|
رد: حبيباتى سيدات ليبيا تفضلو لأعرف ما حالكم
جيجي
مرحبتيـــــــــــــــــــــــــن طيب في أوبيك الغالـــــــــــــــــي الله يبارك عنده عزيمة حتشوفيه بإذن الله حيبدى يمشي حتى بلا قيلة وربي يحفظكم ليه فلاهتمام بالمريض ورفع معنوياته يساعد على سرعة التشافي بعد إذن الله وربي يسهل عليك بالله طمنينا بعد ما تجيبي مش تلهي بأميرتك وتنسينا !!!!!!!!!!!!!!! |
رد: حبيباتى سيدات ليبيا تفضلو لأعرف ما حالكم
جيجي الف الحمد اوشكر ليك يارب لي مشا باتك تاج راسك ربي يطولك في عمره اويحفظه لكم
اموله شكر يا حلوه لانك طمنتينا عل جنوده اوربي ايتمم حملك على خير هديه شكلي عطيتك عين قلت هديه تريحت في العيد من التعب هههههه اليوم حستي حوسه باهيه اثري كيف عللوله اوجووودي حبايب اخويلتهم شموسه ام فروسه شكلك سافرتي ان اتكوني استمتعتي ابرحلتك اوشي مش باينه اليوم |
رد: حبيباتى سيدات ليبيا تفضلو لأعرف ما حالكم
اليوم الحمد لله كملت حوستي امتاع العيد توا غير حسيت بحياه بدت طبيعيه غسلت لفراشات او فرش لقطع اونزلت الستاير غسلتهن او ركبتهن
درت كباب بدينا انا اوزوجي نشو فيه بد في اشتباكات احذانا ياربي لطفك بينا قالو انصار شريعه اوشرطه العسكريه ضرب في بعضهن لميت الدنيا بره اوخشينا اوزوجي يطلع مره مره يبرم ياربي اصلح حال ابلادنا |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
آنـــــــــــــــــــــــــــــــي ..جيـــــــــــــــــــــــــت
سلمهن النشادات اجعنكن ماتغيبن وديما طيبات |
رد: حبيباتى سيدات ليبيا تفضلو لأعرف ما حالكم
جيجي .. الحمد لله علي سلامته بوك ايوة هكي الاخبار المفرحة
ربي يعطيه الصحة ويقويه وتشوفيه يمشي علي رجليه حسيته شعر خخخخخخ |
رد: حبيباتى سيدات ليبيا تفضلو لأعرف ما حالكم
هدهد ... آهه عليك تشحويرة كبيرة
بس راجلك ربي يخليه لك ماجا لين جابلك المصارين وصحة العصيبينات |
رد: حبيباتى سيدات ليبيا تفضلو لأعرف ما حالكم
شموسة ... ربي يعطيك الصحة بشويش علي روحك
راك مازلتي في المرحلة الحرجة من الحمل راك تسببي الروحك ياوليه |
رد: حبيباتى سيدات ليبيا تفضلو لأعرف ما حالكم
سوسو .. ادهويرة سمحة في العيد ماشاء الله عليك
|
رد: حبيباتى سيدات ليبيا تفضلو لأعرف ما حالكم
اثري .. شن اخبارك واخبار اولادك
|
رد: حبيباتى سيدات ليبيا تفضلو لأعرف ما حالكم
ام فراس العزيزة ...
اكيد توة في ريف اسكوتلندا الجميل ان شاء بس الجو حلو وياريت تكوني امصورتيه لنا بيشانشوفوه اللي كان رسم في الخيال |
رد: حبيباتى سيدات ليبيا تفضلو لأعرف ما حالكم
امولة ... صار بكرة تخشي شهرك ان شاء الله علي خير وسلامة
وشن تبي فيه الطلق الكاذب غير يودرك امعاه وخلاص ان شاء الله يجيك طلق حقيقي وتشوفي بنوتك الحلوة وتكون ولادة سهلة وميسرة |
رد: حبيباتى سيدات ليبيا تفضلو لأعرف ما حالكم
بالنسبة ليا انا اليوم كنت في تطريفة
هذا عرس ولد عم زوجي اللي قلت الكم 19/10 ودارولنا كسكسو الاعراس ياسوسو ايهبل مع العلم ان غداي كسكسو بس ماكليتش منه لاني كنت تاعبة من حوسة الحوش |
رد: حبيباتى سيدات ليبيا تفضلو لأعرف ما حالكم
اه .. ورونا الكسوة امتاع العروس حاجات فخمة
والا التغليف حاجة راقية فعلا بس العروس كان المفروض راهو بعد العشاء مشينا حنيناها ورمينا عليها لكن يامينتي ولدعمها توفى امس في حادث سيارة شبوب صغير فهلها لغو الفرح امتاعهم كان اليوم وقالو لنا تعالو بكرة خذوها من الكوافيرة وخلاص موقف بشع ربي مايوريه لنا ..يارب تمم فرح اوخيي علي خير وسلامة يارب ياحبيبي |
رد: حبيباتى سيدات ليبيا تفضلو لأعرف ما حالكم
وبكرة اخرى ماشية وبعده التصنديرة كمان مش قاعدة
هههههههههه نشاشة اوخيتكم تعرفو يابنات انا ماكنتش نمشي ابدا الا في الايام الرسمية بس بعد مرضت ولله الحمد لقيت انه الدنيا هذي فانية والانسان ما يعرفش امتا نهايته فلذلك كل من يعزمني نمشيله ولاني عرفت مؤخرا لوحد عزمك ومامشيتلش فيها اثم عليك ربي يغفر لي تطنيشاتي لولات |
رد: حبيباتى سيدات ليبيا تفضلو لأعرف ما حالكم
وتوة تصبحن علي خير
|
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
بارك الله فيكم ياغاليات اللي فرحتوا لفرحي الله لايحرمني منكم
اثري ان شاء الله انبلغكم بولادتي علي طول يااااااااااارب يسر ولادتي والله هالايام تااااااااعبه والحمد لله علي كل حال |
رد: حبيباتى سيدات ليبيا تفضلو لأعرف ما حالكم
تسلمي جي جي ان شاء الله ربي يسهلك ويسهلي
الغاليه اثري الله يبارك فيك بس للاسف جنودة مش نفس ولايتي بس يلا المهم في امريكا وخلاص سوسو والله مانحكيلك قداش متحمسه للولادة نستنا فيها باللحظه ونستشعر في اي الم او حاجه هههه مستااااحشه نشوف فطومتي وع قولتك خليني مانعرف شئ خير بس احكيلنا شن ضيفوك السوريين وظايقه الكبة البرغل عندهم والا لا اوشي الحنينه تسلمي حبيبتي وان شاء الله ربي يدوم الافراح عندكم وصحتين الكسكسو وفعلا موقف حزين للبنت الله غالب مسكينة ان شاء الله توصل لحظن زوجها بالسلامه والف مبروووووووووك ع اوخيك وان شاء الله بطول عمره يارب ام فروسه زعما مشت لاسكتلندا وغاطسه فيها ؟ربي يهنيها ان شاء الله وتدخل تطمنا مخليه مكانها هدهد وينك يابنت اكيد توا مع زوجك ربي يحفظهولك بما انه عطله شموسه تسلمي وان شاء الله ربي يتمملك حملك ع خير حتي انتي يارب |
رد: حبيباتى سيدات ليبيا تفضلو لأعرف ما حالكم
االبارح مشيت لجارتي حتي هي في شهرها لكن فايتتني بايامات بس قالت ليها يومين تحس في وجعات قوية الحق خفت حسيت الوضع بيبدا جديات
ههه سوسو علاش قلتي فكك من ابرة الظهر؟؟؟الحق مدايرتها في بالي |
رد: حبيباتى سيدات ليبيا تفضلو لأعرف ما حالكم
اليوم ان شاء الله بنأجر مكينة غسل بساطات بنغسل بيها بساط الصاله والدار مداما الشمس تزرق مرة مرة اقل حاجه يجفو خير من يخش الشتاء رسمي
مع انه الجو صققققققع وغداي رشدة كسكاس واخيرا شريت مكينة رشدة اونلاين وبنبدا ندير فيها هي والدبله وبوريك الجبد استاااااحشتهم |
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم يابنات كيف نايضة واليوم عندي عزومة عشي هيا مش عزومة عزومة غير راجلي وامتاعين العمارة الشباب داريين زي اللمة كل واحد يجيب معاه وجبة ويتلاقوا في غرفة عندنا في المبنى خاصة بالمناسبات اللي عنده مناسبة يحجزها قبل كانو يديروا فيها كل سبت يتلاقوا عشي وكل واحد يجيب معاه اكلة تراثية من بلده لكن وقفوها فترة وتوا شكلهم بيولوا المهم منديرلهم رز بالبصلة هذا الوحيد اللي ماضاقوشي وبتجيني مراة في الحوش جارتي من بنقلاديش والله ماني عارفة كيف منتفاهم اني وياها المشكلة حتى انجليزيتها مش مية في المية واني احرف مني جتني مرة في رمضان والله هدرزنا كلمتين ومعادش عرفت كيف نتفاهم معاها راجلي قاللي مشوا حالكم وخلاص وفيه مترجم في قوقل اسمه قوقو ترانزليت يترجم من عربي لاي لغة ثانية والعكس قاللي هدرزوا بيه قتله تخيلت شكلنا كيف مقعمزين نهدرزوا بالكتيبة ههههههههههه بااااايخة اللقطة الله غالب مافيش حل ثاني وهيا ماشاء الله ملتزمة هلبة هيا وراجلها تعرفوا راجلها ملتحي وديما يصلي هو وراجلي في مصلى في المبنى وهيا تلبس في خمار وعباية حتى لما جتني لابسة خمار مع اننا في نفس المبني وبينا طابق بس ومساكين شكله وضعهم بالهون قاللي راجلي حوشهم مساكين مش مأثث يادوب مفرش ودار نوم ماعندهمش لما جتني تلف في الحوش وتتفرج عالآثاث وخشت حتى لدار النوم تشوف فيها قاللي راجلي بما انا قريب نروحوا احني وهما قاعدين مازااال منعطوهم اثاث الحوش لما مروحين كان نقوللكم ضحكني موقف اول ما جت اني نصلي في العصر في الدار راجلي فتحلها واني في الدار ونحول في جلبابي مانعلمش لين فتحت عليا باب الدار انخلعت ههههههه شكلها مالقتنيش في الصالة قالت نخش للدار وخلاص وبدون حتى تخبيط والا استئذان هيا سلام توا ندير في الفطور قلاية وطلع مافيش هلبة خبزة مشي راجلي بيجيب وقريب يخش عليا قاعدة مقعمزة ههههه بعدها بيطلع بيمشي لصلاة جنازة على واحد ليبي مسكين ليه شهرين بس جاي وعنده عويلة ستة صغار سلامتهم والله وجعني وقريب مارقدتش الليل بطوله امبارح تأثرت هلبة مسكينة مرته الله يعينها قالوا توفى بسكتة قلبية طلع من قاعة المحاضرة قعمز في مكان لقوه ميت طول الله يرحمه قبل نبي نعدي نعزي المراة لكن راجلي قال مانعرفاش ولا نعرف حوشهم وين يجي هما من الزاوية وسمع عالراجل سمع بس من اصحابه مايعرفاش من قبل قال بيروحوا بيه بيدفنوه في ليبيا الله يرحمه ويصبر أهله |
رد: حبيباتى سيدات ليبيا تفضلو لأعرف ما حالكم
تعرفوا امبارح قعدت نفكر الموت ماأقربها تخيلوا لا سمح الله تصير فيه حاجة راجلي نهبل والله مابعدها المراة متغربة وبروحها وفي رقبتها صغار ربي يكون في عونها
وطبعا اهني عندهم لا يعرفوا ورثة لا شي اي حاجة تبع الراجل بياخدوها الا اذا كان الراجل كاتب وصية وكان مش كاتب مايعطوك شي حتى فلوسه اللي في البنك اني راجلي مرة حكالي عليها الحاجة هذي بالصدفة قاللي راهو مايعطوكش شي وهكي بعدين اعترفلي قاللي اني كاتبلك وصية وداسها في مكان وقاللي على مكانها قاللي كان صارت فيا حاجة ماياكلوش حقك تعرفوا خلعني قعدت نبكي وقتله ليش تقول هكي بعيد السو عليك وحتى لا سمح الله لا سمح الله صارتلك حاجة مانبي شي بعدك قلتله مناخد الورقة ومنمزقها مانبيش شي نبيك انت وبس وتوا كل مايخطر عليا كلامه نبكي ونرعش لما نفوت قدام المكان اللي فيه الورقة ماتجرأت نشوفها بكل ربي يطولي في عمره ويحفظه والورقة ان شاء الله نمزقوها جميع لما نروحوا ونضحكوا عليها |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبرته
كيف حالكم خيره المنتدى مكسسسسسسد وينكم أنا أمس النت بلهوووووووون اليوم تغدينا عند عيالي وجي بابوعيدنا عليه طبعا ماحضرش العيد زي ماقلتلكم وامي مطيبة قريش البارح وانا بصراحة نمووووووت فيه مانقدرش نقاومه بكل ندور وناخذ طرف خخخخخخخخخخخ |
رد: حبيباتى سيدات ليبيا تفضلو لأعرف ما حالكم
اوشي
الله يرحم قريب عروستكم موقف محزن جدا والحمد لله جت على هكي وماالتغاش العرس كله تعرفو بنت خالتيللي كان عرسها ألأسبوع الجاي في لحظة ألتغى العرس والجماعة من الجهتين صايرة حالة نفسية متحطمة ودموع.. الله غالب مافيش نصيب وصحتين كسكسييييي مش كسكسوووو ههههه الاعراس على قلك ياغزالة وبالنسبة للتنطيش يعني تعترفي انك كنت متكبرة صححح هههههههه بس شجعتيني شووووووية عندن لمة مراة جديدة على الجيهة واخدها قريبنا وهي من زليطن ووو الحق اول مناسبة ليها وكنت مدايرة في الي مانمشيش بس مرات نمش وخلاص .......... |
رد: حبيباتى سيدات ليبيا تفضلو لأعرف ما حالكم
يعطيك الهناء هدية والله دموعي في عيني اثرت بكلامك اه
ربي يحفظلك زوجك وتضحكو عالورقة لماتمزقاها إن شاء الله وربي يرحمه جل والله موقف محزن جدا ربي يغفر له إن شاء الله ومابعد مراته ممكن تسأليلي عالإسم وبنسألك حاجة ثانية نبي نسأل على واحد من عيلة القيفر يقرأ في كندا بالك راجلك يعرفه |
رد: حبيباتى سيدات ليبيا تفضلو لأعرف ما حالكم
امووووووووولة بالله عليك لو تتاصلي مع مع جنودة قوليلها تجي تلحق على مسابقة حقيبة العروس هي موتية مشاركتها مسكينة ليها مدة وغدوة أخر يوم في المسابقة
|
رد: حبيباتى سيدات ليبيا تفضلو لأعرف ما حالكم
اموووووووولة جو صار بتجيبي انت وجارتك مع بعض ماشاء الله وكل وحدة بتعول على روحها بروحها
وامولة ليش مش عاطيتني ايميلك عالفيس ولاعاطيتني وناسي ونبو ايميل جنودة لو هي موافقة طبعا ووووووو وشن ثاني وبالنسة للطاقة الحمد لله اكيد فرحانة انت وتستني لأنك متغربة وحاسة نفسك وحيدة ومكسدة صح ومستاااااااااحشة تضمي بنوتك لحضنك يااااااااااارب ييسرلك ولادتك يااااااارب |
رد: حبيباتى سيدات ليبيا تفضلو لأعرف ما حالكم
هدية جوووووووووو منظر انت وجنارتك بس حق حشمة كيف بتتفاهمو
|
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالك سوسو والبنات كلكم
من امس العشيه وحالتي حاله حبيبه امها مريضه حشاكم ترجيع وحراره حتي المعاينه منفعتش توه راجلي قالي حجزتلها عند اخصائي نستنا فيه يتغدا ونمشوا والله قلبي بيتقطع عليها حتي الميه ماتقعدش عندها دقيقه وطول الوقت راقده ومرخيه وحتي اني ماعنديش نيه في حتي حاجه لين انحس بدوخه يااااااااااااارب اشفيلي بنوتي وضئ حوشي عاجل غير آجل ياارب |
رد: حبيباتى سيدات ليبيا تفضلو لأعرف ما حالكم
هدوو ربي يحفظلك راجلك وبنوتك وترجعوا بالف خير
وربي يرحم موتي المسلمين ياااااارب سوسو كيف حاله اوبيك وكل عام وديما ملتمين وصحه القريش |
رد: حبيباتى سيدات ليبيا تفضلو لأعرف ما حالكم
هديه ان شاء الله ربي يحفظلك زوجك وتروحو مع بنيتكم لاهلكم سالمين غانمين يارب وربي صبر زوجته وصغاره الي توفى هذا فعلا موقف صعب ربي يكون في عونها وخاصة انه مات فجأة بس الله غالب ان شاء الله ربي الي يبتليه بمصيبه ينزل معاها الصبر
جي جي ان شاء الله لاباس ع رنودة بعيد السؤ عليها ياناري سخفتني ربي يشفيها الحلوة وايطمنكم عليها |
رد: حبيباتى سيدات ليبيا تفضلو لأعرف ما حالكم
اهلين سوسو الحمد لله ع سلامة بابا وصحتين القريش اه ذكرتيني فيه وسهفتيني
حاظر توا نبعتلها رساله جنودة ونقولها وتوا نستأذن منها في الاضافه وع فكرة انتي ظايفاتك هههخخخ لكن فكري شن اسمي؟؟؟؟ جارتي موعدها قبلي و زي ماقلتي الي هذه بتلها في روحها وفعلا متشوقه خاااااطري من يونسني |
رد: حبيباتى سيدات ليبيا تفضلو لأعرف ما حالكم
ردي بالك اوشيي تحرجي قلتلانك يعني بمعنى متكبرة راني نبصر معاك بالله ماتزيش
هللااااااااااااا ومية مرحبا جيجي |
رد: حبيباتى سيدات ليبيا تفضلو لأعرف ما حالكم
الحمد لله على سلامة رنودة ياااااااااااارب اشفيها
هلااااااااا بالحلوة امولة بديتي طرفة ونستغريو ونفرحو لما نشوفوك كيفك وشن اسمك فضووووووووووووووووووول |
رد: حبيباتى سيدات ليبيا تفضلو لأعرف ما حالكم
امووووووووووووووولة مش مصدقة ان اجندين في امريكا
يلا قوليلي شن الاسم |
رد: حبيباتى سيدات ليبيا تفضلو لأعرف ما حالكم
امولة باهي انت فاتح توه في من فاتح عندي خلى نختار ايهم انت
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
جيت والفضل لي سوسو اصيدتني من الفيس
اموله عطيني احسابك واحساب جنوده بعد اذنك |
| الساعة الآن 08:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .