|
رد: حبيباتى سيدات ليبيا تفضلو لأعرف ما حالكم
شن درتيلهم فروسه في العزومه
خيييييييرات ياوشي صحه صحه الحويلي من توا ماشالله عايشين الاجواء ربي ايهنيكم يااهلين اباواشي صحه صحه الرباعيه |
رد: حبيباتى سيدات ليبيا تفضلو لأعرف ما حالكم
اقتباس:
الحوسه يا فروسه مافيش منها راحه |
رد: حبيباتى سيدات ليبيا تفضلو لأعرف ما حالكم
فروسه نمشي اندير دوووووش سريع وانحط دبش لعيال في الغساله وانجي ان شالله
|
رد: حبيباتى سيدات ليبيا تفضلو لأعرف ما حالكم
معليش زوجي قالي حطي القهوة عديت بسرعه نوتي اوشي وشموسه... خودكن راحتكن حبيباتي.. درت القهوة
ونا موتيه معاها كاسترة بالكيكه و لقمة القاضي درتهن امبدري,, مع حلقوم تركي وزلابيه جابهن زوجي اول امس والفطور درت شــربه ومكرونه شعيريه مبوخه بالخلطــه ,, ومحشـــي ,, وامبطن جا مفرومي واجد درت بعقابه كيميااااء وامس موتيه اصابع كباب فطرنا منهن وحطيت الباقي لليوم مجرد بس سخنتهن وزينتهن .. والولي هبلتني من النق والنقيق بسلامتها الجوهرة الثمينه متعبتها ههههههه لي هي السن معش طلعــــت |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كل عام وأنتم بألف خير وصحة وسلامة ويارب ينعاد عالجميع |
رد: حبيباتى سيدات ليبيا تفضلو لأعرف ما حالكم
شموسة مبارك الحمل ربي يتمم على خير
اني قبل ناوية منصيم اليوم لكن نضت الصبح شرفت الدورة ليها يومين تسحن فيا ومانزلتش الا اليوم خسارة توا عندنا الساعه 3:30درت الفطور رز بلاو وشربة وبيتزا ملفوفة والله مصبية بالسيف نحس في بطني بتتقطع اول مرة توجعني هكي |
رد: حبيباتى سيدات ليبيا تفضلو لأعرف ما حالكم
الف الف الف مبروووووووووووووووووك الحمل شموسه
وربي يتمملك علي خير ويحفظك ويحفظلك السنافر وبوهم ياااااااااااااارب عقبال جنوده الغاليه مختفيه وكل يوم تشغل فينا عليها |
رد: حبيباتى سيدات ليبيا تفضلو لأعرف ما حالكم
لاباس عليك هدو اول يوم ديما متعب
|
رد: حبيباتى سيدات ليبيا تفضلو لأعرف ما حالكم
تصبحوا علي خير
وكل عام وانتم بالف خير بنحاول نرقد باش نقدر انوض للفجر مصحصحه وصلاه العيد سلااااااام |
رد: حبيباتى سيدات ليبيا تفضلو لأعرف ما حالكم
صباااح الخير
عيدكم سعيد ومبارك كل عام والجمييييع بخير اكيد عيدتوا احني قاعدة الساعه 12ونص كيف منخش نرقد حددت حوايج راجلي وعجنت فطيرة لانه راجلي يحبها مع الشواء متعود على اهله يديروا فيها نحس في روحي نعسااااانة ومتكسرة ولى عليا وجع الدورة طاااااايبة فرحانة اني منخش نرقد مابعدكم كيف بتبدأ عندكم الحوسة احني غضوة مش ذابحين منذبحوا ثاني يوم حتى السنة اللي فاتت هكي لانه المجزرة اللي منذبحوا فيها عندهم نظام اول يوم يذبحوا بروحهم للناس وثاني يوم اللي يبوا يذبحوا بروحهم في مزرعة يوم مخصص ليهم وراجلي صح مايعرفش يذبح لكن قال عالأقل نحضر ذبيحتي ونوقف على راسها تطبيقا للسنة معناها غضوة راااااحة امس جاب لحم منشووا بيه غضوة وحتى ثاني يوم يعتبر راحة البطن مايعطوش فيها والروس شكلهم غريب منلوحوهن حتى انة اللي فاتت هكي زهقت من شكلهم ماجتش النية فيهم ومافيش كيف نشفشفوهم واللحم بيقطعوه في المجزرة قطع كبيرة والباقي منكملوه احني التقسيم في الحوش تعرفوا السنة اللي فاتت اول يوم مرتاحين مقعمزين ناكلوا في الشواء واهل راجلي شارقين وحاسدينا بالذات سلفتي لما كلمتها واضح عليها الحمق قالت قريب نعيط عيانة والسنة هادي معاها وليد وقاعد صغير يستر الله انظني بديره سبلة وتهرب من الحوسة مرة مرة هههههههههه هي سلامات منرقد وحتى راجلي قال منرقد مش نفطن لصلاة العيد خسااارة قبل خاطري منمشي لكن مافيش نصيب هالدورة فسدت عليا صيام عرفة وصلاة العيد وحرمتني منهم فيها خيرة ان شاء الله |
رد: حبيباتى سيدات ليبيا تفضلو لأعرف ما حالكم
وانتي بألف خــير وصحة وسلآمه هديه وينعاد عليــــــك انتي وعائلتك الكريمه يــــارب ....
نحن نضنا 7 صلاة العيد 8 وربع ... دوشنا انا الاول ولعدها زوجي ولبس وعدا للصلاه طبعا جارنا عازم القروب ع الفطور جو عندنااا لان اوسع وتيت المربوعه بالكامــل .. وطاولتها والمحبس وجو الغســل .. وفروسي ناض بدري امس دوشتله بليل لبسته .. وجو الشباب اهو دايرين جو والمشكله صار نقص في فناجين القهوة حطيت للبقيه طاستين شاهي بالقهوة هههههه قالي زوجي عادي عارفين الجووووووووو عاد مش ف بلادنا ماتدققيش |
رد: حبيباتى سيدات ليبيا تفضلو لأعرف ما حالكم
عاد اكيدة لاهيــات في الدواره والغسل انتن .. وحوسه الحولي
نحن يادوب يجينا ع العشيه قالو خخخخخخخ لذلك جايبن كبده ولحم بالزايد وتيت قلاياااا .. وشرائح عشان الشوااا هو الواحد الحق مافش نيه وبعيد عن اهله خصيصا عيد الاضحى جوه مع الاهل والعيله |
رد: حبيباتى سيدات ليبيا تفضلو لأعرف ما حالكم
لكن أهو عشان انديروا جو وخلآص .. وكنت نحساااب بعد يجو الشباب يعيدوا نحطلهم بس جارنا قال لزوجي الصبح ..
طبعا جارتي فايتتني بالرسمــي طبعها غريب ربي يهديها كان قالتلي را درت حتي نا بدري وتيت ... وماقطعتش كمية كبيرهـ |
رد: حبيباتى سيدات ليبيا تفضلو لأعرف ما حالكم
السلام عليكم
وكل سنة وانتم واسرتكم الكريمة بالف خير وينعاد عليكم بالصحة والسلامة وعيدكم مباااارك ان شاء الله |
رد: حبيباتى سيدات ليبيا تفضلو لأعرف ما حالكم
شمووووووووسه مباااااااااااارك الحمل وان شاء الله ربي يتمملك ع خير ويسهلك حمله وولادته يارب توا عاد ردي بالك ع روحك وربي يعاونك ويحفظك
|
رد: حبيباتى سيدات ليبيا تفضلو لأعرف ما حالكم
هدية ان شاء الله لاباس عليك وربي يكون في عونك المشكلة الدورة تزيد اتعب في النفسيه فوق من وجعها ربي يعينك وان شاء الله نيتك في الصيام اجرها حاصل صار مفتكية من البطن والراس حتي احني الراس نلوحو فيه بس البطن لا والحق اني نشد نقوله جيبهالي ع خاطر العصبان لكن غسلها مانحكيلك ان شاء الله عيدك مبارك ياحلوة
|
رد: حبيباتى سيدات ليبيا تفضلو لأعرف ما حالكم
ام فروسي كل سنة وانتي طيبه ياغاليه وربي يعينك ديما حاصلة في العزايم شن جو العيد عندكم؟؟ ووين ذبحتو؟واكيد للاسف مافيشي نكهة اعياد ليبيا بكل وجو العيله واللمة مفتقدينه هلبا بس الله غالب ان شاء الله ربي يكتبلنا عمر ونرجعو لبلادنا ونعيشو هالاجواء تاني وشكله جارتك زي جارتي مع انه ازواجنا اصحاب حتي احني ونتمنو نلتمو ونديرو جو مع بعض يهون علينا الغربه حتي شويا بس كل واحد لاهي في حاله جو رسميات وخلاص
|
رد: حبيباتى سيدات ليبيا تفضلو لأعرف ما حالكم
الساعه 8 توا زوجي مشا لصلاة العيد واني مكسدة بروحي والمطر ماشااااء الله البرا من البارح تصب والجو تقولي عز الشتاء نفكر بنعجن فطيرة باش نفطرو ونحط العصبان ع النار طبعا عصباني وتيته من امس وحطيته في الثلاجة ع التطييب بس مزال والباين مافيش شوا اليوم لانه مطر والبلكونه مش مسكرة من فوق معناها ماتساعدش بكل مع انه زوجي غايب اليوم لانه قراية ماعطوهمش عطله فكسااااااد والحمد لله
|
رد: حبيباتى سيدات ليبيا تفضلو لأعرف ما حالكم
سيدات ليبيا الحبيبات
اوشي\اثري\شموسه\جي جي\سوسو\ام ورد\ ام معاد\ ام نوسه\ اكيد لاهيين في حوسة العيد واللمات واجواء الزيارات والماشي والجاي ربي يدوم عليكم اللمة ويهنيكم ويعاونكم وان شاء الله عيدكم مبارك يارب |
رد: حبيباتى سيدات ليبيا تفضلو لأعرف ما حالكم
كل عام وانتم وعويلتكم بالف خير فروسة وامولة
مابعدك فروسة اني حصلت في فطور لاصحاب زوجي في العيد الصغير لكن المرة هادي الحمد لله مافيش بالذات اني تعبانة ونايضة بالسيف توا الساعه 8راجلي قبل شوية عدا واني نضت منطيب الفطيرة ومنوتي الشواء ومنوتي روحي اني وسوما امولة صار حتى انتي راحة باااهي البطن مش اني مانبيهاش هما مايعطوش فيها في لجنة متخصصة تكشف عالضحايا ومايعطوش في البطون ممنوعات والله خاطري فيه منموت من لما جينا حصلناه مرة وحدة بس قاللي راجلي تو نحاول ندبرلك حتى من مجزرة ثانية لكن مش اكيد نحصلوا باقي البنات اكيد غاطسييين ربي يعاون وكل عام وانتم وازواجكم وصغاركم بالف خير وان شاء الله اللي حامل ربي يتمملها وتنوض على خيروسلامة واللي تبي تحمل ربي يسخرلها |
رد: حبيباتى سيدات ليبيا تفضلو لأعرف ما حالكم
شن الجو يابنات مافي حد خش كلكم غاطسيين والا كملتوا وعيانين ربي يعطيكم صحتكم نستنى فيكم تحكوا على اجواء العيد اليوم كيف كان
بالنسبة لجونا احني اليوم نضت السبعة ونص رضعت سوما ومعادش رقدت فتحتلها التلفزيون وحطتلها العاب وراجلي مشي للصلاة واني بديت في الفطيرة ماخدتش مني وقت باهي لاني ماكترتش وبعد كملتها قطعت الشواء وحطيته عالنار ولبست سوما وبدلت اني وضميت الحوش ومع التسعة ونص راجلي خش عيدنا وفطرنا وكلمنا أهله وأهلي وخلاااااص مجرد كملنا المكالمات بدي الكساد وكمل العيد بالنسبة لينا هههههه راجلي ارتاح شوية وبعدها عدى للجامعة وسوما رقدت واني ضميت سفرة الفطور وجيت منرقد حتى اني الجو هدوء وقاعدة الساعه11ونص ماعندي ماندير غضوة ان شاء الله منذبحوا بيعدي راجلي بيحضر ااذبح وبيجيب اللحم واني منوتي الشواية والعدة باش نطلعوا نشووا في حديقة كان الجو جلو لانه حوشنا مافيشي بلكونة والا جنان والبطن اشبح يحصلها والا لا خاااااطري في عصبان يارب ان شاء الله يحصلها حتى فيها تعب لكن العصبان يستاهل التعب وتعرفوا اني اللحم ماعنديش عليه هلبة بالذات الشواء فيسع مانزهق منا حتى الصبح ماكترتش منا هي سلامات عيوني بيتسكروا |
رد: حبيباتى سيدات ليبيا تفضلو لأعرف ما حالكم
مساء الاعياد عالحلوات
كييييييف حالكم انا من الظهر حتي مكمله ومسيقه المطبخ كل شئ عالسرييييييييع |
رد: حبيباتى سيدات ليبيا تفضلو لأعرف ما حالكم
امول وهدو وام فراس كل عام واتنم بالف خير
فروسه ربي يعاونك وكل البنات |
رد: حبيباتى سيدات ليبيا تفضلو لأعرف ما حالكم
تو نحكيلكم
سلام توا |
رد: حبيباتى سيدات ليبيا تفضلو لأعرف ما حالكم
الســـــــــــــــــــــــــــــلام عليكم ورحمة الله وبركاته
تقبل الله منا ومنكم وغفر الله لنا ولكم اللهم أرزقنا الأمــــــــــــــ والأمان ـــــــــــــــــــن وهــــــــــــــــدِّي البلاد والعبــــــــــــــــــــــــــاد حبيباتي المغتربات شعرت بمشاعركــــــــــــــــــــــن عوضكن الله خيرا عن اللمة والأهل والحمد لله أنتن بخير ، وأزواجكن بخير ، وذراريكن بخير وهذا مـــــــــــــــ أعظم النعم ــــــــــــــــــــــن |
رد: حبيباتى سيدات ليبيا تفضلو لأعرف ما حالكم
شموســـــــــــــــــــــــــــــــــــــــــة
ملايين التبريكات اللهم بارك لها في حملها وايسر لها أمرها وأعنها على حمله وولادته وتربيته كما تحب وترضـــــــــــــــــــــــــى والعاقبة لبقية المترقبات للحمل ولعله خيرا تأجيلة السفرة 1/ 11 يوافــــــــــــــــــــق جمعة عرس بنت أختـــــــــــــــــــــــــي نسأل الله أن يكمل على خير |
رد: حبيباتى سيدات ليبيا تفضلو لأعرف ما حالكم
جيجي
ربي يعاونك ويسخرلك الحــــــــــــــــال وتجي أمورتنا وهي بتمام الصحة والعافية ~~~~~ أوشي مبارك الرباعية ~~~~~~~~~~~~~~ بس ما فهمتش قصة الذبح ؟؟؟؟ أم فروسي ربي يعاونك ويعطيك صحيحتك هدووووووووو لاباس عليك ديري بالك على حالك وإن شاء الله تحصلي مصيرينات كان قلتي راهو نحيتلك مكدسات عندنا خخخخخخخخخخ أمولة ربي يسهل امرك وشواء لذيذ وعصبان الذ البقية وينكم |
رد: حبيباتى سيدات ليبيا تفضلو لأعرف ما حالكم
اقتباس:
سلمك والله لايوريك باس اشيييي عالمصيرينات المكدسات صحتين ياارب وصحيتي كأنهم وصلوني |
رد: حبيباتى سيدات ليبيا تفضلو لأعرف ما حالكم
اقتباس:
|
رد: حبيباتى سيدات ليبيا تفضلو لأعرف ما حالكم
تعرفوا امبكري لما كلمت اهلي نشكي لاختي من عمايل الدورة ضحكت وقاتلي بالبصارة انتي قالوا في الرابع
استغربت قاتلي في اشاعات مغرضة مطلعينها عليك قالوا حااامل بالرابع هههههه سبحان الله عالناس موسع بالهم ومفضاهم لدرجة يقعمزوا ويألفوا حتى زمان تعرضت للموقف هذا قبل حتى ماننخطب قعدوا يقولولي امتى عرسك قلتلهم اي عرس غير فكروا في الخطوبة قبل بعدين فكروا في العرس ههههه |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
وكل عام وانتم بخير وصحة وسلامة والسنة الجاية كيف اليوم هذا تكوني ليبتي حبيبيتي في امن وامان ودولة قائمة بجميع اركانها |
رد: حبيباتى سيدات ليبيا تفضلو لأعرف ما حالكم
فروسي وامولة وهدية ...
ان شاء ينعاد عليكن السنة الجاية وانتن وسط هلكن وحبايبكن في ليبيا |
رد: حبيباتى سيدات ليبيا تفضلو لأعرف ما حالكم
فروسة ربي يعطيك الصحة ويحفظك من كل سو
اكيد انت فخر لزوجك ماشاء الله عليك |
رد: حبيباتى سيدات ليبيا تفضلو لأعرف ما حالكم
اقتباس:
كيف حالك ياقلبي .. ينعاد عليك بالصحة والعافية انت وراجلك وعويلتك وكل احبابك وناسك الله يبارك يبارك فيك وفي اعمالك يارب هذا ياحنة قبل عرفة بيوم عمي كان متعود يذبح ويلمنا كلنا علي عشوة معتبرة بس المرة هذي لان طالع من بني شقتين ويوتي لفرح سلفي فيحكي لزوجي ويقوله السنة مش ذابحين فعدى السوبرمان امتاعي وشرى حويلية 270 دينار ووداها لحوش عمي وذبحنا وتعشينا طبعا المعزومين هم اسلافي وصبياتي ونحنا يعني اولاد عمي المتزوجين كلهم من شباب وبنات |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
سلــــــــــــــــــــــــــــــــم سوبرمانك
هذا يبيله هديــــــــــــــــــــــــــــــــــــــة http://forum.hwaml.com/imgcache2/hwa...875022_688.jpg |
رد: حبيباتى سيدات ليبيا تفضلو لأعرف ما حالكم
ياهوووووووووووووووووووووووو
تعلمت نحط صوووووووووووور معاش حد يتدلع علي خخخخخخخخخخخخخخخخخخخ توا معاش بنكتب شيء بنحط صور وخلالالالالالالالالالالاص |
رد: حبيباتى سيدات ليبيا تفضلو لأعرف ما حالكم
وعيدي كان
وعيت قبل الفجر لان الست روى كانت راقدة بدري صحصحت وقعدت امعاها لين اذن الفجر صبيت صليت ونوضت راجلي ويبعدها قعدنا لين انتهت الصلاة ومشينا لحوش عمي وذبحنا وكان الجو حلو مشمس ودافيء وشوينا لين شبعنا من الشوايات .. زكان النقاش السائد هو حال ليبيا وطبعا فيه اختلاف في وجهات النظر ... وكل واحد مرة يعصب ومرة يهدا طبعا انا وسلفي وصبيتي ضد زوجي وسلفي الثاني وعمي مرة هنا ومرة هناك المهم جبدنا كل شي من ايام الطليان والمملكة والجماهيرية هههههه وعمتي تبي توقف النقاش وتقول هيا وقت عالغدا يلا قطعو اللحم ومافيش حد يسمع الها خخخخخخخ المهم كملنا حوستنا كلها عالطناش وانا طيبت الغدا ارز كالعادة ومرق وامسير وسلاطة وبعدها انا طلعت عالروس وشفشفتهن ونظفتهن وخذيت راسي ولحيماتي ودوارتي وجيت لحوشي دايخة ماحوتني حصلت مع روى غفيوة تنشطت بعدها وكيست لحيماتي ودرت 3 اكياس شوي و4 كياس لحم للشربة ووتيت المصارين وكيست كل مجموعة وكبدتها عشان لما انطلع مانقعدش اندور وحطيت لحم كبار علي حله بروحه مرات يجينا ضيف ولحيماتي قطععتهن صغار ودرت عشاي قلايا سندوتشات ... يوم اللحم العالمي |
رد: حبيباتى سيدات ليبيا تفضلو لأعرف ما حالكم
اقتباس:
سلمك ياحبيبة ... زعما انا لا عطيت هدية ولا شي يكفيه هدية العمر ( انا ) خخخخخ اقتباس:
ههههههههههه مبروك ياحنة كل يوم راه نتعلمو ... حتى انا مازال لي بعض الاشياء بنتعلمها |
رد: حبيباتى سيدات ليبيا تفضلو لأعرف ما حالكم
جنودة حبيبة ينعاد عليك يارب وانت ام السنة الجاية
|
| الساعة الآن 12:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .