|
رد: تجمع حوامل سوريا-دردشة ورود سوريا-دردشة الغاليات
اهلين منار كيفك الله يطعمك يلي ببالك ...مسالخير صبايا كيفكن
ياستي انا من ريف دمشق ...وساكنة بريف دمشق ...عمري 18 سنة متزوجة من شهرين وانا هلأ حامل بس مايعرف اديش ئلي ههههههه يمكن بالاسبوع السادس يومين وببدا بالسابع المهم يوم الخميس عندي موعد عند الدكتورة وانشالله يبين نبض البيبي... |
رد: تجمع حوامل سوريا-دردشة ورود سوريا-دردشة الغاليات
كيفكم يا صبايا ان شاء الله الكل بخير
|
رد: تجمع حوامل سوريا-دردشة ورود سوريا-دردشة الغاليات
ايه يابنات انا الحمدالله انتو كيفكن- منار- ام جوجو- ام ندوشه- سيريا - شذى الإسلام - روان- نايوتا- اشتقتلكن والله. وانشالله كلكن بخير يارب((راح احكيلكن شو صار معي انا دورتي لازم تجي 23 ميلادي وهي منتظمة ولهلق ما أجت وبالعاده صدري قبل بأسبوع بيوجعني وبحس بأعراضها وهلق ماحاسه بشي بس عم يطلع حب كتير وضهري عم يوجعني ونفسيتي زفت. والله غريبه ودايق خلقي وتعبانه نفسيتي لان ما اجت وبعد مااتأخرت 4 أيام حللت طلع سالب يعني 27 ميلادي ..... مابعرف ممكن هرمونات متلخبطه معي انتو شو قولكم ؟((((([COLOR="rgb(46, 139, 87)"]اي بنات انا اليوم طابخه بطاطا ملفحه مابعرف عم احتار ،،، وبكرا عيد ميلادي كل سنه وانا سالمه ههههه [/COLO
|
رد: تجمع حوامل سوريا-دردشة ورود سوريا-دردشة الغاليات
صباح النور ع الجميع كيفكن ..
اي حبيبتي الله يرزقك الذرية الصالحة يااارب بالنسبة للتحليل المنزلي انا كمان شي 3 مرات وطلع سلبي خط واحد ...بس بعد 15 يوم من الحمل طلع ايجابي والحمدلله ... ورحت لعند الدكتورة وشفت كيس الحمل وكان عمرو 20 يوم ...بس لهلأ ماشفت البيبي ادعيلي شوفو واسمع نبضو بكرى او يلي بعدو استني ليمضو ايام دورتك و حللي واذا ما اجتك الاحسن تشوفي دكتورة وانشالله ياااارب بكون حمل ...وياصبايا يلي عندا الخبرة تفيدها انا عم احكي يلي صار معي وهاد اول حمل يلي بتعرف تئلها ....انا مابعرف شو بدي اطبخ معي حالة غثيان قويييية ما عم ئئدر فوت ع المطبخ شو اعمل ؟؟؟ |
رد: تجمع حوامل سوريا-دردشة ورود سوريا-دردشة الغاليات
كيفكم صبايا ان شاء الله يا نغومة نسمع اخبار حلوة وتكوني حامل يارب
انا بحملي هاد ما بين معي من اول تحليل وتاني تحليل طلع خط خفيف يا دوب باين والتاني باين ان شاء الله تكوني متلي وتطلعي حامل يارب ياكريم شذى الله يعينك على الوحم بس ان شاء الله فترة وبتروح انا الحمد لله هاد الحمل ما توحمت بس بجوجو لتاسع وانا غثيان ودوخة يارب لك الحمد انا يا بنات ما عم اطبخ لاني خلصت تعزيل بيتي وبعد اسبوع ولادتي ما نفسي بيتي يتوسخ ههههههههههههه عم اكل عند حماتي تحت الله يخليها والله ما عم تقصر ههههههههه |
رد: تجمع حوامل سوريا-دردشة ورود سوريا-دردشة الغاليات
مساء الخير ياحلوين
اليوم صارت معي شغلات يالطيف عصبت من مشكلة صارت معي ئام بعد شوي لئيت في افرازات بنيية على شكل خطوط ئلت راح الولد بعيد الشر ...رحت فوورا ع الدكتوورة وطمنتني الحمدلله انو الجنين الحمدلله وبخيير وشفت نبضاااتو بينو اليوم الحمدلله ..بس عطتني مثبت قال احسن الحمدلله مافي تجمع دموي حول الجنين بس عطتني المثبت ئئال احسن وخااصة عهالقصف يلي حوليي الله يهدن يااارب .....اي حبيت خبركن شو صار معي ..المهم سمعت نبض لبيبي ادعوولي الله يتمملي بخيير أمانة ... |
رد: تجمع حوامل سوريا-دردشة ورود سوريا-دردشة الغاليات
السلاااااام عليكم
مساااااااااااااااااااااااااااااااء الخير ولا صبااااااااااااااااااااااااااااااح الخير ههههههه كيفكم ياحلوات ؟؟ إن شاء الله تكونوا بخير اشتقتلكم كتييييييييييييييييييييييييييييييييييير وبعتذر ع غيابي راح أقرأ إلي راح علي وأرجعلكم http://www.hwaml.com/up/uploads/1364943381252.jpg http://www.hwaml.com/up/uploads/1364943380881.jpg |
رد: تجمع حوامل سوريا-دردشة ورود سوريا-دردشة الغاليات
اقتباس:
السلام عليكم أختي الحمدلله رب العالمين والله يحفظلك جنينك يارب ويقومك بخير أنتي والبيبي يارب الله يحميكم يارب أنا أم ملاك ومالك كنت قديمة بتجمع وصارلي زمان غايبة hwaml93 وكتير مشتاقة لتجمع حبيت سلم عليكي وأدعيلك مع كل الود تحياتي (^_*) |
رد: تجمع حوامل سوريا-دردشة ورود سوريا-دردشة الغاليات
اقتباس:
والله يعطيكي ألف عافية يارب وإن شاء الله تقومي بخير وسلامة أنتي والبيبي يارب أي أحسن لا تطبخي بهل والله يخليلك حماتك يارب ويحننها عليكي أكتر وأكتر يارب بوساتي لجوجو مع كل الود تحياتي (^_*) |
رد: تجمع حوامل سوريا-دردشة ورود سوريا-دردشة الغاليات
اقتباس:
وبالنسبة لتحليل عادي جيبي الجهاز الحساس بين وإذا مابين وما اجتك وإن شاء الله ماراح تجيكي روحي حللي دم أنا أول حمل إلي مابين بالمنزلي أبدا" وقت قررت روح حلل دم طلعت حامل شهر ونص ويمكن أكتر هههههههه سبحان الله لذلك خلي أملك برب العالمين وإن شاء الله مارح يخيب يلا وبدي الحلوااااااااااااااااااان ها بجي لعندك أو بتبعتي ع القصيم مادخلني مووووووووووووواه ومرة تانية ينعاد عليكي بالصحة والعافية والفرح يارب مع كل الود تحياتي (^_*) |
رد: تجمع حوامل سوريا-دردشة ورود سوريا-دردشة الغاليات
اقتباس:
حبيبتي كيفك ؟؟ يارب تكوني بخير والله يقومك أنتي والبيبي بسلامة يارب شو قررتي تسميها ؟؟ إن شاء الله بتجي وتعيش وتحمل أسمها يارب بس نصيحتي إلك ياقلبي منعي طبيعي إحسن شي ومابيضر عندي بنت خالتي بعد أول بنت منعت وصارت تأخد حب وبعدها بكم سنة وقفت وقررت تحمل وهلق صار عمرها بنتها 16 سنة ولهلق ماحملت وعم تتعالج ماعم يمشي الحال قاللولها الحب عملها عقم وبنت حماي ركبت لولب وحملت hwaml02 ههههههههههه وعدا هيك بيأثر كتير ع صحتك ونفستيك فديري بالك ياقلبي وبالعكس جيبي بيبي تاني وربيهم سوا آحلى بتشوفيهم عم يكبروا قدامك وبتتسلي معهم الله يوفقك يارب مووووواه مع كل الود تحياتي (^_*) |
رد: تجمع حوامل سوريا-دردشة ورود سوريا-دردشة الغاليات
اقتباس:
الله يحميلك هي يارب يلا شدي الهمة وجيبي بيبي تاني يتسلوا مع بعض صارت عروس بوسيلي هي امانة وبالنسبة للولادة ياقلبي إن شاء الله كل ولادتك تكون طبيعي يارب ومابيصير غير الي كاتبو رب العالمين ,,, حسب مافهمت من كلامك يمكن تعذبتي متلي وبالاخص اول ولادة بنتي متت وعشت لدرجة نزلت من كرسي الولادة وصرت صرخ اتركوني بدي روح ع سوريا ههههههههههههه hwaml03 وبعدها بشهرين رجعت ع سوريا وعملت عملية تانية hwaml15 وقررت ماعيدها لبعد عشر سنين ههههههه بس لاتصدقي حملت بمالك وملاك عمرها 9 شهور تقريبا" hwaml7 وهلق حامل ب3 بين حملي وابني شهروكم يوم ههههههههه والحمدلله ولدت طبيعي ف يلا هي عم شجعك شدي الهمة مع كل الود تحياتي (^_*) |
رد: تجمع حوامل سوريا-دردشة ورود سوريا-دردشة الغاليات
اقتباس:
حبيبتي كيفك وكيف البيبي يارب تكونوا بخير وع قبال قياااامك بسلامة يارب وإن شاء الله تكون حلت عنك حماتك يارب الله يحننها عليكي ويبعدها ويسعدها يارب طمنيني عنك ماشاء الله عليكي نشيطة وفنانة بالطبخ نيال زوجك عليكي وصحلها حماتك هيك وحدة ولك بدي قلك جد شكلها بتغار منك hwaml02 أبوس قلبك أنا مع كل الود تحياتي (^_*) |
رد: تجمع حوامل سوريا-دردشة ورود سوريا-دردشة الغاليات
اقتباس:
بقترح عليكي أسم نغم يلا خبرينا شو سميتيها ونزلينا صورة العسولة هي وندوشة لحتى نشوفهم ربي يسعهم يارب مع كل الود تحياتي (^_*) |
رد: تجمع حوامل سوريا-دردشة ورود سوريا-دردشة الغاليات
كيفكم صبايا وين هالغيبة حبيبتي نغومة شو صار معك طمنيني
ام نايا وينك اشتقتلك لازم تكوني هون ليصير التجمع حيوي بسبوسة طمنيني عنك لتكوني ولدتي قبلي ههههههه ولا ليش غاطة ام ملاك الله يخليلك ياهن ويسهل عليكي حملك سيريا وشدى الباقي وينكم ما في لا حس ولا خبر |
رد: تجمع حوامل سوريا-دردشة ورود سوريا-دردشة الغاليات
اقتباس:
ومشان سؤالك عن هي الابرة انا قرأت عنا انو نسبة ضئيلة جدا بالمية بتسبب شلل وكمان فيها احتمال وجع ضهر بئا مافضلت أولد بهي الطريقة ولا حتى أيا نوع مخدر وحتى لو كان الطبيب شاطر يلي رح يعملها خفت وقلت لحالي مابدي نام بين القبور وشوف منمات وحشة وخوضي يابنت تجربة الولادة الطبيعية هههههههه وكانت تجربة غير شكل هههههههه انا هيك عم قلك عن حالي ومابعرف ازا بتاخدي آراء كمان في نسوان بيقولو انها بتجنن ومابتحسي بأيا وجع بقا شوفي انتي واستخيري ربك والله يسرلك ومشان وصفات الطبخات على عيني كل مابيصحلي بكتبلك شي وصفة وان شالله تعجبك |
رد: تجمع حوامل سوريا-دردشة ورود سوريا-دردشة الغاليات
اهلا وسهلا بام مالك
كيفك ياروحي وكيفن الحلوين ماشاءالله عليهن شو حلوين ومتفئين الله يخليلك ياهن وتئومي انتي والبيبي الجاي بخير وسلامة والله حبيبتي هلئ الحمدلله خالصة من حماتي الهن ٣ اسابيع ببيت سلفتي عندن مواعيد طبية وتحاليل الحمدلله من زمان ماحسيت هيك بهدوء نفسي وهلئ حتى ولو اجت مارح انزعج كتير لان الي فترة مرتاحة وهلئ زوجي آخد اجازة وعم جهز غراض للبيبي يعني وأخيرا فضيت لحالي شوي وانتي حبيبتي طمنيني شو اخبارك ولو سمحتي عرفيني عن حالك اكتر اظن انك من حلب بس أديش عمرك؟وين ساكنة؟امممم هيك يعني وصحيح حبيبتي بدي اسألك عن ابرة الضهر شو رأيك ؟ امانة بوسيلي ملك ومالك ودائما خليكي بالتجمع عم نشتئلك |
رد: تجمع حوامل سوريا-دردشة ورود سوريا-دردشة الغاليات
صباح الخير صبايا
تشتقك مكة ام جوجو الله يقومك بالسلامة مجبورة الخاطر يارب نغومة طمنينا عنك شذى اهم شي الراحة اهم من المثبتات راحة نفسية وجسدية والله يتمملك على خير ام مالك الله يخليلك ملاك ومالك وتقومي مجبورة الخاطر انا بحب متلك كل ولادي ورابعض وبعدين ارتاح وكلو شغل رب العالمين |
رد: تجمع حوامل سوريا-دردشة ورود سوريا-دردشة الغاليات
حبيبتي هديل ام نايا
تسلمي يارب ماشاءالله عليكي ويسلموا على كلشي ومشان الابرة كتير مترددة ومابدي خاطر الله يسهل ولادتي وما احتاجها بس رح صلي استخارة وشوف تيسير رب العالمين وفتة المكدوس اليو عملتها عطريئتك وطلعت كتير طيبة وعملت جنبا رز وعجبتو كتير لزوجي يسلمواااا ياروحي |
رد: تجمع حوامل سوريا-دردشة ورود سوريا-دردشة الغاليات
الله يسلمك منار وصحة وهنا
انا اليوم من الصبح فايئة متنشطة عملت فطور وعزمت زوجي عالفطور ههههههه صرلنا زمان مافطرنا سوا بيطلع بكير من البيت وصاير غدانا بكير كمان على أدان الضهر تقريبا |
رد: تجمع حوامل سوريا-دردشة ورود سوريا-دردشة الغاليات
ام جوجو اهلين فيكي حبيبتي
آخ لو تعرفي أديش مشتهية اولد وارتاح من هالتئل كأني حاملي براميل عضهري لاعم نام منيح وحركتي صعبي حتى الي شهر تقريبا عم صلي عالكرسي مافيني اسجد عالارض بنوب بينقطع نفسي ولما رحت عالدكتورة آخر مرة شافت اني منتفخة شوي وقالتلي عادي يصير هيك وانتي حبيبتي ماشاءالله ئربت ولادتك الله يئومك بالسلامة ومابتئصري مشان الاكل عند حماتك الله يديم المحبة والله يعطيكي خيرها ويكفيكي شرها وانا هلئ خلصت من العزايم بهالشهر عملت تلات مرات عزايم وانا تئصدت اعملن ئبل ماصير بشهري واتلبك وكمان عملت كبة كتير وفرزتها مشان لما كون تعبانة مااطبخ بس بطالعة وبئليها وعملت صفيحة وفرزتها كتير هيك بريح حالي خصوصي لما بكونو بيت حمايي عندي |
رد: تجمع حوامل سوريا-دردشة ورود سوريا-دردشة الغاليات
نغومة حبيبة ئلبي
انشاءالله تكوني حامل يارب واعراضك بإذن الله اعراض حمل جيبي جهاز اختبار حمل يكون ديجتال احسن وفيه كتير بنات ماببان معاهن مباشرة لان الاباضة بتكون متأخرة بس انشاءالله انتي حامل طمنيني شو صار معك لاتطولي الغيبة مشان نباركلك انشاالله |
رد: تجمع حوامل سوريا-دردشة ورود سوريا-دردشة الغاليات
اهلين حبيبتي روان تشرفت بمعرفتك
الحمدلله عسلامتك وسلامة البيبي ديري بالك عحالك والله يحمي كل اهل سوريا يارب وينصرنا على بشار الكلب واعوانو قريبا بإذن الله مابعرف شو بدي ئلك نيالك لانك بسوريا بس الله يحميكي ويحمي اهلي وكل اهل سوريا ويآمنهن فبيوتن واوطانن يارب وحبيبتي لاتتحركي كتير او تمشي خليكي اكتر شي متسطحة وشربي فوليك اسيد كتيييير ضروري وحب زيت سمك كمان وكلي شغلات فيها فيتامين سي لانو بساعد عتثبيت الحمل انشاءالله |
رد: تجمع حوامل سوريا-دردشة ورود سوريا-دردشة الغاليات
صبااح النووور كيفكن
|
رد: تجمع حوامل سوريا-دردشة ورود سوريا-دردشة الغاليات
ام ندوشة حبيبتي
طمنيني عالبنوتة كيفها؟ولسا ماسميتيها؟ انا بحب اسماء البنات;حلا-رشا-جنا-شهد-نغم-لما-لين-واسمك كتير حلو وبحبوا حكيلنا عولادتك مشان استعد نفسيا ههههه |
رد: تجمع حوامل سوريا-دردشة ورود سوريا-دردشة الغاليات
رح اكتبلك منار اكلك كتير بحبا اسما حرا بأصبعو
بما انك حبيتي الحمض بتصور بتحبيها مشهورين فيها اهل الشام بس بدها شغل كتير رح ئلك مقادير تقريبية يعني لشخصين اول شي بتجيبي معكرونة ببيونات انا لئيتا بالببيونات كتير منظرها حلو شي 250 غ وعدس مسلوق شي كاسة وكزبرة شي جرزة وبصل مقطع جوليان او شرحات شي بصلتين وسط وتوم شي خمس ست سنان توم بدها تمر هندي او دبس رمان بس التمر الهندي افضل لان الدبس رمان بيغمئها وللوش بتعجني عجينة والعجينة مثلا فنجان صغير طحين ورشة ملح وماء دافي للعجن ضيفي المي شوي شوي لتطلع معك العجينة ريحيها شوي وبعدين مديها وقطعيها بقطاعات صغيرة كتير بدك اشكال كمان بتصير وردات او دوائر انا ماعندي قطاعات من هادا الحجم بغسل غظا قلم الحمرا وبقطع فيه بيطلعو دوائر كتير صغار وبعدين بنخلون من الطحين وبقليون بالزيت وبصفيون وبئيمون على جنب وللوش كمان بئلي كزبرة مفرومة وتوم بس كتريون لان مناخد منون كمان لئلب الحرابأصبعو وللوش كمان شرحات البصل المقلية بس حمريها لتطلع مقرمشة واقلي كمان شرحات بصل بس لاتخليها تقرمش بس لحتى تطرا وتستوي هادا كلو بيتجهز لحالو بعدين منبلش بالطبخة بتسلقي عدس وبس يستوي منيح ضيفي فوقون مي ازا كانو ناقصين واسلقي المعكرونة وبس تستوي ضيفي الحمض التمر الهندي والملح وركزيهون مزبوط وخليكي عم تحركي وضيفي البصلات الطراية مو المقرمشين وضيفي تلت رباع الكزبرة والتوم المقلايين وخليكي عم اتحركي وارجعي دوقي الحمض وركزيه وازا لقيتي قوام الحرة بأصبعو مريئ ضيفي رشة طحين وحركي لازم القوام يكون شوي صغيرة جامد مو كتير لان عند السكب بيجمد وقبل ماتستوي بشوي صغيرة وتزبط جميع الطعمات معك ضيفي فنجان زيت زيتون وبعد السكب زينيها بالقرمشات يلي قليتيهون والبصل والكزبرة كنت بدي نزلك شي صورة من النت لان ماعندي صورة للحرا بأصبو تبعي مالقيت ولا وحدة بتشبه طبختي ههههههه من زمان كانو بدال مايحطو معكرونة كانو يطبخوها بالعجين نفس عجينة القرمشات بس بلا ئلي بينزلوها بعد سلق العدس وبيطبخوها بس انا لئيت المعكرونة كتير طيبة ومو تئيلة عالمعدة وأهم شي يكون حمضا ظاهر لهل أكلة |
رد: تجمع حوامل سوريا-دردشة ورود سوريا-دردشة الغاليات
شذا وانا ومنار مع بعض بنفس الوقت وااااااااااااااااااااااو النا زمان ماحدا عم يجتمع مع حدا كل واحد بيفوت بيكتب وبيطلع
|
رد: تجمع حوامل سوريا-دردشة ورود سوريا-دردشة الغاليات
الله يسلم اديكي حبيبتي هديل
والله كان بدي اسئلك عنها لان كتير بسمع اهل الشام بيعملوها وبشتهي اعملها وهلئ لما شفت المقادير كتير اشتهيتها بكرى انشاءالله رح تكون عشانا تفضلي يامعلمتي عنجد كتير يسلمو وهلئ رح سجلها بالدفتر بوساتي لاحلى نايا وام نايا الحلوين |
رد: تجمع حوامل سوريا-دردشة ورود سوريا-دردشة الغاليات
شذى الاسلام
حبيبتي لاتآخزيني كبتلك رد باسم روان خربطت بينك وبين روان آسفة حبيبتي صباح النور ههههههه بس انا هلئ رح ئلكن تصبحو عخير لان عندي ليل وفارطة من نعسي يالله انشاءالله نهاركن سعيد وانا نوم هانئ واحلام سعيدة هههه |
رد: تجمع حوامل سوريا-دردشة ورود سوريا-دردشة الغاليات
ان شالله تعجبك
وأكيد بيصلو البوسات وإلى اللقاء مع مطبخ هديل ههههههههههههههه لازم اعمل قسم هون بالمنتدى لطبخاتي ضروري ههههههههههه عم امزح |
رد: تجمع حوامل سوريا-دردشة ورود سوريا-دردشة الغاليات
عااادي حبيبتي على حسابك الشعب السوري واحد ههههههههههه
نووم الهنااا |
رد: تجمع حوامل سوريا-دردشة ورود سوريا-دردشة الغاليات
الله يسامحك ياهديل
مابئى فيني روح نام لانك بالتجمع مابسخى لان اول مرة منجتمع سوى وانا كتير بحب تكوني موجودة بتعرفي انا كنت فكر انو اسم الاكلة حراق اصبعو ههههههه |
رد: تجمع حوامل سوريا-دردشة ورود سوريا-دردشة الغاليات
تسلميلي شذا ئديشك متسامحة هههههه
ويسلم تمك الشعب السوري واحد بس طمنيني عم تاخدي الفوليك اسيد؟ |
رد: تجمع حوامل سوريا-دردشة ورود سوريا-دردشة الغاليات
أديش الساعة عندك منار وانو يوم انتي نحنا تقريبا 12 إلا ربع صباح الخميس انت مساء الاربعاء ما
رفيئتي يلي بأميركا حكيتلك مرة عنا ازا بتتزكري صارت بأريزونا أديش بعيدة عنك |
رد: تجمع حوامل سوريا-دردشة ورود سوريا-دردشة الغاليات
شذا ماسألتك حانة شي لأيام العزوبية هههههه أهلك قراب عليكي انا اتزوجت علغربة وكنت كتير بحب اني اتزوج وكون قريبة من اهلي بس سبحان الله كلشي نصيب
|
رد: تجمع حوامل سوريا-دردشة ورود سوريا-دردشة الغاليات
اي عم اخد الفوليك اسيد ...من اول يوم بالحمل ...
اي اهلي جنبي ...الحمدلله والله معك حق الغربة صعبة وخاااصة العرووس انا هيك وولي شو مشتائة لايام العزوبية الزواااج مسؤؤلية كبيرة بس يعني كمان هوة استقرار وشي حلو:) |
رد: تجمع حوامل سوريا-دردشة ورود سوريا-دردشة الغاليات
كيفكم بنات راح علي تجمعكم اليوم
والله اليوم فايقة دايخة كتير ومنافسي عم تخبط معقول عم اتوحم ههههههههههههههه؟؟؟؟؟؟؟؟؟ كتير تعبانة الله يكون بالعون |
رد: تجمع حوامل سوريا-دردشة ورود سوريا-دردشة الغاليات
صباح الخير جمعة مباركة ....اللهم عجل بالفرج والنصر والاخلاص من الطاغية بشار واعوانه...
|
رد: تجمع حوامل سوريا-دردشة ورود سوريا-دردشة الغاليات
امين يا شذى الله يخلصنا من بشار واعوانو والله قلوبنا عم تتقطع على سوريا
|
رد: تجمع حوامل سوريا-دردشة ورود سوريا-دردشة الغاليات
كيفكن ياحلويين
حبيبتي هديل وئتها كانت الساعة عندي ٢ الا ربع تقريبا بالليل وكان اربعاء ومشان رفيئتك اي بتزكر وانا بكاليفورنيا وايرزونا بعيدي عنا شي اربع أو خمس ساعات بالطيارة |
| الساعة الآن 05:35 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .