|
رد: .·¤ تجمع الحوامل اللي ولادتهم في محرم¤·.
نوقا ايوا بتولدي قبلي وعروستك بتحلو وتطلع لها خدود بعدين يشرف وليدي خطيبها طبعآ ههههه
مسك اي والله صادقه الحمل تعب في تعب الله يعوض امي ع الي شافته في حملي انا واخواني تو احس فيها ام التوينز لبى قلبك يارب يسعدك |
رد: .·¤ تجمع الحوامل اللي ولادتهم في محرم¤·.
ام عبدالرحمن ..
ياهلا فيج بيننا ربي يتمم لج ولنا على خير ان شاء الله ويسهل علينا .. ام يارا .. على طاري التشققات والصحاري ههههه والله ان كل شي يزيد بالتاسع .. انا كل يوم اشوف جسمس بالمرايه انصدم من شي جديد ! يالله ! والله ان كل هالشهور دلع بدلع .. التاسع كل البلاوي تظهر فيه .. غير ان كرشتي شكلها غريب صاير .. ونازله .. الله يعين بس .. ربي يفرح قلبج وقلب زوجج بالنونو .. ومبروك التاسع ياقلبي .. لا تحاتين ما عليج الا العافيه .. وفيه ناس يعظمون الامور وبس يبون ينكدون علينا مو عارفين شلون ! والله انا من حملت وعندي اخت بس تنكد علي عيشتي ! كل مره تحسسني ان الحمل شي ووع ويذبح والوحده ماتعيش حياتها ! امي تقول لي وش عليج منها ! هي تعالجت وعملت المستحيل عشان تحمل ! بس مدري وش تحس فيه لما بتنكد علي ! حتى شكل جسمي تعلق عليه وتحسسني ان صعب اضعف بعدين !!! الله يهديهم بس .. لو ما كنت اقرا كثير واعرف كنت تعقدت من الحمل ! قصيميه وافتخر.. والله هو تعب وثقل .. والمزاج يقلب في الساعه الوحده عشرين مره ههههههه .. الله يعيننا على التاسع وبلاويه .. ام التوينز .. ياقلبي عليهم ربي يحفظهم ان شاء الله من كل شر .. ماشاء الله تبارك الله .. ربي يخليهم لكم.. ولزوم يدلعونهم فديت قلبهم .. وان شاء الله يكبرون وتشوفينهم يركضون ويزعجونج بالبيت مع اخوانهم .. وانا بعد زوجي يقول بو شواخه جات صغيره حيل ما بقدر اشيلها ههههههه امي تقول له من الحين تفكر بهالشي ! ههههه تووت وفنونا.. والله نفس الشعور والوساوس تجيني .. امس نص الليل كلمت زوجي وبس ابكي .. يقول وش فيج خاف على باله ولاده .. قلت له متضايقه وحاسه نفسي خايفه مدري من شنو ! فيني خوف وضيق واحساس غريب .. وكله خايفه يصير بالبيبي شي لا سمح الله .. وتجيني تخيلات غريبه ! اعوذ بالله من ابليس .. مسك .. هلا فيج يالغاليه .. اي والله صدقتي .. انا بعد صايره جي .. امي تسولف معاي وانا بالي بعيد .. حتى المغرب قعد معاي زوجي يسألني وشفيج احسج متضايقه ! قعدت بس ابكي .. اقول له احس نفسي بروحي .. مافي حد جنبي .! وهو يقول تعوذي من ابليس مو زين للنونو .. ويقنعني ان اهلي معاي وامي واخواني وهو .. بس اقول له انت غير لما تكون معاي .. متعوده اصبح وامسي عليه وعلى بيتي .. الحين احس نفسي ضايعه بدونه .. حتى لما اسولف مع اهلي وامي ما احسها تفهمني مثله ! الله يعين بس .. من جد الدكاتره يجيبون المرض هههههههه انا للحين مقهوووره على الدكتورة المصريه اللي دخلت عليها ! شكيت بلحظه انها مو دكتورة! انا اتكلم اكثر منها والله ههههههه بقايا .. ربي يسلمج من كل شر يالغاليه فديتج .. ربي يسمع منج وييسر لنا ولادتنا يالغلا .. |
رد: .·¤ تجمع الحوامل اللي ولادتهم في محرم¤·.
يله حبوبات صحيو بناتي بدء دوامهم سامحوني وحللوني واستودعكم الله
|
رد: .·¤ تجمع الحوامل اللي ولادتهم في محرم¤·.
ام دانه وديمه صح معاك حق الحمل الثاني يكون عند الوحده خبره بس انا من يوم عمتي قالت هالكلمه وانا اقلبها في راسي اقول يعني ليش ليش واسأل زوجي اقوله صح الي تقوله امك <<مرعوبه يقولي اي معروف هههه مسوي نفسه فاهم الحق ع الي يسألك وش عرفك انت هههه طلعت حرتي فيه المهم قلبتها براسي وقلت يمكن يكون صعب لأن بيكون في مسؤوليات غير الحين ماشيل هم غير نفسي والي بطني بس اخويا مرض وجاء عندي صغنون فديته وحسيت بالمسؤوليه والتعب من جد
|
رد: .·¤ تجمع الحوامل اللي ولادتهم في محرم¤·.
اقتباس:
بحفظ الله يالغالية الله يعينك |
رد: .·¤ تجمع الحوامل اللي ولادتهم في محرم¤·.
نوقا ..
ربي يعين .. في بيت اهلي ما اقدر امسك الجوال من كثر ما يسولفون اهلي.. ههههههه .. ولو بمسكه تشوفيني العب .. ربي يطمن قلبج .. من جد مضايقتني حركتها قليله .. وتخليني افكر فيها بزياده .. ما صرت احس برفس نفس قبل ..احس بس بحركه خفيفه وكأن بطني يتمدد على خفيف .. بس لو احط ايدي ما يبان كلش.. الله يسهل علينا يارب.. ام التوينز .. ربي يحفظهم .. ويعينج .. في حفظ الله يالغلا . . |
رد: .·¤ تجمع الحوامل اللي ولادتهم في محرم¤·.
ياري ياربي يامراوي والله شي يخوف تقولين تزيد بالتاسع ياربي ببكي وش اسوي انا الزم ماعلي شكل كرشتي عندي فوبيا مابغا جسمي يخترب يارب يلطف كفايه الي طلعو مشوهين ماابغا اتشوه زياده يارب يسترها علي ماتخيل شكلها بعد ماولدت ويروح الشد احسها بتكون فظيعه وقبيحه تهئ تهئ
ومشكوره الي يقر عينك بشواخه استودعيها الله كل يوم ام دانه وديمه الله معك الله يحفظهن لك يارب |
رد: .·¤ تجمع الحوامل اللي ولادتهم في محرم¤·.
ام التوينز .. نشووفك على خير
ام يارا .. لاتوسوسين وهذا كلام العجز والله دايم امي تقول لي لو جدتك عايشه كان ماسلمتي منها تقول بكريه وتتالم استحوا كل حمل له المه وتعبه وسلامته اخووك ماايشوف شر |
رد: .·¤ تجمع الحوامل اللي ولادتهم في محرم¤·.
من جد الدكاتره يجيبون المرض هههههههه انا للحين مقهوووره على الدكتورة المصريه اللي دخلت عليها ! شكيت بلحظه انها مو دكتورة!
انا اتكلم اكثر منها والله ههههههه ههههههههههههههه ربي يسعدك ضحكتيني وربي |
رد: .·¤ تجمع الحوامل اللي ولادتهم في محرم¤·.
نوقا اي شكله كلام عجز اكيد كل حمل وله تعب ويارب يستر علينا بس
|
| الساعة الآن 11:13 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .