|
رد: تجمع حوامل ليبيا
اقتباس:
السلام عليكم ورحمة الله وبركاته ... كيف حالكم كلكم يابنات ..؟ رغودة ... صحيتي حبيبتي .... وان شااء الله يااارب الشهر الجاي نفرحك بحملي يااارب .... وشكرا على الإهتمام هذا كله ... بارك الله فيك |
رد: تجمع حوامل ليبيا
اقتباس:
راية " مخططة " ههه ... أهلا وسهلا بيك حبيبتي .... وآني ليا متزوجة سنة وشهر ... ولتوا ربي مارزقنيش والحمد لله .... انتي شني سبب تأخرك في الحمل .... ووين تعالجي ؟؟ |
رد: تجمع حوامل ليبيا
متفائله كيف حالك اليوم
|
رد: تجمع حوامل ليبيا
ميمونه وينك بنقولك عالموضوع الخطيييييييييييييير علاش ما ادوريش اه اني حرجت منك
|
رد: تجمع حوامل ليبيا
اقتباس:
الحمد لله كويسة وبخير ... كيف حالك انتي ...؟؟؟ وربي عاونك ان شااء الله على الوحم ... استمتعي بيه هذا نعمة من ربي |
رد: تجمع حوامل ليبيا
يسلمك ربي متفائلة تقريبا نفس المدة اني وياك متزوجين ... اني يا ستي بعد 6 شهور من الزواج قلت خلي نمشي نكشف ومشيت لعيادة المسرة دكتورة سعاد كشفت عليا وقتلي عندك شوية التهاب عطتني دواء وقتلي خودي فوليك اسد وعطتني تحاليل في ايام معينة من الدورة وبعدين رجعتلها شافت التحاليل قالت كله سليم الا عندك ضعف تبويض وعطتني كلوميد وقتلي خوديه وراجعيني ايام كذا ورجعت قالتلي اوكي بويضاتك توا وان شاءالله حيصير حمل هالشهر ولو مصارش عاودي خودي كلوميد وارجعيلي لكن مصارش ومعاودتش خديت كلوميد ومعدش رجعتلها وقتها ظروف البنزينة والاحداث قلت خلي لين تستقر البلاد ان شاءالله ونفتكو من معمر بعدين نكمل علاج ولكن لا يخلو الامر من بعض المحاولات جربت زنجبيل قالو يقوي المبايض لكن ما صار شي وجربت خلطة لوز وعسل وماصار شي والحمدلله على كل حال وتوا ان شاءالله بنرجع نمشيلها اصلا نحس في الالتهابات رجعت لان حالتي مش طبيعية الشهر اللي فات تأخرت عليا الدورة اسبوع اول مرة فرحت نحساب روحي غر حامل بعدين شرفت الهانم ...المهم هذي خلاصة القصة مطولها ولا بالتفصيل الممل ههههههههههه
|
رد: تجمع حوامل ليبيا
متفائله حالي باهي خيرك نحس فيك طايرتلك مني مزعلك يا حلوه
|
رد: تجمع حوامل ليبيا
http://t2.gstatic.com/images?q=tbn:A...9tSLrD37aFdu6g
ميمونه وينك انت وعيون ها |
رد: تجمع حوامل ليبيا
اقتباس:
إن شااء الله ربي يسخرلك يااارب ... وشنو هادي الدكتورة سعاد يشكروا فيها ... وكيف تمشيلها للمسرة تلقي هلبا زحمة والا باهي ... ويااارب يااارياااية نحمل آني واياك الشهر هذا يااااارب ربي ما يحرمنا ان شااء الله يااا رحمن يااارحيم ... وبالععكس ماطولتيش ... |
رد: تجمع حوامل ليبيا
اقتباس:
لالا آني مش طايرتلي عادية .... لكن "أم وسونة " هيا اللي شكلها قاعدة زعلانة مني وماخشتش اليوم ..... ماتوقعتش انها تاخده هكي بكل الموقف ... وقررت اني ماعادش بنبصر مع حد .... ماداما بصارتي ما تصلحش ... وطلعت صاحبة النوايا السيئة .... خشيت بنغير جوي ... لكن الله غالب ... أم وسونة نتمنى انك ماتكونيش زعلانة مني .. |
| الساعة الآن 01:48 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .