|
رد: دردشة بنات فلسطين , دردشة حوامل فلسطين , تجمع بنات فلسطين
يلا دوري احكيلكم عي حالي ..
اليوم رحت مراجعة عند الدكتورة والحمد لله حكتلي كل شي تمام والبيبي وضعو كتير منيح وصحتو وحجمو مناح .. واهم اشي انو المشيمة ارتفعت ورجعت لوضعها الطبيعي الحمد لله رب العالمين .. بس كانت نسبة دمي نازلة معي اني باخد حديد .. بالفحص كانت نتيجتي 10.4 الدكتورة ما عجبها لوضع وغيرتلي حبوب الحديد .. ووصفتلي نوع تاني وكمان كتبتلي حبوب اوميغا 3 وحكتلي اضل مستمرة عليها لحد الولادة بدي اسال البنات الي بياخدو حبوب الحديد .. انتوا بتاخدوها مباشرة بعد الاكل ولا لازم بعد الاكل بساعة ؟؟؟ وبعد الدكتورة لفيت بالسوق شريت كتير اشياء واهم اشي انو شريت بجامة للحمل .. بصراحة كل بجاماتي صاروا يضغطوا على بطني ورجعت من السوق تعبانة ومهدود حيلي .. والعصر اجت امي على حماتي وما قدرت ادخل اليوم الا هلأ .. |
رد: دردشة بنات فلسطين , دردشة حوامل فلسطين , تجمع بنات فلسطين
حبيبتي دودو .. تشتاقلك الجنة يا رب
انا بخير وولادي مناح .. نشكر الله نيمتهم من شوي .. وجيت على طول على هون |
رد: دردشة بنات فلسطين , دردشة حوامل فلسطين , تجمع بنات فلسطين
حلا كيفك؟؟ وكيف الحلوين ؟؟ بوساتى الهم
اخر موعد فى اخر 8 يعنى بعد العيد ... دودو منوره حبيبتى |
رد: دردشة بنات فلسطين , دردشة حوامل فلسطين , تجمع بنات فلسطين
هلا دموع حبيبتي ..
ربي يتمملك بخير يعني بالزبط بيني وبينك شهر كامل .. انا اخر موعد الي 1 / 8 قبل العيد ب اسبوع خلص انتي اولدي ب 30 / 8 وعشان عيد ميلاد بنتي حلا بهاد التاريخ بتكمل 5 سنين ؛) |
رد: دردشة بنات فلسطين , دردشة حوامل فلسطين , تجمع بنات فلسطين
حلا
الحمدلله اللي اطمنتي وكل الامور بخير واهم شي المشيمة ارتفعت الحمدلله بالنسبة لحبوب الحديد انا باخدها بعد الاكل على طول لو ما كان فيه باكلي اي مصدر كالسيوم اما لو ماكلة مع الاكل لبن او شي باخرها شوي هو بشكل عام حبوب الحديد لازم يكون بينها وبين اي غذاء فيو كالسيوم شي 4 ساعات لانهالكالسيوم بيمنع امتصاص الحديد والاستفادة منه يعني بدك تديري بالك قبل وبعد حبوب الجديد ب 4 ساعات ما تكوني لا ماكلة جبنة ولا شاربة حليب او لبن لانه الكالسيوم بيمنع جسمك انه يمتص الحديد خدي مصادر كالسيوم بالليل او الصبح بكير وخلي الحديد بعد الغدا ، هيك دكتورتي نصحتني |
رد: دردشة بنات فلسطين , دردشة حوامل فلسطين , تجمع بنات فلسطين
ربنا يتمملكم على خير حلا ودموع
انا حاسة حالي بلش عندي العد التنازلي اليوم زوجي خوفني بيقللي بلشنا بالجد وانا قلبي صار يدق وانمغصت الله يستررررررررررر |
رد: دردشة بنات فلسطين , دردشة حوامل فلسطين , تجمع بنات فلسطين
عقبال 120 سنه لــ حلا
كويس انتى ما بتفطرى رمضان كله .. الله يقدرنا على صيامه.. انا بدخل التاسع 5- 8 |
رد: دردشة بنات فلسطين , دردشة حوامل فلسطين , تجمع بنات فلسطين
دودو حبيبتى لاتخافى
ان شاءالله ربنا ييسر الك ولادتك وتفرحى بشوفته يارب حلا الحمد لله انك اطمنتى على وضع البيبي الله يتمم النا على خير |
رد: دردشة بنات فلسطين , دردشة حوامل فلسطين , تجمع بنات فلسطين
حبيبتي يا دودو ..
والله انا هيك بعمل باخد حبوب الحديد بعد الغدا و الكلس بعد العشا .. بس لو كان الغدا فيه مصادر كلس باخد الكلس بعد الغدا والحديد بعد العشا .. بس انا باخد الحديد بالعادة بعد الاكل مباشرة ووبدي اشوف ازا عادي او لازم بعد الاكل بساعة !! الله يتمملك على خير .. الايام بتعدي بسرعة بكرة بتصيري تتزكريها دموع .. الله يسلمك يا رب .. اها ما بفطر رمضان كلو .. يعني متل بفطر متل دورة عادية ربي يتمللك على خير يا رب .. لما تروحي على الدكتورة طمنينا عنك وعن البيبي صحيح نسيت افرحكم معي اليوم سجلنا ماسة بالمدرسة .. كبرت حبيبتي ورح تدخل صف اول |
رد: دردشة بنات فلسطين , دردشة حوامل فلسطين , تجمع بنات فلسطين
دموع
الله يسمع منك يااارب ويسهل علي وعلينا جميعا حلا هو اقضل بعد الاكل مباشرة لانه الحديد حامي عالمعدة بيعمل وجع وحرقة لو ما كانت المعدة مليانة ان شاء الله النوع الجديد بيفرق معك وبيعلى دمك عليه ومبروووك لماسة ماشاء الله الله يحميها ويوفقها وعقبال ما تسجل جامعة يارب ؛) |
| الساعة الآن 05:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .