|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته كيف حالكم
|
رد: حبيباتى سيدات ليبيا تفضلو لأعرف ما حالكم
الله يبارك فيكم ويعطيكم صحيحتكم
مانكذبش عليكم قبل مانصنعش بهالطريقة هذه فى العيد لكن العام هذا جايتنى طاقة لحلويات العيد أمس وصيت أهل عمى على فازو سمن تعرفو يهبلللللللللللل طازة طازة فاااااااااااايح يجنننننننننن صنته مش عادية ودرت بيه .......... غريبة عجنتها القايلة ودرتها بالليل وتره قولو شن صار ههههههههههه الطاجينين ألأأولات ساحو شوية وبدى طرف الغريبة كأنه طرف عبمبر مشى زدتها دقيق والطاجين ألأخير جى يهبببببببببببببببببل غريبة حقانية فظيعة فظيعة وخصوصا انى فرحانه بالسمن الجديد وطبعا زينتها باللوز وإن شاء الله اليوم بنزيد شوية جيرسى ومرات نزيد غريبة مش عارفة |
رد: حبيباتى سيدات ليبيا تفضلو لأعرف ما حالكم
الجيرسى سااااااااااااااااااااهلة جنودة تلحقى اديرى حتى شوية كان تبى
جوز الهند وخلطيه بعسل طايب ويبدا معك زى العجين وشكلى فى الكاغط وخليهم فى الثلاجة مشوار وبعدين شكلطيهم يعنى صبى من الفوق شوكلاطة سايحة بس سااااااااااااهلة |
رد: حبيباتى سيدات ليبيا تفضلو لأعرف ما حالكم
ماشاء الله نويشطة سوسو
حتس انا خاطري اندير ونتعلم جمعت هلبة طرق بس بمااني نمشي مع حوش عمي من قبل صلاة العيد قلت مافيش داعي ومايجيني حد بناخدوا سفرة مشكلة جاهزة ومفيش فضوة امس مشيت لحوش بوي بدينا في تنظيف الحوش الفوقي وقسمنا روحنا مجموعة فوق ومجموعة في الجنان حال الزواق والمعدات حايسة فوق ولوطة واليوم اللي قبله سيقت مع حماتي المربوعه وفرشوها جلسة جديدة واليوم اللي قبله مشيت لحوش بوي كنسنا الحوش من الغبرة ثلاث ليالي طوارئ لدرجة نضت الييوم علي اذان الظهر |
رد: حبيباتى سيدات ليبيا تفضلو لأعرف ما حالكم
درت اول امش بسكويت البصمة جاني حلو
بسكت البصمه. المقادير نص كوب زبده طريه تكون بحراره الغرفه- ربع كوب سكر-ملعقه صغيره فانيليا -صفار بيضه واحده-كوب دقيق-ملعقه صغيره بيكنج بودر -ربع ملعقه صغيره ملح -الطريقه. تضربي الزبده والسكر كويس بعدها تضيفي صفار البيضه والفانيليا وتضربي بعدها تضيفي الدقيق والبيكنح بودر والملح وتخلي العجينه في حاجه وتغطيها وادخليها الثلاجه اقل حاجه نص ساعه او لعند ماتلمسيها وتلقيها جمدت عليشان تمسك وتقدري تشتغلي بيها لانه لو اشتغلتي بيها علي طول أتكون رطبه واجد وصعب اتحكمي فيها وبعدها تبدي تأخذي بشويه وتكوري كور صغيرات وتكوني مجهزه بياض بيضه ولوز مطحون وخلي بالكوره في بياض البيض وبعدها في اللوز المطحون وبعد تكملي كل الطاجين قبل ما ادخليه للفرن تأخذي ببصمه الصبع وتضغطي عليه من فوق اديري فيه بصمه وتكوني مجهزه مربى الفراوله او اي نوع وعبي شويه في البصمه وبعدها دخليه للفرن علي درجه حراره 160 وأول ما ايتحمر طلعيه وخليه يبرد وممكن تزينيه بطريقه مختلفه ادخلي الكور واديري البصمه بدون ما تخليه في بياض البيض والمكسرات وأول مايطيب ويبرد تدهني بشويه حليب وترشي جوز هند وتعبي البصمه شوكلت وبالهناء. |
رد: حبيباتى سيدات ليبيا تفضلو لأعرف ما حالكم
مش عارفة خيرني اليوم
يلي انديره يطلع مش كويس درت خبيزة الظفيرة جت تلصف وكيكة الكريم كراميل مش عارفة كيف بتطلع اللي نمسه يطيح ولا تبزع آآآآآآآآآآآآآآآآآآآآآآآآآآآآآآآآآآه |
رد: حبيباتى سيدات ليبيا تفضلو لأعرف ما حالكم
حبايبي
ام فراس\اوشي\ام اجنادين\سوسو\جي جي \اثري\شموسه كل سنة وانتم طيبين وينعاد عليكم بالصحة والسلامه يارب وتقبل الله اعمالكم مع نهاية الشهر الفضيل الي شرت حوايج ان شاء الله مباركات وبطول عمركم وتبيدوهم بالهناء يارب والي دارت الحلوات ربي يعطيها الصحه وصحتين ع قلبكم وان شاء الله يكون عيد سعيد مع لمة الاهل والاحباب يارب |
رد: حبيباتى سيدات ليبيا تفضلو لأعرف ما حالكم
اني امس درت القرينات واصابع الكورنفلكس والكنافه شوية من كل حاجه الحق قبل لما كنا في ليبيا نشرو واتي بكلاوة وكنافه هكي متعودين بس اهني مش متوفر فقلت ندير شوية وخلاص
|
رد: حبيباتى سيدات ليبيا تفضلو لأعرف ما حالكم
طبعا هذا اول عيد ليا ومن لما سافرت معاش حنيت وخاااااطري في الحنه وطبعا جايبه معاي من ليبيا المهم عجنتها ووتيتها وبعد العشا مشا زوجي للتراويح واني كملت حوستي وبديت فيها
تخيلو بعد ماحطيت اللصقه لرجليا الزوز وبدين نحني في الاولى تنحت لصقة التانيه من الحركة عاودت لصقه اخرى وبديت نحني معاش لحقت ع رجلي من تالي بطني ظايقتني وحسيت روحي نكدس فيها لدرجة الحنة بتم في الرجل الاولى المهم بعد محاولات فاشله خلاص نضت لوحتها بلصقتها وغسلت رجليا وشديتها بكاء ):قلت كاني بجنب اهلي مايصيرش فيا هكي والي وجعني الحنة صبغت في رجلي وايدي الي حنيت بيها شكلها كويسه لين روح زوجي ولقاني نبكي زي الصغار مسكين قعد يهدي فيا ويقولي هيا ابدي ونحاول نساعدك قتله خلاص توا مستحيل المهم بعد ماقعد يقولي ع خاطري مشا حنيت ايد وحدة وخلاص وجت تهبل والله قريب نموت عليها خاااااطري فيها بس الله غالب |
رد: حبيباتى سيدات ليبيا تفضلو لأعرف ما حالكم
جيجي وامولة ان شاء الله ربي يكمل حملكم علي خير
ويفرحكم بشوفت قرة أعينكم يارب وان شاء الله لما يكبروا يردولكم كل التعب هدا احني ومش مثقلين وتعبنا ربي يكون في عونكم امولة ياغالية فترة واتعدي علي خاطر زوجك ماتخليشي يحس انه جايبك بالغصب كله في سبيل دراسته ولاحقة عليها الحنه لو كنت في مكانك راني خديت نقشات حلوات وحنه متاع الصبغة الحمراء عشر دقائق وحولي حتي العيد هدا هكي بندير حنه بناتيه ايديا بس عندنا اعراس بعد العيد مباشرة نبي نحني حنه كويسة بعدين ياريتك جنبي انحنيك احلي حنه |
| الساعة الآن 08:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .