|
رد: تجمع حوامل ليبيا
السلام عليكم
متفائله مشاء الله عليك تبارك الرحمن نقولك حاجة رح تزيد تريحك الي حسيته وانا احساسي بصراحة دائماً في محلة انك انساننة ملتزمة وطيوبة وربي يحبك ...ربي لو احب عبد احب صوت دعائة ورجائة ربي يبيك تزيدي تدعي لان اشد لحظات قرب العبد لي ربة هو وقت الدعاء خصوصاً اثناء الصلاة نتمنى ان تزيدي تجتهدي في الدعاء ونوصيك بدعاء الثلث الاخير من الليل ... ودعاء صلاة الفجر زي السحر والله .. ربي يرزقك بذرية الصالحة وقرة لعينك وعين زوجك عااااجل غير اجل ... اللهم امين ... باقي الحبوبات منورين وكيف احوالكم انا عشاي معكرونة بلقرنيط ...يا عيون منورة ومستاحشة السهريات معاك ومعا ميراس ميراس وينها ..ام وسونة شن اخبار صحتك وديري تحليل دم ضروري بعد ان يتم النزيف ميمي يا غالية اسعد الله ايامك..يقين الله يحفضك يا بنت وهادي صورة اخديتهالك من غير ما تندري بمناسبة انك قصيرة وبطوطة ودبدوبة شوفوها يا بنات مش عسولة.. http://forum.hwaml.com/imgcache2/hwa...293376_611.jpg طبعا هادي قبل ما تجيب العسولة فروتي هيا زادت سمنة توة مانبيش نصدمكم ونحطلكم صورتها توة ممكن نشوفها يوم تاني ... الله عليك بسبور تهبلي حاجة تانيه اخخخخخخ" |
رد: تجمع حوامل ليبيا
اقتباس:
آآآمين يااارب .... ياناري يقولي وين تبي تمشي انطلعك .... وكان ما تبيش اطيبي ماطيبيش ... وآمس طلعني شريت شال بش نلبسه فوق العبايات شريت زوز ... وغدوة ان شااء الله بنطلعوا بنركب جلابية للشتي نازكة مع كندرتها وشاربتها ... مش لطلوع ديما .. يعني كان تجيني طلعة مع ماما والا اللاي لعزي والا مشية على السريع .. بناخد كندرة فيها شوية كعب وجلابية نازكة من وشاربة ... وبنشري حتى لبسة عندي طلعة في عيلتنا ... ان شااء الله ... وطبعا هذا كله يعتبر انجاز مع راجلي لأنه مايحبش السوق بكل ... |
رد: تجمع حوامل ليبيا
تصبحوون على خير يا غاليات ..
|
رد: تجمع حوامل ليبيا
اقتباس:
|
رد: تجمع حوامل ليبيا
ياحوش العيلة ياغالي
مع اني قريب قطنت في حوش بوي من طول فترة الخطوبة..وممكن هي مش طويلة هلبة لكن حسيتها هكي..ومع اني كنت قريب نطير نبي نتزوج..وفي اي عرس لما نشوف العروسة تخش على الزفة نحس عيوني بيدمعو ونقول ( امتي دوري يارب) ومع اني كنت ديمة نهدد في اماليا ( غير نتزوج معاد شايفين وجهي في حوشكم) ( الا ماتستاحشوني وفي الشهرين حنجيكم مرة) ..لهذا كنت متوقعة اني لما نتزوج مش حنستاحش حوشنا بكل.. وسبحان ...الله من اول اسبوع استاحشت اماليا..واستاحشت حوشنا..وكل مانسرح نفكر نقول زعمة مستاحشيني ؟ زعمة خليت مكاني؟ زعمة شن يديروا توا؟ وسبحان الله كل شي ما ليشي بنة زي اللي كنت نحس بيها في حوش اماليا.. وصح ولله الحمد راجلي وولدي مالين عليا الحوش..لكن لحد الآن نحس في الوضع الطبيعي ليا في حوش اماليا..مع اني لما نمشي غادي نقلق ومانرتاحش زي مافي حوشي.. استاحشت تهدريزي اني وخواتي للفجر..استاحشت ماكلتنا مع بعض..استاحشت حتي الدعاك على الريموت والتلفزيون..استاحشت صيحة امي عليا ( نوضي اقري قرايتك) واستاحشت لما ماما تنوضني ( نوضي درتي العار العصر قريب يأذن) واستاحشت ماكلة ماما..وكل شي نطيبه بروحي سبحان الله ماليشي نفس البنة..سبحان الله على قد مانكبروا ونلهو في حياتنا ..تقعد الحاجات هادي في الذاكرة ولما نتفكروها نحنو للايام هاديكا.. لهذا نصيحة لكل حاولي تستمعتي وانتي في حوش بوك وماتفوتيش الوقت كله على النت..بش تلقي ذكريات تتفكريها بعدين ^_^ |
رد: تجمع حوامل ليبيا
اقتباس:
شكراا هلللبة يا آية وصحيييييييييييييييييييييييييييييتي ... وان شااء الله ربي يجعلني عند حسن ظنك .... وربي يسمع منك ياااارب ... بالله عليك مانوصيكش تدعييييييييييييييييييييييييييييييييييييييييييييييي ييييييييلي هلللللللللللللللللللبة .... دعوة المؤمن لأخيه المؤمن مستجابة ... |
رد: تجمع حوامل ليبيا
اقتباس:
ويينك ايوووتة بسرررعة هكي ... زيدي اسهري معانا شوية |
رد: تجمع حوامل ليبيا
اقتباس:
والله عندك الحق يا يعيون محلايها الأيام هادي ايام بالك فاضي وماتفكري في شيء الا قرايتك ... كنت نحسابها زمان هادي اكبر هم في الدنيا والقراية والإمتحانات والنتيجة والنسبة العالية .... ونقول غير نفتك من هم القراية ماعادش في هم بكل ... اتريه هذا اجمل واحلى هم في الدنيا .... ايااارب اكتبلنا الخير في الدنيا والآخرة يااارب ... وفعلا كل بنوتة مفروض تستمتع بكل لحظة مع بوها وامها وصدقوني حتى اللي كنتي تشوفي فيه سلبيات في حوشكم يوم تتزوجي من وانتي في شهر العسل مرة مرة يجيك موقف وتقعدي تضحكي عليه ... وتستاحشي في كل شيء في حوشكم ... لكن فعلا يابنات زي ماقلتي يا عيون ... سبحان الله بالرغم من انك تستاحشي ايام زمان لكن ماترتاحيش في حوش بوك زي وانتي بنت ... تخيلوا آني كيف نبات في حوش بابا نقلق ونكون نبي نروح ونحس نفسي نبدا نجامل بالسيف والله مستربة في الشعور هذا عمري ماتوقعت ايجي يوم وفراشي اللي كنت نرقد فيه السنين هادي كلها يكون ماعادش مريح زي الفراش والحوش اللي مالياش الا سنة فيه .... سبحاان الله |
رد: تجمع حوامل ليبيا
ايه...........تعالي وين هاربه صحه العشي استاحشتك توا كيف بعتث رساله لميمو نسئل فيها اعليك
وهالصورة حرام اعليك يقونه بنوته اصغيرونه دلوعه توا توريهولك عارفاتها عندها البوم صور ليك اميرة التجمع......مبروك ما شريتي ومبروك شنو بتشري وتلبسي جديد وتعيشي حميده وتموتي شهيده وتبيدي بالهني وسلمهولك رويجلك اصغير والحياة مازال قدامكم وربي يكتبلكم طول العمر ودسته اولاد |
رد: تجمع حوامل ليبيا
للامانه هالكلام منقول بس عجبني ونقلتهولكم لانه يوافق احساسي
اميرة التجمع من وين تخرجتي وتخدمي ولا لا؟؟؟؟؟؟ |
| الساعة الآن 02:08 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .