رد: تجمع اللي بيولدون في شهر ذو الحجه
 

قلب غيث


نايس سايلك

بس لاتكشخين واجد عاد
عيون الناس ماترحم بس خليك مرتبه يعني

وخلي الكشخه علا اصول بعد النفاس

رد: تجمع اللي بيولدون في شهر ذو الحجه
 

قلب غيث انا رئي من رائي غلا الروح
انتبهي من عيون الناس والله يحفظك

رد: تجمع اللي بيولدون في شهر ذو الحجه
 

كل سنه وانتم طيبين

رد: تجمع اللي بيولدون في شهر ذو الحجه
 

عيدكم مبارك



فـي الـعيـد ..#

الكلمات تتشآبه..
والعبآرات تتكرر~~

والجمل تعيد نفسهآ ..


فأتمـنى لـو إنـي أملـك لـغه جديـده..<3


أحفـر حـروفها عـلى جـدرآن ذاكـرة أولــئك الـذين سكــنوا هنآ
بين النـبض والقـلب
والعقل والفكر ..<3


فلا أمــلك إلا أن أهمـس لهـم وبكـلِ حُـب :
(أنـتم العيـد لـكل عـام)

وعيدي بكم أجمل ..<3

رد: تجمع اللي بيولدون في شهر ذو الحجه
 

هاي صبايا
كل عام وانتو بخير يارب

والف مبروك لكل اللي ولدو وعقبال الباقين يارب

بنات انا جدا خايفه وماني عارفه انام
في صرصور دخل من الشباك وانا وصاحبتي جالسين اللي يصيبو وكلمنا ازواجنا يجو يقتلوه وماحصلوه لانو اصلا نحنا هربنا على غرفتي لحد ماهما جو ولا عارفين وين اتخبى الله يصيبو

والله انا ام مررره ماتستحي سبت ولدي وهربت وبالقوه صاحبتي رجعت تجيبو ليا وقالت والله بس يكبر رح اقلو

المهم رشينا البيت على امل يفطس ودحين انا محشوره وجيعانه ولا قادره اطلع

يمكن مفكريني ابالغ بس انا عندي فوبيا صراصير يعني لو تبغو تموتوني بس ارمو عليا صرصور وانا اروح فيها


اوووووف طفشت من الغرفه وانكتمت الله يصيبهم صراصيرهم هنا قد الجحوش

دعواتكم اطلع ويكون فاطس ابن الحرام


يلا اسيبكم انا تعيدو مع اهلكم>>> وحده مسكينه بعيده عن اهلها

ومنها اكون عملتلكم جو وغيرتلكم المواضيع


صح نقطه اخيره
اجوان ترا ممكن الرحم ينفتح من غير طلق ومن غير ماتحسي بشي عشان كدا حاولي ماتفوتي مواعبد التخطيط

وبالنسبه للغرز .. ترا تعبت وانا اقلكم مااااافي داعي تحطو اي شي
كل اللي تحتاجو مويه دافيه وتشطيف مزبوط وانتهينا

الحمدلله هدا اللي سويتو ومررره مرتاحه .. حتى الاحم احم صار مره احسن من قبل كنت اول طول الوقت اتألم بس دحين الحمدلله والشكر زي الحلاوه الوضع

يلا تيك كير يا حلوين

رد: تجمع اللي بيولدون في شهر ذو الحجه
 

دااااادووووو


خخخخخخخخخخخ الله يقطع ابليييسك سبتي ولدك وشردتي يامفتريه ههههههههههههههههه
بس ترى لكي حق يمااااامي الا الصراصير وجع تقرف لا والمشكله تجري وراكي ماتشرد هعع



صباااياااا كل عاااام وانتو بخييييير ،، محد يبا يولد يوم العيييد؟؟؟

رد: تجمع اللي بيولدون في شهر ذو الحجه
 

دادو من جد غيرتي الموضوع والله انا ماانام لو ادري انو في صرصار ويييييععععععع
حبيبت موني يلله اولدي انت عشان تكون فاتحه خير علينا ونولد بعدك
وكل سنه وانت طيبين ياارب والله يسهلها علينا جميعا

رد: تجمع اللي بيولدون في شهر ذو الحجه
 

ماماااااات,,
كل عاااااااااااااااااام وانتوا بخيييير وبالف صحه وكل سنه واحنا مع نونواتنا ,,
كنت على امل اعيد مع نونوتي بس ربي ماكتب ههههههههه
بس كان شكلي جميل بالكرشه وصورت طبعا,,


دادوو,,
لالالا مالومك ابدا انا لو مكانك سويت كدا واكثرررر الا الصراصير الله يكرمك تجيني قشعريره منهم مرررررررره..
اجل سبتي ولدك المسكين ههههههههههه

رد: تجمع اللي بيولدون في شهر ذو الحجه
 

باركوووووولي






































ماولدت تاني لووووول بس زوجي صحي من النوم ولقى الصرصور ميت بالبانيو

الله يعيني اليوم في حملة تنظيف بالبيت بس اهم شي استرديت حريتي بعد حصار دام 11 ساعه

رد: تجمع اللي بيولدون في شهر ذو الحجه
 

مساء الخيرات عزيزاتي وكل عام وأنتم بخير
أبشركم رزقت صباح اليوم بأحلى مولودة الله يحفظها ويصلحها ويسهل على الباقيات يا رب

رد: تجمع اللي بيولدون في شهر ذو الحجه
 

مبروووك الراضيه
عيدك عيدين ماشالله

الله يحفظها ليكي يارب
وحمدلله على سلامتك

رد: تجمع اللي بيولدون في شهر ذو الحجه
 

كيفكم hwaml7
اليوم احلى لحظات عشتها في حياتي
في الصباح وعيد مع ولدي نور عنوناتي ياقلبو انا عليه
وزوجي جا ع المغرب
الحمدلله
الله يسعده ويكتر خيره قالي هديتك نسافر ع الامارات
وادا رجعت البيت قبل الاربعين هديه تانيه ههههههههه مسويلي إغراء عشان ارجع بس مراا لا
hwaml03

الراضيه؛،؛
مبرووووووووك والف الحمدلله ع سلامتك
تتربى في عزك وعقبال ماتشوفيها عروسه

وعقباااااااالكم يارب

رد: تجمع اللي بيولدون في شهر ذو الحجه
 

سلام بنات كيفكم
انا اليوم رحت الطوارئ وقالتلي الدكتوره مفتوح واحد سانتي
ماني عارفه خفت حاسه انو ماني جاهزه
تتوقعوا حاولد هادي الايام ولا اكمل لموعدي
هههههههههه أسألكم كأنكم تدرون ههههههههه بس والله متلخبطه

رد: تجمع اللي بيولدون في شهر ذو الحجه
 

زهرة الموسم

ياااسلااااام لو اولد دي اليومين ^____^ والله مرررره احس التعب زاااايد الحمدلله على كل حاااال ،، يلا ان شاء الله كلللللنا نولد مع بعض دي اليومين :)

الراااضيه

الحمدلله ع السلاااامه ومبرووووك البنوووته في يوم العيييييد

مارووما

ماشاء الله لو فتح عندك الرحم امشي وكلي رطب ان شاء الله تولدي

رد: تجمع اللي بيولدون في شهر ذو الحجه
 

الصمت

اخباااارها ولدت ولا لسسسسى؟؟؟

رد: تجمع اللي بيولدون في شهر ذو الحجه
 

الراضيه الف مبرووووك وتتربى بعزكم ان شاءالله
لاتنسي تدعيلنا بتسهيل الولادة
انت تعتبري مريض والمريض دعوتو مستجابه ان شاءالله
وكل سنه وانت بخير يارب وبنوتتك بخير

رد: تجمع اللي بيولدون في شهر ذو الحجه
 

سلام ياكراااريش <<<ما صارت كروشه

كيفكم ياارب تكونو بصحه انتو ونونواتكم....انا جاني عمر احلى بشر يوم الثلاثاء العصر

طبعا انتو مشيتو في الصفحات اكيد وانا مره مافيا ارجع اقراها بس عارفه انو اجوان ماقصرت وبلغتكم واكيد كلكم سلمتو وباركتو ودعيتولي الله يسعدكم كلكم يارب ويسهل ولادتكم ويفرحكم بنونواتكم

دحين نجي لحكايه ولادتي الخنفشاريه
اول كنت طفشانه من الالم الاهبل اللي يجي ويروح من غير اي بوادر ولاده..قمت نقعت عشبه كف مريم وشربتها يوم الاتنين باليل بعد ماافاض بيا ومليت..ورحت انام ..ساعتين صحيت فيا الم شويه جلست صاحيه كمان ساعتين ورجعت احاول انام..وشويه اسمع صوت من تحت كانو شي قال طق ونزلت مويه دافيه بين رجولي..وبسرعه صحيت زوجي اشوا كان عنده رحله الضهر ..قام يقولي يا شيخه دي افرازات ارجعي نامي ما شكلك ولاده ( اهم شي انو مسوي فااهم وانا عارفه انو ميت من الخوف )قلت طيب لو نزلت تاني نروح المستشفى قالي طيب..وشويه احس انو البيبي ما صار يتحرك ..اقله يقوم يقولي ياااشيخه اكيد ناايم اقلبي جنبك التاني..قلت يمكن يابنت وبيني وبينكم انا كمان كنت خايفه هههههههههههههه..قلبت الجنب التاني الا اا بووووووووووم انفجرت المويه ..قلت لااااااااااااا خلاص قووم نروح..والحمد الله انو اختي جات قبلها بالليل وصحيتها ورحنا المستشفى ..وقالتلي الرحم فاتح 2 سانتي بس عنق الرحم مررره ناعم وما راح اطول في الطلق و الولاده (كداابين طبعا) وجلست في الالم من الساعه 7 الا الساعه 12 وانا حامووت وتقولي برضو 2 سانتي ..انا خلاااااااااااااص ماقدرت اكمل قلتلها ابغا ابره الظهر..وعبال ركبوها ودا رعب تاني (تركيبها مره يخوف) بس بعدها حسيت بالنعيم ولا كانو فيا طلق..حتا صرت اكل لبانه ههههههههههههه سبحان الله...حلو الكلام ؟ حلووووووو
بعد الراحه والانسجام واكل اللبان وجالسه خلاص استنا الدكتوره تقولي يااالا بووووش ..جانت الدكتوره مفجوعه تقولي انا باتصل عليكي من اسبوع ابغا اقولك انو انتي لازم تولدي قيصري (يافرحه امك) ولما هزاتها وقلتلها كان رسلي مسج ولا اي شي دا شي مره مهم وضروري كيف تهمليني بالشكل دا صارت اللممرضه تحقن لي مسكن تاااااني انو خلاص لازم ادخل قيصري وانا لسا باتضارب معاها وزوجي مسح في كرامتها الارض ..صارت تقولو انا ما اجبركم تبغو تجربو ولاده طبيعي براحتكم بس احتمالات الولاده ما راح تعجبكم..واحد من اتنين يا انو الام راح تنشق شق كبير من تحت يا انو كتف البيبي ينكسر (الله يكسر رقبتك قولو امين) ولما شافت تقرير زوجي فيها قالت ما راح اولدك وانا اصلا اخترت المستشفى عشانها لانها شاطره مره بس حظي مهبب.. المهم انحطينا تحت الامر الواقع وانا رضيت وزوجي يحلف يقولي ما تولدك الكلبه دي وانا البنج صار طالع لحلقي وصرت بس استفرغ الله يكرمكم وماعندي اي احساس بحلقي ولا قادره اتنفس (احساس الموت والله) صرت اقوله يرحم امك خليها بس تخلصني بسسسسرعه حامووت ..وافق على مضض بس مافي حل..ودخلت غرفه العمليات والقاها جالسه تحط ستاره..نشف دمي قلتلها لااااا ا انا ما راح اتبنج ..ما ابغا احس بشي ولا اشوف شي..قالت لا انو انا اخدت بنج كتير وابره الظهر وما ينفع يزيدو الجرعه...يااااللله ما اوصفلكم احساسي وقتها بس ربي كان معايا وصرت بس ادعي يامغيث اغثني..وصرت احس كيف يطلعوه بس مافي الم بس ضغط بس ساامعه كل كلامهم وسمعت صوت عموري لما طلع ويبكي وقتها فرحت انو ولدت وانا صاحيه سبحان الله احساس ما ينوصف..وبس بعدها خيطوني وطلعت غرفتي وشويه جابو النونو كانو ولدت طبيعي بس الم الخياطه من غير مسكنات يقتل بالذات اول يوم بعدين الحمد الله قمت امشي شويه شويه وبدا الالم يخف ..والحمد الله انو البيبي سليم بس حسيت انو مره انضحك عليا في الولاده دا كله عشان ينهبو فلوس حسبي الله عليهم بس.ولعلمكم عموري حجمه اصغر واحد في اخوانه وقالولي كبير الله واكبر عليهم بس والله انو زغنون..وبس ادري قرقرت عليكم بس من جد مصدومه من الي صارلي وربي ما يوريكم شر ان شاء الله

اهم شي ..انو بعد الولاده وقت ما تجي الممرضه تقولك امشي لاااااااااااااازم تمشي على طوول المشي هوا اللي يخليكي تتعافي بسرعه ولا تعرضو للهوا ابدا واشربو اشياء دافيه
و سلا متكم

رد: تجمع اللي بيولدون في شهر ذو الحجه
 

دادو,,
الف الف مبروك حاسه بشعورك ههههههههههههههههه

الراضيه,,
ماشاءلله مبروووووووووووك سموا بنتك عيده p:
يلا الحمدلله على سلامتك..

عسله ياعسله ,,
ترى الارقام اتمسحت من عندي ومو لاقيتك بالايفون .
ومن جد شعور حلو الله لا يحرمك منو تعيدي مع جوزك وعيالك انشالله,,
ومبروك عالهديه ماشالله ..


مرووومه,,
لالا استنيني لاتولدي ترى ازعل عليكي ,,
انا مره نفسي اروح الدكتور يشوفلي اذا فيه بوادر بس اجازه شكلو مافي الا الاسبوع الجاي ,,وانا مفروض مو دا الربوع الربوع اللي بعدو اخلص التاسع ..


غووشه,,
الحمدلله على سلامتك,,وواللهي هدول المستشفيات نصابييييييييييييييييين وبس يبغوا يشفطوا فلوس ويطلعوا لك اسباب تافهه عشان ولاده قيصريه ولا ترى 4 كيلو مره عادي انا كثير اعرفهم ولدوا طبيعي اربعه كيلو واربعه كيلو وزياده كمان,,
انا اقول لامي مو معقوله الناس كلها قيصري تقولي اكيد في سبب قتلها ايش معنى دحين في سبب وحريم اول اجل ليش كانوا يولدوا طبيعي ولا كان ثلاثة ارباعهم ماتوا مع مواليدهم ,,
وكلهم طايحين بموضوع الحب السري اتلف عليه ,,ترى انا سمعت دكتور في الطبي الدولي رئيس قسم الولاده يقول التفاف الحبل السري مايموت الجنين لانو اساسا الجنين مايتنفس من خشمو يتنفس من الحب السري فحتى لو اتلف على رقبتو هوا لسا يتنفس من الحب السري بس دي علاقة الدكاتره اذا ماعرفوا يصرفوا..
يلا حسبي الله عليهم ..
بس خوفتيني لما قولتي ابرة الظهر مرعبه :s

رد: تجمع اللي بيولدون في شهر ذو الحجه
 

مساااااء الخير

كروشات
شطورات ولا وحدة فكرت تولد يوم العيد
فديتهم نوناتنا حالفين يخلونا نعيد وننبسط

الراضيه

الف مبروووك انتي الي غلبتينا


قوشااا
اما حكاية دكتورتك تقول كنت بقولك وبتصل
خيرررر انا ماعندي رقم دكتورتي ولاهم يحزنون وتقول اذا جتك ولاده كلمي الطواري

شكلي باخذ منها رقمها الموعد الجاي

مع اني مدري وش جايني ما احس اني راح اولد
والناس ماقصروا بالسؤال البايخ ماولدتي ماولدتي

رد: تجمع اللي بيولدون في شهر ذو الحجه
 

جوشا بجد ولادتك خنفشاريه
بدايه انتي عندك طلق ونزلت المويه ليش عمليه ايش السبب يعني عشان كبير على قولها ولا سبب تاني صراحه مؤ مستوعبه
عالعموم الف مبروووك والحمدلله على سلامتك

رد: تجمع اللي بيولدون في شهر ذو الحجه
 

اجوان اما استناكي هههههههههه هوا بكيفي
اسكتي اصلا انا لمن افكر انو خلاص اخاااف القالون ثار عليا والله مررره خايفه
طيب انتي ليه ما تروحي الطوارئ انا كذا سويت لانو الدكاترة ماجزين
انتي بجده مو باي مستشفى بتولدي

رد: تجمع اللي بيولدون في شهر ذو الحجه
 

بنات دحين مفتوح واحد سانتي وعنق الرحم رطب معناته ولاده يعني خلاص اليوم او بكره او ممكن اقعد اسبوع؟

رد: تجمع اللي بيولدون في شهر ذو الحجه
 

بنات فينكم؟!!! hwaml80hwaml78hwaml79

رد: تجمع اللي بيولدون في شهر ذو الحجه
 

حبيت أبشركم..
أني ولدت بتاريخ 4-11-2011
يوم الجمعه الساعه 8 و نص الصباح
نفس اول موعد محدد.. لي فجأه من دووووووووووون سابق انذار ولدت هههههههههه
الحكايه مرررره تضحك تقلق
تخووف ووو حاجات كثيرره...

الحمدالله الولاده طبيعيه ...
و الأمور تمام
حبيت
أنبهكم على كم شغله الخياطه تشطفو بماي دافي و شوية ديتول وبس الماي الدافي أتشطفو فيه 3 أو 4 مرات با اليوم
الدكتوره ماكتبت لي على أي شي
قالت اتشطفي بس بماي دافي و شوية ديتول و لا تتحركي بقوه و تمشي كثيره عشان الجرح
و حاولي تمددي و تخليك مرتاحه بعد عشر ايام
تعالي
ووو بس
و المشد قالت لي امي البسه بعد ماتطيح الخيوط وووو
اول لايام امي قالت اذا بحط احط شماغ أو أي قطعه قماش
لأن مايصير أشد من فوق و من تحت فيني جرراحه
وووووو بعد شنو يااربي

الباقي بعدين لان بروح حق بنتي هههههههههه

رد: تجمع اللي بيولدون في شهر ذو الحجه
 

رد: تجمع اللي بيولدون في شهر ذو الحجه
 

ما شاءالله الف مبروك شعوله الحمدلله على سلامتك

رد: تجمع اللي بيولدون في شهر ذو الحجه
 

بنات انا مدري أشبي انا ولدت قبل والحمدلله من اول ما حملت ماني خايفه بس امس لمن رحت الطوارئ وقالولي واحد سانتي وشقت غرف الولادة وكل شي مرررره حسيت بالخوف
والله زي الهبله بالبيت ماني داريه ايش اسوي احس ما أبغى الان أبغى الاسبوع الجاي والله ما ادري اضحك ولا ابكي احس مخي ضرب
الحمدلله ولادتي الاولى كانت حلوه وكلي امل انو حتى هاذي الولادة تكون حلوه وميسرة بس ماني قادره اسيطر على شعور الخوف وربي امسك الشي اللي أبغى اسويه اقعد فيه ساعه وبس اتنح وحاسه أني ملخبطه خاصه انو لسا ما جات شغاله
يا الله ااااااااه مره شايله هم

رد: تجمع اللي بيولدون في شهر ذو الحجه
 

مااارووووووووماااااا

واللهي مي توووووو ،، انا نفسي اولد اليوووم قبل بكرة ،، بس لمن تجيني الام ولا لمن ماما تقولي قومي امشي عشان تولدي ،، يجيني خوووف اقولها لا شووكرا مابا اولد خخخخخخخخخ ،، احس اني خلاااااص مع التعب ابا اولد بس في نفس الوقت خاااااااايفه مررررررررررره الله يسهلها يااارب من عندو

رد: تجمع اللي بيولدون في شهر ذو الحجه
 

مشاااااعل

الحمدلله ع السلااااااامه ،، مبرووووووووووك البنووووووته ،، يلا بسررررعه نبا الحكااااايه ^__^

رد: تجمع اللي بيولدون في شهر ذو الحجه
 

السلام عليكم

وكل عام وانتم بخير كيفكم حوامل وامهات

مبرووووووووك مشاااعل الحمدلله على السلامه ومبروك البنوته الله يخليها لك يارب

الراضية
مبروك البنوته والحمدلله على السلامه تتاريخ مميز يوم العيد

غوشة قصه ولادتك مره تخوف الله يكون بالعون والحمدلله على سلامتك والنونو

رد: تجمع اللي بيولدون في شهر ذو الحجه
 

قووووووشه

<< دووووبني انتبهت لقصتك ،، والله مااااااعندهم امااااانه ،، بس يلا الحمدلله قمتي انتي والنووونو بصحه وسلااااامه ،، وكيييييف ابرة الظهر ؟؟ جاتك اي اعراض بعدها ولا عااااادي

رد: تجمع اللي بيولدون في شهر ذو الحجه
 

حبيبه موني
ههههههههههه يعني الحال من بعضه الله يسهلنا انشاءالله

رد: تجمع اللي بيولدون في شهر ذو الحجه
 

حبيبة موني
مروما
كيفكن ماحسيتن ببوادر الولاده

رد: تجمع اللي بيولدون في شهر ذو الحجه
 

والله ما ادري بس الالم والتحجر وظهري هوا نفسه من قبل مطفشني بس لاحظت الإفرازات الله يكرمك مره زايده ياالله مزعجه ثقيله وبيضاء مع شفافه ما ادري ايش هيا
والرحم مفتوح واحد سانتي ما ادري اولد اليومين هادي ولا الاسبوع الجاي

رد: تجمع اللي بيولدون في شهر ذو الحجه
 

مشاعل الف مبروك والحمدلله عالسلامه...

حبيبة موني ومرومه وليال وانا كلنا قريبين من بعض تتوقعوا مين تلحق قبل وتولد هههههههه

انا حوضي خلااااااااص ماعاد يقدر يشيلني احس العظم تحول حديد في حوضي فجاه ثقلت بشكل رهيييييب وكمان احس النونو فجاه حجمو كبر ..

علا فكره مامات ام زوجي تقولي مو ضروري يجيكي طلق ممكن علا طول تنزل مويه ولاتشوفي دم يعني لاتياسوا خصوصا اللي مثلي مايحسوا ببوادر طلق .

رد: تجمع اللي بيولدون في شهر ذو الحجه
 

ههههههه انا رحمي فتح واحد سانتي hwaml02hwaml02
يامامي أخاف يقفل دحين
الا صحيح عندي سؤال اذا كان مفتوح الرحم واحد او اثنين سانتي ممكن يقل يعني يصير نص او واحد سانتي ؟ فهمتو علي

رد: تجمع اللي بيولدون في شهر ذو الحجه
 

اجوان انتي باي مستشفى بتولدي؟

رد: تجمع اللي بيولدون في شهر ذو الحجه
 

بنات الصمت عشقي ولمعه الماسه مختفيين شكلهم ولدوا الله يسهل لهم

رد: تجمع اللي بيولدون في شهر ذو الحجه
 

مرومه مااتوقع الرحم يقفل بعد مايفتح بس بصراحه مو متاكده ..

انا حولد في عرفان انشالله..


نفسي اشرب دي الاشياء اللي تجيب الولاده زي كف مريم وكدا ايش رايكم ؟؟

ايش رايكم نتفق ونشرب ونشوف مين تفوز هههههههههه
خلاص عرفه وصمنا وعيد عيدنا مابقي شي نعملو ههههههههههه

رد: تجمع اللي بيولدون في شهر ذو الحجه
 

ههههههه لا ماراح اشرب شي اخاااف تبغي جربي انتي ههههههه ممكن يجيكي طلق بدون مًــآ يفتح الرحم وبكذا تكوني قاعده تعذبي نفسك بعدين انتي بكريه اصبري لحد ما تخلصي التاسع انا اول ولاده ليا اليوم اللي خلصت فيه التاسع نفسه هوا اللي ولدت فيه