|
رد: تجمع امهات التوام حياكم
السلام عليكم
ايش ابشركم توامي طلعو اسنانهم بس مره تعبانين |
رد: تجمع امهات التوام حياكم
السلام عليكم و رحمة الله
مبروك دلوعة عبودي تفرحين بهم , هي مرحلة التسنين صعبة شوي , ان شاء الله تمر بسرعة دعواتكم يا امهات نلتحق بكم قريبا في هذا التجمع آمل ان تجيبوني عن بعض الاسئلة في هذا الموضوع ,طمنوني الله يطمنكم http://forum.hwaml.com/t114009.html |
رد: تجمع امهات التوام حياكم
تسلميييين حبيبتي ع الدعووه
|
رد: تجمع امهات التوام حياكم
صبااااااااااااح الخير
والله ولهت عليكم واااجد بس لسه الغايبين غايبين وينكم يا امهات غروومه,احلى تونيز,زود الغلا , نونه ,الفراشه,رضاك ربي ,دلوعة عبوودي وان شاء الله مانسيت احد وشكله كل ما كبروا التونز يطلعون العين اكثر غروومه شخبارك مبرروك على المشي والله يعينك شكلك اختفيتي وترى ما قطعت الحليب لا مستحيل اخر اخباري نومتهم بسرارهم بغرفه لحالهم حمد الله وحطيت كاميرا عليهم الحمدالله رب العالمين وااجد تحسن نومهم وقللت صحيتهم بس لسه يقومون الفجر يرضعون ويرجعون ينامون والمشي شكله قريب يمكن الشهر الجاي ولا اللي بعده عاد الشي اللي يضحك ان ولدي توه يحبي ياحياتي طاير من الفرحه عاد انا ماني مستانسه اقوله لازم تمشي الحين ورجعت للدوام واخيرااااااا بعد انقطاع سنه وشغالتي كل يوم تجيني بشكوى مره بطنها يعورها ومره ركبتها وكل يوم تقولي اذا مشوا ايش راح اسوي بسالكم يا امهات اللي عندهم توام عندكم شغالتين ولا وحده صراحه ما عندي امكانيه اجيب 2 وخايفه انها تقصر معاهم وماتلحق خصوصا اذا بدوا يمشون الله يحفظ عيالنا من شر الشغالات ومن كل كل من به شر |
رد: تجمع امهات التوام حياكم
هلا والله فيكم جميعا كيفكم وكيف توينز آتكم
الله يعينى ويقوينى على تربية أطفالنا تربية صالحه اخر تطورات عيالي كلهم ولله الحمد يمشون بسم الله عليهم بس واحد مشيه افضل من الثاني الثاني يخاف مره يمشي شوي يناظرنا ويجلس والحمد لله على انه عندي اولاد من قبل بس سبحان الله التوام غير نعمه الله لا يحرمنا منها مها حبيبتي أنا موظفه وطبعا عندي شغالتين والله وحده للتو ينز ومعطيته شوي من شغل البيت والثانيه معطيته الشغل المتبقي لانه بصراحه الي عندها أطفال من قبل ومؤظفه مأتم في أبدا شغاله وحده خاصه الفترة هاذي فترة المشي والحركة لازم لهم متابعه والله يحفظهم يارب بناااااااات ساعدوني شريط توني ما يمشي من تعطف علي وتسويه لي ما اعرف اسوي للأسف ولادتهم كانت 18/4/2011 |
رد: تجمع امهات التوام حياكم
هلا حبيباتي اشتقت لكم حيييييييل حييييييل كيفكم وكيف عيالكم عساكم طيبين حبيبتي زود انا بعد وحده من بناتي متعلقه فيني حيل بس انا كل ماجت حضني انادي على الثانيه واشيلهم الاثنين تبارك الرحمن أخاف تغير من أختها والحمد لله ربي يحفظهم يااارب
|
رد: تجمع امهات التوام حياكم
سلام
أنا تؤمي بنت وولد يكملوا 7 شهور 29 جمادى ثاني أتمنى تقبلوني معكم |
رد: تجمع امهات التوام حياكم
ام احمد حياك حبيبتي
مهاوي مسكينة ما يكفي شغالة انا وشغالتي ومو ملحقين عالبيت وعالتوأم اخاف تقصر بتوأمك ومبارك العودة للعمل عقبالي بس لحين خايفة اتركهم الا بعد السنة صدقتي مهاوي كل ما كبروا كل ما صارو متعبين دلوعة عبودي مياركين الاسنان حمدلله طلعة الاسنان تبشر بالخير وتبشر ان صحتهم بخير وعافية انا طرت من االفرحة بس طلعت سنانهم ام عدي ربي يبارك لك فيهم اخبارنا بسم الله تبارك الله من بعد الاسنان صرت اقدر اوقفهم على رجولهم وانا ماسكتهم ويعشقون المشاية يحوسون البيت فيها ويعشقوا الالعاب والالوان بس صايرين جدا لحووحين ولازم اتواجد معهم بنفس الغرفة حتى لو يتابعون برامج اطفال ويصرووون على صياحهم بطريقة يستفزوني ويستفزون ابوهم متلهفة حتى يمشوون ويتونسون حتى لو لحقوني بكل مكان المهم مايضلون يصيحون حتى ارجع لهم حمدلله الشغالة طيبة معهم وهذا الاهم عندي ومشكلتي الثانية وحدة من التوأم تخاف من الناس وتصيييح اذا استغربت المكان ومافي شي يعجبها او يشغلها المشكلة مسافرة الخميس واكيد بتشوف ناس وايد عند اهلي وخايفة تتأثر نفسيا او صحيا الله يستر دعواتكم لنا متخوفة جدا من السفر خاصة هالامراض اشكال الوان اللهم عافينا لاتنسوني بالدعاء |
رد: تجمع امهات التوام حياكم
بسألكم لأن أكي عندكم خبرة تؤمي ما بقى شي ويكملوا 7 شهور ولسا ما جلسوا هل هالشي طبيعي لو لا
سمعت إنا التؤم عادي يتأخروا مع العلم إنا بنت عمهم أضغر بإسبوع وطلع لها سنين وجلست بعد وأولادي لساتهم |
رد: تجمع امهات التوام حياكم
مساء الورد ماميز شخباركم انتوا وعيالكم ان شاء الله الكل تمام
انا كنت مشغولة مع بنتي حدها كانت مريضة وتبهذلت معاها وللحين احسها تعبانة ودايخة وانا حدي صايره ثقيله الله يسهل علي وعلى كل حامل |
| الساعة الآن 11:50 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .