|
رد: تجمع حوامل سوريا-دردشة ورود سوريا-دردشة الغاليات
اقتباس:
ليان ليليان يمنى يمان ألمى لمار وأنا ناوية ازا جبت بعد نايا بنت بدي سميها ماريا كتير بحبو هالاسم وكل مااتزكرت شوية اسماء حلوة بئلك |
رد: تجمع حوامل سوريا-دردشة ورود سوريا-دردشة الغاليات
سلامتك ام جوجو من التعب وبيقولو تاني ولد أصعب من اول ولد وحاولي اتغزي منيح احيانا نقص شي عنصر بالجسم بيعمل تعب
انا وقت بيكون ناقصني كالسيوم بحس سناني بيكزو وبيجعوني رجليي كتير |
رد: تجمع حوامل سوريا-دردشة ورود سوريا-دردشة الغاليات
الله يسلمك ام مالك ويسلملك ملاك ومالك وأخيرا طلع حدا أكبر مني بالتجمع مو مشان شي بس مشان ياخد مني هالمسؤولية
لان ماكان حدا يعمل شي بلا مشورتي هههههههه منيح اجيتي تاخدي مني هالمسؤولية ومشان قسم الطبخات السورية شاركت فيه بطبخة الملوخية وانا بكتب وصفات لطبخاتي بس على طلب رفقاتي بالتجمع يعني انتو اطلبو وانا بكتب هههههه وموبس بعرف بالطبخ بعرف بغير شغلات تطريز وكنفا وصوف سنارة وسنارتين يلي بدو مني أيا شي أنا بالخدمة |
رد: تجمع حوامل سوريا-دردشة ورود سوريا-دردشة الغاليات
اقتباس:
اممم يسلمو حبيبتي انا عفكرة فكرت بنايا بس بعد تفكير طويل ئلت لئ لانو لاسم بجنن بس اهل حلب بيفخمو لالف ولما ينادو للبنت نايا كتير رح يصير غليظ يعني بشوهو لاسم تشويه كامل لهيك غيرت رئيي بدي احاول الائي اسم مايتحرف معون اسيل حلو بس خايفة ينادولا سمنة اصيلhwaml15ولله اهل حلب مابينحزرلن ههههههههههههه |
رد: تجمع حوامل سوريا-دردشة ورود سوريا-دردشة الغاليات
الفوليه لبسبوسة خانم
بتسلقي لحمة موزات وطبعا بعد ماتئيمي الزفرة بتحطي بصلة صغيرة ورق غار وكم حبة هيل بس ولاااااا تحطي لا قرفة ولا مطيبات تانية بتحطي بالطنجرة شوية زيت وبتجيبي فول اخضر او فول متلج الموجود وبتقلبي الفولات شوي وبتضيفي من ماء سلق اللحمة ولحتى يستوي الفول بتضيفي السلق بيكون مفروم بس لاتفرميه ناعم افرميه وسط وقلبي الفولات والسلقات وضيفي اللحمات والسلق بيستوي بسرعة وآخرشي ضيفي توم مدئوئ وشي غلوتين بعدين ضيفي كزبرة مفرومة كمان شي غلوتين واعصري عليها ليمون وقت الاكل وهي الاكلة كلها حديد بحديد وكتييييييييييير مفيدة الحديد بالسلق والفول ووقت بتعصري عليها الليمون فيتامين سي بتصير كلها فوائد الفول المقلى كتير سهل بتحطي بالطنجرة زيت زيتون وبتضيفي فوقا الفول الاخضر وازا كان الفول صغير اطيب وألز وشوية مي فوق الفولات لحتى يستوو بتحطي توم مدقوق غلوتين وكزبرة مفرومة كمان غلوتين وبس تاكلي حطي شوية خل ولبن فوق صحنك وكلي كتير طيب وكمان بيتاكل معا بصل اخضر الخل واللبن اختياري مو اجباري وكمان لو مقطوف الفول بأوانو بتنقي الفولات الزغار بالأشر تبعون كمان بيطلع الفول المقلى كتير طيب |
رد: تجمع حوامل سوريا-دردشة ورود سوريا-دردشة الغاليات
سيريا ايه اسم اسيل حلو وقت نايا كان زوجي بدو يسميها اسيل بس انا مارضيت في من زمان ماركة مسكة وكمان بالشام في ماركة لانجري ههههههههه
|
رد: تجمع حوامل سوريا-دردشة ورود سوريا-دردشة الغاليات
اقتباس:
لواحد وبن بروح بحالو مابيعرف كنت بدي سمي شام نسوان رفئاتو لزوجي الللي جابو بنت كلون سمو شام ولي عراسي hwaml12hwaml12 |
رد: تجمع حوامل سوريا-دردشة ورود سوريا-دردشة الغاليات
ما شاء الله حولك يا ام ملاك والله انا بنت وحدة وحتصير اربع سنين ورح جن
وهلاء حامل ان شاء الله اليوم بدخل الشهر السابع ومعي ولد واكلة هم اولد لحالي الله ييسر |
رد: تجمع حوامل سوريا-دردشة ورود سوريا-دردشة الغاليات
اقتباس:
|
رد: تجمع حوامل سوريا-دردشة ورود سوريا-دردشة الغاليات
ياترى في حدا من الكروشات مقيم بتبوك hwaml7
|
رد: تجمع حوامل سوريا-دردشة ورود سوريا-دردشة الغاليات
zoiz كيفك ما بعرف اذا انتي جديدة ولا لاءبس الله يهون عليكي حبيبتي انا ولادتي الاولى كمان كانت قيصرية
بس هلاء الله واعلم لسه ما بعرف عرفينا عن حالك من وين انتي من سوريا انا من ريف دمشق ومقيمة بالرياض من 5 سنوات |
رد: تجمع حوامل سوريا-دردشة ورود سوريا-دردشة الغاليات
لك شتئئئئئئئئئئئئئئئئئئئئئتلكن بكل بكل لحظة والله انا رجعت رح شوف شو فاتني ردود وبجي بكركر ع راحتي نشالله ما تكونو نسيتوني هععههه |
رد: تجمع حوامل سوريا-دردشة ورود سوريا-دردشة الغاليات
باااك أخباري : وأخيرا صرت بالتالت ههههه وبطني صار مبين كوني حامل بتوينز ... التوينز أمورهن تمام ومن فترة قريبة كانت زيارتي للدكتورة ... ونشالله كمان شهر يمكن اعرف جنسهن ... هنوووودة صار شيخ الشباب... واخيرا صار يؤل ماااام يعني ماما ههههههههه وابو مهند زعلان ئال لازم يؤل بابا اول ههههه ولذلك رافض يعترف انو مام يعني ماما ههههه وهلا بلش يسنن ووجع امعاء ... اليوم طابخة محشي بطاطا ورز ... كتير بحبا لهالاكلة ... أم ملاك : الحمد لله ع سلامتك يا حلوة ... كيف الكتاكيت ملوك وملوكة .. مشالله هلا عرفت انك حامل ... انا وياكي ولدنا بوئت قريب من بعض وحملنا مع بعض مع احلانا ههههههه نايوتا : كيفك يا ئلبي وكيفا نايا.. مشالله عليها ... برافو اوقات نومها كتير حلوة انا هلا عم عود هنودة ينام بهالوقت ... بسبوسة : حبيبتي كيفك .. مشتائتلك كتير .. كيف الحمل معاكي طمنيني عنك سيريا : حبيبتي كيفك وكيف حملك انا رح اقترح عليكي اسماء بحبا كتير : سيرين - حلا - لمار -ستيلا الله يبعتلك اللي فيه الخير يا رب ويرزقك ذرية صالحة يا رب أم جوجو : كيفك يا حلوة وكيفا جوجو الامورة والبوبو .. طمنيني عنك .. سيدرة & زهرة الحب & وردة سورية & وردة حلب & شام الهوى & عبورة & ام عائشة & جوري الشام & سيلا & هدولة & رنومة & بيبي سكر & مع الله & نيهال كيفكن حبيباتي وكيف صيصانكن طمنوني عنكن طولت غيبتكم ... سروءة : كيفك يا ئلبي وكيفا جود القمر .. طمنيني عنك باقي الصبايا لا تزعلو اذا نسيت شي اسم كلكن بصمصووم قلبي يلا بالاذن رح كمل شغل بالبيت هلا دوبا في كهربا باااي |
رد: تجمع حوامل سوريا-دردشة ورود سوريا-دردشة الغاليات
ميووورررررره ه ه ه
اهلا بهالطلة والله اشتئنالك ياقمر كيفو هنودي الحلو بدنا شوية صور الو شو حاسي جنس التوينز وكيف وحامك اكيد أريتي اخباري مافي شي جديد حماتي آعدي عألبي الله وكيلك اشتئت اني اسهر مع زوجي لحالنا ونتسلا مابناموا أهلو لبعد مانحنا ننام وحماتي بتصحا أبل الشحادة وبنتها وخاصة انا هون لحالي لابطلع ولابفوت ماعندي رفقات ولما بالسهرة بطلع انا وزوجي مشان يدربني عسواقة السيارة بتجن وبتفلفل وشو بتأول اني عم اطلع اتمشور ومابخدا معي الله ياخدا ادعيلي تروح من عندي انا اليوم طابخة شيخ المحشي قسم منو بلبن وقسم بدبس البندورة ورز بشعيرية بوساتي لهنودة ولام هنودي مممووواااا |
رد: تجمع حوامل سوريا-دردشة ورود سوريا-دردشة الغاليات
نايوتا حبيبتي
يسلموووووووا كتير ياروحي عالوصفات يميي مااشهاهن واول مرة بعرف انو هيك بينطبخو شو اخبارك اليوم واخبار الامورة نايا انا دائما بدخل لما بتكونوا نايمين وبحس اني عم دردش مع حالي هههههه حاسي بملل كتير ماعم بقدر تابع شي بالتلفزيون بتم عمي حاطط عالاخبار من لما بيصحى لينام ولووو شي بوجع الراس كابسين عنفسي متل الصخرة وانا متوترة كتير عأهلي ومشتائتلن وبدي ارتاح واتسلى مع زوجي ماعم يتركونا حاسي حالي بمعتقل كل احاسيسي معدومي كل مرة بئول مابئى رح وجعلكن راسكن واشكيلكن بس مالي غيركن فضفضلو سامحوني |
رد: تجمع حوامل سوريا-دردشة ورود سوريا-دردشة الغاليات
ام مالك
نورتي ياألبي اشتئنالك ياقمر الف الف مبروك الحمل الله يتمملك عخير وتئومي بالسلامة انشاءالله شو اخبار الحلوين ملك ومالك بدونا صور لمالك الله يخليلك اياه شو اخبارن اهلك بحلب انشاالله منطقتن آمنة وأديش الك مانزلتي عسوريا آآخ انا ناطف ألبي عاهلي وعسوريا والظاهر لسا هالوضع مطول الله يفرجها يارب شو عم تطبخي أكلات حلبية؟ نورينا أبوس روح حلب شو مشتائتلها ادعيلي حماتي تروح من عندي لان همي مكفيني ومو ناقصني كمان هم بيت حمايي وأعدتهن عألبي بدي انبسط شوي أبل مايصير عندي ولد وتنحجز حريتي انا حبيبتي بالشهر السادس ومعي انشاءالله صبي وتاريخ ولادتي بإذن الله ٣٠ نيسان وانشاءالله رح نسميه علي |
رد: تجمع حوامل سوريا-دردشة ورود سوريا-دردشة الغاليات
هلا ميورة لك كيفك وشك ولا ضو القمر شايفة عالرجال شايفة الوحدة بتتعب وبتحمل وبتتعذب وبتلد وتربي
واخر الشي بيستكترو عليها كلمة ماما اخبار البيبي تمام وصرلي فترة عم حس بحركتو متل النبض بس من شوي لو تعرفو شو صار فيني كنت طالعة بلاصانصيل وزوجي جاي وراي عئد مو انا زكية وائفة عم بستنا عباب لاصانصيل مشان مايسكر ولا تسكر عبطني ااااااااااااااااااااااااااايhwaml9 |
رد: تجمع حوامل سوريا-دردشة ورود سوريا-دردشة الغاليات
بسبووووسة : حبيتي معلش نشالله بتتيسر الفيز وبيسافرو .. انا حماتي هلا مطالعة عيني بكلمة ( شو ارنبة بتضل بتولد ههههههههههههه ) معلش حبيبتي بدنا نتحمل ... بس شوية طولة بال .. صحتين وهنا ع شيخ المحشي انا بعشقو وخصوصا اللي بلبن ... سيريا : سلاااامة بطونك يا سيريا ... نشالله مافي شي بس انتي لا تتوسوسي واذا حسيتي بوجع او شفتي دم شوفي دكتورتك فورا ... ونشالله البوبو مافيه شي .... كيفكن باقي الصبايا ... ومشان صور هنودة هي لعيون بسبوسة :) http://forum.hwaml.com/imgcache2/hwa...581250_699.jpg مللللللللللللحبااااااااا ياااااا خالاتي الحلوات ثتئتلكن كتييييييييييييييير كتييييييييييييير ثو رايكن صاير شب كبير وبوثخ تيابي لما مام بتطعميني هههه مواااااااااااااااااااااااااه للكل .. بااااي |
رد: تجمع حوامل سوريا-دردشة ورود سوريا-دردشة الغاليات
مرحبا يا صبايا
انا صافو من لبنان مممم ما لقيت دردشة خاصة لاهل لبنان وما بعتقد في حدا من لبنان بالمنتدى بعدني ما اتعرفت ع وحدة لبنانية هون فقلت اقرب شئ سوريا الغالية هههه ممكن تقبلوني بينكن حبيباتي |
رد: تجمع حوامل سوريا-دردشة ورود سوريا-دردشة الغاليات
|
رد: تجمع حوامل سوريا-دردشة ورود سوريا-دردشة الغاليات
شو هالحلا ياهنودة الله يحميك بتعرفو عنجد شعور الامومة حلو وخاصة لما يتحرك البيبي شي لايوصف عنجد لو كنت بعرف من ابل هالشعور كيف الام بتتعذب وبتنحرم من اشياء كتيرة بتحبا مشان ابنا وبينتزع ستايلا ومع ذالك بضل تحبو وتعد الايام والشهور بالدئايئ عبين مايجي البيبي عنجد ماكنت زعلت امي ولا لحظة لكنت حطيت مشايتا_الله يعزكون_ عراسي عنجد هلئ عرفت ليش الجنة برضا لام |
رد: تجمع حوامل سوريا-دردشة ورود سوريا-دردشة الغاليات
اقتباس:
هلا صافو بتنوري بعدين مافي فرق بين سوريا ولبنان عرفينا عنك اكتر |
رد: تجمع حوامل سوريا-دردشة ورود سوريا-دردشة الغاليات
اقتباس:
وفشي قلبك ولا يهمك المهم ترتاحي |
رد: تجمع حوامل سوريا-دردشة ورود سوريا-دردشة الغاليات
اقتباس:
خبرينا شو عم اتطعمي لهل الضرسان حليان ماشالله وصاير بياخد العقل |
رد: تجمع حوامل سوريا-دردشة ورود سوريا-دردشة الغاليات
اقتباس:
|
رد: تجمع حوامل سوريا-دردشة ورود سوريا-دردشة الغاليات
مساالخير بنات كيفكون جميعا
حاسة حالي بيناتكون نشاز كلكون حوامل واصلا التجمع للحوامل شو نططني بيناتكون ههههههههه اليوم نينو رجعت فائت بكير من الستة والله وقت شفتا صحيانة وبدها تلعب مدري شوصرلي رح ابكي لسا مااتهنيت بهل كم يوم يلي صارت تنام للعشرة .... وحاسة رح يطلعلها السن التاني يلي تحت جنب الاولاني... ومالي عرفانة بدي اسألكون اصحاب الخبرة التطعيم للتسع الشهور شو اعراضو بيعمل سخونة شي بدي اتهيأ نفسيا لان ههههههههه هية لسا ماصرلها ست ايام داخلة بالشهر التاسع |
رد: تجمع حوامل سوريا-دردشة ورود سوريا-دردشة الغاليات
شاركونا في مسابقاتنا الرائعه |
رد: تجمع حوامل سوريا-دردشة ورود سوريا-دردشة الغاليات
اهلا وسهلا فيكي صافو نورتينا وحبيبتي سوريا ولبنان بلد واحد ونحنا اهل عرفينا عن حالك اكتر حبيبتي ودخلي دائما عالتجمع مشان ندردش انا من ادلب عمري 25 ساكنة بامريكا وحامل بالشهر السادس واي اسئلة تانية انا جاهزة لعيونك*
|
رد: تجمع حوامل سوريا-دردشة ورود سوريا-دردشة الغاليات
ياالله ياميورة شو هالهنودة ماشاالله بياخد ضبنات العقل الله يخليه يارب كيف مانك عم تاكلي ههههههه وشو هالاحمر طالع فيه متل القشطة ياعيني وخلي يوسخ تيابو بيطلعلو ياستي بكرى خطيباتو بيتآتلو عتنضيف تيابو ههههههه شو عاملي اليوم وكيف الجو عندكن صحيح نزل تلج بحمص؟
|
رد: تجمع حوامل سوريا-دردشة ورود سوريا-دردشة الغاليات
سسلامات نايوتا ماشاالله نايوتا عم تكبر الله يخليلك ياها يارب ويحفظها والله متل مابتعرفي انا ماعندي خبرة مارح اقدر فيدك بشي عم يطلع كلامي مخبوص ببعضو لاني داخلة من الآي فون اللاب توب بالصالون وانا بغرفة النوم زوجي اليوم عندو شغل وانا صليت الصبح ولهلئ مانمت لاني بنام بعد زوجي مايروح عشغلو بس هلئ ألت بتكونو كلكن متواجدين انا اليوم بيت ابن حمايي جايين لعنا ورح اعملن عالعشا رز ومرقة بازلا وحماتي شو بدها اياني اعملن كبة تخيلي بتسدئي كل مابدن يجو لعندي الي مشكلة معها مشان الطبخ من كام يوم عملت كبة سفرجلية وكبة مقلية بناءً عطلب زوجي وطلعت كتير طيبة وبصراحة اتعزبت بعملانها لان وأفت كتير بالمطبخ وصار ضهري يوجعني آمت شو آلت بس اجو بيت اخوك عمليلن كبة لان اخوك بحبها ومرتو مابتعملا طيبة انا جنيت يعني انا بعمل لزوجي يللي بحبو شو خصني اعمل لاخو الاكل يللي بحبو؟ وهنن قبيلة يعني هو مع بيت حماه سبعة ونحنا اربعة صرنا 11 وكلن اكيلي بهلك ازا بدي اعملن كبة وانا حامل ونحنا منروح لعندن بتكون سلفتي عاملة ابسط الاكلات مع انو امها معها وعندا بنات تنتين صبايا وحماتي دائما بتقلها لما بدنا نروح لعندن لاتعزبي حالك بالطبخ عملي مجدرة برغل ببندورة نحنا مو غرب ولما بدن يجو لعندي بتم يومين بتفكر وبتسالني شو بدك تطبخيلن شي بتقلي محشي شي كبة شي شيخ المحشي وشو ماألتلا بدي اعمل بتأول ييي عيب هيك تعمليلن وانا بنزعج انو عاملتني خدامة الهن وسلفتي بدور عراحتها دوارة مبارح اتصل ابن حمايي آلتلو شو مشتهيين مشان نعملكن عالعشا وهي الله وكيلك مابتعترف عشي غير عالاكل وكلو برئبتي وهلأ حاسبي حسابي تصير مشكلة بيناتنا لان مابتعرف اني ناوية اعمل بازلا بس انا مارح اسكتلها
وبيت ابن حمايي كل اسبوع بيجو لعندي مو معئول كل مابدن يجو بدي اطبخ طبخة بتعزب وانا عدة مرات عامتلت كبب بانواعها ومحاشي وششبرك وسمبوسة ويي شو بدي عدلك لعدلك وهي يللي تخلين اعملن بس شايفتا اخدت هالشغلة عادة مشان هيك رح اقطع الطريق عليها من هلأ بقى ياستي شو رايك؟ |
رد: تجمع حوامل سوريا-دردشة ورود سوريا-دردشة الغاليات
اقتباس:
بس غريبة ولادتك الاولى ليش قيصرية انا اجاني طلق بالولادة الاولى وحطولي تحريض فوقوا وطقوا ميت الراس وكل هاد مامشي الحال عندي تضيق وبعد ما ولدت قالولي كل ولادتك قيصرية وبيني وبينك من كتر ما اتعذبت بالولادة الولى وجع من تحت ومن العملية اتعقدت نفسيا وبقول يا محلى القيصرية والله هكلانة هم بنتي وين اتركها 4 ايام انا وبالمشفى وهكلانة هم مين بدو يحوص فيني بعد الولادة يلعن ابو الغربة بهيك ظروف ما اصعبها |
رد: تجمع حوامل سوريا-دردشة ورود سوريا-دردشة الغاليات
اقتباس:
|
رد: تجمع حوامل سوريا-دردشة ورود سوريا-دردشة الغاليات
بنات مساعدة من اصحاب الخبرة او دعاء بالشفاء
انا باول الشهر الخامس اجتني حساسية رهيبة مو متل ايي حساسية تانية صحيت لقيت حالي كتير رجليي و ركبي كتير وايديي متنفخين لدرجة انو ما اقدر افتح الباب بايدي وحكة ولطش حمرة ملت رجلتيني ومن كتر مايحكوني ينزل الدم من الحك رحت عند دكتورتي قالتلي لازمك جلدية رحنا جلدية وصفتلي ابرة كرتزون وابرة حساسية والحمد لله كلو راح واختفى بس المشكلة اليوم التالت رجع ظهر من جديد بكل وشي يعني انتفخ وشي متل البالون رجعت لعند الدكتورة عملت تحليل زلال ودم ماطلع شي كلو سليم قالت حناخد اسبوع الكرتزون حب وبعدين منوقف المشكلة اني اتحسن لما اخد الحب ولما وقفوا ولو يوم يرجع وصرلي شهر على هالموال وانتو عارفين خطورة الكرتزون على الحامل وشافتني اكتر من دكتورة وكلهم محتارين معي ولا عارفين سبب الحساسية في حد اخد لفترة طويلة كرتزون هو وحامل ساعدوني |
رد: تجمع حوامل سوريا-دردشة ورود سوريا-دردشة الغاليات
اقتباس:
|
رد: تجمع حوامل سوريا-دردشة ورود سوريا-دردشة الغاليات
اقتباس:
شوفيها بأيا لغة بتفهم حاكيها فيها بلغة الدين حاكيها بالدين بلغة المنطق والعقل حاكيها فيها بلغة الامر الواقع روحي اطبخي وبس تخلصي ئليلها وبأعلى مابخيلها تركب هههههههههههه والله هي المخلوقة مافي لاشفئة ولارحمة الله يهدا شو جبارة وهي أكلت مني دعوة ههههههه |
رد: تجمع حوامل سوريا-دردشة ورود سوريا-دردشة الغاليات
كيفكن صبايا
حبيبتي zoiz شايفي على هالمصيبة وهاد ولاشي عم احكيلكن بس رؤوس اقلام منيح انو بيت حماكي بعيدين عنك الله يسعدك يارب و المصيبة الاكبر انن عاساس جايين ست شهور بس مشان الجنسية ببداية هالاحداث بسوريا وصارت الامور تسوء بسوريا ومابقى بيرجعو لحتى تهدا الاوضاع تماما وهاد شي بعيد يعني لازئينى عندي لاجل غير مسمى وروحة السعودية لغوها الله يصبرني ويعيني حبيبتي مشان الحساسية ماعندي علم كنت مفكرة زلال بس فيكي تكتبي اعراضك بجوجل وتعملي عنها بحث وانشاءالله معافايي حبيبتي والله يقومك بالسلامة انتي والبيبي يارب انا رح اعملك بحث هلأ وشوف او نزلي الموضوع بقسم مشاكل الحمد انشاالله كلو خير وسليم باي شهر انتي؟وشو جنس البيبي؟ |
رد: تجمع حوامل سوريا-دردشة ورود سوريا-دردشة الغاليات
كيفك حبيبتي نايوتا
صار متل مااتوقعت علئت انا وحماتي لأ شو اول ماصحيت من النوم كنت عم جهز فطور ولاجاييتني بكل عصبية وبتئول كيف بتنامي لهلئ وجايين بيت محمد ألتلها وازا جايين آلت مابدك تعمليلن عشا ألتلا بدي اعمل رز ومرئة بازلا آلت يي موعيب عليكي هاتي بدنا نعملن كبة ألتلا مو مجهزي حالي للكبة وجن جنونها ومابقى تسكت وكان جوزي بالشغل وانا مارديتلا مشانو بس مابقى تسكت ألتلا انا حامل وضهري عم يوجعني مابقدر اعمل كبة لقبيلة فرم البرغل واللحمة لحالن بدن ساعتين آلتلي وازا حامل اش صاير عليكي وحكت كتير آخر شي ألتلها كبة مارح اعمل وشو مابدك احكي بعدها اجا جوزي وسكتها وئلا مابخلي مرتي تتعزب بالطبخ وهي حامل مشان اخي ومرتو وبيت حماه ياكلو ونحنا منروح لعندن بيعملو ابسط الطبخات وشو اكتر شي زعجني مبارح لما اجو عزمونا نروح اليوم لعندن ولا حماتي بتئول لسلفتي ترى لاتتعزبي بالطبخ كرمالنا عملي مجدرة نحنا مو غربا عن بعض فهمتي وازا اتعزبتي رح ازعل منك hwaml15شفتي فرق المعاملة؟ |
رد: تجمع حوامل سوريا-دردشة ورود سوريا-دردشة الغاليات
اقتباس:
اما عن الحمل انا بشهر اول السادس وان شاء الله ولد بحثتتت كتير عن متل حالتي بالنت مالقيت hwaml4 |
رد: تجمع حوامل سوريا-دردشة ورود سوريا-دردشة الغاليات
اقتباس:
تتعامل الكثير من الحوامل مع الإنتفاخ الذي يظهر على أجسادهن بالكثير من التهاون، اعتقادا منهن أن الأمر يرتبط بتغيرات طبيعية تظهر على أجسادهن بسبب الحمل، غير أن الدكتور عبد الإله الشنفوري الإختصاصي في أمراض النساء والتوليد يؤكد أن الأمر يتعلق بأحد أخطر المشاكل الصحية التي تتعرض لها الحوامل وهو ما يعرف بتسمم الحمل. فيما يلي يتطرق الاختصاصي إلى أعراض هذا المرض، وتداعياته الخطيرة، إضافة إلى سبل الوقاية منه. «يقف العلم عاجزا لحد الساعة عن تحديد الأسباب المباشرة التي تعرض الحوامل للإصابة بتسمم الحمل على الرغم من كثرة الأبحاث التي تنجز في هذا الإطار» يقول الدكتور الشنفوري أثناء حديثه عن الأسباب التي تؤدي إلى الإصابة بهذا المرض المحير الذي دفع جامعة أمريكية إلى تخصيص لافتة فارغة ليكتب عليها إسم صاحب السبق الذي سيحل هذا اللغز المحير. وبانتظار حل اللغر يكتفي الأطباء بوضع مجموعة من الفرضيات التي تساعد على التشخيص المبكر لهذا المرض المفاجئ الذي يصيب الحوامل في الشهور الأخيرة من حملهن، «فهو عادة ما يكون في الشهر السابع أو الثامن أو التاسع على الأكثر. أحيانا يصيب المرأة بدون أي أعراض مسبقة في ظرف أربع وعشرين ساعة أو ثمان وأربعين ساعة» يقول الشنفوري. الأكثر عرضة! ترتفع نسبة الإصابة بتسمم الحمل بين صفوف الحوامل اللواتي لم يتعدين العشرين سنة، إضافة للحوامل في سن الأربعين فما فوق، لكن هذا لا يعني أن باقي الفئات العمرية في منأى عن الإصابة بالمرض، حيث تسجل إصابات بين صفوف الحوامل اللواتي تتراوح أعمراهن ما بين العشرين والأربعين سنة. * حذار من الإنتفاخ بالنظر لغياب أسباب محددة لحالة تسمم الحمل، تنصح الحوامل بمراقبة بعض الأعراض التي تدل على المرض وفي مقدمتها، - الضغط الدموي الذي يعد المؤشر الأول للإصابة بتسمم الحمل، وعادة ما يبدأ في الإرتفاع بوتيرة ملحوظة ليتراوح ما بين 14و18 - الإنتفاخ الذي ينطلق من الأطراف السفلى، ثم اليدين حيث تلاحظ المرأة أنها لم تعد قادرة على تحريك أصابعها جيدا. بعدها ينتفخ الوجه، ثم يصبح الإنتفاخ عاما في جميع أطراف الجسم. «في هذه الحالة تلاحظ المرأة كلما ضغطت على جزء من جسدها وجود ما يشبه الماء تحت الجلد، ومرد ذلك إلى كون الإنتفاخ ينتج من خلال عجز الجسم عن التخلص من السوائل الموجودة داخل الجسم، مسببا إحتباس الماء داخل الجسد» يقوم إختصاصي أمراض النساء. * الإنتفاخ قد ينتهي بالعمى ! يتوجب على الحوامل التعامل بحذر مع الأعراض السابق ذكرها، لإن الإهمال يتسبب في تأخير التشخيص مما يعرض الحامل لمخاطر صحية وفي مقدمتها، نزيف دموي دماغي. - نزيف دموي باطني، مثل نزيف الكبد، أو نزيف داخل الرحم، وأعضاء أخرى من الجسم - نزيف دموي داخل العين بسبب الإرتفاع الكبير للضغط الدموي. قد ينتهي الأمر بالعمى بالنسبة لبعض النساء أثناء الحمل، وفي هذه الحالة توجد حوامل تسترجعن نظرهن، وأخريات يصبن بمشاكل دائمة في النظر. - موت الجنين. *راقبي ضغطك مرة في الأسبوع لتجنب الإصابة المفاجئة بتسمم الحمل يجب مراقبة الضغط الدموي أثناء الحمل مرة واحدة على الأقل خلال الأسبوع، ابتداءا من الشهر الرابع. وإذا لاحظت الحامل أن الضغط غير عادي يجب عليها أن تسارع باستشارة مختص من أجل التشخيص السريع لاكتشاف الأعراض الأولى التي تساعد المختص بالتنبؤ بالإصابة. - إجراء تحليل للبول من أجل قياس نسبة الأملاح التي تكشف عن وجود خلل بجسم المرأة. - مراقبة الإنتفاخات التي تظهر بنسبة قليلة، لكنها تزداد مع المدة. تباع نظام غذائي متوازن * إيقاف الحمل عند وجود المؤشرات الدالة على الإصابة بتسمم الحمل، يلجأ الطبيب للكشف السريري، ويقوم بتحاليل بيولوجية ليتوصل إلى المرض ويقوم بوصف بعض الأدوية مع المراقبة عن قرب لتحدد الطريقة المناسبة للعلاج، حيث تستدعي حالة بعض الحوامل التواجد داخل المستشفى من أجل استمرار الحمل. في الحالات الحرجة من الممكن توقيف الحمل في الشهر السابع لحماية حياة الأم والجنين معا، حيث يوضع الطفل داخل الحاضنة الزجاجية، «لأن وجود الجنين في بطن والدته يعد السبب المباشر لتدهور حالتها نتيجة إفرازات هرمونية وبيولوجية عجز العلم عن تحديد سببها لحد الساعة، مما يحدث تنافرا بين جسم الحامل وجنينها… لذا يعود جسم الأم للإستقرار بمجرد إزالة الجنين» يشرح الدكتور الشنفوري. هناك حالات أخرى من الممكن أن يستعين فيها المختص بالأدوية فقط لأكمال الحمل إلى الشهر التاسع، وقد ينجح الأمر بنسبة 70 في المائة في حال كان التشخيص مبكرا. |
رد: تجمع حوامل سوريا-دردشة ورود سوريا-دردشة الغاليات
كيفكون صبايا شو اخباركن وكيفون البيبيات بسبوسة عنجد الله يعينك حماتك متل حمات اختي اهم شي انو زوجك عرفان امو شو هي انا الحمد لله مرتعمي كتير حبابة وبنات حماي هاديات متل البلسم والله وئت السافرزوجي واجت مرتعمي وبنت حماي لعندي مرتعمي اذا شافتني عم اجلي كاسة تعيط عبنتا مشان تساعدني واذا امت امسح الارض تقوم لتساعدني وكنت دائمن افيئ بعد العصر وهي ماتحكي معي شي الله يخيلا فوء راسي امي ئالتلي لانو انتي طيوبة وصغيرة ومابتخلصي حئك بئيدك الله رئف بحالك وبعتلك ام تانية |
| الساعة الآن 04:51 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .