله بفرح قلبك بولد صالح اخ لنايا ابوسها صارت تخطي يالله كم شهر بتركض ركض الله يحميها ويخليلك ياها ام جوجو الله يعينك عالتشقق لازم كان تدهني من انت حامل على فكرة زيت الزيتون كتير بينفع بس مشكلته انه لازم تغسليه وقت الرضاعة الجلسرين افضل متل ماقالت هديل معافاية ان شاء الله يارب |
رد: تجمع حوامل سوريا-دردشة ورود سوريا-دردشة الغاليات
ام ندى مبارك اسم الحلوة سيدرا الله يحميها هي واختها وتفرحي فيهن يارب الغيرة لابد منها
عنجد مجربة اشتري شي بتحبو بنتك من دون علمها لعبة او لبس او اكلة يعني شكلي كل مرة وقوليلها هي اختك جابتلك هي هدية راح تفرح وترجع تحس انكم مهتمين فيها مو بس باختها وخليها تساعدك بلبس سيدرا وشغلاتها يعني حمليها البامبرز او البشكير تبع الحمام وقوليلها تعالي نتساعد بحمام الدادا رح تنبسط كتير وتحس انها مهمة وعالكركبة دخيلك البيت ملعب الاطفال ومملكتهم سيريا حبيبتي الله يتم عليك هانت انا لما اولد بنزل عشرة كيلو فورا هاد غير اذا كنت منفخة كلو عالولادة بروح وبعدها مع الرياضة والرضاعة كله بيصير تمام الله يقومك بالسلامة انت والبيبي فكرتي شو رح تسمي |
رد: تجمع حوامل سوريا-دردشة ورود سوريا-دردشة الغاليات
مرحبا صبايا
تاري القصة مافيها ضحك تركت حالي الشهر الماضي بلا مانع ومالي كتير متأملة بس والله دعيت ربي والحمد اطلعت هالشهر حامل اتأخرت عليي خمس ايام واليوم حللت طلع ايجابي .....اجتك وحدة اتساعدك شذا بالوحام ههههههههه من شي يومين عم دوخ وماعم اعرف ليش.. ويسلمو كتير لكل يلي دعالي.. والله يجبرخاطركون جميعا .. وبرافو نجمة انك بتنزلي عشرة كيلو لماتولدي معناها هالقصة طبيعة اجسام مادخل حجم البي بي متل ماكنت مفكرة |
رد: تجمع حوامل سوريا-دردشة ورود سوريا-دردشة الغاليات
صبااح الورد الله يسهل عليكي نجمة ويبرك فيكي معكةحق والله
لك حزروا شو اليوم فئت لئيت زوجي ماهون كالعادة يعني عندو شغل ادعولو الله يحميلي يا ويشوف ابنو الله يخليلكن حبايبكن بتعرفو شبابنا شو عم تعمل .......... المهم ئمت حسيت حالي رايئة شوي غليت قهوة وعم اشرب انا وحماتي :) .. ئولتكن خطوة منيحة ؟؟؟ اما البيبي والله بالي مشغول بالعادة بحس بطني لما فيئ قطعة وحدة ئد مو ئاسي ومتحجر اكيد فهمتوا عليي اكيد لانكن مجربينو اما اليوم والله هالاحساس خافف مابعرف شو اعمل ولسا موعدي عند الدكتورة لبعد 15 يوم شو اعمل بنوتات ؟؟؟؟؟؟؟؟؟ |
رد: تجمع حوامل سوريا-دردشة ورود سوريا-دردشة الغاليات
مساؤكم خير وسعادة
مبارك حملك هدولة يارب يتمم عليك بالخير ويرزقك الولد التقي البار ويجعله من الصالحين امين يارب على هيك اذا حملت هالشهر بنكون سوا انت سبقتيني كم اسبوع يالله عقبالي وكل مشتهية الحمل يارب ياكريم |
رد: تجمع حوامل سوريا-دردشة ورود سوريا-دردشة الغاليات
حبيبتي شذى الله يحفظ زوجك وكل هالشباب ويفرحكم بشوفة ابنكم بتمام الصحة
|
رد: تجمع حوامل سوريا-دردشة ورود سوريا-دردشة الغاليات
كيفكن صبايا شو اخياركن اانا اخباري بالمرة مو منيحة
رحت اليوم عالمشفى وفحصوني وزن البيبي كتير ئليل يعني لازم يكون 2140 غ وطلع وزنا 1500 غ يعني فرق شاسع والمي ناقصة وضربوني ابرة وعندي ابرة تانية بعد 12 ساعة يعني الساعة 2 باليل بدي اروح اضربا والله من صدمتي بالي اسمعتو ماخطر عبالي اسءلون ميشان شو الابرة بس اظنلكم مشان انضاج الرئتين ولازم اعمل تخطيط لنبض البيبيه كل يومين وكمانن احسب حركت البيبي واذا تحركت اقل من 10 حركات لازم اروح عقسم الولادة واساوي تخطي ط قلب للبيبيه صبايا اانا بحاجة دعائكن يارب اقل شي بس اخلص الثامن عخير واذا الله راد اني الد بكير مااتحتاج بنتي لحاضنةhwaml15 |
رد: تجمع حوامل سوريا-دردشة ورود سوريا-دردشة الغاليات
اقتباس:
اقتباس:
شو احكيلك لاحكيلك انا اخي معتقل من شهرين مامنعرف وين اراضي مو حرام عريس ماصرلو سنة متزوج مرتو ولدت ماشاف بنتو واهلي كل واحد نازح بئرنة واختي صبية لساها صار معها التهاب كبد بسبب الجو وشو احكيلك لاحكيلك بس بالنهاية عندي امل بربي اني ارجع وشوف اهلي كلون مجموعين وفرحانين بالفرج ولازم يكون صبرك اكبر من هيك انتي ببطنك في بيبي بكرة بتجيبيا وبتفرحي فيا وعفكرة اانا كتير قرئت عالنت hwaml13عن مكانة المرة الحامل عند ربب العالمين انوي تعبك بحملك لوجه الله والحامل اجرها متل اجر المجاهد في سبيل الله فاخلصي النية واندري يلي ببطنك لرب العالمين ميشان الله يبارككلك فيه اقتباس:
اقتباس:
hwaml5 |
رد: تجمع حوامل سوريا-دردشة ورود سوريا-دردشة الغاليات
مسالورد كيفكن ...
مبروك حملك هديل الله يتمملك بخير ... الله يفرج عن اخوكي سيريا وعن كل المعتقلين ياارب وباقي الصبايا شو اخباركن ؟؟ |
رد: تجمع حوامل سوريا-دردشة ورود سوريا-دردشة الغاليات
كيفكم صبايا
كتير فرحتلك هديل ان شاء الله الف مبروك والله يرزقك بالذرية الصالحة يارب نجمة السمر حبيبتي انتي شو عندك كم بيبي الله يحقق يالي ببالك وتطلعي حامل وبولد صالح ان شاء الله سيريا الله يفك اسراخوكي واخي وجميع المعتقلين والله يكمل حملك بخير وان شاء الله ما تولدي لتدخلي التاسع شذى حبيبتي تفألي بالحياة والله كلنا تعبانيني وخاصة نفسيتنا كل واحد عندو هم بسوريا الله ينتقم من بشار شو عم يعمل يارب تعجل نصرك ياالله |
رد: تجمع حوامل سوريا-دردشة ورود سوريا-دردشة الغاليات
مسالخير صبايا كيفكون تسلمولي على مباركاتكون وان شالله الله يجبر خاطوكون والله يفرجا علينا يارب
ان شالله تطلعي حامل نجمة هالشهر منتآزر سوا عالحمل ومننبسط سوا وشذا الله يتمملك حملك وتفرحي بالبيبي انتي وزوجك يارب سيريا لا تتوتري وانشالله الله يتمملك حملك وتولدي على خير وسلامة ولاتعطي أدنك كتير للدكاترة لان بيهولو الأمر وبيخوفو المريض |
رد: تجمع حوامل سوريا-دردشة ورود سوريا-دردشة الغاليات
ام حمودة ( ام جوجو ) بدنا نناديلك ام حمودة من يوم ورايح واحكيلنا شلون الاجواء عندك يمكن طاير عقلون بيت حماكي بحمودة وكيف جوجو غيرانة او لا حاببتو لحمودة
|
رد: تجمع حوامل سوريا-دردشة ورود سوريا-دردشة الغاليات
مسالخيييير
كيفكن ؟؟؟شو اخباركن :) |
رد: تجمع حوامل سوريا-دردشة ورود سوريا-دردشة الغاليات
اخ يا هديل شو بدي احكي لاحكي
والله مقهورة من قلبي تخيلي من يوم ولدت لليوم يعني ايام ما حدا اجا لعندي من بنات حماي ولا وحدة اتصلت تلفون غير وحدة لما يصير كذب وانا كل ما كنت قول لجوزي اكلة هم اولد لحالي يقول اهلي هون وين راحو من يوم طلعت من المشفى وانا غسيل وتنضيف بس حماتي شو طابخة بتبعتلي صحن والله يوم ولدت جوجو عند اهلي حتى على الحمام الله يكرمك كانو يفوتو معي بس يالله كلو باجر ان شاء الله بتصدقي نفسيتي كتير تعبانة |
رد: تجمع حوامل سوريا-دردشة ورود سوريا-دردشة الغاليات
سلامات ياحلوات شو اخباركم
تسلملي هدولة ان شا الله كون حامل الله يكتب لي الخير يارب ونمشى وسوا بالمراحل حبيبتي سيريا لا تحملي هم وزن البيبي هو اصلا وزن تقريبي يعني مو حقيقي بالحقيقة بكون غير السونار والدكاتر بهولوا الامور كمان حاولي تاكلي اكل مغذي وبعدي عن الشبس والغازات وكلي مكسرات غير مملحةمن شان الضغط وكلي لحمة ودجاج واصلا بس دخلتي بالتاسع وزن البيبي كل يوم بيزيد مية غرام اذا اكلتي كويس وقتها بنتي كان وزنها قليل ولاخر التاسع زادت كتير حتى الدكتورة استغربت مع انها هي يلي قالت لي هالمعلومة عن الشهر التاسع وبس دخلتي فيه كلي بلح او رطب ياسلام شو مغذي مع كاسة حليب واصلا مذكور بالقرأن لما اجى المخاض للسيدة مريم وقال الله تعالى لها(وهزي اليك بجزع النخلة تساقط عليك رطبا جنيا فكلي واشربي وقري عينا) الله يتمم عليك شهورك ويفرحك بالبوبية الحلوة يارب |
رد: تجمع حوامل سوريا-دردشة ورود سوريا-دردشة الغاليات
كيفك شذى وكيف البيبي الله يفرحك فيه شو اخبارك ياحلوة
كيفك ام جوجو الله يحفظلك حمودة وجوجو الله يقويك يارب وتتعافي بسرعة ولا تحتاجي لمخلوق البشر حتى لو ساعدوا بمننوا بس الله هو الرحمن الرحيم سالتيني شو عندي هنن اربع بنوتات اكبرهم 12 سنة والصغيرة سنة واربع شهور الله يجعلهن صالحات ويسعدلكم اولادكم وين باقي الصبايا مافي ليش غاطين الله يسرلهم امورهم يارب |
رد: تجمع حوامل سوريا-دردشة ورود سوريا-دردشة الغاليات
اقتباس:
|
رد: تجمع حوامل سوريا-دردشة ورود سوريا-دردشة الغاليات
اقتباس:
رح اكل كل يوم بيضة وارجع اشرب حليب نفسي ماعم تئبلون بس رح اجبر حالي مشان البيبيه وان شاء اللله بتجي البنوتة سليمة ومعافاي وبعدين بتصحhwaml9 |
رد: تجمع حوامل سوريا-دردشة ورود سوريا-دردشة الغاليات
اقتباس:
عكل حال اعتبري حماتك اجت عدك وصارت تعملك مشاكل رح تتعبي كتير فمعليش مو راسك مرتاح الله بيعينك عبائي الامور اهم شي راحت البال وتعب الحسم بروح بس كل سمة بدن بتسوى عمر البني ادمhwaml15 |
رد: تجمع حوامل سوريا-دردشة ورود سوريا-دردشة الغاليات
صباح الخير صبايا
ام حمودة لاتزعلي ولا تتوتري مابينفعلك الزعل اولا نفسا وتانيا مشان حليبك ومتل ماقالولك الصبايا البيت الاحمى المناح يلي مابيدخلو ولابيعملو مشاكل ومافي متل الاهل سدقيني ومن الله القوة الله يعطيكي القوة وتقومي بولادك ومابدك حدا واشتغلي على قد استطاعتك لايكلف الله نفسا إلا وسعها يعني اللازم اللازم واصلا النفسا بهل فترة مابتكون جاية على بالها تشوف حدا وفرحتك بحمودة بتسوى الدنيا والحمد لله جوجو واعية وكبيرة وازا كنتي بسريرك وطلبتي منها شي غرض او شي كاسة مي بتلبيكي والله يقويكي بحسنة ولادك يارب سيريا منورة الله يقومك بالسلامة ونفرح فيكي ماقلتيلنا لساتك معتمدة على اسم اسيل للبنوتة فيكي سيريا تشربي لبن بدال الحليب ازا ماعم تقبلي الحليب بدي استشيركون مشان رضاعة نايا انا لساتني عم رضعا قلت لحالي برضعا لرمضان بعدين بفطما شو رأيكون بيأثر شي على صحتي انا متأكدة انو الجنين مارح ينقص شي عليه كلو بياخدو مني بس انا خايفة يصير معي نقص كلس وبنفس الوقت بعرف انو الرضاعة بتخفف الوحام مابعرف فيدوني بهل قصة |
رد: تجمع حوامل سوريا-دردشة ورود سوريا-دردشة الغاليات
صباح الخير ...
اهلين نجمة انا الحمدلله مشتاائتلك ...انشالله بتكوني حامل ةربي يروقك بيلي بتتنمي يااااااارب سيريا كيفك انشالله يتئومي بالسلامة وبتجتمعي باهلك عن ئريب بخير وفرحة النصر يااارب .. هديل باينتك بلشتي وحام لهيك عم تغطي :) ام جوجو..ولا ام حمودة ؟؟الله يحفظللك ياهن ويجعلن قرة عين لابويهم ....كيفك طووولي باالك لما بتتدايئي جيبي ولادك وعدي لعبين واحكي معن انا هيك ناوية اعمل اذا رب العامين طعمني ولاد وكان دائي خائي ...ومعك حق الواحد لحالو بيتعب كتير ...ادعيلي يمضوا هالسبع شهور وشوف ابني او بنتي .... وباقي البنات ما أخباركن ؟؟ |
رد: تجمع حوامل سوريا-دردشة ورود سوريا-دردشة الغاليات
اقتباس:
لشكلة مابحب اللبن عندي الحليب ارحم مبارحة نقعت بكاس حليب شوية تمر وشوية زبيب واليوم حطيتون بالخلاط مع موزة وشربتون كتير قرئت او هي الشربه بتغذي البيبيhwaml03 |
رد: تجمع حوامل سوريا-دردشة ورود سوريا-دردشة الغاليات
اقتباس:
والله حطيتي ايدك عالجرح من 9 شهور ماني شايفة اهلي يعني من يوم العرس حسبي الله ونعم الوكيل |
رد: تجمع حوامل سوريا-دردشة ورود سوريا-دردشة الغاليات
صباح الخير هلئ فئت متاخة بالفيئة هههههه مبررررررررررررروك الحمل ام نايا الله يتمملك على خيرر وتولدي بالسلامة اولا منشان الرضاعة لازم تفطمي بنتك باسرع وقت ما بيسوا تكوني حامل وترضعي مشان صحتك وصحة الببوو اسالي الدكتورة وهيي حتقلك نفس الحكي
|
رد: تجمع حوامل سوريا-دردشة ورود سوريا-دردشة الغاليات
ام حمودة كيفك حبيبتي طمنيني اتحسنتي والجرح انشالله ماعم يوجعك لا تزعلي ولاعلى بالك الله يسامحن, انا ماكان حدا معي وقت ولدت وكنت اكلة هم خيرات الله وخصوصي ندوشة بس رب العالمين رحمني وصدفة اجت مرت خال زوجي من سورياهيي وخالو لزوجي واعدت عندي يومين دارت بالا عليي وعالببية وعلى ندى وساوتلي البيت وطبختلي الله يجزيا الخيروالله مافي منا بكل هالدنية ,
|
رد: تجمع حوامل سوريا-دردشة ورود سوريا-دردشة الغاليات
كيفهن الصبايا الباقيين نجمة وشذى ونغومة وسيريا . طمنوني على ام هنودة كيف صارت هلئ .
|
رد: تجمع حوامل سوريا-دردشة ورود سوريا-دردشة الغاليات
السلام عليكم
يالطيف ياصبايا لو تشوفو شو صار فيني من شوي الله لايوفئن ضربو صاروخ مواجه بيتي وواحد تاني ورا بنايتنا حيغط على ئلبي ضهري وسفل بطني ماعد حسيت فين من الوجع .. وزوجي ماهون كملت معي ...والله العظيم كل مابتصير هيك ضربة بحط ايدي على ئلبي ئد مابخاف ع البيبي ..يلي الله كاتبو بدو يصير وانا ئبلانة بحكمة رب العالمين ..بس والله مو بايدي عم خاف على الببو كتتيييييييييييييييير مع اني مابخاف الحمدلله كتير يعني شوي ..بس هلأ بالحمل مابعرف شو صايرلي ...يااااااااااااارب فرجك امانة دعولي الله يئبت حملي ويرزقني الولد الصااالح الله يجزيكن الخير ويحئئلكن يلي ببالكن ..... |
رد: تجمع حوامل سوريا-دردشة ورود سوريا-دردشة الغاليات
سلامات ياصبايا الحلوين
هديل حبيبتي انشاءالله الف مبروك الحمل الله يتمملك عخير يارب ويكتبلك الصحة والسلامة الك وللبيبي والله فرحتلك من ئلبي انشاءالله تجيبي اخ لنايا بخير وسلامة |
| الساعة الآن 07:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .