منتديات حوامل النسائية - دردشة حوامل مصر - دردشة بنات مصر

هههههههههههههههههه
ماشى ... بسم الله والصلاة والسلام على رسول الله وعلى آله وصحبه اجمعين ... انا يا ستى عرفت جوزى عن طريق واحدة صحبتى واحنا انتيم وكنا على مكتب واحد فى الشغل ...هى كانت مرشحاه ليا من سنتين قبل جوازنا وانا مكنتش شوفته ...المهم محصلش نصيب فى كل مرة الموضوع كان يتفتح كان بيتقفل .. وهو خطب مرتين وانا اتخطبت قبل جوازى منه ب 6 شهور وسبته قبل معرف جوزى بشهر ... المهم لما اخواته عرفه من صحبتى ان فى مشاكل مع خطيبى وانى مش مرتاحة وبفكر اسيبه قالولها طيب لو سابته قوللنا لانهم هما اللى كانوا كل مرة بيعطلوا الموضوع وكانوا عاوزين يجوزه عن طريقهم يعنى علشان كدا شافوا انه خطب مرتين عن طريقهم ومرتاحش .. لما عرفوا انى هسيب خطيبى كلموها عنى .. وروحت واتكلمت معاهم وانا كنت شوفت جوزى مرة واحدة بس عند صحبتى لانى كنت بروحلها كتير واخواته يعرفونى برضه ... روحت واتكلمت معاه على النت وشافنى وشوفته واتكلمنا فى شهر 10 وحصل بنا الحمدلله قبول وراحة انا حستها سبحان الله من اول ما كلمته وشفته وسبحان الله القبول من عند ربنا لان اول ما شفته كنت حاسة انى عرفته قبل وشوفته لكن فين وامتى مش عارفة خالص لكن علشان ربنا رايد بس يبقى فيه نصيب ... المهم فضلنا نتكلم واتعودنا على بعض اوى الفترة اللى اتكلمناها ولاقيت فيه حاجات كنت عاوزاها وافتقدتها فى خطيبى اللى قبله وهو بره كذلك فا قلت سبحان الله كل شىء بمعاد ويمكن يكون ربنا مكانش رايد اننا نرتبط اول ما الموضوع يتفتح علشان كل واحد فينا يعرف قيمة التانى كويس بعد ما جرب قبله ناس مرتاحش معاهم .. بس عرفنا بعض شهر 10 وكان المفروض اتفقنا ان اخواته هييجوا يتقدموا على ما هو ينزل شهر 4 علشان اجازته ونتجوز فى مصر ويبقى يبعتلى ... كله اتغير .. لما اتكلمنا اكتر هو قرر ينزل اسبوع فى شهر 12 ويكتب الكتاب ونتخطب وهو يكون جنبى وكانت احلى طبعا كتيييييييير ... وعاوزة اقولك كان احلى اسبووووووووع .. لسه بقوله لحد دلوقتى ده احلى اسبوع عشته معاك ... انتى عارفة بقى بعد الجواز بيتغيروا ههههههههههههههه ... المهم هو سافر وبعتله ورقى جهزلى الفيزا وبعتلى علشان اروحله وسافرت عروسة ... وطبعا عملت مجهوود كبييييييييييير علشان اقنع املى واخواتى بده وكمان بنات عماتى لان انتى عارفة لما يكون فى بنات كله بيكون معترض بقى وبلاش وليه وازاى تمشى كده والكلام ده ... بس انا كنت مقتنعة وهو قالى لما تيجى هنروح نعمل عمرة ان شاء الله بس للاسف ربنا مكتبهاش لسه لينا لاننا اتأخرنا على ما طلعنا الاقامة بتاعتى فا كانت اجازته خلصت ومكانش ينفع ياخد اجازة تانى ... واول يوم جيت فيه الكويت مش قادرة اوصفلك بقى كنت عاملة ازاى ... طبعا اول مرة اسافر لوحدى ومش مسافرة جوه مصر وهبعد عن اهلى واصحابى وكان احساس صعب بس انا من كتر التعب اللى كنت فيه لانى كنت مطبقه قبلها طبعا مفيش نوم مكنتش حاسة باى شىء بيحصل حواليا ..ههههههههههههه ... وقالى تحبى نروح نتعشى وكان هو واصحباه ومراتتهم وكده يعنى ... روحنا اتصورنا وقلتله عاوزة اروح انااااااااااااااااااااااااااام ههههههههههههههههههههههه .... والفستان كان قارفنى والجزمة كانت ودعانى والطرحة كانت وجعالى دماغى علشان كانت مربوطة اوىىىى .... واللى زاد وغطى انى روحت لاقيت اللية حمراااااااا .... وفضلنا اسبوووووووع بقى ... وبعدها اسبوع كمان على ما ههههههههههه .... فاهمة طبعا .... بس والحمدلله ... بس بامانة هو الحمدلله محسسنيش خالص فى الاول انى فى غربة ... اهم حاجة يبقى جوزك محتويكى بذات فى ظروف زى دى .... مسحسسنيش بصراحة خالص انى لوحدى ومن غير اهلى .. عشنا حياتنا بقى ما الراية الحمرا موفوعة بقينا ننزل كل يوم ويخرجنى وكده ... لحد ما الاجازة خلصت وابتدى بقى الروتين والزهق ... وتوته توته خلصت الحدوتة ... يارب متكون ملتوتة .... والسلام عليكم ورحمة الله وبركاته
ههههههههههههههههههههههه .. اشكركم لاستماعكم