|
رد: تجمع امهات التوام حياكم
شلونكم أمهات دبل
وحشتوني.. هالأيام انغفصت مع بناتي انا وهم صايدنا اسهال كرمكم الله بسبب جرثومة بالجو وهلكوني من التبديل الحين الحمد لله أحسن المهم حبيتكم تزورون الفلكر مالي وتشوفون جايبة بضاعة أجرب حظي في البيع أبي رايكم وتشجعوني وتنشرونها إذا ما عليكم أمر وممكن تراسلوني إذا حبيتوا تشتروا من عندي.. أوصل لخارج البحرين Flickr: Naroona's Photostream |
رد: تجمع امهات التوام حياكم
مساء الخير شلونكم ياامهات التوام السهرانات والتعبانات الله يعييينا
احلى غرام اي الحمدلله السفرة اييت بوقتها نفسيتي كانت واصلة حدها من الضغط والتعب النفسي وبنتي فطمتها ومن سافرت لعوزتهم لاهلي بالبجي والحين من رديت ردت تبي ترضع تعبتنننني معاها ومو عارفة شسويلها توقعت بسفري تكون نست خلاص بس ردينا على نفس الموال خايفة باجر اولد وتشوف البيبي يرضع مني وتزهقني عيشتي بالغيرة والدلع .. حاسة روحي حييييييل مضغوطة واليهال يوم عن يوم تعبهم يزيد غير الحمل متعبني هالفترة بدى الثقل وصرت اتعب بسرعة مو مصدقة متى اخلص شهوري واولد احلى توينز الله يبارك فيج حبيبتي والله يتمملي باقي الشهور ويخلصني على خير نارا سلامة بناتج ... رضاك ربي شخبارج وكل الامهات اخاف نسيت احد ترى داخلة على السريع |
رد: تجمع امهات التوام حياكم
امهات ابي اخذ رايكم باسم البيبي
زوجي يبي يسميه عبدالله او وليد وانا ابي ريان او راكان على وزن ليان وجوان شنو رايكم لان خلاص ابي اقرر الاسم وابدي بالتوزيعات وشغل المستشفى ابي على الشهر السابع كل شي مخلص ومااحاتي شي بعد لان من الحين احس تعب الحمل والثقل بدى واحاتي شهوري الاخيره .. منتظرة ارائكم |
رد: تجمع امهات التوام حياكم
نونة العسولة بخير ربي يسلمك وييسر امرك
|
رد: تجمع امهات التوام حياكم
كيفكم ماميز انتو والحلوين الله يسعدكم يارب ويخليلكم توائمكم اخبار بنوتاتي الحلوين تمام الحمد لله الحين ماشاالله سنه وخمسه شهور والغيره شغاله بدا العض hwaml02وشد الشعر hwaml15hwaml17والله يستر
نونه العسوله الله يعينك ويتمم لك على خير وبلنسبه للفطام احسه شي مو سهل ترا انا من الحين شايله هم الفطام احس كل ماكبرو اتعلقو اكثر وبلنسبه للاسماء انا اشوف ريان مرررره حلو ويتناسب مع اسماء اخواته وكمان معنى الاسم حلو انا يعجبني |
رد: تجمع امهات التوام حياكم
على فكره يامهات ياحلوين انا اشتغل في شركة مستحضرات تجميل اورفليم الي يبغى اي حاجه منها يتواصل معاي على الخاص اوحتى لو تبغو تكونو مندوبات فيها
|
رد: تجمع امهات التوام حياكم
السلام عليكم ورحمة الله وبركاته
كيفكم خواتي عساكم بخيرانتم وتونزاتكم<<رسميه انا الحمدلله من فضله وكرمه وتيسيره ولدت قبل شهر ونص وكنت متابعه مع الاخوات في قسم حوامل التوائم والحين ترقيت وصرت من الامهات رزقني الله بولد وبنت الله يحفظهم ويبارك لي فيهم وفاخوانهم ياكريم نونه انا كمان اشوف ريان حلو صح انا مااحب الاسماء ع وزن واحد بس لان اسم ريان افضل الموجود والله يقومك بالسلامه يارب بدينا الصدق عاد خواتي بسالكم اللي عندها خلفيه عن الفيتامينات انا بصراحه ماعندي خلفيه ولاقد استخدمتها رحت طهرت ولدي الحمدلله وصرفتلي الدكتوره فيتامين استخدمه اسمه شراب البرتقال وزيت سمك القد وانا عاجبتني الفكره فقلت مدري عادي استمر عليه واعطيه لاخته وباقي اخوانه باستمرار بدون وصفه طبيه لان هي كتبته لي بدون اي تفصيل اذا حد جربه يفيدني |
رد: تجمع امهات التوام حياكم
احلى ايام العمر ماعندي فكرة عن موضوعك ممكن افيدك فيها انا بروحي تأخرت بفيتامين د للبنات وكل يوم اخذهم بالشمس نص ساعة الله يعدي فترة هالغبار على خير وارجع اطلعهم بالشمس
بنات متى استخدم المشاية لبناتي باي شهر المفروض الطفل يتجلس فيها |
رد: تجمع امهات التوام حياكم
رضاك اهلين قلبو كيفك وكيف البنات ايوه حبيبتي حتى انا ماكنت استخدم لهم ولالاخوانهم اي فيتامين بس مدامك تعرضيهم للشمس احسن شي تسوينه والمشايه انا ابدا فيها من عمر سته شهور بس البيبي مايحترف المشي فيها الا ع الثمانيه او بعضهم سبعه شهور بس جيبيها انتي لهم يبداون يتعودون على الجلسه فيها حبه حبه عقبال ماتشوفيهم يمشون يارب
|
رد: تجمع امهات التوام حياكم
احلى ايام العمر تسلمي ياعسل على الرد ان شاء الله بجلسهم فيها كل يوم نص ساعة حتى يتعودوا وبالثامن بجلسهم يتمشوا فيها ويعملوا سيران على قولة اخواتنا السوريات الله يفرج همهم وينصرهم ويوحد كلمتهم
|
| الساعة الآن 03:57 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .