|
رد: دردشة بنات فلسطين* دردشة حوامل فلسطين* تجمع بنات فلسطين
ام جودي مالك حكتلك قبل هيك معها السكر وكبيره بالعمر وكان نازل كتير عليها وتعبت
عيون المها ان شالله اكون قد المسؤليه وتزبط الطيخه مش مستاهله كلها حتة كفته هههههههههه ستي الكل والله زعلان عليها لانها هيا هالست الوحيده يلي الي ستي ام امي ماشفتها توفت وانا صغيره وستي هادي هيا يلي لمانا يعني لما نروح بنروح عليها وكل اعمامي وبابا بيجو عندها بكره بعد عمر طويل لو توفت بنبطل نلتم زي هيك حيسير كل واحد لحالو عشان هيك / تسلميلي حبيبتي / وموفقه انتي والعائله الكريمه بالعطل والفسح / احنا ايام ابو عمار كان يعطينا اياه اجازه اجت حماس لغتها عطلة المسيحيه |
رد: دردشة بنات فلسطين* دردشة حوامل فلسطين* تجمع بنات فلسطين
~*~ صَبَـاحِكْ وَرْدْ إحْسَـاسـْ ~*~ ههههه ضحكتيني كلها حتة كفته [: يا ستي فيها العافيه ان شاء الله ~‘’ الله يطول بعمرها ستك جد الكبير دائما بجمع العيله و انا بحب وجود الكبار بالعمر بالبيت و انا متلك تيتا ام امي ما بعرفها غير بالصور توفت و انا صغيره اما تيتا ام ابوي ربي يرحم روحها كنت كتير احبها و كنت كتير احب الاحداث و القصص الي تحكيلنا اياهم لانها عاشت عن زمن الاتراك و حكمهم لفلسطين فكتير تعلئت فيها كانت بتجنن بيضا و عيونها زرق هههههه و سيدي نفس الشي ربي يرحمهم و يطول بعمر ستك ياارب بالنسبه للعطله انا كتير بحبهااا لانها راحه للبنات شوي من المدرسه و بحب يقضو وئت معاي و بيساعدوني كمان بادم خلال النهار اذا كنت مشغوله استغليت فرصة عطلة زوجي و البنات و غيرنا جو بس كمان شوي مع التلج ما بحب اطلع كتير فمعظم وئتي بالبيت فأكيد راح اداوم هون ههههههه و تزهقونيhwaml02 |
رد: دردشة بنات فلسطين* دردشة حوامل فلسطين* تجمع بنات فلسطين
يسعد صباااااحكم يا احلى بنات
اول شي كل اللي عايدوني صبية صبية تسلمولي ياااارب ويخليلي اياكم والله كتير انبسطت بمعايداتكم عشان ما انسى حدا بحبكم كلكم مبارح كان يوم حلو صحينا الصبح انا وزوجي قللي قومي نطلع قلتله حرام انت مريض هههه قللي قومي زهقان المهم طلعنا ولفينا بالسيارة شوي وشربنا قهموة وقعدنا عالبحر وقضينا وقت حلو بالشمسات وبعدين ضلينا نلف شوي ولما صار المغرب تقريبا لقيتو ماخدني على مطعم في اوتيل تقريبا عالطابق ال 25 وبيدور بالجو اكيد بنات الامارات سمعتو فيه اللي بفندق حياة ريجنسي وكان بوفيه وتعشينا والاكل كتير طيب وكانوا بيحتفلوا بالكريسماس واجا سانتا كلوز وقعد يوزع هدايا عالاطفال كان جو حلو كتيييييير وجديد كتير انبسطنا ، واحنا مروحين بالسيارة اعطاني هديتي وكانت ساعة دهبية ماركة Jennifer Lopez كتييييييير حبيتها لانه انا كنت بدي ساعة دهبية وهو كان عارف وطبعا رجعنا عالبيت لانه كنا تعبانين وكان يوم حلو وعلى زوقي الحمدلله يسعد اوقاااااتكم جميعا |
رد: دردشة بنات فلسطين* دردشة حوامل فلسطين* تجمع بنات فلسطين
صباح الأنوار
دودو تتهني ويجعل ايامك كلها سعادة مزوء زوجك والمطعم كتير نايس ومباركه الساعه تتهني وكل سنه وانت سالمه عيون المها الله يخليكم لبعض عائله سعيدة صحه ع المسخن انت خبزت الخبز لمن اشتهيه باكله بمطعم فلسطيني |
رد: دردشة بنات فلسطين* دردشة حوامل فلسطين* تجمع بنات فلسطين
احساس
شاطرة كويس انها كفته سريعه يعطيك العافيه مقدما وسلامتها ستك الله يطول عمرها لولو حمادة يسلمو اذكرتيني يا عسل الحمد لله اطمنت لازم اعمل كمشة تحاليل بوسيلي احمد ومحمد جارة عيشي حياتك دايما في جديد وحياتك حلوة الله يسعدكم ويخليلك زيد ويزن |
رد: دردشة بنات فلسطين* دردشة حوامل فلسطين* تجمع بنات فلسطين
ام عمرو تسلميلي حبيبتي انتي المزوقة والله
صحيح بدي اسالك والسؤال لكل الصبايا حاسة حالي بدي افلوز ، بينفع اشرب بابونج ؟ لانه جننوني عالنت اشي بيقول مضر واشي بيقول لا يعني الحامل لما تمرض شو تعمل بحالها :(((( |
رد: دردشة بنات فلسطين* دردشة حوامل فلسطين* تجمع بنات فلسطين
ام جوودي
يسعد مساك يا حلوة بالتوفيق بالدراسه سجلت بجامعه فرع لجامعه بغزة وصرت اتوحم بعمورة وما كملت سحبت ابتعرفي المحاسبه كتير صعبه وعن بعد موت بدها متابعه والجامعات كتير غاليه بد اكمل بس شو الحل ؟! صار فيني متل السبع صنايع والبخت ضايع بالتوجيهي جبت الاولى عنا وبالجامعه اصرو اهلي انجليزي وبعد سنتين غيرت لانه ما كان عن قناعه وبعدها استقريت محاسبه سنتين وسافرت لازم اكمل بيت حماي 4 بنات دارسات وزوجي ماجستير هندسه واخوه مهندس اخت زوجي دايما بتسمعني كلام .... |
رد: دردشة بنات فلسطين* دردشة حوامل فلسطين* تجمع بنات فلسطين
الله يسعدك
لمن افلوز بشرب زهورات بحط شويه بابونج وميرميه ويانسون وبشرب اتوكلي ع الله ما فيه ضرر وبشرب عصير ليمون مع ملح وماء والدكتورة حكتلي ما في ضرر |
رد: دردشة بنات فلسطين* دردشة حوامل فلسطين* تجمع بنات فلسطين
خلص ام عمرو بدي اعمل متلك
اصلا انا سالت الدكتورة عاليانسون اللي هو احمى اشي وقالتلي اشربي مرة باليوم عادي فخلص رح اشرب بابونج واتوكل على الله شكرا كتير |
رد: دردشة بنات فلسطين* دردشة حوامل فلسطين* تجمع بنات فلسطين
ع النت كله مضر ما في شي
غير مضر حتى الدوا الي ابتكتبه الدكتورة ببحث عنه ع النت بخاف اشربه وبسالها بتبهدلني |
| الساعة الآن 05:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .