|
رد: حبيباتى سيدات ليبيا تفضلو لأعرف ما حالكم
تسلمب جيجي بتانسبة لجنس البيبي مازال مش واضح قاعدة على اعصابي نستنى
ربي ايسهلك ولادتك ويقر عينك بشوفت ينبتك يارب |
رد: حبيباتى سيدات ليبيا تفضلو لأعرف ما حالكم
الله يسلمك ويخليك
فعلا تقعدي تترقبي آمتي تعرفي جنس النونو وربي يعطيك ماتتمني ويسهل عليك مايوريك باس اميرتي اليوم حاله ولله الحمد بخير وقاعده تلعب حبيبت امها وانا كل شوي انوض ادير حاجه ونرجع نرتاح سيقت الممرات ووسط الحوش مع انه واعر لان نوعيه البورسلين امتاع حوشي يزلق انسمي بالرحمن وسيقت بشويه مازال حمام الضيوف انديرله دوره خفيفه باش انرتب اكسسواراته الجدد كلهم وفرشاته ونعطره المهم نرتاح منه كان جبت فجاه والله راجلي ماعارف كيف ايرتبهم الحاجات والمهم نفتكا من حاجه خاصه الفط خاطري انديرهم بطريقه حلوه ويستر الله وكل يوم اندير عليه دوره ونعطره ونهويه وحيقعد لاننا مانستعملوش فيه بكل يقعدلي الضمان اليومي من كنيس وتلميع وووو والفازات واكسسورات الحوش حتي لما ايجيني الوجع انحطهم واندير دوره عالحوش ونمشي للعيادة زي في رنوده ههههه هستيريه الترتيب الاخير |
رد: حبيباتى سيدات ليبيا تفضلو لأعرف ما حالكم
بنات عندي حاجه كل مانفكر فيها بنمووت
مش عارفه كيف بنمشي انجيب وكل فكري وعقلي مع بنتي رنو والله مانقدر توه نكتب ونبكي ماعمري خليتها اتبات بعيده عليا ليله نبي نرجعلها بسلامه ونربيها مع وخيتها ومايصيرلي شئ يااااااااااارب سهل عليا وخليلي بنياتي وبوهم ووالوالدين وكل احبابي |
رد: حبيباتى سيدات ليبيا تفضلو لأعرف ما حالكم
الله اعلم شن ربي اختارلها من الاسماء
لكن قررنا انسموها العروسه التانيه جماااااااااااااااااااااااااااااااااااااااااااااااا اااااااااااااااان حبيبه خالتها اثري هي اللي سمتها قالتلي عالاسم عجبني وقلت عليه لراجلي وعجبه والله اعلم مشكوووووووره اثري اخترتي لها اسم من خيرة الاسماء وروووووعه بارك الله فيك |
رد: حبيباتى سيدات ليبيا تفضلو لأعرف ما حالكم
سلام توه
الغيااااااااااااااااب هللللللللللبه وييييييينكم التجمع بدي كسااااااااااااد |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكن كلكن يابنيات وشن اخباركن واخبار هلكن وعويلتكن
|
رد: حبيباتى سيدات ليبيا تفضلو لأعرف ما حالكم
سوسو ..
الحمد لله علي سلامة بوك وربي يخليه لك ويطول في عمره |
رد: حبيباتى سيدات ليبيا تفضلو لأعرف ما حالكم
اقتباس:
وانا مانيش حرجانة ياستي ها شن رايك في التكبر |
رد: حبيباتى سيدات ليبيا تفضلو لأعرف ما حالكم
امولة ... الحمد لله علي سلامة جارتك والعاقبة عندك وعند جيجي
|
رد: حبيباتى سيدات ليبيا تفضلو لأعرف ما حالكم
شموسة ... شخبارك ياحلوة وكل عام وشموسة طيبة
|
رد: حبيباتى سيدات ليبيا تفضلو لأعرف ما حالكم
هدية...
ربي يخليلك راجلك وترجعي انتي وياه وبنيتكم لليبيا علي خير وسلامة والموقف بصراحة بشع ربي يصبرهم وخلاص |
رد: حبيباتى سيدات ليبيا تفضلو لأعرف ما حالكم
وان شاء الله خالك وامك يانسوك ويوصللو علي خير وسلامة
اهو اكيد امرايفة علي امك واااااااااجد |
رد: حبيباتى سيدات ليبيا تفضلو لأعرف ما حالكم
جيجي ..
لاباس علي بنيتك ... وبالنسبة لموضوع الجياب وتسييبة رنودة امرحتمي وانت تبكي توة لانه مازالتي في الوسع بس لما يجيك زر اللية والوجع ماعتش اتفكري الا في اللي في بطنك وتوة خلاص ساعتين ويطلعوك لو مافيش اي مضاعفات بع الولادة |
رد: حبيباتى سيدات ليبيا تفضلو لأعرف ما حالكم
فروسة حبيبتي ...
راجلك ماعمدش قراية ... يلا بسرعة تعالي واحكيلنا |
رد: حبيباتى سيدات ليبيا تفضلو لأعرف ما حالكم
صفية فركاش توجه رسالة الى العالم في ذكري مقتل زوجها الطاغية المقبور عبر إذاعة صوت روسيا تطالب فيها اعضاء مجلس الامن الدولي - الاتحاد الاوروبي ان يكشفوا عن مكان جثامين زوجها وابنها ويقوموا بتسليمها الى ذويهم ليقوموا بدفنهم في المكان الذي يريدون وبالطريقة التي يريدون
كما طالبت المنظمات الانسانية و الحقوقية الدولية بمساعدتها على الاتصال بابنها المعتقل سيف وقالت بانه برئ من كل التهم المنسوبة اليه!! |
رد: حبيباتى سيدات ليبيا تفضلو لأعرف ما حالكم
الــــــــــــسلام عليكم ورحمة الله وبركاته
كيف حــــالكم حبيباتي ليكم وحشة وحشة وحشة لاتوصف انا مع تواصل مع امولة علي الفيس وللأسف مكانش في وقت حتي ننقل لكم آخر المستجدات معي ومع مشروعنا لان بجد بجد كانت فيه عدة عراقيل واجهتنا وقبل يومين بس من السفر تاكد الموضوع ومفيش وقت للأنترنت او لأي شي كل جري في جري لتجهيز الشناطي والمشتريات اكيد مش راح تصدقوني بس يعلم الله اني حوست حوسة في بعضي مايعلم بيها الا ربي والحوش فضيته كله وكله درته بروحي تخايلوا حوش كاكل انفضيه بروحي ومع التسيق وغسل البساطات ... وطبعا من طبع زوجي تاجيل الأعمال الي آخر لحظة هدا ليش الوقت ماأسعفني اني نكمل بكري قالي ما اديري شي في الحوش الا لما نتأكد من السفر وكان التأكيد قبل الموعد بيوم المهم راح نحكيلكم التفاصيل مرة ثانية لاني بنطلع توه .... بنمشي للقراية ... قريت كل اخبارك بس مفيش وقت حتي نرد عليكم ان شاء الله مانسمع عليكم الا كل خير ... |
رد: حبيباتى سيدات ليبيا تفضلو لأعرف ما حالكم
http://forum.hwaml.com/imgcache2/hwa...379889_555.jpg كل عام وانتم بيخير ينعاد عليكم وعلي بلادنا بالخير رغم اني والله والله ماحسيت انه فيه عيد وطول اليوم وانا نبكي لا عيدنا مع اهلنا ولا مع الليبين اللي اجتمعوا يوم العيد قاعده امورنا ملخبطة شوية رغم اننا استقرينا في شقة والحمد لله جيجي أمولة ان شاء الله ربي يسخرلكم الحال واتجيبوا علي خير بصراحه الاسم حلوووو جيجي شموسة مبروك الحمل ياغالية ام فراس اكيد توه تتدهور وتغير في جو ان شاء الله غير صورتينا حتي انا عندي ليكم صور من السفرة ان شاء الله نفضي وانزلها ليكم سووسو اجواء عيدكم رائعه جدا وخصوصا ان اهلك يعيدوا معاكم شموسة ربي يعطيك صحيحتك كله خلوك درتيه بروحك اثري شن اخبارك حبيبتي عارفاتك والله تقدري لانك انتي الوحيده اللي تفهمتي موقفي اوشي شن اخبارك واخبار السنافر اكيد كملتي حوستك وتجديداتك بس ماشفتش ولاصورة منزلتها ام نوزه كيف حالك وحال العساسيل شن صار في ايفادك ام معاذ وام ورد شن اخبارك سامحوني لو انسيت اي اسم |
رد: حبيباتى سيدات ليبيا تفضلو لأعرف ما حالكم
ســـــــو سو معادش اتسهفوني في القريش ولا القديد
ماساد الفيس امسهفني بصور العصبان والقلايات |
رد: حبيباتى سيدات ليبيا تفضلو لأعرف ما حالكم
مــــــاعنديش نصيب انشارك في مسابقتك سوسو
يلا مرة ثانية |
رد: حبيباتى سيدات ليبيا تفضلو لأعرف ما حالكم
هــــــُدهُد ان شاء الله ربي يخليلكم زوجك
ويحفظ ازواجنا قلت لزوجي علي الشخص المتوفي وقالي لقبه البشتي او بشينه والله نسيت عجبتني تتفاهموا عن طريق مترجم القوقل هههههه قوليلي كيف الدعوة وهل ليها شروط |
رد: حبيباتى سيدات ليبيا تفضلو لأعرف ما حالكم
مساء الخيرات
اهلا جنوده ومبروك السفر ربي يوفقكم ويحفظكم وتحققوا كل ماتتمنوا ياااااااارب اهم شئ انك بخير وبصراحه تفركيسه مابعدك المهم وصلتوا بخير واموركم تمام |
رد: حبيباتى سيدات ليبيا تفضلو لأعرف ما حالكم
طلعت بعد المغرب مع راجلي وامورتي امشت لمحل عبايات اخديت وحده شرعيه وخمار كبير ناعم ومايكتمش النفس مريييييح ليا فتره اللي نشريه مانقدرش نتنفس
لين نتنقب انبدل بزوز بس باهي حصلته هذا قلت لراجلي ارجع خودلي منه مره تانيه حتي صندوقه قاعد وقوانتي وجوارب نوعين امشيت لاكثر من محل 3 او4 قفاطين خليجيه وامارتيه بس للاسف ملقيتش طلبي مانبيشي اوفر هلبه وفي نفس لوقت ايكون راقي عالخفيف ونازك ومش طويل هلبه انحوس فيه خصوصا ان سبوعي في الحوش ويااااااااااارب يسهل عليا ونوض انا واميرتي بالف خير وجميع الحوامل ويرزق كل محرومه يااااااااارب |
رد: حبيباتى سيدات ليبيا تفضلو لأعرف ما حالكم
جيجي اول شي اسم الكتوتة يهبل ربي يحفظها وتشوفيها بين ايدتاتك والشعر لي حاسة بيه شعور طبيعي وعشته لما بنطلع الصبح للمصحة علا اساس وجع صناعي نشوف في نوزة ونبكي ونبوس فيها ولما بنخش للعمليات صورتها في تلفوني ونبكي واتصلت سمعت صوتها ولما فقت من البنج اول وحدة شفتها اكتر شي تحنيلا بنيتك ربي يخلهلك وتنوضي وتفرحي بيهم
|
رد: حبيباتى سيدات ليبيا تفضلو لأعرف ما حالكم
اوشي شن الاخبار
جنودة شن اخبارك ايفادي متوقف علا تاشيرة راجلي لمصر لاني نبيي مصر انت وين سافرتي وشن تدهويرةوة زلا علاج سوسو شن الاخبار ششششششششششششششششششششششششموسة مبارك طلعتي حامل ربي يتمم بالخير انت وين بتسافري ام فروسة وينك لاهية في اسكتلندا يالا وفينا بالاخبار |
رد: حبيباتى سيدات ليبيا تفضلو لأعرف ما حالكم
https://fbcdn-sphotos-b-a.akamaihd.n...98455824_n.jpg
حمودي في العيد |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
حمودي في العيد
ام ورد ربي يتمم حملك علا خير شن اخبارك انت وام معاد |
رد: حبيباتى سيدات ليبيا تفضلو لأعرف ما حالكم
اقتباس:
اهلين ام انوزه ماشالله ربي يحفظه حمودي ايهبل ياربي تفرحي بيه ان شالله امسافره كان سخر ربي الي الصين ان شالله |
رد: حبيباتى سيدات ليبيا تفضلو لأعرف ما حالكم
جنووده الحمد لله لي طمنتينا اونرجو في الصور اوتفصيل اكثر عل السفره اوموفقه ان شالله
|
رد: حبيباتى سيدات ليبيا تفضلو لأعرف ما حالكم
هديه مفاجاة حلو زيارت والدتك او خالك ربي ايكمل عليك بلخير ان شالله اكيده الخبر عطاك طاقه مش عاديه اوحماس اكثر |
رد: حبيباتى سيدات ليبيا تفضلو لأعرف ما حالكم
جيجي خطرتي عليا ونا حامل في عبسي كنت في الصين اوكانا ناوين انطول غادي يعني انجيب في الصين او تخايلي مافيش حتى دذذحذذعائلات عربيه كل يوم انفكر وانتخايل في روحي انجيب وانسيبها ابروحها لكن ربي ماسخرش روحت ونا في الشهر السابع لا اخو زوجي توفى حتى لما روحت نفس الفكره كيف اتبات بعيده عليا بس الحمد لله بعد ماجبت خشيت المستشفى ساعه 7اونص صبح طلعوني 11 في الليل يعني ماباتتش بره
ربي ايوفقك ان شالله اوتفرحي ابعروستك الجديده جمان قصدي عروسة عبسي |
رد: حبيباتى سيدات ليبيا تفضلو لأعرف ما حالكم
اوشي اواثري اوسوسو اموله ان شالله اتكونوا باحسن حال
|
رد: حبيباتى سيدات ليبيا تفضلو لأعرف ما حالكم
فروووووووووووسه ؟؟؟؟؟؟؟؟؟؟؟؟
|
رد: حبيباتى سيدات ليبيا تفضلو لأعرف ما حالكم
اليوم سيقت الجنان بره اصلا امس في ليل جو اصحاب زوجي دارو مشاوي بره اوخلو الدنيا بره حاله ونا درتلهم شرموله واسلاطه مشويه او اوسلاطة طحينه اوبطاطه مقليه ومعاه كتشب اوميليونيز
اوفي الصبح زوجي جابلي طرف حوته نضفتها او تبتلها ونبي اندير بيها طاجين في الكوشه وماعها رز الصياديه اوبطاطا اوبيذنجال اوخاطري في تبوله انفكر انديرها كان زوجي جابلي برغل |
رد: حبيباتى سيدات ليبيا تفضلو لأعرف ما حالكم
صباح الخير
انتم اكيد مغرب توه أم نوزه ربي يحفظلك نوزة وحمودي وان شاء الله ربي يسخرلك الحال ويحصل زوجك التأشيرة هلا شموسة مبارك عليك الحمل ان شاء الله راح انزل ليكم كل التفاصيل |
رد: حبيباتى سيدات ليبيا تفضلو لأعرف ما حالكم
جيجي مازلتي اتعبي في روحك الي آخر لحظة ربي يعطيك صحيحتك
وترجعي سالمة لبنوتك وراجلك هدية اكيد مش لاقية في تحطي الفرحة صراحة ماكنت نتوقع الغربة صعبة لهذه الدرجة شني الشرمولة شموسة |
رد: حبيباتى سيدات ليبيا تفضلو لأعرف ما حالكم
وينكم يابنات
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
رايفت عليكم .. ان شاء الله اخباركن تمام اليوم كيفا وصلنا من اشويات .. حبيت انطمنكن عليا .. والسفرة كانت فوق الخيال لمدينة السحر والطبيعه والجمال ... كبدنا عليها نا وزوجي .. وحنرجعولها قبل مانروحوا ..ان شاء الله طبعا صورتلكم واجد اهم المعالم فيهااااا والمناظر الطبيعيه الساحره... نقرا لي فاتني ... ونضم الهدايا والكتب والحاجات لي جايبينهن كذكري من اجمل المدن اللي زرتها بحياتي (أدنبـــرة) جوهرة وعاصمة اسكتلندا ....... سلآمز توااااا |
| الساعة الآن 07:23 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .