|
رد: ديوانية البحرين - دردشة حوامل البحرين - البحرينيات
اقتباس:
وطلع عندي التهاب في الابوال دابحني ماقدر انام اليل عطوني حبوب ويعني ماشوفه كلش خف hwaml85وقالو لي اشرب ماي واجد بس صدق تعبانه حدي احس روحي ثقيله غير ورجي الي كل دقيقه يشير ياربي سهل علينا ياربhwaml80 وام خليل عندش اسماء بنات واجد حليوه مثل ساره .أمل.فاطمة نور عيون امها اسم بنوتتي القمرhwaml84.دانه امممممم هي الي عندي ويعجبوني |
رد: ديوانية البحرين - دردشة حوامل البحرين - البحرينيات
فلونة..ههههههه
انا الثرمومتر لحين بكارتونه ما جربته .. من ماذركير..مالي قلب افتج شي..كل اغراض بنتي بكوارتينها هههههههههههه وناقصج فوط..وجمن لحاف بعد .. واللي يلفون البيبي بعد..وجمن دلاغ .. وجمن قحفيه هههههه بعد شنو؟؟هاي اللي في بالي خخ اي وزجاجات حليب..وحافظات حق حليب البودرة..وهذي اللي تحفظ الماي وووو امممممم تحركي على عمرج هههه ترى شهر ودشين التاسع وبعدها ماتدرين متى تولدين وانتي لحين اطبخين؟؟ شكله انا وايد قاصة على ريلي مسكين .. بالنسبة للوزن.. انا ما متنت بس دبتي تكبر وتكبر وتكبر..احس الثقل كله فيها..والحين مشدودة عدل..ما يندرى ما تخيلها تكبر..مع ان اللي يشوفها يقولون لي دبتج صغيرة |
رد: ديوانية البحرين - دردشة حوامل البحرين - البحرينيات
هلا روزز ،،،
انا بعد خذيت الثرموتر من مذركير وطلع ما يشتغل رحت علشان ابدله تدرين جيك الهندي الموجودين هناك طلعوو كلهم مو شغالين :P،، جربي الي خذتيه hwaml02 قلت حق ريلي بس ما ابي بابدله بشي ثاني وخذيت مشط وجمن شباكة انا مستعيلة ابي احطهم في الكبت بس امي تقولي نطري شوي ،، وانا ماعتقد اعطيه حليب صناعي ، ان شاء الله اقدر ارضعه طبيعي .. انا شايلة هم اكثر شي التوزيعات مادري ليش احس شغلتهم عباالة وملل .. انا نفسج ما يتغير شي فيني الا الدبة ،، واحاتي الجلد على قولتج لانه تطلع لي تشققات كرريهة :( باسألج للحين حبوب الحديد ما تاخذينه ؟ |
رد: ديوانية البحرين - دردشة حوامل البحرين - البحرينيات
اي رووز للحين اطبخ بس اطبخ يا غدى او عشى :p
واحط لي كرسي يم الفرن ماقدر اتم واقفة وايد ،، امس الله يسلمج حماي رايح حداق وقلت له ابي سمج فررش ،، وياب لي مسكين سويته مشووي اليوم حدددددددددده لذيذ وانا ماحب اكل المطاعم تنسد جبدي منه .. جم مرة انسى فيني دبة والصق في الفرن وتحترق الدبة ،، هالفقير الي في بطني يعاني hwaml02 شنو قررتي تسمين بنتج ؟؟ ترى جوود حلوو وماعليج من احد خاطررررررررررررري في معكروونة بالبشميل :( |
رد: ديوانية البحرين - دردشة حوامل البحرين - البحرينيات
السلام عليكم
شخباركم صادني من شوي صداع نصفي بسبب لفحه شعري رطب والدريشه مفتوحه ماشفت الا الم يزيد وتنمل وباقي شوي واعمى ماشوف واخذت حبتين بندول وتخدرت منهم والحين الحمدلله خفيت مابغيت يروح عني قلت هذا الموت يادافع البلا الحمدلله انتخيت بسادتي اححباب قلبي وماخيبوني صرت زينه الحمدلله فرق وايد الحين عندي الم لكن وين كنت حتى الشوف ماشوف المهم شخباركم متاكده محد برد عليي مشيتون كلكم |
رد: ديوانية البحرين - دردشة حوامل البحرين - البحرينيات
السلام عليكم ، شخباركم جميعا ادري تأخرت عليكم وايد بس حبيت ابشركم اني ولدت ولله الحمد وجبت احلى بنوتة شيخة ربي يحفظها لي من كل شر في تاريخ20/12 الساعه 1 الظهر والفال لكم يارب واي استفسارات انا حاضرة واتمنى تكونون موجودين هالحزة
|
رد: ديوانية البحرين - دردشة حوامل البحرين - البحرينيات
بنووووووووووووووووته حبيبتي وحشتيييييييييينا
hwaml60الف الف الفhwaml60 مبروك حمد لله على سلامتش وسلامت شواخه القموره hwaml7 ان شالله ماتعبتين في الولاده خبرينا عن الولاده شلون كانت hwaml87 |
رد: ديوانية البحرين - دردشة حوامل البحرين - البحرينيات
طفلوو ،، ما عليج شررر خفاشوو
بنت الاياووووويد ،، اهلييييييييين اخيرررن دشيتي وطمنتينااا الحمدلله على سلامتج وتتربى في عزكم ان شاء الله .. والله يخليها لكم ويبلغلكم فيها عرووس ان شاء الله ... اكتب الرد وانه مستااااااااااانسة حدي امطلعة ضروسي حتى ريلي يقول لي شفييج تضحكين جذي .. الحمدلله شخبارج وشخبار الولادة ؟؟؟ وين ولدتي ؟؟ وشخبار بنتنا تشاابه من ؟؟ لج وحشششششة .. وحشتنا سواالفج وااااايد .. |
رد: ديوانية البحرين - دردشة حوامل البحرين - البحرينيات
امس كنت اكل عصييدة وتذكررتج ،، بس ما نبي نتعبج بالاسألة والهذرة الوااايد
ريحي روحج وتحملي في بنتج ،، شخبارج معاها السهر والرضااعة وتعب الولادة ان شاء الله تأقلمتي مع الوضع اليديد؟ |
رد: ديوانية البحرين - دردشة حوامل البحرين - البحرينيات
الله يسلمكم تسلمون والله ، والله انكم دوم على بالي بس ماحصل وقت اني ادخل ، بصراحة ولادتي شوي كانت متعبه ودخلتي حق المستشفى ماكانت حق ولادة كان فيني الم خفيف وفحصوني من تحت تقولي توج 1 سانتي بس التخطيط مال البيبي مو طالع زين لازم يبيلج ترقيد ونحط عليج سيلان وزوجي في هالحزة دار راسه وخاف قالت له لاتحاتي بكرى الصبح بنتصل فيك تعال اخذها هالسالفه كان تاريخ 18 وقالولي ممنوع التلفون وزوجي تعب طاق وراد المستشفى وطبعا ممنوع يدخل داخل فكنت الاقيه يم الباب جنه حراميه هههههههههههه ويرد يروح وتميت على هالسالفة وعقب مامشى زوجي الا يات الدكتورة تقولي بكرى من الصبح بنحط لج طلق صناعي انا بطلت عيوني قلت لها الساعه جم تقولي سبع الصبح وعقب اشوفهم سكتوا عن الموضوع وتموا يحطون لي سيلان يمكن ولا سبع اغراش واتصلت حق دكتورتي منى الشرقي قلت يمكن تقولي لاتستعيلين لحين مايه موعد ولادتج وقلت لها السالفة الا تقولي ضروري يسوون لج طلق صناعي دام التخطيط مايطمن وقمت كلمت الدكتورة قالت لي ست المغرب بنحط لج طبعا عقب ماطلعوا عيني من الفحص السريري كل شوي قامت حطت لي نفس التحميله عشان تنظف بطني وعقبها بساعات الي اهيه الساعه ست المغرب حط لي حبة من جدام نفس التحميلة ولازم ماتحرك ساعتين لين تذوب الحبة ، انتوا موجودين ولا اكمل القصة وقت ثاني؟
|
رد: ديوانية البحرين - دردشة حوامل البحرين - البحرينيات
الحمد لله على سلامتك ياااقلبي
وسلامة البنووووووته |
رد: ديوانية البحرين - دردشة حوامل البحرين - البحرينيات
الله يسلمج تسلمين
|
رد: ديوانية البحرين - دردشة حوامل البحرين - البحرينيات
اول حمل لك؟
|
رد: ديوانية البحرين - دردشة حوامل البحرين - البحرينيات
كملي حبيبتي بنوته اندمجت وياش وتالي شنو صار؟؟؟؟؟؟
|
رد: ديوانية البحرين - دردشة حوامل البحرين - البحرينيات
اهلالالالالالالالالا اخيرا بنوته
الف الف الف مبروك والحمدلله على سلامتش وسلامة شيخة البنات شخبارش عساش طيبه خبرينا بشرينا نورينا قولي اكشناتش والاشياء اللي صارت قولي شلون الامومه قولي تشبه من شيختنا؟؟ الحمدلله رب العالمين فرحتتتتتتتتتتتتتتتتتتتتتتتت حدي حدي وكان ضايق خلقي وحزينه وفيني الصيحه واقول لزوجي لا تنام اقعد فيني حاله نفسيه لكن شفت الخبر وفرحت وايد يلا سولفي :) |
رد: ديوانية البحرين - دردشة حوامل البحرين - البحرينيات
وينش فتوته وين رحتين ننتظر تكملة القصه؟؟؟؟؟؟
|
رد: ديوانية البحرين - دردشة حوامل البحرين - البحرينيات
؟؟؟؟؟؟؟ وينكم؟؟؟؟؟؟؟
|
رد: ديوانية البحرين - دردشة حوامل البحرين - البحرينيات
هلا طفلي مافي الا اني وانتين الباقي شكلهم نامو
|
رد: ديوانية البحرين - دردشة حوامل البحرين - البحرينيات
اهلا حبيبة
شكلها بنت الاياويد راحت لشيوخه هههههه واحنا ننتظر على احر من الجمر باقي القصه |
رد: ديوانية البحرين - دردشة حوامل البحرين - البحرينيات
انااااااااااااااا باك
رجعت شقتي اووووه بنت الاياويد فدييييييييييييتج حمد لله على سلامتج ومبروك على البنوتة شيخة..دوم نفكر فيج والله يلا واصلي قصتج من طأطأ لسلام عليكم وشعورج..وكل شي ..يلا يلا مستانسة لج واااااااااااايد |
رد: ديوانية البحرين - دردشة حوامل البحرين - البحرينيات
اي والله يختش اني بنتظر ل 12 اذا مارجعت بروح انام تعبانه حدي
|
رد: ديوانية البحرين - دردشة حوامل البحرين - البحرينيات
فلونة لا لحين ماشرب الحبوب
باجر باجوف دمي جم وصل بالنظام الغذائي اللي سويته والله يستر اذا ارتفع بواصل عليه ولا علي من الحبوب اللي ايبون ضيقة الخلق .. انا مابي اسهر وايد علشان اروح اجوف باجر دمي بنت الاياويد وينج؟؟ |
رد: ديوانية البحرين - دردشة حوامل البحرين - البحرينيات
هلا روز
مره وحده اختفت بنت الاياويد راحت لشيخه اكيد واحنا ننتظر باقي القصه على فكره اني بعد باجر موعدي في المركز |
رد: ديوانية البحرين - دردشة حوامل البحرين - البحرينيات
ما باقي الا اني وفلونه واحلام ام ماعرفنه وشفينا
خاطري باجر ترضى تعطيني تلفزيون تتوقعون ترضى؟؟ موعد عادي هو بس بقول ماعطيتوني مايصير :( |
رد: ديوانية البحرين - دردشة حوامل البحرين - البحرينيات
يالله حبيباتي بتاريي خلصوووووووhwaml45 بروح اريحhwaml76
سي يو اشوفكم تومورو شكلها بنوته راحت لشواخه ونستناhwaml87 ننتظر تكملة القصه يلا سي يو تصبحون على خير hwaml95 |
رد: ديوانية البحرين - دردشة حوامل البحرين - البحرينيات
لا انا ما عندي موعد
بس بروح لخالتي تجيك دمي..تشتغل في السلمانية..وبخليها تجيك ضغطي و وزني مرة وحدة خخخ لأنه موعدي عقبه بيومين ولازم اجيك قبل الموعد طف طف وينج مختفية ما كو سهرة؟؟ |
رد: ديوانية البحرين - دردشة حوامل البحرين - البحرينيات
مع السلامه حبيبة حسوني
روز اني هني له معني تعبانه وراسي يألمني وعيوني والمفروض انام للموعد بس اعرف روحي بنتظر لين تنصك عشان ع الاقل انام واليوم قاعده من وقت وطابخه ونافخه |
رد: ديوانية البحرين - دردشة حوامل البحرين - البحرينيات
طف طف .. اي قولي لها وان شاء الله ترضى..وجوفي شنو يصير معاج
.. حبيبة حسوني..اووك الله وياج تيك كير وهابي دريمز |
رد: ديوانية البحرين - دردشة حوامل البحرين - البحرينيات
لا ان شاء الله تقدرين تنامين
انا بعد ما بطول وبقوم انسدح..مع ان مافيني نوم..بس اعرف روحي .. اذا سهرت ما بقعد من وقت..ومابي باجر يروح علي |
رد: ديوانية البحرين - دردشة حوامل البحرين - البحرينيات
تعالي روز اخذتين سرير لبنتش؟؟
المفروض ماتكملين كل شي لان التخفيظات بتصير الحين بالهبل جان انتظرتين تكملين يقولون تخفيظات مذركير حلوه ومحلات الاطفال |
رد: ديوانية البحرين - دردشة حوامل البحرين - البحرينيات
لا سويت لها سلة
لأن غرفتنا ما يكفي سرير بعد..بس اذا كبرت شوي جمن شهر بنسوي لها غرفة حقها انا تقريبا كملت اغراضها وثيابها بس بعد اذا طلعت اتشرى لازم اشتري لها جمن شي خخخخ ولين صار تخفيضات بعد بروح اجوف هههه |
رد: ديوانية البحرين - دردشة حوامل البحرين - البحرينيات
على قولة البنات من تصير عندهم اليهال الشراء كله ليهم وينسون نفسهم بالنسبه لحد الان ما شريت ولالالالالالاشي
|
رد: ديوانية البحرين - دردشة حوامل البحرين - البحرينيات
اني حجرتي حدها صغيره لدرجة اني بخلي الكومندينو ثنتينهم على جهه والسرير بخليه في صوب الطوف وبخلي السرير مال البيبي ان شاء الله مايصلح بدون سرير ولان سريرنا صغير
|
رد: ديوانية البحرين - دردشة حوامل البحرين - البحرينيات
يلا طف طف
انا بقوم .. لأن حكمت المحكمة اني اقوووم انشوفج على خير..و خبرينا شيصير لج باجر وحاولي ترقدين تريحين نفسج |
رد: ديوانية البحرين - دردشة حوامل البحرين - البحرينيات
في امان الله روز حكم القوي قومي شنسوي خخخخخخخ
اني بنتظر شوي شفت احد قعدت وياه ماحد جا قمت خاطري في بنوته بس صايره باصقه وتتاخر وايد واليوم ماعتقد تدخل الريل وصل ويش يدخلها هنا |
رد: ديوانية البحرين - دردشة حوامل البحرين - البحرينيات
عندي ألم في الأسنان من فترة ينتقل كل يوم صوب عفر يعدون بعض
ماغير اتحمله قد ماقدر وساعات اخذ بندول ويش اسوي في عمري بالذات انه يمتد للبلاعيم للاذون للراس الله الساتر بحملي السابق ياني في التاسع اشوى قريب ولادتي بس هالمره من وقت الحامل ماتسوي حتى حشوات؟ يعني علاجنا بس مسكن :( مالي خلق اروح المستشفى ماظنيت افتك منهم ومن سيلاناتهم الله لايعودها ايام طفلي شكلش نمتين عفر، ان شاءالله تسوي لش سونار وتخبرينا ويش فيش.. شموسه هههههههههههههههههههههه اني متاكده بنسبة ثمانين بالميه عن جنس البيبي جهزت اسم صبي من زمان بس اسم البنية ماهو في بالي احيانا اقول لا جنان، يا جنان خخخخ مادري خاطري في الاسم او زهراء... تدرين اخوي ولدت مرته يومين في المستشفى محتارين بين ستة اسماء وتالي عقرة بقره ههههههه وما شاءالله زين حديتيني على سالفة العطر باسوي عفر ههههه حنين وييسر امورش ان شاءالله وماشاءالله الله يجعل شهرش هذا من اهون الشهور وتولدين بالسلامه ان شاءالله تدرين اني كلما قربت الاشهر عندي اخاف اذكر الولاده يارب يسرها لنا ولباقي الحوامل يارب فلونه انتون جذي تخلوني غصب اعترف خخخخخ مشكل مسويه حركة حضرتي ههههههه ذكرتيني باختي في ولادتها هي تطلق وحالتها حاله وتصرخ على زوجها اسمع اذا بنية سمها فلانه واذا صبي سمه فلان ولا تقول تبي ولاد مره ثانيه هههههههههههههههه احنا نسمعها ونضحك ودارت لينا تصارخ لا تضحكوووووون هههههههههههههه حبيبة حسوني مشكله احيانا الاسم حليو بس احسه مايناسب ويا اسم بتي وولدي، اسم خليل من حلاته نابص ليي في الوسطة على جده شسوي هههههه على عمري خلي الله يحفظه.... بنت الأياويد ماشاءالله الحمدلله على سلامتش صرتين ام شيخه الله يحفظها من كل شر وننتظر تكملة القصة :) باقوم انام عليي قعده من غبشه اشوفكم على خير ان شاءالله |
رد: ديوانية البحرين - دردشة حوامل البحرين - البحرينيات
سلامممممو عليكم بنوتاااااااااات
شخباركم |
رد: ديوانية البحرين - دردشة حوامل البحرين - البحرينيات
السلام عليكم
صبحكم الله بالخير توني رجعت منالمركز طبعا عطوني موعد تلفزيون الاربعاء ان شاء الله يارب اتطمن ع البيبي وعلى جنسه ...... دمي ناقص :( عطوني حبوبات واشياءات ووصفة اكل وشسمه سيده تذكرت روز خخخخخخ يلا اهم شي البيبي يكون سليم ان شاء الله واني عادي بنوتتي ياخلف عمري مابينتين يالورده ماعليه اجازه مايصير بعد كل هالشوق وتقابلينه مايصير لان من لقى احبابه نسى اصحابه معروفه عشرة دايمه بحب وخير يارب للجميع |
رد: ديوانية البحرين - دردشة حوامل البحرين - البحرينيات
ام خليل يوم اشوفش في بيت يدي وتقولين فيش صبي نسيتين عفر لو داير راسش؟؟
اني استغربت يوم شفت التيكر وردي مو منش من ويع لضروس ماتشوفين شر اما اني مادري ويش هاللي يعور على قولتش هو فرحان لو فرحه عسى ربي يفرحني بشوفته سليم معافى يارب يارب يارب |
رد: ديوانية البحرين - دردشة حوامل البحرين - البحرينيات
بنات صاير عندي بدليات كتابيه بطريقه بشعه لدرجة اني ارجع ريوس وايد امسح واخر شي اغلاط الدنيا
لهالدرجه قصور الدم يسوي؟؟ |
| الساعة الآن 12:23 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .