رد: تجمع حوامل سوريا-دردشة ورود سوريا-دردشة الغاليات
 

ام جوجو
حبيبتي ئربت ولادتك يمكن بتسعة الشهر مو هيك؟
الله يئومك بالسلامة انتي وحمودة يارب
يبئى بس بدك تولدي خبرينا مشان ندعيلك

رد: تجمع حوامل سوريا-دردشة ورود سوريا-دردشة الغاليات
 

شذا شو اخبارك واخبار البيبي؟ طمنيني عنك
الله يموت بشار ويخلص الشعب السوري منو يارب والله ئلبي عم ينحرئ عسوريا هالكلب نازل فيها تدمير الله يدمرو ويحفظ اهل سوريا ويحميهن يارب

رد: تجمع حوامل سوريا-دردشة ورود سوريا-دردشة الغاليات
 

نغومة
وينك ياحلو ؟طمنينا عنك شو صار معك
وازا بتعرفي شي عن اخبار ميار ام هنودة ياريت تخبرينا مشغول بالي عليها
روان
من زمان مادخلتي طمنيني حبيبتي شو اخبارك ؟وغامرتي وعملتي كبة ولا لسا؟
سيريا شو اخبارك
ام ندوشة كيفك انتي والبيبي؟

رد: تجمع حوامل سوريا-دردشة ورود سوريا-دردشة الغاليات
 

واخيرا
اشتريت غراض للبيبي مع انو لسا بكييير ههههههههه
رح ئلكن شو جبتلو مشان تزكروني ازا نائص شي جبتلو ياحبيباتي مايلي;
حرامين-٣ مناشف حمام-٦ ئمصان داخلية-افرولين-وبيجامتين-٣ طوائي-دئونتين هاي التياب في شي نائص؟
ولسا بدي جيب سرير وكارسيت وعربة ومرجوحة عالكهربا بيلزم شي تاني ياترى؟
لاني مابعرف شو بدي جيب هون الغراض مختلفة عن بلادنا

رد: تجمع حوامل سوريا-دردشة ورود سوريا-دردشة الغاليات
 

صباح الخييير ......

رد: تجمع حوامل سوريا-دردشة ورود سوريا-دردشة الغاليات
 

السلام عليكم ورحمه الله وبركاته
http://forum.hwaml.com/t248383.html

رد: تجمع حوامل سوريا-دردشة ورود سوريا-دردشة الغاليات
 

كيييفكن ياحلوين انا الحمدلله تمام والبيبي الحمدلله تمام بس بدي اسألكن عم تكتر الافرازات صفرا اعزكم الله .. في شي ولا طبيعي ؟؟مع اني عم اخد المثبت يلي كتبتلي يا الدكتورة وعم حاول ما اتعب حالي انشاء الله مافي شي طمنونيي

رد: تجمع حوامل سوريا-دردشة ورود سوريا-دردشة الغاليات
 

كيفكم يا صبايا
اليوم رحت عالدكتورة وقالتلي انو رح تولدني يوم الاثنين ان شاء الله يعني ضل يوم واحد
انا تفاجئت على اساس يوم الاربعاء قال هي مو موجودة 3 ايام وبتخاف يجيني طلق
امانة ادعولي لاني لحالي وما في حدا جنبي

رد: تجمع حوامل سوريا-دردشة ورود سوريا-دردشة الغاليات
 

انشالله بتولدي بالسلامة وبتشوفي البيبي على ايدك يااارب ..

رد: تجمع حوامل سوريا-دردشة ورود سوريا-دردشة الغاليات
 

الله يسلمك يا شذى صايرة ما عم نام من القلق
الله يسهل على الجميع

رد: تجمع حوامل سوريا-دردشة ورود سوريا-دردشة الغاليات
 

السلام عليكم ورحمه الله وبركاته
السلام عليكم ورحمه الله وبركاته
لنشارك معن بحمله ختمه سورة البقرة
على نيه الفرج لسوريا

ما هتاخد من وقتك أكتر من دقيقتين

http://forum.hwaml.com/t248383-4.html

بانتضار مشاركتك لقراءة الصفحه الثانيه من سورة البقرة

رد: تجمع حوامل سوريا-دردشة ورود سوريا-دردشة الغاليات
 

تمت القراءة ...
اللهم فرج همنا وكربنا ..وانصرنا على بشار واعوانه ..

رد: تجمع حوامل سوريا-دردشة ورود سوريا-دردشة الغاليات
 

لك ويينكن ماحدا مبين اليوم ؟؟؟

رد: تجمع حوامل سوريا-دردشة ورود سوريا-دردشة الغاليات
 

الووووو اين انتم ؟
شوعاملين اضراب ؟
خلص زمن السلمية بنات ......

رد: تجمع حوامل سوريا-دردشة ورود سوريا-دردشة الغاليات
 

السلام عليكم

كيفك شذى شو اخبارك

وين البنات مو مبينين الله يسر للجميع امورهم

رد: تجمع حوامل سوريا-دردشة ورود سوريا-دردشة الغاليات
 

نغومة حبيبتي طمنينا عنك والله بالي عندك الله يرزقك الحمل التام في القريب العاجل ويقر عينك فيه يارب

ام جوجو كيفك ياحلوة طمنينا ولدتي بالسلامة يارب يهون عليك وتفرحي بابنك بين ايديك يارب

نايوتا كيفك ياغالية نوري التجمع طمنينا عنك كيفها نايا الله يحميها بوسيلنا ياها

منار مباركين التجهيزات ان شا الله يلبسهم بالعافية ايمت موعد ولاتك بالسلامة يارب

سيريا وام ندوشة وردة سورية وينكم يا صبايا الله يحقق للجميع امانيه طمنونا عنكم

رد: تجمع حوامل سوريا-دردشة ورود سوريا-دردشة الغاليات
 

مبروكين منار بس لسا عندك الشامبو وزيت خاص للأطفال بس لاتجيبي بودرة مأزية للتنفس الطفل
وبنصحك بلاها وقت يصير تسلخات انا كنت ادهن زيت زيتون لنايا ومأحلاه تاني مرة غيرلها يكون رايح التسلخ وجيبي كمان حفاضات للبيبي زيرو وجيبي بانيو للحمام وابدا لاتجيبي محارم معطرة مأزية كتير لجلد الطفل هههههه عم وفر عليكي
وازا جبتي كرسي للبيت لاتحطي البيبي فيه اول اربع شهور او ازا حطيتيه يكون ضهرو جالس متل السرير لان بيكون عمودو الفقري طري
وبالنسبة للتياب جيبي مقاسات يعني البربتوزات جيبي من كل مقاس تلاتة يعني من عمر صفر للتلت شهور تلت بربتوزات ومن اربعة لستة شهور جيبي تلاتة ومن ستة لتسعة جيبي تلاتة وكمان الافرولات نفس الشي ومابنصحك تجيبي نيوبورن مابيلبسو اسبوع وبيصغر عليه انا هيك عملت وقت نايا بئيت لعمرا تسع شهور عندا بربتوزات وعندا بيجامات وافرولات لان اول الشهور بيكون الطفل كتير بيعزب بالنوم ومارح تكوني فاضية تنزلي تتسوقي وفي ولاد بيستفرغو او بيسهلو العفو منك بيلزمون تغيريلون تيابون اكتر من مرة باليوم
في حزام خصوصي كمان للضهر ازا لقيتي منو جيبي اتنين كتير منيح وازا مالقيتي مو مشكلة انا نايا مالئيتلها والله ومشي حالها حتى في حزامات للسرة بتصور هي ضرورية وخاصة لحتى تنزل السرة
وايا شي انا حاضرة اسما معلوماتي جديدة مانسيت

رد: تجمع حوامل سوريا-دردشة ورود سوريا-دردشة الغاليات
 

كيفك شذى لاتخافي كلشي طبيعي عم يصير معك وازا بدك في هون بالمنتدى تطور الجنين ببطنك شهر بشهر وكمان الاعراض يلي بتحسي فيها وفي موقع كتير منيح سجلي فيه كل اسبوع بيبعتولك عالايميل تطورات الجنين انا لهلأ مسجلة فيه لان حتى بعد ماتولدي بيقلولك تطورات الطفل وفي كتير شغلات بتساعد اسمو بي بي سنتر وفي منو بكل اللغات وبالعربي كمان اسمو بي بي سنتر ارابيا
بتصور انتي الجنين هلأ حبة عدس عندك يمكن الشهر الجاية بيصير حبة عنب انا من الموقع اعرفت هيك شغلات وعنجد كتير ظريف الواحد يعرف هيك شغلات

رد: تجمع حوامل سوريا-دردشة ورود سوريا-دردشة الغاليات
 

كيفكون صبايا

ام جوجو ان شالله تكوني قمتي بالسلامة طمنينا عنك

ونجمة كيفك وكيف بنوتاتك ان شالله ماعم يعزبوكي


انا والله على طول ملحوقة وعندي شغل اكتر من الوقت والله مع اني من الخمسة بفيئ بصلي ومابرجع بنام بس مابعرف ليش هيك عم يصير معي يمكن من نايا لان عنجد احيانا بتربطلي ايديي من نئا ومابعود بعرف ساوي شي تؤبرئلبي هية ونئا هههههه
اليوم عملت عالغدا فول مئلى اكلة طيبة ومناسبة لريجيمي
نسيت ئلك منار كيف طلعت الحرابأصبعو وازا خطرلك وصفة شي أكلة ئولي لاتستحي انا محتارة شو أكتبلك ماشالله كلشي بتعرفيه
عندي وصفة سلطة معكرونة ازا مابتعرفيها على عيني بكتبلك ياها وهية من الأكلات الباردة

والبنات الغاطين اشتئنالكون زهرة كيف حملك طمنينا وسروؤة اشئنالجود انتي مااشتئنالك هههههههههه

رد: تجمع حوامل سوريا-دردشة ورود سوريا-دردشة الغاليات
 

لك هلاااااااااااااا
شو اخباركن ؟؟؟
اي طمنتيني الله يطمن ئلبك ..

رد: تجمع حوامل سوريا-دردشة ورود سوريا-دردشة الغاليات
 

كيفكم بنات انا لسه بالمشفى بطلع ان شاء الله يوم الخميس
انا الحمد لله بخير وحمودي بجنن بس كتير صغير ياحرام
وماعم يرضع مني ماعم يعرف وانا ماكتير فيني حليب ماعارفة شو ساوي
يالله المهم اطمنت عليكم ادعولي يطيب جرحي بسرعة

رد: تجمع حوامل سوريا-دردشة ورود سوريا-دردشة الغاليات
 

الف الحمدلله عسلامتك ام جوجو وانشاءالله الف مبروك ويربى حمودةة بعزكن ودلالكن يارب الله يخليه ويكتبو من الصالحين
الحمدلله طمنتينا عنك حبيبتي
وعئبالي انشاءالله

رد: تجمع حوامل سوريا-دردشة ورود سوريا-دردشة الغاليات
 

حبيبتة ئلبي هديل
يسلمو ياعسل منيح انك نصحتيني عنجد شكرا كتير
منيح انك ئلتيلي عالبانيوم لاني كتير عم فكر انو كيف بدي حممو
ومشان البودرة اشتريتها من يومين بس متل مائلتي مارح استعملها
والمحارم المبللة كمان جبتهن وياريتني شفت نصائحك ئبل ماجيبهن
بس حبيبتي شو البديل عنهن؟
وكمان اليوم جبتلو تياب للتلات شهور متل مائلتي
بس بدي اسئلك انتي نايوتا لفيتها بالئندائ ؟لان هون مابلفو الولد فيه ومافي الو غراض
ياالله ياهديل حاسة حالي متل الضايعة وكتير متلبكة آآخ لو ماما جنبي ماكنت هيك ضعت
وكمان حبيبتي بدي اسألك
شو عملتي لبطنك حتى مايترهل ويبئى منفوخ ؟
واستعملتي كريمات او شي تاني مشان التشققات ؟
وكمان الصدر بسمع انو بيتشقق من الرضاعة صح؟
وصاير معي انتفاخ بسيط بجسمي نحنا منئلو زلال ياترى برأيك بيرجع جسمي لطبيعتو بعد الولادة انشاءالل؟
لاتآخزيني ياروحي عم كتر عليكي اسئلة بس والله نصايحك بتنزل متل البلسم عئلبي وكتير بوثق فيكي
ومشان الحرااصبعو يممي طلع كتير لذيذ انا اول مرة باكلو ورجعت مبارح عملتو لبيت حمايي كتير عجبن يسلمو حبيبتي منيح انك تزكرتيني بهالاكلة وصحة وهنا عالفول المئلى كمان مرة اخدت طريئتو منك بتتزكري؟واول ماينزل الفول الاخضر رح اعملو
وسلطة المعكرونة ياريت تعطيني الوصفة لاني كتير بحب المعكرونة بس عفضاتك طبعا
بوسيلي نايا كتير وخلي نايا تبوس امها عني

رد: تجمع حوامل سوريا-دردشة ورود سوريا-دردشة الغاليات
 

نجمة السمر
نورتي حبيبتي اشتئنالك
انشاءالله موعد ولادتي ٣٠ نيسان
بس اليوم كنت عند الدكتورة وئالتلي ممكن اولد ئبل الموعد وانا من لما هيك ئالتلي حاسي حالي بكرى رح اولد وكتير متلبكة لاني لحالي
وانتي حبيبتي حكيلنا شو اخبارك ؟

رد: تجمع حوامل سوريا-دردشة ورود سوريا-دردشة الغاليات
 

مرحبا صبايا

الف الحمد لله على سلامتك ام جوجو وان شالله بيطيب جرحك قريبا بس بدي قلك لا تستسلمي بالرضاعة الطبيعية واسألي حماتك عن مدرات واتغزي عندك الجاج ومرقة الجاج والخضار بأنواعا وامتنعي قدر المستطاع عن الأكلات يلي بتعمل نفخة والله وقت يكون الواحد مو حسنان وابنك عم يبكي افضل شي واقرب شي عليكي صدرك هادا غير الفوائد من الحليب الام مابدي قلك عليها بتعرفيها وقت السخونة حليبك افضل شي والله انا ابقيت اسبوع عم شرب نايا ماء التمر وبابونج وحاول وحاول لعرفت ترضع ومارضيت شربا حليب صناعي خفت تحبو وماترضى ترضع مني ولا بيصير مع الولد تسلخات انتي اكبر قدر من حليب الام والله عن تجربة مافي افضل من حليب الام وكل مارضعتي اكتر بيزيد حليبك اكتر وطولي بالك الطفل بيتعب بدك يكون عندك طولة بال كتير انا والله كنت رح أيأس بس الحمد لله الله قواني
وان شالله مبروك ويربى بعزك وعز ابوه بوسيلي ياه للزغنون

رد: تجمع حوامل سوريا-دردشة ورود سوريا-دردشة الغاليات
 

منار كيفك ولا تخافي ولاشي احلى مرحلة من مراحل الحمل الولادة لكن شوبدك تضلي تقيلة خليكي اتخفي وبعدين مالك متشوقة تشوفي علوش افندي
بديل المحارم الماء ونشفي ببشكير خصوصي او ازا براز انتي اكبر قدر بالمي والصابون وبعدين نشفي بالبشكير وكنت والله مع اني مالي حسنانة آخد نايا عالحمام ونضفها منيح وجيبا عالغرفة حفضها وفي شغلة نايلون بيحطوها تحت البيبي وقت الغيار جيبيها كتير منيحة
الاندائة ملها داعي بس لفي البيبي بالبطانية او شرشف قطني صغير وضبيلو ايديه بيرتاح اكتر بالنوم بالشهر الاول لان بيحس حالو وكأنو لساتو ببطن امو بيشعر بالأمان اكتر بس لاتشدي كتير انا بنتي كانت احيانا تطالع ايديها ماتحب الاندائة وكل ولد وطبيعتو
ومشان بطنك لاتاكلي همو بالرياضة بعد الاربعين كلو بيشد وبيروح ولاتستعملي مشدات ابدا الدكتورة منعتني منعا باتا من المشد قبل الاربعين خاصة بيعمل التصاقات بالرحم والبشي بالنفاس رواب نوم مريحة ولاتشدي على بطنك شي بتكون الرحم عم تنضف حالها بهل فترة وعم تشد وتصغر وترجع لوضعا وجلدة بطنك بالرياضة بتشد وبتصير مأحلاها والرضاعة الطبيعية كمان بتساعد انو يصغر البطن وترجع الرحم لوضعا طبعا في رابط بين الثدي والرحم
والتشققات بتخف وبتصير لونا ابيض ادهني زبدة الكاكاو كريم موجود بالصيدلية او زيت زيتون كان لازم من فترة الحمل تبلشي تدهني بطنك وصدرك بس مافي مشكلة لا تندمي وجربي من هلأ وبعد ماتولدي كمان كملي دهن والرياضة كمان مفيدة بتروح التشققات وادهني كمان الحلمة بالغلسيرين من الصيدلية منيح مابتعود بتشقق وقت الرضاعة وعمليلها رياضة وشديها لتكبر وتساعدك عالرضاعة وشوفي شو كتبت لام جوجو ومافي احسن من الرضاعة الطبيعية
والزلال بيروح لاتاكلي همو بس كتري مي كتير وخففي ملح وازا صحلك تلغي الملح لاتقصري اشربي شي لترين مي باليوم ازا احسنتي
وايا شي اسألي انا جاهزة ولا تستحي وصحتين عالحرابأصبعو مجاري الهنا

رد: تجمع حوامل سوريا-دردشة ورود سوريا-دردشة الغاليات
 

الحمدلله ع السلامة ام جوجو ..والف مبروووك الله يخليلك يااا
عئباليييي بس انا مطووولة مابعرف ايمتا حيخلصو7تشهر وشوف ابني اوبنتي ..
مبروووووووك وانشالله بيربى بعزك وبشوف ايام حلوة .....
كيفكن بنات ؟؟؟؟؟؟؟؟

رد: تجمع حوامل سوريا-دردشة ورود سوريا-دردشة الغاليات
 

رد: تجمع حوامل سوريا-دردشة ورود سوريا-دردشة الغاليات
 

رد: تجمع حوامل سوريا-دردشة ورود سوريا-دردشة الغاليات
 

رد: تجمع حوامل سوريا-دردشة ورود سوريا-دردشة الغاليات
 

كييفكن يابنات ؟؟
لك عم حس يوجع ع الجنب اليمين اسفل البطن والله مابعرف اوصفلكن يا انشالله تفهموا عليي يعني متل النخز
ولعية نفس ..ياإلهي ...لييش ؟؟انا فتت بالاسبوع التامن ....طبيعي ؟بعرف بسال كتير بس يلي بتعرف ترد عليي الله يجزيكن الخير
حلوين انتو ردو اي .....

رد: تجمع حوامل سوريا-دردشة ورود سوريا-دردشة الغاليات
 

الحمد لله عسلامتك ام جوجو
مبارك جية حمودة بالسلامة الله يحفظه ويجعله قرة عينك وتفرحي فيه دايما
ومعافية يارب حاولي ترضعي ابنك مافي انفع من حليب الام
وكلي اكل مغذي وكتري من الخضار الورقية والحليب واللحمة ومع الرضاعة بيكتر الحليب
خليك عمتحاولي لا تيأسي لانه افادة اليك وللبيبي وبتستعيدي صحتك اسرع الله يشافي جرحك ويعافيك

رد: تجمع حوامل سوريا-دردشة ورود سوريا-دردشة الغاليات
 

يالله منار هانت كم يوم وبتشوفي البيبي جنبك وبتفرحي فيه الله يقومك بالسلامة الغربة صعبة الله يكون بعونك وماتحتاجي حدا
انا بناتي كلهن جبتهن بالغربة لوحدي الحمدالله هلا صاروا صبايا الله يجمعك مع اهلك قريبا بالخير والزلال بروح بعد الولادة لا تخافي ومتل ماقالت هديل خففي ملح وبلاه احسن حتى جسمك بعد الولادة بيرجع متل اول خاصة مع الرياضة والرضاعة الطبيعية بيرجع كل شي تمام الله يسهل عليك ولادتك وماتحسي بتعب

رد: تجمع حوامل سوريا-دردشة ورود سوريا-دردشة الغاليات
 

حبيبتي شذى سلامتك مارحتي عدكتورتك مرة تانية اذا حملك من المبيض الايمن عادي تحسي بنخز بس مايكون الم كتير والوحام هلا لازم يبدا معك حاولي تاكلي على دفعات يعني عوض تلات مرات خمس مرات كميات قليلة وكل ماحسيتي بالدوخة ارتاحي ربع ساعة جلسي ومدي رجولك واسترخي بترتاحي كتير واذا مالك اكلة بتحسي بلوعة خدي بسكويت مالح او بسكويت الشاي الحلو حسب انت رغبتك بين المالح او الحلو بيعدل المعدة وبتخف اللوعة وسلامات ياحلوة ماعلى قلبك شر

رد: تجمع حوامل سوريا-دردشة ورود سوريا-دردشة الغاليات
 

يسلمووو حبيبتي..لا الوجع مو كتير
اي انشالله بتمضى هالفترة وبشوف البيبي بين ايديي

رد: تجمع حوامل سوريا-دردشة ورود سوريا-دردشة الغاليات
 

سلامات ام ندوشة ان شا الله صرتي احسن تكملي اربعينك بخير يارب كيفا ندى واختها شو قررتي تسميها بعدين الله يحفظهن ويسعدهن حاولي تكتري خضار ورقية يتكتر الحليب واللحمة والحليب والحلاوة طحينية والمكسرات بلاه الحليب الصناعي مابفضله ابدا عن جد مافي متل حليب الام الحمدالله ماجربته ولا رح جربه بإذن الله هو حليب الام ايام بقل بس بيرجع حسب النفسية والاكل واذا حسيتيها ماعمتشبع واضطريتي عالصناعي خليه رضعة بالليل قبل النوم من شان ماتصحيك بالليل الله يبعت رزقها ومايحيجك للصناعي وقت ولدت بنتي شام الاخيرة حليبها كان خفيف كتير وهي كتير عصبية ونزقة وصارت معنا ظروف كتير صعبة بعد شهرين توفى والدي الله يرحمه ويسكنه الجنة يارب وقامت الاحداث بحلب ونفسيتي كانت صفر عن جد لاخر حد من الحزن والتعب النفسي ونشف حليبي بالمرة ورغم هيك صبرت عليها وشوي شوي رجع وكتر الحمد الله حتى لما فطمتها حجر وصار متل البالون هههه حكيت قصة حياتي بس لاني مابحب الصناعي الله بيعت رزقهم ويحميهم يارب

رد: تجمع حوامل سوريا-دردشة ورود سوريا-دردشة الغاليات
 

ان شا الله شذى بتفرحي بابنك ويكون من الصالحين يارب

رد: تجمع حوامل سوريا-دردشة ورود سوريا-دردشة الغاليات
 

عني انا اخباري هي

امبارح كنت عند الدكتورة وقالتلي عندي بويضة جاهزة وعطتني ابرة تفجرية
متوترة الصراحة وصاير معي دوخة وصداع بالليل اجاني وحابة احكي مابعرف اذا حدى منكن جرب هالابرة ولا لأ
كلكن الله يسعدكن ويوفقكم بالبداية انا اكبر وحدة يمكن بينكم (الختيارة) مع اني عمري 30 بس
اكلة هم وعمادعي طول الوقت انه الله يبعتلي ولد صالح
لانه زوجي رافض فكرة الحمل نهائي يعني خلص مابدو ولاد ولا بنات
بس تحت اصراري وافق اني احمل حاسة حالي بتجربة صعبة وخايفة
قبل هالمرة سمعت منه كلمة انت يلي بدك ورح اسمعها هالمرة كمان بعرف
بس املي بان ربي يرزقني ذكر صالح وبار يفرح قلبي ويفرح قلب زوجي
لولا الغربة والاحوال الصعبة بسوريا يمكن كان الوضع احسن
انا مو فارقة معي حسهم بالبيت اغلى من كل الدنيا عندي
وحنيتهم وضحكاتهم الله لايحرمني منهن ويسعدهن
ماعاد همني كلام اهله لاني مليت من الهمز واللمز وتعودت عليه
بس زوجي بهمني كلامه وهو حياتي كلها
الله لا يدوء حدى منكم يلي عمعيشه من الم نفسي من صغر عقل هالناس
يلي مابهمهم حدى تقولي البنات مو نعمة متل الولاد ورزق
الله يلي قدره وقسمه لعباده ماحدى بيختاره لنفسه الاولاد ولا البنات
كريت كتير ووجعتلكم راسكم بس عن جد حابة فضفض الله يرزقكم الاولاد والبنات الصالحين البارين يارب

ويرزقني قرة عين ويعطيني طلبي ويفرح قلبي بالولد الصالح البار الفائز بالدنيا والاخرة امين يارب

رد: تجمع حوامل سوريا-دردشة ورود سوريا-دردشة الغاليات
 

نغم غايبة الها زمان غلي قلبي عليها يارب تكون بخير ونسمع منها خبر مفرح
ياالله ياحي ياقيوم يارحيم يامن تقول للشيء كن فيكون ترزق نغم الحمل السليم التام ويقر عينها ويفرح قلبها في القريب العاجل ويسعد قلبها بما يرضيها ويفرحها هي وزوجها ويجمع بينهم بالخير والفرح ويرضى عنا كلنا برضاه ويجمعنا بالجنة مع الحبيب المصطفى محمد صلى الله عليه وسلم وخاصة ادان العصر طلع هلا عندي امين يارب امين

كيفك هدولة حبيبتي الله يجبر خاطرك بما يفرحك
وسيريا كمان غايبة الها مدة الله يتمم عليها حملها ويفرحها وام مالك سلامات للجميع رايح صلي وادعيلكم كلكم ولسوريا الله يفرجها علينا يخزي هالظالم ونرجع نعمر بلادي ونزينها بضحكاتنا يارب يارب تجعل هاليوم قريب

رد: تجمع حوامل سوريا-دردشة ورود سوريا-دردشة الغاليات
 

صبايا بلدي الحلوات *مساكن خير حبيباتي*
كيفكن ان شاءالله تكونو كلكن بألف خير انتو و الئطائيط الحلوين ،اشتئتلكن صرلي زمان ما فتت ،كتير صاير خلئي ديئ و أليلة مروة*
الحمدلله صرت بنص السادس و اسا ما اخترنا اسم للبنوتة الله يجيبها بالسلامة حتى تسليني و تملي عليي البيت حاكم جوزي صايرة ما بشوفو غير ساعة باليوم بيجي اخر الليل هلكان يا بلحئ احكي معو كلمتين يا ما بلحئ و الله عم يطئ البي لحالي و أدمت لاهلي ع زيارة انرفضت بدي حاول أدم مرة تانية بركي بيمشي الحال*

ما لحئت اقرأ الصفحات اللي راحت عليي بس شفت انو ام جوجو ولدت*

الحمدلله ع سلامتك و ألف مبروك يا أم جوجو الله يحميلك حمودة و يخليه و يربى بعزك و دلالك انتي و ابوه*