|
رد: تجمع حوامل سوريا-دردشة ورود سوريا-دردشة الغاليات
حسبي الله ونعم الوكيل الله يشفي زوجها ويحميلها بناتها
والله زعلت بس كل شي من الله الحمد لله |
رد: تجمع حوامل سوريا-دردشة ورود سوريا-دردشة الغاليات
صباح الخير بنات
لاتآخزوني عم غط كتير لان جاييتني نوبة تعب من الحمل وخوف من الولادة او الاصح رهاب ههههه لان اهلي بعيدين عني وحاسي اني كتير بحاجة لتكون ماما جنبي نغومة والله زعلتيني عميار كتير ياحبيبتي مالحئت تفرح بشوفة اهلها هاي لان حماتها مو رضياني عروحتهن للبنان الله يشفي زوجها ويئوم بخير وصحة وسلامة ويحفظ اولادها يارب ازا عرفتي شي طمنينا عنها ام جوجو كيفك حبيبتي الله يئومك بخير وسلامة انتي وحمودة انشاءالله انا يوم الاربعاء رحت عالدكتورة وسمعتني دقات قلب البيبي وطمنتي انو لما وقعت عالارض ما اتأثر البيبي الحمدلله وعطتني موعد بعد اسبوعين بكون انشاءالله دخلت بالتاسع نايوتا كيفك حبيبتي صار لازم تفكري تجيبي اخ او اخت لنايا بيربو سوى وبيلعبو مع بعض هيك نايا مابتمل بالبيت سيريا كيفك وكيفها البنوتة وشلون استعدادك للولادة! ام ندوشة حبيبتي طمنيني شو اخبار الحمل وكيف استعدادك للولادة انتي وام جوجو مجربين الولادة مافي عنكن رهبة متلي الله يئومنا بخير وسلامة ومشان الاسماء يللي عم تفكري فيها كتير حلوة وانا بقترح شهد-جنا-رغد-ميرا-تالا -رشا-جود-غزل عاسم اختي عم اعملو دعاية هههههه باقي البنات بسلم عليكن كلكن ولاتآخزوني ازا مازكرت اسماء لنحكيلكن عالطبخ شوي بما انو صاير تسلايتي هههه مبارح طبخت رز بفول وكبابة بالفرن وسلطة وعيران واليوم عملت محاشي وسمبوسة بحشوة اجبان مختلفة وعملت حلو تشيز كيك بالفرن طلع روعة وانتو حكولي شو طبختو ياشيفات هههههههه صحيح ومن يومين عملت معمول بالجوز بس مازبط معي لان عملتو بس بطحين وحطيتلو خميرة هاي الطريئة اول مرة بجربها وطبعا آخر مرة لان طلع طري كتير وقوامو كتير هش ونفش معي بقى مين فيكن عندو طريئة معمول طيبة ومايكون هش كتير وخاصة بنات الشام يالله حبيبات ئلبي انتو شاطرين بالمعمول وبدي الوصفة تكون مجربة ومضمونة لاني كتير بحب المعمول ومعدتي مو حقل تجارب |
رد: تجمع حوامل سوريا-دردشة ورود سوريا-دردشة الغاليات
شلونك بسبوسة حبيبتي الله يقومنا بالسلامة
كلنا خايفين من الولادة صح انا مجربة بس كنت عند اهلي يعني دلال على الاخر بس هلاء لحالي ان شاء الله الله معنا انا ما عم اطبخ صرلي فترة عم ناكل عندحماتي كل يوم والله كتير تعبانة وحاسة بملل من الحمل نسيت شي اسمو نوم وراحة وانا عندي موعد السبت الجاي عند الدكتورة يعني بعد اسبوع وقالتلي بكون بالتاسع والله تلخبطت وانا حاسبة اني اقل ما بعرف على حساب مين امشي لان قالتلي رح ولدك بنص التاسع لان رح اولد قيصري يعني باقي شهر او اقل الله اعلم طولت عليكم بس شو بدي ساوي من الملل حابة اطبخ بس ما عم اقدر قوم بس حماتي الله يخليها ما عم تقصر هالفترة |
رد: تجمع حوامل سوريا-دردشة ورود سوريا-دردشة الغاليات
وينكم ليش ما دحدا عم يدخل
|
رد: تجمع حوامل سوريا-دردشة ورود سوريا-دردشة الغاليات
مساالخير صبايا
شو ليش هيك غاطين الو التجمع فاضي قرن ههههههه نغومة طمنيني عنك حبيبتي شو اخبارك عاشقة جوجو كيفك حبيبتي انشاالله بخير ام نايوتا كيفك حبيبتي صايرة ئليلة فوتك عالمنتدى عم اشتئلك ام ندوشة كيفك حبيبتي من زمان ماطمنتينا عنك شو اخبارك واعتمدتي على اسم للبيبية ودخلتي شهرك ولا لسا؟ سيريا كيفك حبيبتي كمان عم نشتئلك يادلوعة التجمع هههههه كأنك عم تدللي علينا شوي هههه ام مالك حبيبتي الف مبروك الحمل و شو طلع جنس البيبي؟وشو اخبارك واخبار الحلوين ملوكة ومالك؟ بائي الصبايا من دون ماأذكر اسماء شو اخباركن انشاالله أموركن بخير |
رد: تجمع حوامل سوريا-دردشة ورود سوريا-دردشة الغاليات
انا موجودة كل يوم عم ادخل التجمع ما بلاقي حدا
وهلاء راحو بيت حماي على العمرة الله ييسرلهم وانا زعلانة لانو من زمان ما رحت على مكة بس جوزي خاف علي روح قالي انتي يومين وبتدخلي التاسع بركي صار معك شي بالطريق يالله ان شاء الله بس اولد بروح |
رد: تجمع حوامل سوريا-دردشة ورود سوريا-دردشة الغاليات
والله حبيبتي ام جوجو هيك احسن وأأمن بلكي انشاءالله بعد ماتولدي بالسلامة بتروحي الله يطعمنا جميعاالحج والعمرة
هلئ عرفت من نغومة خبر سيء ومصدومة كتير وزعلانة زوج ميار ام هنودة عطاكي عمرو توفى نتيجة الحادث لاحول ولاقوة الابالله بئى يمكن بائي البنات بيعرفو الخبر مشان هيك ماحدى عم يدخل الله يرحمو انالله وانا اليه راجعون |
رد: تجمع حوامل سوريا-دردشة ورود سوريا-دردشة الغاليات
لا حول ولا قوة الا بالله
متاكدين من الخبر والله انصدمت حدا يخبرنا شو صاير |
رد: تجمع حوامل سوريا-دردشة ورود سوريا-دردشة الغاليات
مسا الخير يا صبايا كيفكون هلأيام
( ميار ما عندها نت بلاب توب وحتى ايميلها ماعم تفتحو ( حسبي الله ونعم الوكيل الله يكون بالعون بسبوسه لا ما حد من البنات ابيعرف هنن لحالون ما عم يدخلو hwaml85hwaml85hwaml85hwaml78 ام جوجو الله يسر ولادتك ( اي والله اكيد صبر جميل وبلله المستعان |
رد: تجمع حوامل سوريا-دردشة ورود سوريا-دردشة الغاليات
اقتباس:
انا تمام انتي كيفك وشو اخبارك وكيف حماتك معك لك تسلمي يارب وتشتائلك مكة والمدينة بس صايرةعم فيء واشتغل كم شغلة بهالبيت بيكون اجا زوجي وطبعن بس اجا عالبيت هو بيستلم الابتوب عشرة بلدي واانا بئعد جنبو وبكر فوء راسوhwaml5 |
رد: تجمع حوامل سوريا-دردشة ورود سوريا-دردشة الغاليات
اقتباس:
كيفك نغومة وشو اخبارك شو عاملة هلايام وشو ئصة زوج ميار زعلتيني كتير طمنيني عنها |
رد: تجمع حوامل سوريا-دردشة ورود سوريا-دردشة الغاليات
عاشقة جوجو ربي يقومك بالسلامة وان شاء الله ااااالله يسهلك ولادتك
باقي االصبايا كيفكون وشو اخباركن اخباري اانا صايرة كتير كسولة وئليلة مروة ومالي خلئ على شي باقي كم يوم وبدخل التامن صايرة حركتي كتير تئيلة وجسمي هابط يعني مالي مروة حرك ايدي وخاصتن بعد ماكبرت بطني عنجد الله يعين يلي بيكبر بطنا من بداية الحمل انا هالشهرين حتى كبرت بطني وكرهانة حالي كتير وصايرة دبدوبة حتى لما بمشي بحس حالي متل البطريق بروح يمين وشمالhwaml03 |
رد: تجمع حوامل سوريا-دردشة ورود سوريا-دردشة الغاليات
مرحبا صبايا
عنجد بعد ماقرأت خبر وفاة زوج ميار كتير زعلت مسكينة ابنو صغير وهية حامل أمانة نغم عزيها باسمي وقت يصرلك وتحاكيها او ابعتيلي عالخاص ايميلها ازا ماعندا مانع وسامحوني صبايا صايرة فوتتي عالتجمع قليلة بس سبق وزكرت مشتركة مع رفقاتي بقراءة القرآن وعم خلص جزء باليوم بالزور مسؤولياتي كتيرة والاسبوع الماضي اتوفى عمي وكتير مأهورين الله يصبرنا أحسن شي سلماتي للجميع وان شالله بتقومو بالسلامة الحوامل ويلي مو حوامل ان شالله الله يطعمكون الخلفة الصالحة |
رد: تجمع حوامل سوريا-دردشة ورود سوريا-دردشة الغاليات
العمر الك حبيبتي نايوتا
الله يرحم عمك ويتقبلوا من الشهداء انشاءالله برافو عليكي مشان ختمة القرآن وانا ناوية انشاءالله احفظ بعض السور الطويلة بس هلئ مالي خلئ على شي دوبني اصحى ونام واطبخ حتى المشي الي اسبوعين مالي خلئ عليه |
رد: تجمع حوامل سوريا-دردشة ورود سوريا-دردشة الغاليات
يسعد اوقاتكم صبايا كيفكن اشتقتلكن كتييييير
|
رد: تجمع حوامل سوريا-دردشة ورود سوريا-دردشة الغاليات
حسبي الله ونعم الوكيل .... الله يقويها ويصبرها
|
رد: تجمع حوامل سوريا-دردشة ورود سوريا-دردشة الغاليات
شام الهوى كيفك اتزكرتيني... بعتلك استفسار مره مع نجوى
ماشا الله حامل البركه الله يقومك بهير وسلامه |
رد: تجمع حوامل سوريا-دردشة ورود سوريا-دردشة الغاليات
هلا والف غلا ياقلبي اكيد تزكرتك كيفك ياعمري وشو اخبارك
الله يسلمك يارب ويخليلي ياكي |
رد: تجمع حوامل سوريا-دردشة ورود سوريا-دردشة الغاليات
الحمد لله بألف خير
مااتواخزيني اتأخرت عليكي بالرد بس كنت عم قللي الباميه حموده كم يوم بفوت بالشهر 11 وانا هلأ حامل كم يوم بفوت بالشهر التالت |
رد: تجمع حوامل سوريا-دردشة ورود سوريا-دردشة الغاليات
البقاء لله الله يصبرك حبيبتي ويقويكي يارب
إنا لله وإنا إليه راجعون مهما كتبت مارح أوصل للي بدي قولوا بس بدي قلك قلبي معك ديري بالك ع حالك من شآن الي بطنك ومن شآن هنودة حبيبتي نغم لوسمحتي اذا عندك رقم ام هنودة ابعتيلي هو ضروري ابوس روحك ردي بسرعة علي |
رد: تجمع حوامل سوريا-دردشة ورود سوريا-دردشة الغاليات
نا يوتا .... وعبير ___ بعدللك ايميل ميا ر ع الخالص بس بدك تبعتيلي ايميللك مشان اعطيها اياه مشان اضيفكم
باقي البنات اشتقتلكن والله كتير كيفكن |
رد: تجمع حوامل سوريا-دردشة ورود سوريا-دردشة الغاليات
كيفكم بنات انا اليوم كان عندي موعد بالدكتورة وقالتلي رح تولدني بعد اسبوعين
ان شاء الله |
رد: تجمع حوامل سوريا-دردشة ورود سوريا-دردشة الغاليات
انا لله وانا اليه راجعون الله يصبرك اختي ام مهند ويجبر ماصابك يارب
|
رد: تجمع حوامل سوريا-دردشة ورود سوريا-دردشة الغاليات
عا شقه جوجو2 ربي يتمم عليكي ويسرللك يلا هانت عقبال باقي البنات لا تنسي تدعلي بالحمل أمانه
|
رد: تجمع حوامل سوريا-دردشة ورود سوريا-دردشة الغاليات
كيفك اختي يارب ارزقني بطفل
انا اختك ام عبد الرحمن اسأل الله ان يرزقك الذرية الصالحة البارة التقية يارب العالمين شو سبب تأخر حملك انا عندي خلطة اعشاب لهوم لو حبيتي ابعتلك ياها صارلي تقريبا تسع شهور ماحملت من التكيس وبنفس الشهر اللي اكلتها فيه صار حمل بإذن ربي اذا حبيتي ابعتلك ياها من عيوني |
رد: تجمع حوامل سوريا-دردشة ورود سوريا-دردشة الغاليات
هي هي الخلطة اختي
لتنظيف الارحام كاس ماش نص كاس شمر = حبة حلوه* نص كاس حلبة ربع كاس حبة سودا ربع كاس كمون ربع كاس فلفل أبيض ربع كاس فلفل أسود ربع كاس رشاد ربع كاس نانخه = ما أدري اذا لها أسم ثاني* ربع كاس سكر نبات = للطعم بس ملعقتين كبار مرميه مطحوونه طبعا ملعقتين كبار قرفه = دارسين* ملعقتين كبار مسمار = قرنفل ملعقتين كبار بابونج ربع كاس زعتر بري ربع كاس قشر قهوة ملعقتين كبار مره ملعقتين كبار يانسووون* نطحن كل عشبة لحالها ماعدا الرشاد ونخلطهم كلهم وناكل منها ملعقة طعام بعد الريوق من تاني يوم دورة لاخريوم وتشربي معها لبن او عصير او ماي وطبعا ماننسى الدعاااء وقيام الليل وماء زمزم ان امكن الله يرزقك يارب |
رد: تجمع حوامل سوريا-دردشة ورود سوريا-دردشة الغاليات
كيفكن صبايا طمنوني عليكن شو هالاخبار هي, عنجد زوج ميار اتوفى له له الله يرحمو ويصبر قلبا انشالله الله يجعل مسكنو الجنة يارب ,يا حبيبتي يا ام هنودة والله احترء قلبي عليكي ,
|
رد: تجمع حوامل سوريا-دردشة ورود سوريا-دردشة الغاليات
انا رح تولدني الدكتورة يوم التلاتا , قيصرية , ادعولي امانة لانو حاسة حالي تعبانة ومالي حدااا غير الله ,سلاماتي للكل واسفة لاني ماعم فوت كتير بس مشغولة بامر الولادة وتحضيراتا .
|
رد: تجمع حوامل سوريا-دردشة ورود سوريا-دردشة الغاليات
ربي يجزيكي الخير أم عبد الرحمن والله حابه من قلبي جربها هالشهر بس تجيني الدوره بس زوجي طلع معو دوالي وعم يآخد حبوب وازا ما مشي حال بدو يعمل عمليه كنت عم فكر اخد حبوب فيتكس ادعيلي سجلت الخلطه مشان جيب مكوناتها والله لادعيلك بسجودي والله يكتب الخير ياااارب ربي يتمم عليكي
|
رد: تجمع حوامل سوريا-دردشة ورود سوريا-دردشة الغاليات
كيفكم صبايا حبيبتي ام ندوش لا تنسي تطمنينى عنك وتحكيلنا تفاصيل الولادة
الله يهونها عليكي لاني بعدك ان شاء الله ب15 يوم يارب ارزقني طفلا رح ادعيلك ان شاء الله انتي وكل مين بخاطرها الحمل الله يرزقك عن قريب |
رد: تجمع حوامل سوريا-دردشة ورود سوريا-دردشة الغاليات
يسعد مســ❤ــاكم
|
رد: تجمع حوامل سوريا-دردشة ورود سوريا-دردشة الغاليات
عاشقه جوجو2 الله يسمع منك ياااااارب وربي يسر ولادتك يا البي انتي وأم ندوشه ومنار وميار يا كريم ...... شام الهوى( أم عبد الرحمن ومساكي يارب ميت هلا يا غاليه شو اخبارك ،،،،،،. انا اليوم مرشحه ومكربه وحالتي حااااله أدعو لي هالشهر ما تجي الدوره وحلل واطلع حامل وعيش هال فرحه بجاه اسم الله الأعظم ياااارب باقي يومين ع موعدها ياااااارب باقي الصبايا-- نايوتا ؛- سيريا-/-- إسراء ؛ بسبوسه منار /:؛؛؛؛ جوريه شاميه :؛؛ عبير إسماعيل :؛؛ام ندوشه عاشقه جوجو نجع السمر ....... ام ندوشه لاتنسي اطمنينا عنك وتدعلي والله عم ادعيلكون الله يسر ولادتكم من قلبي
|
رد: تجمع حوامل سوريا-دردشة ورود سوريا-دردشة الغاليات
كيفكن صبايا
شام الهوى عبير اسماعيل الف مبروك حملكن والله اشتئنالكن كتير شو هالغيبة الطويلة ام مالك كيفك ياروحي اشتئتلك دائما طمنينا عنك ام ندوشة وام جوجو الله يئومكن بالسلامة يارب ويسهل ولادتكن وولادتي انشاءالله عم ادعي بكل صلاة تكون ولادتي سهلة نغومة حبيبتي انشاءالله بإذن الله تكوني حامل وماتشوفي الدورة الا بالولادة انشاءالله يارب اكتب الحمل لاختي بالله نغم هاد الشهر وفرح ئلبها بالحمل برحمتك ياارحم الراحمين آمين يارب حبيتي ازا لاسمح الله اجتك الدورة بلشي اشربي يانسون وعصير اناناس لوئت التبويض وكلي ئد مابتئدري جوز ولوز وبوظة بالحليب واجبان لانها بتئوي الاباضة بإذن الله انا دكتورتي هيك نصحتني بس اليانسون وعصير الاناناس من ماما الله يحفظها بس بائي الشغلات من الدكتورة وسدئيني من لما عملت هيك حملت تاني شهر مباشرة ولاتنسي تجيبي جهاز اختبار اباضة كليربلو كتير ضروري حتى تحددي فترة اباضتك وتعملي يللي عليكي ومشان الدوالي مابتأثر كتير عالحمل يعني اهم شي تكون انتي اباضتك قوية وبصير حمل انشاءالله رغم الدوالي ووصفاتي مارح تأثر عوصفة شام الهوى لانها فيكي تعمليها بشكل يومي وطبيعي بس اعملي متل مائلتلك والله حبيبتي عم انصحك من ئلبي ولانهن بفيدو ومافي نسبة ضرر ولا واحد بالمية وانشاالله يارب تكوني حامل وماتجربي ولاشي |
رد: تجمع حوامل سوريا-دردشة ورود سوريا-دردشة الغاليات
|
رد: تجمع حوامل سوريا-دردشة ورود سوريا-دردشة الغاليات
صباح الخير صبايا
كيفكون شو اخباركون كيفك منار ئديش باقيلك لتدخلي التاسع ؟ ان شالله بتولدي ولادة سهلة وحلوة على فكرة ئد ماكانت الولادة صعبة بتكون حلوة وأحلى شعور لما تطلعي من المشفى وتدخلي على بيتك وحاملة ابنك مافي أحلى منو شعور والله أحلى من شعوري لما اتخرجت من الجامعة وأصلا مافي مجال للمقارنة عم شوئك مشان تولدي هههههههه سيريا وانتي التانية يلا شدي الهمة وولدي بسرعة ههههه ام ندوشة ان شالله عندك حدا لما تولدي وطمنينا عنك ام جوجو كيفك وكيف استعدادك للولادة يمكن لان صرلك زمان جايبة جوجو انسيتي حاسة حالك بكرية نغم ان شالله تطلعي حامل هالشهر يمكن مافتحتي صندوق الرسائل عندك هالصيف من أولها فرح بولاداتكون ان شالله بالسلامة كيفك ام مالك منورة ومبروك الحمل لعبير وشام الهوى عقبال عندي والله يابنات انا من فترة عاملة ريجيم ومخففة أكل والحمد لله في نتيجة حتى اني عم آخد فيتامينات مشان مايصير معي نقص كلس او فقر دم لان لساتني عم رضع نايا وبدي منكون انا التانية تدعولي أطلع حامل هالشهر لان عنجد متمنية اني جيب كل عيلتي ورا بعض بعدين ارتاح لان خلص متى ماأجا أول ولد خلص الحياة كلها بتختلف ويلي بيربي ولد بيربي تنين او تلاتة وانا كمان مالي صغيرة لحتى خلي مسافات كتير ولادي حتى حاسة حالي ماعاد بالي طويل وإلي خلئ كتير على مسايرة الولاد وكلشي من الله منيح بالنهاية هادا شي مكتوب عند رب العالمين |
رد: تجمع حوامل سوريا-دردشة ورود سوريا-دردشة الغاليات
صباح النور نايوتا كيفك شو اخبار الامورة نايا
ان شاء الله تطلعي حامل ويتحقق يالي ببالك بس والله انا بعكسك رغم انو بالي طويل بس ما بفكر جيب ورا بعض الا اذا الله راد هاد شي تاني بحس تعب وكل شي من الله منيح حبيبتي ربي ارزقني طفلا يارب ما تجيكي الدورة وتطلعي حامل وحابة قلك شغلة انا جوزيكمان كان عندو دوالي لما اتزوجتووعم يتعالج والحمد لله ماشاء الله طلعت حامل من اول شهر ههههههه يعني ما دخل كل شي ليريد الله ما عليكي الا بقيام الليل والدعاء واكثري الاستغفار على نية الحمل كل الوقت بالبيت استغفري ان شاء الله بتكوني حامل والله ما بخيبك حبيبتي سيريا وين هالغطة طمنيني عنك ام ندوش ربي يهون عليكي بسبوسة حبيبتي يمكن انتي وانا مع بعض بالحمل يعني انتي متلي هلاء دخلتي التاسع على ما اعتقد بس انا لاني بولد قيصري حددولي بعد اسبوعين والله اني خايفة لان اهلي ما جنبي بس الحمد لله كلي ثقة بالله انو يكون جنبي |
رد: تجمع حوامل سوريا-دردشة ورود سوريا-دردشة الغاليات
صباح النور حبيبتي نايوتا
تسلميلي على دعوتك الحلوة انا بائيلي اسبوع بدخل بالتاسع انشاءالله وانتي حبيبتي انشاءالله انتي ونغم تطلعو حوامل وتبشرونا بحملكن ونحنا نباركلكن بدنا أخبار مفرحة خبر ميار كتير زعجني الله يكون بعونها وازا انتي او نغم عرفتو عنها شي أمانة خبرونا وبتعرفي كمان شايلي هم الولادة لاني لحالي كتير حاسي اني بحاجة لماما تكون جنبي وكمان عم اتذكر لما نصحتيني انو بيت حمايي يبئو جنبي والله طلع معك حق هلئ عم تهدا نفسي شوي لما رح يكونوا معي بحس بجو عائلي مريح بس والله مكتئبة من هالوضع بسوريا وعأهلي بتم ئلبي عم يغلي الله يدمرك يابشار ويخلص سوريا منك ومن اجرامك لان هالمجرم هو يللي حارمني من شوفة اهلي ادعو يابنات عليه بلكي بنخلص من هالمجرم صحيح حبيبتي نايوتا بدي اطلب منك طريئة فتة المكدوس وعجينة معمول ازا سمحتي لاني كتير بوثق بزوئك وطبخك لان من فترة نعزمنا لعند جماعة شوام وكانو عاملين من ضمن الاكل فتة مكدوس وكتير عجبت زوجي وبدي بكرى اعمل منها دورت بالنت بس ماوثقت ولابطريئة ئلت مالي غير حبيتي ام نايا طولت عليكي هلئ بتئولي عني كرارة هههه بس يمكن ئلتيها وخلصتي بس انتي صايرة عم تحرمينا من طلتك الحلوة مشان هيك بدي لحئ حالي ئبل ماتغطي هههههه بوسيلي نايا الحلوة كتير |
رد: تجمع حوامل سوريا-دردشة ورود سوريا-دردشة الغاليات
صباح الخير ام جوجو والله شعور كتير صعب انو الوحدي تولد ويكون فيه غصة بئلبها على اهلها منو خوف عليهن ومنو خوف عحالها
انا حبيبتي بعد اسبوع بالتمام بدخل التاسع انشاءالله وعندي موعد عند الدكتورة يو الاربعاء مابعرف شو رح تئلي الله يسهل ولادتنا ونئوم نحنا والبيبيات بخير وسلامة ويفرجها على اهلنا بسوريا ويجمع شملنا عن ئريب يارب صحيح صبايا شو آخد معي غراض عالمستشفى وشو بدي جيب للبيبي؟ من كتر مو متوترة ومكتئبة لهلئ ماجبت شي للبيبي مالي نفس وماللي من الحمل وماعم اعرف شو جبلو |
رد: تجمع حوامل سوريا-دردشة ورود سوريا-دردشة الغاليات
كيفكن يا بنات سوريا الغالية اشتئتلكن كتير كتير انا رجعتلكن من جديد وبتمنى ما غيب عنكن مرة تانيه
ماشاء الله في كتير ضيفات جداد بالدردشة اهلا وسهلا فيكن اشتقت للصبايا كتير شو اخباركن ماعم شوف مشاركاتهن قليلة سروءة وام ملاك وجوري وهديل وعبير وزهرة الحب حبيبه قلبي بتمنى ربي يحميها ويجمعها بجوزها عن قريب طمنوني عنكن كلكن حابه اسمع اخر اخباركن\ انا الي يومين راجعه من سوريا وهلاء صرت بقطر عند زوجي الحمد لله بعد صبر غياب سنه الله جمعني فيه وفيكن من جديد سوريا بتسلم عليكن كتير يابنات ادعولها وان شاء الله بنرجعلها عن قريب وهي محررة وبرجع برحب بكل صبيه جديدة هون وبعرفكن بحالي انا روان من درعا عمري 19 سنه الي متزوجه 3 سنين كنت بقطر مع زوجي خلصت زيارتي وروحت لسوريا من سنه ومن يومين لحتى طلعتلي زيارة والحمد لله فرجها علي وان شاء لله بفرجها عسوريا لسى ماعندي ولاد ان شاء الله ربي بطعمني وبطعم كل مشتهيه |
رد: تجمع حوامل سوريا-دردشة ورود سوريا-دردشة الغاليات
اااااالله بنات ع الدعوات يلي فرحت قلبي من جوا الله يسمع منكن يارب ،، وانا حاليا عم يتعالج بس ربك قادر كريم وانا متوكلين عليه ..... نايوتا لا فتحت الرسائل وعطيتها لمسار ايملاتكن قال عم اتحاول أضيف من الجوال لان مافي نت بلاب توب وهيه كتر مشتاقتلكن. ،، روان انتي بعمري وبس لسا ما طبقت 3 سنين زواج انشالله انا وانتي الله يرزقنا بحول الله وقوته ،،،،،، بسبوسه جزاكي الله خير شورأيك أخد هالشهر فيتكس ازا اجت؟؟؟؟؟
|
| الساعة الآن 06:18 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .