رد: دردشة حوامل مملكة المغرب - تجمع بنات المغرب
 

ايوا و الله معرفت الى بقا هادشي نقدر نمشي لطبيبة حيت انا خواافة كثر من شي الوسواس قاهرني
ليلى بصحتك العراضة يا الالة عند العكوزة ههه كيف راك لاباس عليك فين هاد الغبور واش كتعاودي
سناء فينك ياك منعستي قدام البيسي ههههه

رد: دردشة حوامل مملكة المغرب - تجمع بنات المغرب
 

اختي وئام الا مكنتيش مرتاحة لداكشي سيري لطبيب باش تهناي وميبقاش عقلك يدي ويجيب باش تطمئني

رد: دردشة حوامل مملكة المغرب - تجمع بنات المغرب
 

اه بصح غير انا جاني هادشي على غفلة ماشي ثقل شوية بشوية مرة وحدة حسيت بثقل بحال الى غيهبط شب حاجة ايوا الله يدير لي فيها الخير يا ربي شكرا بزاف ام اية ربي اخليك ليا طمنتيني

رد: دردشة حوامل مملكة المغرب - تجمع بنات المغرب
 

tandhak m3ak ahbibti bghit ghi nda7kek w nti w khaltak 3la rassi w3ini mais ghi siftili l'adresse dyalha hhhhhhwaml7hwaml7

رد: دردشة حوامل مملكة المغرب - تجمع بنات المغرب
 

nawal ki b9iti a hbiba labas?
wi2am nhar kbir hada awl mra ntla9a m3ak
sanae zartna lbaraka min dkhalti had nhar w tamantina 3lik
leila n3as hada win ya7la m3a le printemps

رد: دردشة حوامل مملكة المغرب - تجمع بنات المغرب
 

ana jit drbtha b wahed n3isa ewa ki dayrat
nawal labas 3lik amdra jibti tahalilik o ditihom l tbiba ola baki o ki dayrin 3ezbat 3yet ma ntsinakom sbah hta whda fikom mbanit
leila 3la slama mli dkhlti ne3asa b sbah o b 3shya hhhh daba tnfkhi ana n3as b lil mbkitsh tn3es mertaha f west n3as tnfik tlka rasi n3st 3la kershi o tadrni hya tatfykni
sanae o wi2am 3la slamtkom rah tatghibo khskom tkhlso khtya wakha dkhlo ri t9olo salam hna labas by o mtghibosh hkda

رد: دردشة حوامل مملكة المغرب - تجمع بنات المغرب
 

ختي شيماء منين تايوصل السيل الزبى ما كاتلقاي ما تصلحي فالعلاقات خليها دابا تندم حنا هنا فهاد الغربة كنا عوالين نلقاو على نحطو الراس فهاد الغربة ولكن صدق عكس اللي كنا كنتوقعو صافي اختي خليها مبروك ديالها ما غادي تزيد ما غادي تنقص ما غادي تبدل حتى حاجة
المهم بلا ما نطول عليك راكي عارفة قصة زواجي بان اخت راجلي هي اللي كاتعرف خالتي وخوها قالها قلبيلي المهم منين كمل الله وتم الزواج وشافت المسالة جدية ولات هازاه معايا ولات كاتقولي نتي هنا ما كتحديش ايلا جيتي لفرنسا غادي طيري ايوا ما نقووولش ليكم ولات دايرة معايا الكراهية ديال بصح ايلا لبست تعيب عليا وزيد وزيد بلا ما نطزل عليكم واحد النهار اتصلات بامي كنت باقيا انا فالمغرب قالتها كون سحابلي غادي يشوفها فديك التصويرة كون قطعتها قالتها راني ارتكبت جريمة المهم واخا هاكداك ما قلنا والو سرطناها وسكتنا ومنين جيت الحمد لله عند راجلي ولات تجي عندي وتقلب ليا الثلاجة وشنو تقديت ومنين كانتقدا وتحرشني على راجلي قوليلو يتقدا ليك من المحال الفلاني ولبسي الماركة الفلانية وايلا علاض ليك عائلتو بدري وضيعي واخا تعرفي ترمي فالزبل وقوليلو هادو هوما العرايض وايلا ماعجباتكش شي حاجة رميها فالزبل وقوليلو يشري ليك غيرها وايلا طلعليك بيت النعاس فراسك منين تخملي كل نهار ديه وجيبيه حتى يتهرس ويبدلو ليك وزييييد وزيد حسيت بخالتي ما بغاش ليا الخير وتصل بيا يوميا فالتلفون شفت راجلك مابغاش يهضر معايا مالو واش محرشاه ودارتلي ضحكة المهم قلبي بغا يطرطق وتسيفط ليا بناتها ما نعاودش ليكم يجيو ويتقطعو من الكارو وينوضو يدابزو ليا فالدار الشعر تايطير فالسما او ولاو يخرجوني معاهم وانا قلبي غادي يسكت بالخلعة والبنت كاتسوق كاطيييييييييير تانقول صافي تقلبنا هنا تقلبنا هنا
وخاصها نمشي عندا ديما وايلا ما مشيتش تتصل باخت راجلي تقوليه مال خوك مانع عليا بنت ختي وايلا مشيت خاصها نشقا ليها وايلا ما شقيتش تتصل بامي تقوليها ليلى جات عندي ودافعة كبير وشافت الزربية فلاطيراس وماصبناتهاش ليا وما جمعاتش معايا وزيد وزيد المهم القهرة ما تخليكش على خاطرك وانا كنت جيت فشهر سبعة الصيف ورمضان ياختي هوما ماتايعرفو لا ربي لا عبدو حتى واحد فيهم ما تايصوم ونمشي نلقاهم عريانين فلابيسن لا خالتي ولا بناتها ولا راجيها ولا ولدها كلهم كبار وتايكشفو على بعضهم او واحد النهار جاو عندي وخرجوني معاهم خالتي وبنتها ودازو لماكدونالد وقاتلي خالتي وخودي ليك شي حاجة قلتها ياخالتي الله ينجيني حتتى ناكل رمضان وتايقولولي انا معقدة
عرفتو ايلا جيت نعاود ليكم غادي تحماقو هادشي غير مختصرات وعندي خالي وخالي اخر هنا وحتى واحد ما تايسول فيا انا منين جيت عرضت عليهم وهوما وتقولي واش يقولو عندنا بنت ختنا وجديدة هنا وما عارفة حد وكاتقنط انا كنت مرة مرة نتصل بيهم ولكن منين شفتهم ما داينهاش فيا شديت يدي
وخالتي اتصلت بيها قلتل ليها خالتي نهدر معاك بلا ندور عليك لانتوما من سمهمي ولا انا من سهمكم كل واحد يبقا فبلاصتو
ومن رمضان يا صحاباتي ما تانشوفم ما تايشوفوني حملت ما عرفوني واش حاملة مرضت ما عرفوني واش مريضة
واتصلت بامي وابي عايرتهم لانهم ما هدروش معايا منين قطعت علاقتي معاها انا واليديا عارفيني ما غاديش ندير هاد التصرف الا لما عرفت واتخذت القرار الصائب ودابا ما كاتهدرش حتى مع مي

وانتي ياختي شيماء خالتك ما هي الا نمودج من خالتي ايلا كانت عليك بالضرورة وتفقصك خليها مبروك ديالها تزيدها فراسها
ايوا طولت عليكم ولكن انا عاودت ليك غير باش ما يبقاش فيك الحال باش تعرفي بانه ماشي غير بوحدك اللي وقع ليك هادشي

رد: دردشة حوامل مملكة المغرب - تجمع بنات المغرب
 

ختي سناء او وئام على سلامتكم ختي وئام الله يعطيك الصحة كيف دايرا مع التقل دابا راك بديتي انا بديت نتقل فخمس شهور انا اللي غابرة ياك ماشي نتيا انا راه ديييما هنايا نتي اللي غبرتي نتي ولمياء وسناء كاتخليونا مشطونين عليكم
ختي هيام اش خبارك واشنو قالولك على ديك التحليلة

ختي نوال الله يسول فيك الخير انا راه ما دخلتش بحالك اليوم عندك الحق اختي نخرج شوية قتلاتني الدار واش خرجات ليك النتيجة ديال التحاليل ولا باقي وكيف دايرين البنوتات

سهومة هاني جيت الحبيبة ديالي وراكي خلعتيني منين كتبتي راكي كاتنعسي على كرشك واش حماقيتي ما تبقايش تنعسي عليها يا صاحبتي

رد: دردشة حوامل مملكة المغرب - تجمع بنات المغرب
 

اسماء الحمدو الله احبيبة انا وبناتي لاباس هد الساعة ونتيا الله يشافيك ويرزقك الله الحمل سليم
سهام كيف بقيتي احبيبة ان مسليتش صباح كاع مذخلت كيف بقيتي مع تقل ومع رجيم مزال ممشيتي لطبيب
انا جبت هد العشية تحاليل ولاكن مزال مشفتهم طبيبة حتى الغذا ان شاء الله
اختي ليلى حتى نتيا هازة فقلبك سبحان الله بنادم قباح منين تشوفي خالتك وخالك دايرين هكذا شنو يتسنا من البراني او صبر تم صبر والله ميضيعك احبيبة

رد: دردشة حوامل مملكة المغرب - تجمع بنات المغرب
 

خرجات تحليل ولاكن مزال مشفتها طبيبة حتى الغداء يسول فيك الخير اختي ليلى لبنات لاباس هد الساعة الحمدو الله