|
رد: دردشة بنات فلسطين, دردشة حوامل فلسطين, تجمع بنات فلسطين
بدي اغلبك ياقلبي
اعطيني طريقة كيكة النسكافيه شكلها بشهي بلكي صحصحت هاليومين وعملتها |
رد: دردشة بنات فلسطين, دردشة حوامل فلسطين, تجمع بنات فلسطين
زهرة القدس
مبروك الحمل وانشالله بتتطمني من الدكتور وبتيجي تطمنينا جارة ماشاء الله والله معدلة وشطوووورة انا كمان بدي طريقة كيكة النسكافيه انبثاقة انشالله حاسة حالك احسن انا والله مع الانفلونزا يا بنات راسي رح ينفجر كتير تقيل وبيوجعني وزكام وحاااالة الله يعيننا بس :( |
رد: دردشة بنات فلسطين, دردشة حوامل فلسطين, تجمع بنات فلسطين
ياقلبي انت الله يعينك
اذا احنا بناخد ادويه وهلكنا كيف انت ربي يخفف عنك وتخفي بسرعه حاولي خدي اي شي فيه فيتامين سي الفلفل الرومي فيه فيتامين سي وكمان الكيوي انا احسن بس الحراره لسه معذبتني وهاده حيلي |
رد: دردشة بنات فلسطين, دردشة حوامل فلسطين, تجمع بنات فلسطين
انبثاقة
انشالله بتصيري احسنرحبيبتي الله يرفع عنا جميعا والله طول اليوم بشرب ليمون وبرتقال انشالله ما تطول هالشغلة لانه بجد تعبت صحيح وين حيفا مختفية المفروض شافت الدكتور انشالله يارب تيجي تتطمنا |
رد: دردشة بنات فلسطين, دردشة حوامل فلسطين, تجمع بنات فلسطين
مرحبااا يا احلى اخوااات بالدنيا كيفكم ؟؟ وكيف البيبهات الحلوين :)
عيون المها حبيبة قلبي والله تسلميلي على الدعوات الحلوة ،، بتعرفي احلى شي الاجازة ولما تقضيها مع اولادك وزوجك بتجنن بيعملوا اجواء حلوة ،، انبسطي معهم يا عمري وربي يهنيكم على طووول يا احلى ام ادم ،، بوسيلي الامورتين لانا واسي وادوم :) احساس ههههههه ضحكتيني يقطع شرك والله ما شفت انك كاتبة عن ستك انه معها سكر وتعبت :(( ،،، كيفو زوزو ان شاء الله صار هادي ورايق ؟؟ صحتين وهنا على الكفتة والله طلعتي معدلة يا مها هههههه ام عمووورة يا قلبي ولا يهمك من اخت زوجك خليها تحكي براحتها اصلا الي بسمعك حكي هيك وبدو يغيظك بكون حاسس بنقص ،، المهم انك ناجحة برعاية بيتك وزوجك وابنك ،، ياما سمعنا عن صبايا متخرجين من جامعات وشهادات عالية وبرعاية بيتهم انسي حدث ولا حرج ومشاكل الدنيا فوق روسهم ،، انتي ضلي واثقة من نفسك وسيبك منها ،، وحكاية التعليم هادي والله نصيب انا متلك كنت ادرس كيمياء تطبيقية وخلصت سنتين ولما توفت بنتي جودي صارت ظروف وتركت جامعتي كلها ورحت لجامعة تانية وتخصص تاني خالص هههههه انا كل صدقاتي تخرجوا وفي منهم اشتغلوا وانا لسة بسنة تانية شو رأيك هههههه حبيبتي عادي خلي عندك امل واذا في الك نصيب بشي بتشوفيه معلش برمت كتييير :)) ميسوووو حبيبة قلبي سوري والله جديد عرفت انك ولدتي الف الف الف مبروووووووك يا عمري وتتربى بعزكم يا رب ما شاء الله عنها بتجنن الله يحميها ويرزكم برها حوااااء حبيبتي الف الف مبروووك حملك ان شاء الله التمام على خير والله يعينك هالفترة ،،، احكيلنا شو ردت فعل حماتك هههههه عسووولة يا روحي اشتقنالك ابقي فوتي ندردش يا قمر وصحتين على الكسنتة دودو الف سلامة عليكي يا عمري ما تشوفي شر يا رب انتبهي على حالك واتدفي منيح ربي يشفيك يا قلبي ،،، انبسطلك كتييير بالمفاجاة الي عملها الك زوجك الله يخليكم لبعض ويهنيكم يا روحي انبثاقة الف سلامة عليكي يا قمر ما تشوفي شر حبيبة قلبي ،، ربي يرزقك بالي بتتمنيه حيفا تعالي يا بنت طمنينا شو صار معك ،، يا رب تكوني هالشهر رفيقة حواء بالحمل ،، امييين يا رب غموض حبيبتي وينك ليه ما بنشوفك ،، طمنينا عليكي ،،متى معاد دورتك صحيح ؟؟ يا رب تكوني انتي وحيفا وانبثاقة وعسولة حوامل هالشهر لولو حمادة يا روحي كيفك وكيفهم الامامير احمد ومحمد ؟؟ كتييير اشتقتلك فوتي ندردش مسوووكة يا قمراية انتي كيفك وشو عامل معك وليدوو :) ،،، حبيبي الله يعينه هالفترة النفخة متعبة والله لاله ولالك ربي يعدي هالشهور على خير بعدها بترتاحي كتييير جارة منووورة يا سكرة انتي شو هالابداعات ما شاء الله حلوووين كتيير واكيييد طعمهم احلى صحتين وهنا يا روحي ع فكرة انا الي سألتك عن زيد ههههه انه وين تركتيه لما رحتي مع زوجك مو ام عمورة هههههه لولو الفلسطينية كيفك يا قلبي ان شاء الله بخير ،، كيف الحمل معك ؟؟ ام عزززمي وين يختي تعالي طمنينا عليكي كيفك وكيف هدهدة ان شاء الله تكونوا بخير دايما زهرة القدس الف مبااارك حملك حبيبتي ربي يتمملك على خير وتشوفيه بين ايديكي يا قلبي حلوة الاحساس اهلا وسهلا فيكي بينا ان شاء الله بتنبسطي كتييير معنا بينك روز وسها وينكم حبيباتي فوتوا نطمن عليكو يا رب تكونوا بخير انتوا وعائلاتكم وحشتونا كتيييييير يا رب ما اكون نسيت حدا :)) |
رد: دردشة بنات فلسطين, دردشة حوامل فلسطين, تجمع بنات فلسطين
يا ويلي شو كاتبة مجلدات هههههههه ،،، اسفة والله :))
|
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير
ام جوودي صح كلامك بس هاتي ناس اتقدر الظروف خذي راحتك واتكلمي يا عسل حواء مبارك حملك والله يسهل حملك حيفا وينك ليه ما ارجعتي ع اعصابنا عيون المها الله يسعدك حلو كتير عندكم خبز طابون نفسي فيه التامين كتير ضروري بهالبلاد اليوم زوجي حاول يعمل وحكولوا ما بشمل الولادة لبعد 6شهور يعني ع الفاضي جارة شاطرة اتشهينا في حوامل يا عسل اكتبي الطريقه من فضلك يسلم دياتك انبثاقه ودودو سلامتكم ما عليكم شر بدها الانفلونزا فترة وبتروح ان شاء الله عسوله ارجع اشتئنالك يا عسل غموض طولت غياب وان شاء الله الدورة ما اتشرف لولو حماده وينك شو اخبار احمد ومحمد اليوم كنت بمول الوحدة من الساعه 1 للساعه 7 حطمت الرقم اتمنيتك معي زهرة القدس ان شاء الله يثبت حملك وريحي نفسيتك حلوة اهلا وسهلا فيك نورتينا احساس كيفو اليوم زوزو ؟؟ مسك سلامته وليد المغص لا بد منه وخاصه الرضاعه الصناعيه بتزيده والببرونه في نوعيه للمغص واعملي مساج لبطنه بزيت زيتون ونيميه ع رجليك ع بطنه وربت على ظهره |
رد: دردشة بنات فلسطين, دردشة حوامل فلسطين, تجمع بنات فلسطين
~‘’~ مَسَـاكُمْ أبيَضْ صَبَايَاْ ألجَوْ عِنَّاْ تَلِجْ و المَنْظَرْ كتيرْ حِلُوْ و ألشَجَرْ كُلّوْ أبيَضْ ~‘’~ [ زَهْرَة ألقُدْسْ ] ان شاء الله تكوني حامل بتوأم [: و انا حامل بتوأمي كان هرمون الحمل يتضاعف بشكل كبير [حَوّاء] مبروك الحمل أنا لآني ولدت قيصري المستشفى نبهوني انو ما يسير حمل قبل سنه و دكتورتي كمان شدّدت حكتلي الخوف من انو يسير تفسخّات بالرحم شرحتلي انو مكان العمليه الخارجي برجع متل اول و بلتحم بس جوى لسى بيكون بدو وئت اطول و في ناس بتحمل قبل السنه و ما بسير معهم شي الله يتمم الك على خير [أمْ جُـوديْ] يا هلا كيفــــك و كيف حمودي ’‘ اي و الله الاجازه بسرعه بتمر و اكيد احلى شي جمعة العيله الله يخليلك حمودي و زوجك و تضلكم سوى ايمتا ان شاء الله امتحاناتك ؟ [دودو] سلامتك حبيبتي معافيه ان شاء الله [مِسْك] هلا ’‘ يسعد مساك و كل اوقاتك [أمْ عَمر & ام عمر ههههه] ان شاء الله تكونو بخير ام عمر القدس ان شاء الله تكوني قضيتي وئت حلو عند الاهل |
رد: دردشة بنات فلسطين, دردشة حوامل فلسطين, تجمع بنات فلسطين
كعكة النسكافية: كتتتييير بسيطه وسريعه ....... انا استخدمت:: 1-بكيت كريما بيضاء استخدمت باودر ... 1-ملعقة كبيرة نسكافية----ضروري 1-معلقة كاكاو------ >ممكن ما تحطي 1-معلقة شوكو ----->ممكن الاستغناء عنو يخلطو مع بعض وبعدها توضع كاسة الحليب اللازمه لخفق لكريما 1- علبة شمينت توضع بعد خفق لكريما بسكويت الشاي يغمس بنسكافية (معلقة نسكافية مع ماء فاتر ) يرتب بالبايركس او صينية ووضع طبقة بسكويت ثم الخليط تكرر طبقة تانية من البسكويت وطبقة من الخليط التزيين:بعد وضعه لمدة بالتلاجه لحتى يمسك بيتم التزيين شكولاته للتذويب انا استخدمت جلاكسي +معلقة شوكالاته نوتيلا للدهن(ممكن الاستغناء عنها)+ومعلقة زبدة بالمايكرويف حتى تذاب مع بعض ..... وبتعملي خطوط او دوائر او حتى طبقة كاملة بالشكولاته ....... صحه وهنا ........ كل شغلها 10 دقائق مو اكتر |
رد: دردشة بنات فلسطين, دردشة حوامل فلسطين, تجمع بنات فلسطين
شكله مجلدي يا ام جوودي
اكبر من مجلدك هههه |
| الساعة الآن 12:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .