المشاركة الأصلية كتبت بواسطة نبض الشوووق (المشاركة 790251)

هلا بنات اخباركم
انا يا اخوات كنت مرقده في المستشفى ومن صار الوقت 7مساء ووليلة الاحد جانى طلق ومن بعد الكشف طلع فاتح عندى 4 نزلونى للولاده بس كان الطلق بصراحه بارد يعنى عادي عندى والكل ما جاو يكشفوون عندى يقلون زاد في الفتح وانا مستغربه من نفسي انى اتحمل الالم بس حمدربي قلت يمكن رحمه والكل يصارخ المهم فتح عندى 6 سانتى جات الدكتوره قالت عطوووها ابرة مسكن انا رفضة بصراحه بس قالت لى لانه انتى مسويه عمليه قبل لزم تاخذينها المهم عطونى منه انا نمت منها وراح كل شي ومن جلست من النوم ولا شي فيني
وبعد الكشف قالت لى 7 انا استانسة مره وبعدها قالت لى 7ونص الى 8 سانتى
بس باقي لي 2 ولاده انا ما كنت مصدقه وبعدها اشوووف راح كل الالم الى فيني انا بس جالسه اطالع في الجدران واسمع اصراخ الناسواخر شي طلع انه الطلق برد وقفومن بعد الكشف طلع عندى فاتح بس 5 سانتى
بعدها قرارو لى عمليه بس الدكتور المسئؤل عن حالتى والله يسامحه قال تنتظر الين موعد الاستراحه بين العياده تخيليو قررو لى العمليه الساعه 9 الصباح وقت الاستراحه الساعه 12 الظهر
وانا جلسة الطلق من ليلة الاحد الساعه 7 الى يوم الاحد 9صباحا
انا خفت قلت لهم مافي احد غير هذا الدكتور خلاص سوو لى عمليه الحين وما في احد عطانى وجه وقالت لى الدكتوره الحين الجنين الكويس ما يحتاج نستعجل على العمليه اذ تعب استعجلنه انا هناء النقهرت واتصلت على زوجي بس يازيد كانك ما غزيت مع زوجي واخر شي قررت انى اقوووم من السرير وانا اصارخ واقول جيبو لى الدكتور او سوولى عمليه انا بقوووم انادي له من العياده وهم جلسوو يهدون فيني وقمت وخرت عنى المفرش ورحت اشيل التخطيط وانا جالسه واخر شي شفتهم ما عطونى وجه ورجعت وانسدحت مره ثانيه واستسلمت الين الساعه 12 نزولونى وبعد الانتظار تخيلو الدكتور الى ناوي يسوووي لي العمليه ما سووواهااااا هو سواها غيره طبعا انا طلبت بنج نصفي علشان اشوووف كل شي
بس الحمدالله على كل حال تمت العمليه بنجاح
بس خوووفي على الجرح انه يلتهب واتوهق