|
رد: تجمع حوامل ليبيا
بنات أنا زعلانة شوية اليوم لأن كان عندي مراجعة عند دكتورتي وقالتلي إن وضع البيبي فارسي وأنا حاليا في نص الثامن ... وقالت لو ان البيبي في المراجعة الجاية لقيناه مازال فارسي .. بنحددلك موعد قيصرية وخلاص لأن بنتي جايبتها بقيصرية وصعب نخاطر ونجرب طبيعي
والله حاسة روحي قلبي إنغم وكنت نبي نجيب طبيعي المرة هاذي ... لكن الله غالب والحمد لله على كل حال |
رد: تجمع حوامل ليبيا
لالا انشاالله يتغير وضع البيبي تعرفي بنتي خالتي اول اسبوع فتاسع وقالولها البيبي فارسي قعدت تتمشي بري للفروسيه امتع بوسته ولا اتمشي في القزه امتع البحر لانه تبي جهد وبشويه بشويه لين يتغير وضعه ورح ندعيلك انشاالله
|
رد: تجمع حوامل ليبيا
اهلين بنات شنو الاخبار والله مرايفه عليكم كلكم بس والله ماني فايضه نخش بكل لاهيه مع هلي وتوا نطلع نشري في حاجات البيبي وان شاء الله علي خير انتو شنو اخر الاخبار وميرنا شنو اخبارك ان شاء الله مافيك شيء من السحر انتي ادعي ربي وانشاء الله خير وام اسيل وكل البنات كلهممممممممممممم شنو الاخبار
|
رد: تجمع حوامل ليبيا
وينكم يا كسولااااااااااااااااااااااات ... والله حاسة اني نكلم في نفسي
|
رد: تجمع حوامل ليبيا
اقتباس:
|
رد: تجمع حوامل ليبيا
ميرنا حبيبه قلبي ماتخافيش يلي كاتبه ربي يصير ادعي ليل ونهار واستغفري واهم شئ الصدقة لانه في حديث داووا مرضاكم بالصدقة وان الصدقة ترد القضاء
واكيد ظنك بزوجك مش رح يخيب ماتقارنيش روحك بحد مرات الرجاله التانيين حياتهم مش سعيدة مع نساوينهم خليك واتقة من روحك |
رد: تجمع حوامل ليبيا
ام اسيل سلامتك من الضغط وحاشاك منه
حبل الوصل يارب تحملي وتفتكي من الادويه |
رد: تجمع حوامل ليبيا
السلام عليكممممممممممممممممممممممممممممممممم hwaml9hwaml9hwaml9
|
رد: تجمع حوامل ليبيا
سورينااااااااااااام....تؤامي الغالي
لاباس اعليك والله انا حبيتك زي ما حبيتني ونتمنى نتعرفوا على بعض اكثر واكثر ماتخافيش انشاءالله خير الوضع الفارسي يتغير حتى في بداية التاسع انا تغير اخر ايام الثامن في بنتي على فكرة انا زوجي مواليد1974 يعني مش فرق كبير وزوجي مهندس بس مهندس نفط يشتغل في شركة نفطية في شارع النصر ما قولتيش شن ناويه تسمي المحروس ربي يجيبه بالسلامه |
رد: تجمع حوامل ليبيا
انا بأذن الله وربي يجيبه بالصحه والسلامه ليا وليه ناويه اسميه محمد
|
| الساعة الآن 02:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .