|
رد: تجمع حوامل ليبيا
كيف حالك توا وحال مولى بيتك ان شاءالله ما زعلش هو التاني لاننا ما عندناش كيف ارضوه الا بشي واحد لما انتي ترضي وتزهي وتتضحكي اكيد هو يبات فرحان
|
رد: تجمع حوامل ليبيا
اقتباس:
يقين .. نبوا دورة لأن ماعنديش في الحاجت هادي بكل وعندي كيف تقولي اللاي على حاجة نبدا نسحن في روحي بش انديرها حتى ولو انجي على نفسي وكان مادرتهاش يبدا الضمير يشتغل على طول ونحس نفسي انساانة سيئة ومش كويسة .. وديما حتى راجلي يقولي انتي طيبة وتجي على نفسك والطيبة هلبة مش باهية لكن مانعرفش كيف ندير الجو هكي ديما نتصرف بعفويتي ومن غير مانفكر في الحاجة هلبا وبعد مانتصرف نقول آني غبية مفروض ماقلتش مفروض مادرتش مفروض ماشرحتش بالتفصيب .. وفيا طبع مش حلو بكل ... ان كان حد يسئلني على حاجة نلقى روحي نجاوب بالتفصيل الممل من غير مانحس بنفسي تقول عليا سائليني سؤال ي امتحان وبناخد الدرجة النهائية .. وبعد ما يفوت الموقف نقول مفروض رديت كلمة وقص .... والمهم هكي وخيتك درويشة من الأخييير ... بالله اعطيني دورات بش نتعلم كيف نتعامل في هالدنيا وناسها ... |
رد: تجمع حوامل ليبيا
رغودة تعتبري من عمري بيني وبينك سنه اتزوجتي اصغيرة من وين متخرجة كليه ولا معهد عالي
انا اتخرجت من الكليه وقعدت 3سنوات مخطوبه وبعدين اتزوجنا من 4 سنوات تقريبا |
رد: تجمع حوامل ليبيا
ان شاء الله ربي يسرلك عن قريب وتفرحي وتفرحينا
|
رد: تجمع حوامل ليبيا
اقتباس:
|
رد: تجمع حوامل ليبيا
اقتباس:
عيون ان شااء الله ياارب ربي يفرحني ويفرحك الشهر هذا يااارب ... ووالله حتى راجلي نفسيته تعبت شوية ... وحاسس بتأنيب الضمير يقولي كان مش مني كنهادا انتي مش هكي راك توا عنك بيبي يعني دخلنا شوية في جو الدراما وقالي آني اكثر زعلي عليك انتي لأني نحبك ومانحبش انشوفك متضايقة .... طبعا بما اني مضايقة لكن واسيته وقلتله آني مايهمنش الموضوع هذا زي ماتهمني انت وانت اللي مالي عليا حياتي وربي يحفظك ليا .. وبالحق ان شااء الله يااارب ربي يحفظه ليا وما يحرمني منه ويكمل عليه الشفاء ويفرحه ويفرحني ياااارب ... |
رد: تجمع حوامل ليبيا
بصدق استاحشتك اتعودنا اعليك حرام اعليك ماعادش اتعاويها
احكيلنا شنو درتي في هاليومين وكيف رضاك شريك العمر ربي يشفيه ويخليهولك |
رد: تجمع حوامل ليبيا
اقتباس:
آمين ياااارب |
رد: تجمع حوامل ليبيا
راجلك مواليد كم؟؟؟؟؟؟؟؟؟؟
|
رد: تجمع حوامل ليبيا
يابنات نبي نعرف دكتورة كوييييييييييييييسة هلللبة نساء وولادة بنمشيلها .... لأن الشهر اللي فات والشهر هذا اول ماتجي الدورة يجي دم بني ويبدا خفيف وماينزلش هلبا وبعدين بشوية بشوية يبدا يزيد .... وسمعت ان هذا يكون بسبب ضعف في التبويض او خلل هرموني ... بما اني الشهر اللي فات درت حالي برولاكتين واف اس اتش وال اتش .. لكن طلعوا كويسات الا البرولاكتين كانت فيه زيادة بسيطة وكلمت الدكتورة اللي مشيتلها في تونس وقالتلي هذا عادية الزيادة هادي ومتأترش ومرات الزيادة البسيطو هادي تطلع في التحليل من التوتر او الخوف قبل التحليل .. وطبعا في تونس دارتلي الدكتورة كشف كامل وقالتلي المبايض كويسات والرحم ممتاز ... وعطتني الدوفاستون 3 شهور لأن دورتي ما كانتش منتظمة هلبة وتجيني بين كل 23 يوم او كل 21 يوم يعني غريبة ومع الدوفاستون اللي عطتهولي كورس ثلاثة شهور الشهرين الأولات كانت تجيني بعد 28 يوم والشهر اللي فات اللي هوا الشهر الثالث جتني بعد 26 يوم وماكنتش متوقعتها لأن ناخد في الدوفاستون ... واول ماجت حتى هيا جت في الأول افرازات بنية خفيفة وبعدين يوم 26 بدي دم ... وهذا الشهر حتى هوا نفس الشيء اول ماتبدا حاجة بسيطة بينة ومن الأول الا لما نمسح وبعدين تبدا تزيد ... والشهر هذا طبعا درات فيا المقلب انها تأخرت وماجتش الا يوم 33 يعني من الأخير مستغربة كيف الدكتورة في ليبيا وفي تونس يقولولي ما شااء الله عليك ومافيك حتى حاجة .... ملا التلخبيط والتهييج اللي تهيج فيه الدورة هذا شنو هوا ... آني كنت ناوية اني غدوة نولي لدكتورتي اللي في ليبيا اللي نمشيلها من قبل رائدة بشين .. لكن ر اجلي قالي اسألي بكشي في وحدة معروف عليها ممتازة نمشولها هيا خير ... بما ان حتى رائدة مشكورة ... لكن قلت خلي نغير العتبة ... ههه
|
| الساعة الآن 06:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .