|
رد: ** ليبيا زين علي زين ليبيا ورد وياسمين ** تجمع الليبيات
أوشي كيف حالك وحال زوجك والصغار وشن صار في عزومتك إن شاء الله مشت علي خير ؟
فروسه كيف حالك وكيف حال زوجك والصغار وشن أخبار الدراسة والحضانة قاعدة تمشي والا ؟أني سوما رفعتها مرة وحده بعد العطلة وبعدها شوبت مخاطريش انوض بكري ونطلع في الصقع والمطر هي في الحوش ومتعبتني سلامتها نجري وراها طول اليوم مره تفتح في دواليب المطبخ ومره خاشه للدار وكان غفلت عليها شوي نلقاها واقفه بطولها عالكنبه بكل ثقة وتتفرج ههههه حالة وخلاص ماشاء الله فروسه الهدايا تعتبري شبه كملتي مش زيي أني مخديتش غير حاجات بسيطه من بودي شوب روائح ومجموعات استحمام مقشر ولوشن وزيت جسم وليفه جايات كلهم في علبة وحدة زي الهدية خديتهم لاخواتي وسلفتي وعمتي هادي مسكينه اللي قعدت بروحها وهذا هو مازاااللي هلللبه لكن ماعنديش جو لطلوع بروحي وراجلي مضغوط هلبه هاليومين كان ربي سخر بيناقش مناقشه مبدئيه نهاية واحد وبعد ستة شهور المناقشه النهائية ونروحوا هيييييي أخيرا ههههه جيجي كيف حالك وحال زوجك والبنيات إن شاء الله بخيرلا باس علي جمونه وان شاء الله بطول عمرها وربي يعطيك صحتك عالعزايم شكله راجلك زي راجلي قريب حتي الخاطم في الشارع يعزمه ومايقتنعش بعزومه شخص والا اتنين لالالالا أقل شي ستة ههههه اخر عزومة كانت عشرة ماشاء الله لكن باهي الحمد لله ربي سترني والحق تعودت توا نطيب لعشرة والا 15 بروحي مع إني في حوش اهلي كان زاد علينا حد منقدرش نطيب نخاف لكن الحمد لله بديت خبره اتوره كيف حالك وحال زوجك وكيف حال دودي وعلاوي وكيف حال ميمتك ربي يحفظها وشن أخبار الريجيم ربي يعينك عليه وتوصلي للوزن المناسب في أقرب وقت |
رد: ** ليبيا زين علي زين ليبيا ورد وياسمين ** تجمع الليبيات
سوسو كيف حالك وحال زوجك وصغارك
شن أخبار ريم توا إن شاء الله أحسن وماشاء الله عالاكلات اللي منزلتيهم تسلم يدياتك جنوده كيف حالك وحال زوجك وشن أخبار القرايةربي يعاونك شن الجو عندكم ؟احني صقععع ومطر ماشاء الله امبارح موقفتش بكل والليلة ريح قويه شوية بعتولنا تنبيه عاليميل باش نردوا بالنا أموله كيف حالك وكيف حال زوجك وفطفط إن شاء الله بخير شني ترضع في طبيعي والا صناعي والا الاتنين اختي اللي جابت توا معندهاش حليب مسكينة البنية ترضع في صناعي وخلاص قالت مرات نشفط ويطلعو قطرات بس يادوووب رقم واللي ينزل من فمها أكتر من اللي تشربه هههههه والله صعب الحق الرضاعة خصوصا الشهر الاول ربي يعينا ويؤجرنا ام معاذ كيف حالك وكيف حال زوجك والصغار وشن مداير فيك أبوني شن رايك في عرض ام فراس ههههه هي نحملو التلاتة جميع بما إنه صغارنا في نفس العمر تقريبا سوما شهر وتسكر السنه إن شاء الله وعلي فكره سنونها طلعت أكتر من تلاته غير هذاك اليوم أشبح وين عقلي لما قلتلك تلاته هههههه هيا ماشاء الله كانت مطلعه خمسة لكن في هاليومين اكتشفنا اتنين كيييف يبانو زي رأس الابره ونتشتهم زي السمممم هههه ام ورد كيف حالك وحال زوجك وكيف حال الحمل قربتي اكيد ماشاء الله ربي يكملك علي خير وتفرحك بشوفته وينوضك بالسلامة ام نرجوسه أهلا وسهلا بيك انستينا كيف حالك وحال زوجك وليدك ربي يحفظه وربي يعينك عالغربه احني فترة محدوده ومش صابرين ومتحملين راجلي قالي شن رايك نزيدو نقعدو سنه بعذ التخرج عالأقل نخدم شويه ونكون روحي وانتي تحصلي فرصه تقري لكن والله قااااالقه خاطري نروح اليوم قبل غدوة وفي نفس الوقت خايفه نروح وندم إني ما استفدتش من السنه الزايده محتااااره والي كاتبه ربي باهي شمووووسه ليك وحشه يارب ترجعلينا في أقرب فرصه خوله وينك غطستي كيف حالك وحال زوجك وبناتك والحمل إن شاء الله تمام شني قررتي بخصوص العزومه والا مازال ربي يسهلك ويعاونك ام نوزه كيف حالك وحال زوجك ونوزه وحمودة إن شاء الله كلكم بخييير |
رد: ** ليبيا زين علي زين ليبيا ورد وياسمين ** تجمع الليبيات
تعرفوا مريضه وفاشله حرارة وداهشة ودوخه بالذات لما نصبي وشكلي حتي مننزكم دارها فيا الجو الحوش ساخن زي النار وفجاة نفتح الروشن صقع يجمد
|
رد: ** ليبيا زين علي زين ليبيا ورد وياسمين ** تجمع الليبيات
الـــــــسلام عليكم
كيف حال الجميع ام فروسي كيف حالك وكيف حال سنافرك ؟؟ شن صار فيك بديتي تقري ؟؟ في موقع حلو يدير في مدالية للمفاتيح فيها صور او كافر للايفون عليه صور العيلة وهلبة افكار ؟؟ أوشي كيف حالك واكيد توا عطلة كملتوا امتحانات ؟؟ جيجي كيف حالك مع العزايم وشن مدايرات فيه الاميرات ؟؟ هدية احني مش صقع الصقع في الولايات الثانية القيت حتي مرة خبر علي الفيس انه في وليد ليبي اتوفي ربي يرحمه الحمد لله انا زوجي ماعنده علي العزايم هلبة لان بطبيعة شغله مايفضاش وصحابه جوان مرة وحدة عزومة بعد الزواج اثري كيف حالك وحال سنافرك شن اخر جدولك اليومي مع الحفظ والمراجعة والدروس ؟؟ شموسة وينك معادش بنتي ان شاء الله خير حتي امولة غطست اكثر من قبل الباين شاغلتها فطومة سوسو شن اخبارك واخبار الزاوية طمنيني علي الاوضاع |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم
كيف حالكم ياحلوات اليوم ربي يحفظك هدهد وجنوده ومشكورات اميراتي راقدات توا وانا بايته في حوش بوي الغالي راجلي واصحابه متزردين في حوازتنا |
رد: ** ليبيا زين علي زين ليبيا ورد وياسمين ** تجمع الليبيات
الغياب اليوم هلبه
ياريت اتخشوا اطمنونا عليكم بناااات مافيش وحده علمتني كيف انزل الصور آآآآآآآهي بنحرج |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
أهلا جيجي الله يباركـــــــــــــــــــــــ الليلة بايتة عند العويلة !!! نحس فيك ما عندكش كثرة مبيت برا حوشك أحسن الحق باش ما يخدش علي قلتك *** بالنســـــــــــــــــــــــــبة لموضوع تنزيل الصور ~~~~ كنت قد ناديت مثل ندائاتك وبعدين مشيت لقسم الحاسوب ووجدت موضوع روووووووووووعة فيه الشرح بالتفصيل فديري طلة وحتلقي بغيتك بإذن الله ~~~~~~~~~~~~~~~ |
رد: ** ليبيا زين علي زين ليبيا ورد وياسمين ** تجمع الليبيات
(حكم قيادة المرأة السيارة؟) لمجموعة من العلماء - منابر سُبُل الهدى السلفية
وهذا هو رابط تجدين فيه بغيتك بخصوص قيادة السيارة جيجي علما بأن هناك فتوى أخرى للشيخ الألباني والشيخ فركوس أيضا سأبحث عنها واضعها لكــــــــــــــ |
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
أهلا جنودة ،،،،،،،،،،،،،،،،،،،
كيفك !!!!!!!!!!! بالنسبة لبرامجي ،،، الحمد لله هناك دورات علمية طيبة الان مقامة عندنا بطرابلس بمناسبة العطلة والتفرغ سأحاول الالتحاق بإحداها إن تيسرت المواصلات ~~~~ وزوجي جاءته دعوة من صديق بـــــــــــ أوجلة يريدنا أن نزورهم هناك !!! من منكن عندها أي خلفية عنها فلتعلمني إما أن أتشجع للذهاب أو أتقاعــــــــــــــــــــس !!! هديـــــــــــــــــــــــــة لابأس طهور عليك بالليمون والعسل ليمونادة دااااااااااااافئة وغلفي نفسك بالفيكس وردي بالك من روحك |
رد: ** ليبيا زين علي زين ليبيا ورد وياسمين ** تجمع الليبيات
جيجي
لو تكرمت ــــ ممكن تكتبيلي طريقة كيكة سوسو ما وجدتهااااااااااااا وشكرا |
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
صح من النوع منباتش برا هلبه ممكن 3 مرات ومضطره وراجلي من الاول ميحبنيش انبات برا
حتي لما عروسه ليا3شهور كان عرس اختي وحامل نذكر شديت فيه بنبات خلاني وييتصل يسال فيا مره مره تمت السهريه ولما قلتله تمت ربع ساعه اتصل قالي اطلعي اني برا هههههه خواتي المتزوجات هبلوني بالتعليقات ولما انجيب مستحيل يرقد في دار النوم لاااااا في دار المعيشه نقعد نضحك عليه ربي يحفظه |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم كيف حالكم بنات
اختي هبة الخالق شكرآ على الترحيب وكل عام والجميع بخير بمناسبة المولد النبوي. اعاده الله علينا بالخير |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
او بالاحري ثقافة ان المرأة تحضر درس ديني او علمي غير منتشرة هلبة رغم انها اشياء مهمة جدا واهم من هلبة حاجات المجتمع متمسك بيها من عادات وتقاليد وغيره ان شاء الله لما نروح تكون الامور افضل وانا ايضا اصبحت اوعي وانضج وهلبة اشياء راح تتغير في حياتي .. اثري بنزيد نسالك اكثر لو مافيها اي تدخل في خصوصياتك نحب نستفيد منك اولا لكبر عقلك ورزانتك ثانيا لان اكيد كل تصرفاتك مبينية علي اساس ديني فما يقدرش اي شخص يشكك فيه .. احكيلنا علي علاقاتك الاجتماعية اي المناسبات تمشيلها وايها لا ومن الناس اللي توصاليهم ومن لا يعني بنوع من التفصيل العام انا اكثر من مرة تخطر عليا انا ليش نمشي للمناسبات وفي شي في داخلي يقولي بطلي مشي للاعراس رغم اني زي ماعارفتني عائلة زوجي وعائلتي فقط |
رد: ** ليبيا زين علي زين ليبيا ورد وياسمين ** تجمع الليبيات
ام نرجوسة شن اخبارك
عرفينا عليك انتي اكيد عرفتني نفسك بس انا ماشفت ردك |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
تعرفي انا مانباتش الا بعد فترة عند خوالي او اهلي وهيا البيتة هذه انحس فيها ترويح عن النفس والتخلص من المسؤوليات شوية الوحدة ادير فيها ريفرش ههههه |
رد: ** ليبيا زين علي زين ليبيا ورد وياسمين ** تجمع الليبيات
بنات انا من فترة خديت ماكينة براون لازالة الشعر
فيها قطع وحدة من القطع تنزع الشعر نزع والثانية زي الرجالة حلاقة اما المفروض نستخدمها للاماكن الحساسة للعلم اني جربت اللي تنتف نتف ماقدرتش نتحملها الحلوة اسهل منها |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
صباح الخيرات عالجميع |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
حتي أني زيك جربت الاتنين الرأس امتاع نزع وامتاع الحلاقة والاتنين صعبااااااات مقدرتهمش للاماكن الحساسة الحق hwaml9 ونحس فيها المكينه ما تنضفش ميه في المية زي الحلوه كأني حالقه حلاقة بموس يقعدوا شعرات صغار ويومين تلاتة ويبدا ينخص بيطلع hwaml15 |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
وكل عام وانتي وعايلتك بالف خير |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
والله درت شاهي زعتر باليم والعسل مرتين ومفيش فايده الله غالب |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
والله يا أثورة الحمد لله ,, الموضوع هذا شاغلني وبديت خلاص ماشية فيه ولما بنجي ننزل موضوع خلاص بنفد الحاجة هذه حتى لو كانت حتأثر علىجودة الموضوع.. وحتى لو مالقيت صورة كافية بدون أرواح ندبر كيف نحصلهم وندير لمسة جمالية للموضوع المهم نفتك من ذنب حد يشوف صور في موضوعي وقداش نضايق لما نخش موضوع ونلقى صور مرات نطلع طول وخلاص بدون تعليق ومرات نحاول انبهها,, وربي ييسر ألأمور وخلاص.. توا وصلت سورة قريش ولله الحمد.. |
رد: ** ليبيا زين علي زين ليبيا ورد وياسمين ** تجمع الليبيات
طاجين ,, طريقة عمله سهلة جدا,, وأكييييييد في قمة الروووووووووعة..
طبعا أنا نقرا في الصفحات يللي فايتيني وقابلتني جيجي وأثرة يحكو على كيكتي ,, تعالي جيجي وقليلي كيف طلعت طبعا رائحة البرتقال والكاكاو واااااااااااااو وهذه شوية وصفات تعالو جبروها.. بسوسة الكاكاوية.. في قمة الروعة.. خبزة ملفوفة ,, رااااااائعة.. |
رد: ** ليبيا زين علي زين ليبيا ورد وياسمين ** تجمع الليبيات
البيض والفيتامينات ...
بعض النصائح لتستمتعي بمغامرة التسوق برفقة أطفالك.. حوض للزرع من الحصى,, عمل حوض للزرع فى الحديقه بطريقه سهله.. حديقة الصخور المنزلية ...ركن مميز نفذه بنفسك.. فساتين الجينز,,, جميلة جدا.. التغذية الصحيحة.. مهمة جدا للنافس.. لمسات رااااااااائعة بالكروشيه,, تضيفينها لأغراض مطبخك.. |
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
اقتباس:
هههههههههههههههههههه مش مشكلة عزيزتي مدام نقصتي 5 كيلو ماشاء الله خوديلك يوم راااااااااااااااااااااحة وكولي كل يللي خاطرك فيه وراهو حتى منع النفس مش باهي ريحي روحك مرة مرة وشن هو التوكوتين ولا مش عارف شن سميتوه قصدي هو نظام ولا كيف... وبالله اوشي حاطة فيديو متع صيد ماصيد والله خفت نفتحه قولولي شنو فيه وخلاص..... |
رد: ** ليبيا زين علي زين ليبيا ورد وياسمين ** تجمع الليبيات
http://forum.hwaml.com/imgcache2/hwa...605327_575.gif
http://forum.hwaml.com/imgcache2/hwa...605327_294.gif http://forum.hwaml.com/imgcache2/hwa...605327_429.gif http://forum.hwaml.com/imgcache2/hwa...605327_856.jpg http://forum.hwaml.com/imgcache2/hwa...605327_580.gif http://forum.hwaml.com/imgcache2/hwa...605327_620.gif http://forum.hwaml.com/imgcache2/hwa...605327_835.gif |
رد: ** ليبيا زين علي زين ليبيا ورد وياسمين ** تجمع الليبيات
هدوووو
لا مازلت انشيل فيهم للروضه.. لان منها مشوار في هالهواء النقي والجسم يدير ريفرش.. ومنهااا الصغار يتعودوا ع الاختلاط ومنها نشوف ف ليبيات كلا القرايه مش مدورتها ههههه لالان حمدلله انجليزتي كويسه والحمدلله |
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
كيف الحلوات ..
ان شاء كلكم طيبين في هاليوم المبارك مولد خير الانام عليه افصل الصلاة والسلام |
رد: ** ليبيا زين علي زين ليبيا ورد وياسمين ** تجمع الليبيات
توة انجيكم نبرم علي اقسامي ونرد انشوفكم يا اغلى الناس
|
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
جيجي بالنسبه لتنزيل الصور
من قبل شارحته بس مش عارفه من كان السائل مانذكرش.. اول شئ تنقلي الصور من نقالك لكمبيوترك بعدها تخشي ع موقع هضا او اي موقع تنزيل الصور بس هذا سمح لان ينزل حتى ف صور لي حجمهن كبير اي فوق 2 ميقابكسل حجمها عرب شير - أكثر من مجرد مركز تحميل | مركز تحميل الصور - تحميل صور - رفع - رفع ملفات وتختاري صور لي تحمليهااا من جهازك بعدها لاتجي تنسخي كود لا دوخي راسك تعالي عند ايقونة الصوره بعد تطلعلك صغيره وانقري عليها تكبر الصوره ديرلها نسخ وبعدها الصقيها هنا |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم
كيفكم وشو اخباااركم ممكن انكون صديقة معكم هل تقبلواااا بي والا |
رد: ** ليبيا زين علي زين ليبيا ورد وياسمين ** تجمع الليبيات
وعليكم السلام ورحمة الله وبركاته
يامرحبا بيك اختي الكريمة اكيد نقبلو بيك كأخت وصديقه.. نورتي التجمع |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
لكن حمود مريييييييييييييض حرااااااااااااااارة زلابيط بس مايبيش شروبو والروضة عطلة وطبعا نجح الله الله قداش فرحت وأحلى ماي الصحيفة إنهم يكتبوا تعليق على الطفل أحلى حاجة وقعدت نستنى شن بيكتبوله وطبعا كتبوله (( مؤدب وجميل ومستمع جيد)) وااااااااو رائعة وأفتخرت به... عقبال صحايف صغاركم كلكم.. |
رد: ** ليبيا زين علي زين ليبيا ورد وياسمين ** تجمع الليبيات
هلا وغلا بزجاجة عطر أكييييييييييييد تفضلي ونورينا ياحلوة
كيف حالك فروووووووووووسة مشتاااااااااقة ليك |
| الساعة الآن 02:26 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .