|
|
رد: تجمع حوامــــــــل مصر (ام الدنيا )
يعنى هو كلامه مش كتيير بس المشكلة انى كل ما اكلمه يبقى عنده زباين والمشكلة كمان كان فى طلبية دواء كبيرة جاتلهم امبارح وكان مشغول اوى
|
رد: تجمع حوامل مصر (ام الدنيا )
اقتباس:
|
رد: تجمع حوامــــــــل مصر (ام الدنيا )
مقولتلكيش بقى العقاب ههههههههههههههههه
قلتله عايزة اروح سنتربوينت قبل الخصومات ماتخلص وطبعا زى ماقلتلك مش مرحب بفكرة الشراء دلوقتى خالص مش عارفة ايه التشاؤم ده بيقولى محدش عارف بكره هيحصل فيه ايه شفتى ؟؟؟ المهم غصبت عليه كده بالذوق ورحنا صلينا العشاء وبعدها على سنتربوينت |
رد: تجمع حوامــــــــل مصر (ام الدنيا )
سيبك منهم متشغليش بالك بيهم كل واحدة وليها نظامها
|
رد: تجمع حوامــــــــل مصر (ام الدنيا )
طيب الحمد لله ان مفيش زعل بينكم وربنا يهديكم لبعض
بس تصدقى حلو العقاب دة اجنا لازم نعممه ههههههههههههه بس هو كمان كويس انة يغير جو بدل طول النهار فى شغل وضيقة من المشاكل اللى بتقولى عليها بس قوليلى الخصومات لس موجودة ولحد امتى وجبتى حاجة ولا لاء |
رد: تجمع حوامــــــــل مصر (ام الدنيا )
اه الخصومات موجودة على معظم الحاجات بس مش عارفة هتفضل لامتى
معرفتش اجيب حاجات كتييير علشان معرفناش نوع البيبى والحاجات هناك صريحة اوى بناتى او ولادى فجبنا حاجات خفيفة كده محايدة وكمان زى ماقلتلك الظروف ماتسمحش دلوقتى فمن الناحيتين جبت 3 سلوبيتات داخلية كت و 3 نص و3 سالوبيتات خارجية طقم على بعضة و 5 بافيتات و البتاعة اللى بيتلف بيها البيبى و مخدة وجوزى صمم على طقم ولادى حلو اوى قلتله لما نتأكد قالى لو بنت هبقى اشحته هههههههههههههههههه كنت هصورهم علشان تشوفيهم بس الشمس لسه مطلعتش اوى والاضاءة مظلمة فى التصوير شوية كده وهصورهم |
رد: تجمع حوامــــــــل مصر (ام الدنيا )
مبرووووووووووووووووووك يا جميل
عقبال مايلبسهم يااااارب بس احساسك اية من ساعة ماجبتيهم انا كنت كل شوية ابص عليهم واطبقهم واعينهم وبعد شوية اطلعهم واتفرج عليهم واطبقهم واعينهم وهكذا هههههههههه لغاية ما قولت الهدوم خلاص هتتوسخ فخفت عليهم هههههه بس انا بشترى البافتات على حسب الهدوم كل ما اجيب سالوبيت بجيب بافتتة بس لازم تصورهملى واشوفهم النهاردة مستنية الشمس تطلع |
رد: تجمع حوامــــــــل مصر (ام الدنيا )
انا شفت مخدات وكنت عاوزة اجيبها لانها حلوة اووى بس بتهيالى الاطفال مش بيحطوا مخدة ولا اية
انا سمعت دكتور بيقول نحط مخدة للطفل اللى بيرجع الرضعة علطول |
رد: تجمع حوامــــــــل مصر (ام الدنيا )
ههههههههههههه انتى بتقولى فيهم انا قعدتهم فى حضنى ساعة امبارح ودلوقتى جنبى على السرير اهم
على موضوع البافيتات انا كنت عملت كده فى الاول اشتريت كذا واحدة الوان بس لقيت طقم 5 على بعضهم قطن قطن ابيض فجيبتهم لان انا من خبرتى مع اختى البافيتات اللى بتبقى خشنة دى تنظيفهم صعب اوى ووحشين خشنين بتهيالى كمان يضايقوا النونو فلما لقيت القطن ده جبته كان عاجبنى طقم بافيتات بيضة عليها بقرة اشكال كده جوزى قالى لالالا ابنى مايلبسش بقرة ابدا واصر نجيب السادة ههههههههههههههههه مع ان اختى كانت جايبة لابنها بيجامه عليها قرد كانت تهبل وكنت بموووت فيها ههههههههههههه ان شاء الله قبل ماتقفلى للغداء هتكونى شفتيهم |
رد: تجمع حوامــــــــل مصر (ام الدنيا )
انا جايباه مخدة صغنتوتة وقطن طرية خالص متضايقوش انا حاسة انه لو منمش على مخدة رقبته توجعه مش عارفة اصل انا كده فقلت اجيبها نفعت نفعت منفعتش يبقى يلعب بيها مش خسرانين هههههههههههههههه
ماما كانت عاملة لابراهيم وعبدالرحمن ولاد اختى مخدات صغيرة كده وعادى مفيش حاجة هناك كان فى اكتر من شكل وخامة انا جبت اكتر واحدة طرية مع ان كان فى حاجات احلى منها بس قلت علشان متتعبوش |
| الساعة الآن 06:54 AM. |
|
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .